قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الرابع

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الرابع

تصويت...
وليد:- ضليت الليل كله افكر شنو راح اسوي مو بهل سهوله اترك سهام تروح مني صبرت كل هل سنين وتالي يجي غيري ياخذها نمت محسيت بنفسي كعدت ثاني يوووم... الصبح كبل خابرت سهام...
وليد:-الوو حبيبتي...
سهام:-هلا حبيبي شلوونك البارحه ضل بالي عليك اتصل وتلفونك مغلق...

وليد:- اي صح غلقته لان جنت اعصاااب وماردت نسررين تزعجني ورجعت متأخر للبيت كبل نمت...
سهام:- شلوون بيك وليد الف مرا انبهك مبااايلك لتغلقه لان ادري خبالاتك ولا يصير شي الك...
وليد:- لتخافين عليه يرووحي سهام اريد اكلج شغله واذا تحبيني اتمنه توافقين بيها لان مبقالي حل ثاني ابووج ميبس راسه ومستحيل يقبل ينطيج الي...
وانتي حب حياتي... اذا ترديني قبلي...

سهام:-كول حبيبي شنو...
وليد:- سهام تحضري اليووم بليل لمي بس الغراض الضروريه والمستمسكات... وانتضريني ب١٢ بليل اجي اخذج ونشررد ماكو حل ثاني...
سهام:- وليد انته من كل عقلك... وين جاي تريد تشرررد... بيه... شايف شيسوون بينا اذا لكفونه صدكني يموتونه ثنينه... احبك وماكدر بدووونك بس مو مال هل حل فدوه اروحلك شيخلصنه منهم ووين نروح..

وليد:- حبيبتي احبج واريدج ماعندي غير حل واخذج للموصل ابن خالي هناك... نطلع بليل بله ميحسوون والفجر احنه هناك لامن شاف ولا من درا وحته ترا محد يعرف انو اروح لابن خالي محد يتوقع لان متكاطعين وياه لان تزوج موصليه... مسيحيه.. فأمني...
سهام:- وليد والله خاايفه سمعت ابويه تصير بلكاع َالناس مراح ترحم...

وليد:- حبيبتي ماكو غير حل اذا ترديني كولي تم وهاهيه بقي الباقي عليه اذا تثقين بيه َواذا ضليتي بخووفج فروحي تزووجي الله يسعدك بس خلي ابالج نفسي بيج مراح تتهنين...
سهام:- هاهيه حبيبي حكون حاضره ساعه ١٢ رمشليلي واطلعلك... يله هسه ارووح صووت برا الغرفه...
وليد:-اخذي راحتج يعمري باي..

سهام:- بعد منهيت المكالمه من وليد انداريت واني اشووف اختي زهراء... هاي شعندج هناا ومن شوكت انتي هنا اني مو قفلت الباب...
زهراء:-اذا حضررتج متيها صوب اجعابج اني من اول مبديتي المكالمه ويه وليد اسمعج جنت بالغرفه متمدده وانتي منتبهتي عليه نايمه ومتغطيه عبالج ماكو احد مو... سهااام عله شنو جاي تخططون انتي ووليد...
ترا تاليتج تدخلين بمشاكل لاالها اول ولا تالي...

سهام:- شسوي يازهراء حتخبل لاابوي جاي يقتنع انو اريد وليد واحبه ولا اكدر اعوف وليد وكال لازم اليوم نشرررد فدوووه لتحجين وان سئلوج كلشي متدرين... وخاف ابوبه يضغط عليج بشي او يمد ايده دربالج تحجين شي... والله خابفه حيل وقلقانه لان ادري راح يتأذون اهلي... بس شسوي ليش يأذووني بشخص ماريده...

زهراء:- ولج كل عقلج تردين تشردين والله يموتوج وليرحموج اذا لزمووج رجعي لعقلج وفكري زين... محد حينضر غيرج الئ متئ تضلين شارده...
سهام:- لج اسكتي زهراء ترا الخوف والقلق البيه مكفيني... اسكتي ومالج شغله بس عليج لتحجين.. وراقبيلي اهلي.. ماشي...
زهراء:- هاهيه طبج مرض اليجي من ايدج الله يزيدج معليه...

سهام:- طايحة الحظ ولي مني معايزه بس اناي تجين تنصحيني... امشي طلعي برا عوفيني وحدي...
طبعاا زهراء اختي الازغر عمرها ١٨ سنه... طلعت زهراء وعافتني بوحدي واني الخوف ماكل كلبي ماعرف القرار الي حاخذه صح اولا...
في مكان اخر... الانبار الرمادي... بيت عم الشيخ...
عنود:- وكالو عناد يريد يشوفني فكمت بغرفتي واجه عناد يشوفني باسني من راسي اول مدخل...

عناد:-الف مبروك حبيبتي...
عنود:-الله يبارك بيك شيخ...
ضل عناد يمي يسولف بل ٥ دقايق... ومحسيييينه بس صووووت العياط والصرييييخ... كمزنا اني والشيخ مفزوعين شصاير برررا... طلعنه اني والشيخ...
واشووف اخوي ياسين جاي...

ياسين:-فدوووه شيخ الحك ابووي تخربط امشي بساع افتح السياره ناخذه...
عناد:-بسررعه رحت فتحت السياره والبيت مخبووص والزلم كلها ملتمه فوك عمي خليت معتصم وياسين يشيبون وصعدوه ليَره بالسياره وانطلقت للمستشفه... ولحكوونه الزلم...

اول موصلنه اخذووه بالردها سووله فحوصات.. ومادري بس انخبصوو بيه... انتضرنا اني وولد عمي واقاربي اجوي...
انتضرنه ساعه... وراها طلع الدكتور...
شيخ عناد:- بشرر دكتور شبيه عمي...

الدكتور:- والله ياابني صايبته جلطه واعتقد هاي ثاني جلطه... وحالته كلش خطره من غير الشلل الي ضار بيه هسه نص جسمه مشلول ننتضر منا لباجر اذا استجاب للعلاج اولا بعد يم ربك...
شيخ عناد:-انصدمت بكلام الدكتور ليش هوا شصاير هيج حاله عمي... ضلينه نراقب ومنتضرين... بس تعبت ولازم ارجع للبيت اشووف شصار ورانه لان ضال بالهم...

ياسين خويه اني حروح ساعه وارجت بس اغير ملابسي واطمذن عله الاهل وارجع...
ياسين:- اخذ راحتك خويه..
عناد:- ترخصت وعفتهم ورجعت اني وابن خالي للبيت بدلت وغسلت علسريع وطلعت لبيت عمي لان كلهم هناك... اول مطبين لكيت عمتي هم متخربطه ومنطيها حبوب الضغط ويمها كلهم وباوعت عله عنود بالزويه كاعده وتبجي... اول ماشافتني اجتي تركض...

عنود:- فدووه شيخ طمني عله ابوي شلونها حالته شبيه ليش هيج تخرربط...
عناد:- والله ماعرف شكلج بس ابوح صايبته جلطه وماعرفنه السبب صاير شي... هيج مخلي حالته...
عنود:- يمه شوده عليه يابويه... فدوه اخذني اله اريد اشوفه... الله يخليك... والله اذا صار بيه شي اموووت... ماضلي بالدنيا بس هوا...
( لان ام ياسين هيه الزوجه الاوله أنجبت بس ياسين اما عنود من الزوجه الثانيه بولادتها لعنود توفت).

عناد:- لا ماقبل تحجين هيج لعد انب وين رحت ابن عمج وزوجج شلون مالج احد يعنود ومااكدر اخذج الزلم هناك وين اكدر اخليج تشويه وحالته بعدهي بالعنايه المركزه... مانعين اي شخص يشوفه... ومنطيه علاج ان استجاب جسمه وراها ياله نكدر نشوفه... وهسه ياله اترخص ورايه ارجع للمستشفه ماوصيح صيري قويه.

عنود:- ضليت خايفه من كلام الشيخ خاف ابوي يصيرله شي عفت الكل رحت توضيت وكعدت فرشت سجادتي ضليت اصلي واقره قران وادعي لابويه... والخوف مالي كلبي...
عناد:- رجعت للمستشفئ وشفتهم مخبووصين واباوع ياسين بالكاع طايح وبس يبجي.. رحت اركض شنو الصاير ولك ياسين شكووو... شبيك...

ياسين:- ياخويه راح ابوي راح الغالي انكسر ضهري وراه... مبقالي سند هيج بسرعه بسرعه تفرهد ومضروب جلطه ثالثه اثناء ماهوا بلانعاش.. وكف كلبه...
عناد:- الئ رحمه الله كوم يخوي قوي كلبك مالهم غيرك اختك وامك لتضعف انته رجال...

راح عناد وياسين سوو اجراءات شهاده الوفاه بالمستشفه وخلوه بالثلاجه ومن كملو طلعوه بهل ليل... وانطوو خبر للبيت انو توفه انخبصو خبص بساع جت عين فرهدت الكل انمحت من الضحكه للحزن والبجي والسواد الكل لبس اسود ونضفو البيت لبنات الشابات لان راح يجيبوه للبيت قبل ليطلعون للنجف... لان همه يدفنون بالنجف...

ام ياسين تخربطت وجابولها المضمده للبيت... عنود دخلت بحاله صدمه لاتحجي ولا تبجي وبس تصفن الكل خاف من حالتها خصوصاا انو هيه بيها فشل كلوي يعني اصلا هيه مريضه...

كملو بالمستشفه وجابوا الميت للبيت والتمو كل النسوان علتابوت والصريخ والاصوات الي ملت المكان وبالكوه شالو التابوت بس عنود ضاله جامده من شافت التابوت صرخت بكل قووتها تهسترت...
وتخربطت عليهم... احتار شيخ عناد يروح للدفنه وياهم لو يضل... ويا عنود اخذو التابوت وتوجهو للنجف وخاصتااا معتصم وابو معتصم ساكنين بالنجف وعلمود خطبه الشيخ اجوي... فراح قسم منهم وعناد وقسم الباقي بقوا يجهزون للفاتحه من الصبح...

عنود تخربطت عليهم وعناد اخذها للمستشفه قاسو ضغطها مرتفع ونطوها علاج ومن صحت رجعت تهسترت وضروبها مهدأ وانطوها مهدئات اذا تكررت الحاله عدها بالبيت ينطوهياا ضلت ساعه بالمستشفه ورجعها بعدهم... والكل بده ينصب بالفاتحه...
ووصلو للنجف وهناك بعد اكمال الدفن رجع معتصم جاب كل عائلته المتبقين...

نرررجع لسهام...
ضليت اليوم كله بالغرفه افكر شيصير مااكلت اي شي كل شويه امي تجي تريدني اكل او تشوفني شبيه بس نفسي انسددت من الخوف ضليت بقلق صارت دنيا ليل ورا ١٠ بليل حضرت بوشيه ولبسه الي وجنسيتي ومستمسكاتي وعدي كم قطعه ذهب... كلهن حضررتهن... وضليت انتضر والخووف مالي كلبي...

صارت ساعه ١٢ اتصل عليه وليد
وليد:- الووو وينج منتضررررج بالباب شوو تأخرتي
مادري خايفه حيل... وليد ماريد اشرد يكتلونه والله
ماداعي للخوف وانتي وياي ابسرعه اطلعي... لتتراجعين هسه صيري شجاعه
ماشي ماشي طفي ضوه السياره لايشكووون...
جيتك... ونوب نلكف...

زهراء ديري بالج عله امي ومثل ماوصيتج كلشي متدرين... وهذا رقم وليد اتصلي بيه هذا رقم محد يعرفه حته اخذ اخبار اهلي منج...
زهراء '- الله وياج ديري بالج عله نفسج...
نزلت عله كيفي خاف احد يحس طلعت من البيت فتجت الباب لكيت وليد...
وليد:-يله حبيبتي امشينا بسرعه لانوب يعرفون اهلج...
سهام:-صعدت السياره واني الخوف يقره ١٠٠٠ حرك السياررره دنطلع من الفرع مااحس اله سياره كسرت علينه...

نرررجع عله بيت الشيخ عناد...
صارت العزاء ونصبت الفاتحه ٣ ايام واجوي شيوخ من مختلف محافضات العراق... كملنا ٣ ايام الفاتحه وفتحنه الجادر بس حالت ام ياسين حيل متدهوره وتتخربط علينا كال الدكتور اذا تضل هيج تنصاب بجلطه ومنا عنود هم حالتها متأذيه ضاله منطويه ورا مكملت الفاتحه الكل رجع لبيته بقت بس عنود منطويه عله نفسها... متحاجي احد... يرووحلها الشيخ تضل ساكته يريد يحاجيها ماكو كد الاشئله اجابتها...

عدت ٧ ايام للفاتحه وضارت يوم السابع... وسوو اشكال الاكل وعزمو شيووخ ونسوان هم.. اقاربهم... وكملو كلشي... تالي الليل اجه عناد... لعنود...
شيخ عناد:- الله يساعدج بويه...
عنود:- هلا شيخ...

شيخ عناد:- بوويه الئ متئ تضلين منعزله الكل باله عليج ليش اتعبيني لاتحجين وبس بالغرفه ولكمه محاطه بحلكج صار اسبوع ترا هل تصرفات ماراح ترد ميت صيري قويه واكليلج لكمه...

عنود ودموعها ملت عينها:- ماشتهي شيخ مالي نفس اخلي اي شي بحلكي.. َ ابووي كسر ضهري برووحته المن بقين انه منو بقالي بهل دنيا الغالي وراح...
عناد:- افه عليج اخليج بعيوني انتي بعد صرتي مرتي وانه المسؤول عنج اني سندج يبوي ماريد اشوف حزن بعيونج متلوك الدموع لهاي العيون...
وهسه كومي لبسي عباتج نطلع...

عنود:- مالي خلك ياشيخ وين اطلع واني بالكوه اوكغ عله رجليه...
عناد:-كومي بلا كسل كومي وياي شويه نطلع علشط...
طلع عناد واخذها لمكانه المفضل علشط ضلو كاعدين شويه اشتمت هوا تغيرت نفسيتها ورجعو بالطريق... مرو علمطعم اخذلها اكل وضل يقنع بيها تاكل اكلت شويه... ورجعها.. للبيت.. ورجع للبيت...

نرجه لايه...
ايه:- بعد منطتني بيبتي فلوس انتضرت عود عله ثاني يوم اروح اسجل بس الصار انو صديقتي مات عمها وسافرو بغداد فانتضرت لحد مرجعو من الفاتحه ودخلت وياهن خصوصي
اجه السايق وصديقاتي الصبح جهزت نفسي لبست جبه من الشترتلياهن بيبيتي ومااخلي مكياج اني معاني بسيطه وحلوه ميحتاج اخلي... فاجه السايق وضلت بيبيتي توصي بيه
بيبيتي '- ديربالك عليها يمه  احسبها خيتك... فدوه العينك...

معتصم:-  ادللي يووم حالها حال اختي بحمايتي ليضل بالج...
بيبي:- فدوه العينك يمه يله توكلوا... الله وياكم..
رحنا للمعهد وسجلت نطيت الفلوس واحنه صراحه جنه يوم نروح محاضره يوم نطلع نغير جو  بس اني وصديقاتي اني محد جان يصرف عليه ادرس خصوصي ابتدائي ومتوسط من درست صديقتي..

كالت اختي درسيها وافقت لان جنت محتاجه هالشي بعد موافقت خليت نفس سايقنه معتصم الي يودينه محاضرات خليته يوديني بيت صديقتي..
بس ضليت اداوم بالمعهد لكن الاستاذ ميشرح زين... وردت ارجع فلوس وابطل من التدريس مادام بدايتي... بس ضليت محتاره.. ابطل لولا... خلصت محاضره... وجنت البس بوشيه طبعا من اطلع بس بالخط شويه انزعها لان اختنك بالسياره...

فمن خلصت لكيت الخط واكف...
خويه ممكن احجي وياك...
معتصم:- كوولي خيتي...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W