قصص و روايات - قصص رومانسية :

رواية عشق الصقر للكاتبة شهد طارق الفصل الأول

رواية عشق الصقر للكاتبة شهد طارق جميع الفصول

رواية عشق الصقر للكاتبة شهد طارق الفصل الأول

فى مدينة الإسكندرية عروس البحر المتوسط وخاصة بمنطقة الابراهيمية ...
تستيقظ شهد على صوت منبه هاتفها ...
شهد بصوت نعاس: اوف .. اروح ولا مروحش .. لأ روان قالتلى انها رايحة .. خلاص اروح وخلاص ...
قامت شهد لبست وجهزت وطبعا أعدت على الموبايل ..

عشان تكمل قراية رواية العنيد ال سابتها امبارح بليل ...
(( نسيت اقولكم انا شهد بتعشق قراية الروايات وكمان بتألف ))
تدخل فاتن: يا بنتى سيبى الموبايل دة شوية مش كدة ...
شهد: يووه يا ماما كل يوم الموال دة قولتلك انا بعشق الروايات ..
وبعدين انا اتأخرت يلا سلام...
فاتن: ربنا يهديكى ...

بعد ما نزلت وركبت عشان تروح المدرسة وقبل ما توصل رنت على روان عشان تنزل يروحوا مع بعض ..
ووصلت فضلت مستنية عشر دقائق ...
بعدها جت روان ..
روان: صباح الخير اتأخرت عليكى ..
شهد: لأ يا حبيبتى مش اوى يلا بينا ..
وهما ماشيين ..
شهد: ها قررتى هترسي على ادبى ولا علمى ..
روان: والله لا شهد لسه مش عارفة فعلا ..

شهد: يا بنتى خدى قرار بئا .. بقالنا اسبوعين بنتكلم فى الموضوع دة ..
روان: ما انتى عارفانى فى القرارات..
شهد: هتقوليلى على يدى ..
روان: ههههههههه ...
ووصلوا المدرسة ...
شهد: يلا يا قلبى .. نتقابل فى البريك ماشي ..
روان: ماشي حبيبتى باى ..

فى مكان آخر فى اسكندرية ..
فى قصر كبير ...
يستيقظ بطلنا على المنبه ..
يقوم بعمل تمارين بغرفة الرياضة.. ويستحم ثم يلبس بدلته الرائعة ويفتح اول زرارين من قميصه ف يبان رائع جداا.. ويذهب لشركته.. شركة الصقر

فى شركة الصقر ..
يدخل بهيبته .. والكل يحيه بصمت ..
وينطق فقط: نانسي هاتى الملفات ال قولت عليها .. وقولى لمروان يجيلى ..
نانسي: امرك صقر بيه ..
بعد. شوية ..
نانسي: الملفات يا صقر. بيه ..
يدخل مروان ..
مروان: حبيبى طلبتنى ...
صقر بنظرة حادة: اقعد يا مروان ..
مروان فى سره: ربنا يستر مبحبش النظرة ديه .. اصدى بخاف منها ..

مروان: احم كنت عايزنى فى حاجة ..
صقر: هو انا مش قولت مليون مرة طول ما احنا فى الشركة تقولى صقر بس .. دة اخر تحذير .. بلاش أحذرك بطريقتى ..
مروان: لأ ياعم اسفين .. حاضر يا صقر .. كنت عايزنى فى ايه ..
صقر: انهاردة هقضى اليوم مع جدتى ... اى شغل انهاردة خلصه انت ..
مروان: اه يا عم ناس تقضى اليوم مع زوزو وناس مع الشغل والعملاء ..
صقر: زوزو مين يلا ..
مروان: زوزو تيتة ..
صقر: امشي يا مروان من قدامى حالا ..
مروان: انا اصلا كنت ماشي .. خلاص أهدى بهزر ..

فى مدرسة الرمل ..
شهد: عندنا ايه دلوقتى يا بيبة ..
حبيبة: انجليزى ..
شهد: اوف ميس منى.. ال شبه أبلة ميرڤت ديه ..
حبيبة: اه يا ختى . انا بفكر ازوغ ..
شهد: وانا ..
ودخلت ميس منى ..
شهد: ياربى ملحقناش ...
حبيبة: خلاص بئا نستحمل ...
ش: اهئ اهئ .. والله حرام ..
حبيبة: صراحة عندك حق ..
وخلصت الحصة وجه البريك... وطلعت شهد لروان فصلها ...

شهد وهى بتحضن علياء .. صحابتها من السنة الفاتت ..
شهد: لولو حبيبتى وحشتينى ..
علياء: وانتى اكتر يا قلبى ..
شهد: بت هنلبس ايه فى خطوبة سالى ..
روان: ونبى يا ختى ما عارفة ..
شهد وهى تنظر لعلياء: نفسي استفاد منها فى حاجة ..
كل ما اقولها على حاجة مش عارفة .. مش عارفة .. هتشل ..
روان: ما قولتلك انا فى اتخاذ القرارات معنديش يا اما ارحمينى ..
شهد: والله عارفة ...
واعدوا يتكلموا وياكلوا .. وخلص البريك ..
شهد: روان هستناكى عند البوابة ..
روان: خلاص تمام .. باى ..

خلص اليوم ..
وخارجين من المدرسة ...
شهد: ها هنروح سرايا ماركت ..
روان: طبعا يلا ..
راحوا اشتروا شوية حاجات وطلعوا ..

فى جهة أخرى ..
صقر: خلاص يا زوزو ووالله انا نازل من العربية اهو وداخل الشارع ...

فى. نفس الوقت روان وشهد ماشيين ..
تتخبط شهد فى صقر: مش تفتح يا اعمى انت ..
صقر: اعمى مين يا بت انتى ..
شهد: هو فى غيرك ..
صقر: اعتذرى حالا ..
وهى بتضحك بسخرية وبتنظر ل روان: هههه اعتذر دة عايزنى انا أعتذر .. امشي يلا بابا العب بعيد..
ومشيوا ..
صقر: طب وحيات امى لاوريكى ازاى تغلطى فى الصقر ..
واتصل بحراسته: البنت الماشية ديه تنسوا وراها وتجيبولى كل حاجة عنها انهاردة بليل مفهوم ..

صقر: هه عشان تعرفى تغلطى فى الصقر ..

 

فى بيت شهد ..
شهد: مش ممكن ايه الحر دة..
فاتن: معلش يا شهد ... احضرلك الغدا ..
شهد: اه بسرعة يا ماما لأنى عايزة انام ..
بعد اتغدت .. مسكت طبعا الموبايل تكمل تأليف أو قراية رواية .. وبعدها نامت ...

فى بيت جدة صقر ..
زينب: وحشتينى يا صقر اوى .. كدة تغيب عليا ..
صقر: معلش يا تيتة عارف انى مقصر معاكى .. بس الشغل كله فوق دماغى ..
زينب: الله يعينك يا حبيبى .. ويرزقك ببنت الحلال يارب ..
صقر بسخرية داخله: ههه بنت الحلال.. اه انشاء الله ..

بعد ما صحيت شهد ..
اتصلت باباها على التليفون ..
شهد: بابا حبيبى وحشتنى ..
طارق: انتى اكتر يا روح بابا .. عامل ايه يا حبيبى ..
شهد: تمام الحمد لله ...
طارق: ايه اخبار المدرسة ..
شهد: ليه يا بابا السيرة ديه .. على العموم كويسة ..
طارق: ماشي يا حبيب بابا عايزة حاجة ..
شهد: لأ يا بابا ربنا يخليك .. باى ..
طارق: باى ..

فى المساء فى قصر الصقر ...
صقر: ها جبتلى قرارها ..
جاسم: ايوة يا صقر باشا اتفضل الملف دة فيه كل حاجة ..
صقر: ماشي روح انت يا جاسم ..
فتح الملف وقراها بعمق ..
صقر: اما ورتيك ازاى تغلطى فى الصقر ما بقاش انا ..

بيجى تانى يوم ...
وشهد بتنزل تعمل نفس روتين كل يوم وتتقابل هى وروان ..
وفى البريك ..
روان حاسة أن شهد سرحانةو زعلانة ..
روان: شهد .. شهد ..
شهد: نعم يا روان ..
روان: مالك يا بنتى من الصبح وانا حاسة انك مضايقة .. وسرحانة كل شوية ..
شهد: مش عارفة يا روان من الصبح وانا قلبى واجعنى ومضايقة مش عارفة ليه ..
روان: معقول .. معلش حبيبتى يمكن ضغط الدروس والمدرسة ..
شهد: يمكن يلا نطلع عشان المدرسين ميزعقوش ..
روان: يلا ...

عند الصقر ..
صقر: مش عايز غلطة واحدة ... تبقى عندى انهاردة متكتفة .. ومرمية فى البدروم ..
مفهوم ...
الرجالة: مفهوم يا باشا ..
الصقر بإبتسامة واسعة: نهايتك قربت يا .. هه .. يا شهد ..

بعد ما شهد وروان خلصوا المدرسة وطالعين مروحين ..
شهد: روان انا نمشي من الناحية التانية عشان اقرب للدرس ..
روان: ماشي حبيبتى .. يلا باى نتقابل بكرة .
شهد: باى يا قلبى ..
وبتمشي شهد حاطة الهاند فرى وسرحانة وبتسمع ..
وفجأة بتيجى عربية من جمبها وبيطلع من رجالة وقبل ما تصوت كانوا حطين ايدهم على بؤها .. ومخدرينها ..
وخدوها فى. العربية ومتجهين لقصر الصقر ...

عند بيت شهد ..
فاتن: غريبة شهد متصلتش بيا بعد المدرسة .. يمكن طلعت على الدرس على طول اكيد... بعد الدرس هتتصل بيا .. بس ليه حاسة بقلق كدة .. ربنا يستر ...

بعد ٥ ساعات ...
فى قصر الصقر ...
شهد بتبدى تفوق .. وتفتكر الحصل بتلاقى نفسها مربوطة جامد ..
وفى شريط اسود على عينيها ...
شهد بخوف وصوت واطى: يلاهوى انا اتخطفت .. لأ لا مش معقول خطف ايه .. انا هموت من الخوف .. مين ال خطفنى.. وعايزين منى ايه ..
طب طب اعمل ايه .. انا افضل ساكتة احسن لغاية ما اشوف .. هعمل ايه .. يارب يارب احمينى .. وانقذنى ..
وبعد ساعة ...
بتسمع صوت الباب بيتفتح .. الخوف بيبقى رعب ..
وبتسمع الصقر: اهلا اهلا يا شهد ... نورتى قصرى ..

شهد بخوف: انت انت مين ..
صقر: انا الصقر ..
شهد: تشرفنا .. ممكن اعرف انت مين وتعرفنى منين اصلا .. واكملت بخوف .. ووو خاطفنى ليه ...
صقر: حيلك حيلك كل ديه اسألة... على العموم هجاوبك .. انا صقر المنياوى .. اعرفك منين .. فاكرة ال قولتيله يا اعمى ومردتيش تعتذرى .. هو انا ..
أما بئا خطفك ليه .. ف عشان اوريكى ال بيغلط فى الصقر بيحصله ايه ..
شهد بصدمة وزهول وخوف: انت مجنون اكيد ومريض نفسي بتخطف بنت عشان قالتلك يا اعمى ..
والله مجنون...
بيقوم صقر وبيسحب حزامه ...
ما انا دلوقتى هوريكى المجنون دة هيعمل ايه ..

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W