قصص و روايات - قصص رائعة :

رواية سهرة منتصف الليل للكاتبة يارا رشدي الفصل السادس

رواية سهرة منتصف الليل للكاتبة يارا رشدي الفصل السادس

رواية سهرة منتصف الليل للكاتبة يارا رشدي الفصل السادس

رفعت عينيها اليه هاتفه:
ارجوك بلاش كده والله ما ينفع ماما مش هتسمحلي اخرج بليل اصلا
قوليلها انك هتشتغلي في مستشفي بليل اعرف واحده كانت مفهمه اهلها انها شغاله في ورديه مستشفي بليل والدنيا كانت ماشيه فل معاها
محت دموعها وهي تقول:.

انت ليه بتعمل كده قولي هتستفاد ايه يعني لما تدمر حياتي بالشكل ده؟! المكان ده في بنات معينه هي إلى بتشتغل الشغلانه دي شوفهم وهاتهم وسيبني اروح لحالي انا محترمه وبنت ناس مش بتاعه الشغل ده ولا مكان ده
ضرب المنضده بقبضه يديه بعنف انتفض جسدها ليقول هو:
اهلا دي هتعمل فيها الخضره الشريفه هو انتو كلكم جامدين كده في التمثيل؟!
حركت راسها بالنفي هاتفه:
انا مش بمثل عليك والله العظيم.

ساعه 12 هستناكي لو مجتيش صورك هتبقي تريند
قالها ثم نهض ورحل تاركآ اياها لحقته وهي تقول:
طب استني بس نتفاهم مع بعض الكلام اخد وعطي
التفت اليها هاتفآ:
رغي النسوان انا مبحبهوش انتي فاهمه كلامي خلص
اكمل خطواته وتركها تفكر في تلك الكارثه التي وقعت بها...

تجلس على المقعد المقابل له في احدي المطاعم ودموعها تغرق وحنتيها بصمت
تنهد بحزن ثم هتف:
كفايه يا ليلي بقالك ساعتين على الحال ده حتى الاكل مكلتهوش
ليه ماما وبابا يموتوا في حادثه وابقي تحت رحمه عمي بشكل ده!
قالتها ببكاء ليقول هو:
خلاص يا لولو كبري دماغك وان كان على مصاريف الزياده إلى انتي عايزها خديها مني يا ستي
حركت راسها بالنفي هاتفه:
لا يا سيف متوصلش لدرجه دي انا مش شحاته.

شحاته ايه بس انا كلها فتره وهاجي اتقدملك وتبقي مراتي ووقتها هصرف عليكي وكل مليم هتاخديه مني
ابتسمت بسخريه ثم قالت ;
امتي بقي هتيجي تتقدملي؟! مبسمعش منك غير كلام هاجي هاجي ومبتجيش يا سيف كلام بتضحك عليا بيه وخلاص
انا يا ليلي بضحك عليكي؟!
اومات راسها بالايجاب ثم قالت بانفعال:
اه اهو بتسلي وتضيع وقت خروجات وكلام في الفون وصور ده غير إلى بيحصل بينا على الفون وكاني واحده شمال جايبها من النت مـ.

قاطعها سيف بحزم:
متقوليش على نفسك كده انا عمري ما شوفتك كده من يوم ما عرفتك شايفك احسن واحده في الدنيا ومش عايز اكمل حياتي مع حد غيرك حدديلي معاد مع عمك وانا هاجي اتقدملك يا ليلي
ونتجوز في خلال كام شهر ولا عندك اعتراض؟!
ابتسم ثم هتف:
الي انتي عايزاه هيحصل مهم عمك ميقولش لا.

عادت إلى منزلها وهموم العالم باكمله فوق راسها اخرجت هاتفها من الحقيبه ونظرت اليه بحسره واضحه حياتها انقلبت باكملها راسآ على عقب بسبب ذلك الهاتف
تناولت لاصق الكهرباء الذي لونه اسود من الكوميدو الذي بجانبها ثم وضعته على الكاميره الاماميه والخلفيه وهتفت:
اتفرج بقي كويس على سواد إلى قدامك ده
بتعملي ايه يا فريده بتلزقي بلاستر على موبيلك ليه
قالتها والدتها
اجابتها ببرود:.

ميخصكيش خليك في حالك يا تهاني معلش
عيب كده يا فريده انا امك
ضحكت بقوه ثم تمسكت بهاتفها وبعثت بيه لتقول تهاني
احمد كلمني وطلب اننا نرجع لبعض جهزي شنطتك عشان اسكندريه نعيش هناك لان صعب يسيب ولاده لوحدهم بعد وفاه امهم ويجي يعيش هنا معانا واختك كمان محتاجه تعيش مع ابوها
رفعت حاجبيه باستغراب ثم هتفت:
يعني يرميكي عشان مراته الاولي ولما تموت يحنلك ويقولك تعالي عيشي معايا.

افهمي إلى تفهميه المهم اننا هنسافر اسكندريه واورق كليتك انقليها على هناك
سافري لوحدك خدي الغندوره بنتك وسافري
هتفت والدتها بانفعال:
وسيادتك تعيشي لوحدك هنا؟! انتي هبله
لا انا ناويه اسيبلك البيت خالص تشبعي بيه ترجعي بقي لجوزك تجيبه هنا براحتك خالص خالص يعني
تناولت حقيبه يديها ثم تركت المنزل...
وفي نفس اللحظه رن هاتفها لتجد المتصل الرقم الذي هاتفها صباحآ زفرت بقوه ثم هتفت بداخلها:.

طبعا تلاقيك سمعت كل حاجه يارب خلصني من مصيبه دي
قامت بالرد عليه ليصل اليها صوته:
شاطره انك خبيتي الكاميره البنت المؤدبه تعمل كده عشان محدش يتجسس عليها بس في مشكله انا لسه بسمع كل حاجه
كويس انك سمعت كل حاجه انا سيبت البيت ومش هرجعله تاني النايت زفت بتاعك فيه مكان انام فيه ولا مفهوش غير المسخره وقله الادب بس
قهقه عاليآ ثم قال:.

طب اهدي على اعصابك بس لا فيه اوضه خاصه بتاعتي عشان عيونك بس هسبهالك تنامي فيها جاهزه من كله تكيف وتلاجه وحمام كل إلى تحتاجيه موجود يا جميل
ابتسمت بسخريه ثم قالت:
وفيها كام كاميره مراقبه على كده
اكتشفيهم بنفسك هستناكي بليل سلام
انهي المكالمه نظرت هي إلى شاشه هاتفه بغضب واضح ثم قالت:
هكتشفهم بنفسي فعلا متخافش
القت الهاتف على الارضيه ثم صغطت عليه بقوه حتى تحطم.

على الناحيه الاخري
اغلق حاسوبه ثم هتف وهو ينفث سيجارته:
اموت في الشراسه دي كلها يا برنسيسه.

الفصل التالي
جميع الفصول
روايات الكاتب
روايات مشابهة
الإعجاب، المشاركة والتعليقات على الرواية
W
لتصلك الفصول الجديدة أو الروايات الجديدة
اعمل متابعة للصفحة (اضغط لايك للصفحة)