رواية خادمة في عصر اللذة للكاتبة هاجر عبد الحليم الفصل الثاني

رواية خادمة في عصر اللذة للكاتبة هاجر عبد الحليم الفصل الثاني

رمانة رفعت وشها لقت شاب باين عليه ابن ناس اوى
رمانة:مش تحاسب ياجدع انت
حيدر: هو انا اللى خبط فيكى ولا انتى؟! امشى وانتى بصة قدامك مش ف الارض ولا دموعك مشوشة الروية عندك
رمانة: هو انت اسمك ايه؟!
حيدر بمكر:ليه عاوزة نبقى صحاب؟!

رمانة:رمانة مش بتصاحب حد يااسمك ايه..وبعدين انت داخل الحمام ليه؟!
حيدر:الصراحة عشانك
رمانة ضحكت ضحكة انثوية عالية خلت حيدر واقف مش ع بعضه
رمانة:منا عارفة قول حاجة مش معروفة.. اللى ف الكبارية دة لكبير قبل الصغير بييجوا علشان يشوفوا رمانة اللى عاملة زى السلك العريان لو قربت منه تموت
حيدر قرب منها هى بعدت وشها عنه بتوتر
حيدر:انا بموت ف حاجة اسمها مخاطرة وبحب اكتر القطط اللى بتخربش
رمانة اول مرة تكون متوترة كدة بس حاولت تكون قوية وثابتة
رمانة بصت عليه من تحت لفوق وقالت: ياترى مين اللى حدفك علينا الساعادى؟!
حيدر:قلبى.

رمانة: قلبك ههههههه نكدة دى..انا بتكلم جد ايه اللى حدفك هنا
حيدر:جاية اشتغل ف الكباريه
رمانة:اه زميل يعنى طيب ياخويا تنور عندك الصاوى اتفق معاه سلاموز
حيدر فضل متبعها وهى خارجة وقال:ياترى البت دى حكايتها ايه؟!.وياترى اللى سمعته عنها حقيقى ولا فيه وش تانى مستخبى ورا الوش دة
ف الصالة
رمانة بعصبية:قولت لا شقق مش هيحصل الا ع جثتى ياصاوى
الصاوى:انا مش فاهم انتى خايفة من ايه؟! احب اعرف... دة بعد اذن جلالتك طبعا.

رمانة:اتريق ياخويا اتريق اسمع ياصاوى انا قبل ماجى واشتغل قولتلك ع اللى فيها وقولتلك انى مستعدة اعمل اى حاجة الا الحوار دة
الصاوى:واعتراض سيادتك ايه؟!..لو ع اللى انا وانتى عرفينه انا ممكن ارجعك عود كبريت زى منتى ومحدش هيعرف حاجة.. دة لو فعلا لقيتى حد يتجوزك يارمانة
رمانة:عايزنى اكدب ع نفسى واقول ع نفسى بكر وانا اتلمست من حيوانات مصدقوا لقوا حتة لحمة علشان ينهشوا فيها
الصاوى:هما صحيح حيوانات بس حيوانات نضاف وهيغرقوكى فلوس ويعرقونى معاكى متبقيش قطاعة ارزاق اومال
رمانة تنهدت بتعب وقالت:عايزنى اعمل ايه؟!

الصاوى:كدة تعجبينى بس مش هقولك دلوقتى لما تيجى بكرة ابقا اقولك ع كل حاجة ومتقلقيش دى متعة حد يلاقى متعة ويرفضها
رمانة حست انها قرفانة من نفسها ومن كل اللى حواليها
رمانة:انا عايزة امشى من هنا مبقتش طايقة حد ابعد عنى بقا ياصاوى
الصاوى: اللى يلاقى واحدة زيك مستحيل يخليها تضيع من ايده من ساعت م طلتك البهية ظهرت ف الكباريه و الذباين زى النمل الله اكبر ف عين الحسود يعنى.وبعدين ياستى تقدرى تروحى
رمانة بصتله بقرف وقالت:حقير
ومشيت بسرعة للاوضة علشان تغير هدومها وتخرج من الكباريه
الصاوى:مقبولة منك ياقمر.

والحوار اللى حصل بينهم حيدر سمعه وقال ف سره:الموضوع فيه حاجة مريبة وانا لازم اعرف ايه اللى بيحصل هنا وليه الصاوى دة افش ف رمانة ومش عايز يسيبها مع ان بنات الليل كتير وياترى هى ف الشغلانة دى برضاها او غصب عنها اكيد هلاقى اجوبة ع كل اللى ف دماغى
ف اوضة رمانة
رمانة عمالة تعيط بحرقة وبتقول:يارب ارحمنى انا مش عايزة العيشة دى يارب..انا عايزة اتوب..يارب اكتبهالى
بطة:سلامة عيونك من الدموع ياابلتى..فيكى ايه بس؟!

رمانة: مفيش يابطة انا بس زهقت من حياتى اللى مبقاش ليها لون ولا طعم الكل طمعان فيا وانا خلاص مبقاش فيا حيل والزفت الصاوى دة شكله كدة قرر ومش ناوى يرجع ف كلامه وانا لو السما اتربقت ع الارض برده مش هعمل اللى عاوزه
بطة:وعليكى ايه من دة كله ياابلتى؟! امشى وسييبى الكباريه حتى لو اضطريتى تخدمى ف البيوت المهم تبصى ف المرايا وانتى رافعة راسك وتقولى انا مبسوطة ان دى انا مش تبصلها بقرف
رمانة بعياط:ياريتنى كنت اقدر يابطة بس الصاوى مش هسيبنى ف حالى..مش هيسيبنى.

وفضلت تعيط ف حضن بطة
بطة:ربنا يتولاكى برحمته ياابلتى
ف الشارع
رمانة كانت واقفة مستنية العربية علشان تركب وتروح ع البيت بس العربيات كلها زحمة ومش فيها مكان خالص نفخت بضيق وقررت تركب ف الزحمة وخلاص بس فجاه لقت عربية جاية نحيتها
رمانة:انت
حيدر:اركبى
رمانة:رمانة محدش يومرها ي اسمك ايه..وبعدين مش هركب معاك. كيفى كدة..عند فيك علشان مش تومرنى بعد كدة.

حيدر: الحق عليا عايز ارحمك من ركوب الاتوبيسات..سلام
عربية حيدر مشيت وهو باصص ف المرايا شفها بتبص للعربية بتوتر وفجاه جريت بسرعة وقالت:وقف العربية ي اسمك ايه انا عايزة اركب معاك ولا انت مش عاوز
حيدر وقف العربية وقال:حيدر اسمى حيدر واياكى اسمع منك كلمة يااسمك ايه دى تانى
رمانة:عايزنى اركب ولا امشى؟!
حيدر:العرض لسة مفتوح لو عاوزة تركبى اتفضلى
رمانة ركبت العربية هو ضحك وقال:مكان من الاول لازم نتقل يعنى ...خلاص عرفنا انك واحدة تقيلة ..اقول ايه انا يعنى ..رمانة هانم ركبة معايا العربية دى اكيد معجزة
رمانة:حضرتك بتتريق عليا وبعدين مش حوار تقل.. انا بس ..انا يعنى يوووووه سوق بقا وانت ساكت
حيدر ضحك بصوته كله وبص ع الطريق وقال: حاضر هقفل بقى لو كان دة يريحك بس موعدكيش افضل ساكت طول الطريق.

فضلوا ساكتين لحد م قطع الصمت حيدر
حيدر:هو انتى عندك كام سنة؟!
رمانة:ليه عايزة تطلعلى بطاقة
حيدر:تصدقى استاهل ضرب الجزمة علشان بتكلم معاكى
رمانة:اسمع ياحيدر رمانة متعودتش تثق ف الناس بسرعة وبعدين انت مين اصلا علشان اتكلم معاك واقولك ع اللى ف قلبى
حيدر بضيق:براحتك لو مش عاوزة تتكلمى انتى حرة
رمانة ف سرها:اوف هو اتضايق ليه دة؟!
رمانة:خلاص بلاش تتضايق ا..نت تعرف انك اول واحد رمانة تركب معاه
حيدر:ياسعدك ياهناك ياحيدر مش مصدق انى واحد مميز عند رمانة هانم.

رمانة:لسة بدرى اوى علشان تقول ع نفسك مميز
حيدر:ع وضعك انتى..مفيش حد ادك
رمانة:طيب ركز ف الطريق علشان الدنيا ضلمة
حيدر:حاضر بس ع الاقل ادينى امل ان احنا ممكن نبقى صحاب ف يوم
رمانة:ان شاء الله هنبقى صحاب
حيدر:كويس..نركز بقا ف الطريق
فضلوا ساكتين لحد م حيدر وصل رمانة بس مش ف حارتها مكان قريب منها علشان رجالة الحارة ميشوفهاش
رمانة:متشكرة اوى نبقى نردهالك ف الافراح
حيدر:احنا ف الخدمة ياعسل
رمانة بصتله بحيرة وقالت:سلام
حيدر:سلام

ف شقة نسمة او رمانة الاتنين واحد
نسمة دخلت الشقة ودخلت اوضة ابوها لقيته نايم باست راسه وخرجت
دخلت اوضتها لقت نفسها بتدخل الحمام تتوضا خرجت وفرشت المصلية ف الارض وهى محتارة تصلى ولا لا؟! ياترى واحدة زيها ربنا ممكن يقبل منها صلاه بس هى محتاجة تتكلم مع ربها شوية دة حقها
حسمت امرها وصلت بخشوع وقعدت تصلى وتدعى ربنا كتير اوى قعدت اكتر من ساعتين ع سجادة الصلاه بتدعى بس واول م خلصت صلاه مسحت دموعها وحست بصداع بسبب النحيب والعياط لقت نفسها اترمت ع المصلية من التعب ونامت.

ف فلة النصر
حيدر دخل الفلة لقا امه قاعدة مع ابوه وبيتفرجوا ع الماتش
حيدر حط المفاتيح ع الطرابيزة وراحلهم
اترمى ع الكنبة جنب ابوه وخد منه الفشار وابوه بيبصله بصدمة
حيدر:كام كام
فواز: خسرانين ..اتهد
حيدر:اتهد ايه ياحاج امى قاعدة عيب كدة
مها:عيب ايه ياواد انت..هو ابوك قالك ايه يعنى؟!
فواز:قولى ياحيدر شغلك عامل ايه؟!
حيدر:بيسلم عليك ياحاج وبيبعتلك البوسة دى
وقرب منه باسه ف خده
حيدر:حبيبى ياسيد الناس والله
فواز:نفسى افهم انت ظابط شرطة ازاى..دة الواحد يشوف تصرفاتك يقول واحد عنده 10 سنين
حيدر:ههههههههه لا دة انت كدة تبقى كرمنى اوى ياحاج
مها:كنت فين ياحيدر؟!

حيدر سرح شوية وقال:عايز اكل رمان
الاتنين بصوت واحد:عايز ايه؟!
حيدر تدارك نفسه وقال:كنت ف مامورية ياماما
فواز:اللى هى ايه؟!
حيدر:جتلنا معلومات ان ف كباريه اسمه... بيمول بنات صغيرة للضعارة ولو واحدة عندها مرض بيمارسوا عليها تجارة اعضاء غير كدة فى منظمة كاملة موجودة ف مصر لازم ننهيها ف واحد اسمه الصاوى مشتبه فيه ف ادعيلى بقا ياست الكل
مها:نفسى تنام مرتاح البال ولو مرة انا اللى غلطانة علشان سمعت كلام ابوك ودخلتك كلية الشرطة منك لله يافواز
حيدر همس ف ودن ابوه وقال:مش مسيطر خالص يااسماعيل
حيدر ل مها:ياماما دة شغلى وانا اتعودت عليه بلاش الموشح بتاع كل يوم دة. وانا عارف لسة عندك خزان كلام عايزة تطلعيه
مها:شايف بيكلمنى ازاى؟!

حيدر:يلة تصبحوا ع خير علشان هصحى بدرى بكرة..نلتقى بعد الفاصل يلة باى ياحجوج باى يامها هانم ياصاحبة اكبر جمعية لحقوق المراه
وطلع وهو ع وجهه ابتسامة بلهاء متعودش عليها قبل كدة
مها:ها ف جديد؟!
فواز:جديد ايه؟! قصدك ع احمد؟!
مها:ايوة مات ولا لسة
فواز:وانتى عايزاه يموت ليه؟!
مها: لا مش قصدى انا اقصد نخلص ونرتاح من زن البت بنته كل شوية تتكلم وتترجا فيا وانا خلاص زهقت منها
فواز:ياست كل م تتصل اقفلى السكة ف وشها هى كدة كدة متعرفش البيت كل اللى تعرفه هو رقم تليفونك ومعرفش اصلا جبته منين بنت الابلسة دى؟!
مها:مش هو اللى عصا ابوك زمان واتجوز من الشحاتة دى يشرب هو والبت بنته بقا
فواز:سيبك منها ومنه.. هو خلاص كبر وقريب هنسمع خبره ...هو خلاص بالنسبالنا مات من زمان
مها:والوصية يافواز.

فواز:متقلقيش بنته مش هتاخد مليم من الورث دة واذا كان ع الوصية اتحرقت ومفيش اى عقود موثقة تثبت حقها ف ميراث جدها واصلا بمجرد م ابوها هيموت هى هتنتهى ومش بعيد نسمع خبرها قريب
مها:تمام يافواز
تانى يوم
ف شقة ورد
ورد صحيت لقت تليفون سحر ع الطرابيزة مسكته لقت رسالة مبعوته ع الماسينجر محتواها:هستناكى انهردة ع الساعة 3 بس متتاخريش واذا كان ع اهلك قولى اى حاجة مثلا انك خارجة مع واحدة صاحبتك ف اى حتة سلام ياقلبى
ورد بصدمة: يانهار اسود..دة ابوكى هيطين عيشتك لو عرف
سحر دخلت الاوضة قلبها وقع ف رجليها من الخوف جريت وخدت من ورد الموبايل وقالت: انتى ازاى تاخد الموبايل من غير اذنى انتى اتهبلتى ف مخك
ورد بعلو صوت:ماما ياا
سحر حطت ايدها ع بق ورد وقالت بخوف:الله يخربيتك هتفضحينا ماما ايه؟!

ورد:اممممم
سحر:اسفة معلش..بس اوعدينى متقوليش لماما
ورد:ايه الرسالة دى ياسحر..معقولة كنتى هتخرجى معاه؟!
سحر:طب وفيها ايه مش فاهمة؟!
ورد:لا فيها كتير ياسحر..انتى تعرفى الجدع دة؟!
سحر: ايوة من 3 شهور تقريبا

ورد: نهار مدوحس بقالك 3 شهور بتكلميه واحنا كلنا نايمين ف العسل..واتعرفتى عليه ازاى ان شاء الله؟!
سحر:وانتى مالك؟! انتى هتحققى معايا ولا ايه؟!
ورد:بت انتى ردى عدل والا قسما بالله اقول ل بابا مش ماما بقا وهو اللى يتصرف معاكى
سحر:من ع النت
ورد:كمان يعنى لا شوفتيه ولا تعرفيه وقالك كلام الله اعلم كذب ولا حقيقة وانتى زى الهبلة صدقتيه وكمان عايزة تخرجى معاه اش ضمنك ممكن يعمل فيكى حاجة العمل ايه بقا ساعتها ياست الشملولة
سحر بصدمة:ممكن يغتصبنى يعنى ياورد
ورد:كل شى ف الدنيا دى جايز ياسحر وانا هثبتلك كلامى الواد دة شمال وعايز منك حاجة معينة واول مياخدها هيبعد ومش هتشوفى خلقته تانى
سحر:بس انا مش مقتنعة
ورد: طيب كلميه وقوليلوا ان اهلك عرفوا واطلبى منه يكلم حد من اهلك شوفى رد فعله ايه؟! ولو رضى يكلم حد تعالى ع قبرى وتفى عليه...يلة سلام عايزة بكرة امسك موبايلك الاقى عملتيله حظر.

سحر:هكلمه حاضر
ف الصالة
ورد:رايحة فين ياماما
احلام:هروح امسح السلالم واعدى ع الناس علشان اخد منهم الفلوس
ورد:لا خليكى انا اللى هروح امسح انتى تعبانة ومش حمل هدة
احلام:ربنا يباركلى فيكى يابنتى..خبطى وخدى من كل شقة 20 جنيه
ورد:حاضر ياماما متشيليش هم حاجة
ف القهوة
سالم:قولت ايه ياخليل؟!
خليل:ملقتش غير ورد يعنى ياسالم
سالم:ياراجل دى بنتك المفروض تفرح انى بطلب ايدها منك
خليل:طب متاخدش سحر ليه؟! ايه اللى ف ورد زيادة عن بنتى سحر؟!

سالم:انا اول مرة اشوف اب كدة..ايه جو بلاهة نادية وخد سوسو دة..ياخليل دة جواز والقلب و ما يريد بقا
خليل:امرى لله هقولها واشوف بس مهر ورد غالى
سالم:رقبتى سدادة وهدفع من جنيه ل مليون بس علشان الخاطر الورد
خليل:لم نفسك ياسالم
سالم:ايوة ياراجل غير كدة غير بنتك ..مخى ودانى ف سكة شمال
خليل بتوتر:قصدك ايه ياسالم
سالم:ياعم مش قصدى حاجة وبعدين لو الموضوع دة تم ليك عندى حلاوة كبيرة اوى
خليل:حلاوة ايه؟!

سالم:هخليك تشاركنى ف محل الفاكهة. وليك نسبة ف الارباح
بدل الشغلانة بتاعتك اللى مش جايبة همها دى
خليل:معاك حق..بس قولى النسبة كام؟!
سالم:قول انت
خليل بطمع:40 ف المية
سالم:وانا موافق.. شوفت علشان تعرف غلاوة ورد عندى
خليل بخبث:وهى برده غالية عندى..هى ورد دى بت قليلة دى ست البنات كلهم
ورد خلصت مسح السلالم وبتمسح العرق اللى مغرق وشها ورقبتها وراحت خبطت ع اخر شقة اللى هى شقة وليد
طق طق
وليد:اهلا ياقمر
ورد بكسوف:اهلا يابيه..كنت عاوزة حق مسح السلالم

وليد: عاوزة كام
ورد:20 جنيه
وليد:طيب خليكى هنا مش هتاخر
ورد:براحتك يابيه
وليد دخل وجاب العشرين جنيه وايداها لورد
ورد:منتحرمش يابيه
وليد:بقولك ياورد. ممكن اسال سوال؟!

ورد:اتفضل يابيه انت تومر
وليد:هو انتوا ساكنين ف شقة زى بقيت الناس العادية اللى هنا وبتمسحوا البيت وبتخدموا اللى فيه نفر نفر اشمعنى انتوا يعنى؟!
ورد:اصلوا يابيه ف واحد اسمه سالم طلب مننا نسكن ف شقته علشان هو هيعزل من هنا ..ربنا فتحها عليه من وسع ما شاء الله يعنى..فقال ياخد فينا ثواب يعنى..حتى لما هدينا الحيطة مكنش عنده اعتراض مع ان البيت الى حد ما قديم ومش حمل هد
وليد:هو متجوز؟!

ورد:بعيد عن البيت وصحابه مراته ماتت وهى بتولد الواد اللى كان نفسه فيه ياعينى مكملش تلت ايام وحصل امه
وليد:غريبة
ورد:غريبة مين دى يابيه؟!
وليد:هههههههه لا متاخديش ف بالك.. طريقك اخضر يلة امشى
ورد:ماشى يابيه.. فوتك بعافية
وليد بص عليها بنظرات شهوة ورغبة وقال:نصبر ع الحديد لحد م يلين..هتجيلى برجليكى ياورد..ولو سالم فعلا حاطت عينه منك هخرجها من مكانها.علشان اكيد كل اللى عمله دة اكيد فى غاية من وراه
ف شقة نسمة
نسمة بخوف:ايه ياحاج مالك بتكح كدة ليه؟! اجيبلك مياه طيب؟! بسم الله الرحمن الرحيم
نسمة كبت مياه ف الازازة اللى ع الكوميدينوا وادتها ل ابوها
نسمة:احسن دلوقتى
احمد بتعب:الحمد لله يابنتى..كل اللى يجيبه ربنا كله حلو.

نسمة بحزن:منا بقولك يابويا ننزل نعمل تحاليل انت بترفض ولما بفضل اذن عليك بتاجل تقول بكرة بكرة وبكرة دة مش بييجى خالص
احمد:وانا قادر اتحرك من ع السرير دة يابنتى انا اخرى اروح الحمام ..لما انتى بتكونى نايمة او رايحة ف حتة ببقا عاوز اقوم اشرب ومبقاش عارف
نسمة بعياط:ليه عاوز تشيلنى ذنبك يابا ليه..هو انا انانية اوى كدة؟!

احمد:قطع لسان اللى يقول كلمة باطلة ف حقك..دة انت تتشالى ع الراس يابنت احمد..انا هفضل رافع راسى لفوق بسببك..تعالى ف حضنى
نسمة اترمت ف حضن ابوها وعياطها زاد وبقا بحرقة اكبر ياترى لما ابوها هيعرف حقيقتها هيسامحها ولا لا؟! نسمة:اوعدنى يابا انك هتنزل معايا علشان اطمن عليك ولو حصلت اجيب دستة دكاترة لحد عندك هعمل كدة.

احمد بتعب:ربنا يقدم اللى ف الخير يابنتى
ف شقة ورد
ف الاوضة
ورد:ها
سحر بعصبية:ها ايه جاتك اوة
ورد:ربنا يسامحك طالما متعصبة اوى كدة يبقى اداكى الصابونة وقالك خلينا صحاب احسن لا وكمان مش بعيد يكون هو اللى عملك بلوك
سحر:شمتانة فيا طبعا

ورد بصدمة:انا! انا يابنت امى وابويا..كتر خيرك ياسحر..انا عملت كدة خوف عليكى وع شرفك ياحبيتى.. صدقينى هتلاقى اللى يقدرك ويعزك واوعى تفتكرى ان لما هتكلمى واحد ع الفيس وانتى اصلا متعرفوش هيطلع دكتور ولا مهندس لا دة هيطلع شمام وعاطل وحالته ب البلا وقال يكلم البنات الهبلة علشان يتسلى معاهم هيكلمك يقول عندى 23 سنة ممكن تعكسى الارقام عادى جدا ومش بعيد يطلع اكبر من كدة كمان..اول واخرة مرة ياسحر المرادى دريت عليكى المرة الجاية مش هعمل كدة
سحر بصتلها ومعلقتش
ورد:هتروحى شارع الجامع
سحر:بكرة مش انهردة
ورد:طيب اعملى حسابك هاجى معاكى بكرة ب اذن الله
سحر:براحتك
ورد:وافردى وشك دة شكلك وحش يخربيت تكشيرتك ياشيخة
ف شقة وليد
حسام:وقعت ولا ايه ياصاحبى؟!
وليد:عيب عليك دة انا الجامد
حسام:وهتعمل معاها ايه؟!
وليد:انا عايزها
حسام:عايزها ازاى يعنى.

وليد:زى الناس ياحسام بس شكلها من النوع التقيل المحترم ..دة اللى يتقال عليه صنف جديد مش مجايبك المعفة يامعفن
حسام:بتحبنى اوى انت ياوليد يابختى بيك والله..بقولك ايه؟! انت هتفضل لحد امتى ف الشقة المعفنة اللى مش شبهك دى.. دى خرابة يبنى
وليد بعصبية:وانت مالك انت..هو انت اللى قاعد ف الخرابة دى ولا انا
حسام:والدتك كلمتنى وكانت هتموت عليك وجعتلى قلبى بسبب عياطها
وليد:ياحنين معلش ياحبيبى خليك انت بقا بدالى عندها وخليها تتبناك بالمرة
حسام:ياريت هو انت بتتريق دة يوم المنا بالنسبالى
وليد:امى لازم تعرف قيمتى وانى مش السبب ف اللى حصل مع اخويا هو ادمن المخدرات انا مال امى يكونش انا اللى ادتله البرشام وقولتله خد حقنة شديدة عليك انت مش ادها اهو مات بسبب جرعة مخدرات زايدة بتشيلنى ذنبه ليه؟!

حسام:انت عارف انت السبب ف ايه فبلاش تعمل فيها عبيط
وليد بعصبية: كنت عاوزنى اعمل ايه دة حلم عمرى ياحسام وهو اللى خده منى..كان لازم ارجع مكانى دة تانى
حسام:رجعته بس ع حساب اخوك
وليد:انا مبسوط كدة ادينى اهو لاعب كرة اد الدنيا وهو دة السبب اللى مخلى بنات مصر واللى برة مصر بيجروا ورايا
حسام:ربنا يهديك لنفسك ياصاحبى ويهدينى معاك
وليد بضيق:سلام يالا.. يخربيت اللى يتكلم معاك
حسام:طيب هو انت م اجر الشقة دى م كام
وليد:ليه؟!

حسام: عادى مجرد سوال
وليد: 1000 ف الشهر
حسام:ماشى سلام
وليد:سلام
ف شقة ورد
خليل:ورد تعالى
ورد:ايوة يابابا
خليل:انا جيبتلك عريس
ورد بصدمة:عريس مين دة يابابا؟!
خليل:سالم صاحب الشقة