قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الرابع والعشرون والأخير

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الرابع والعشرون والأخير

اذا ميت احساسك كلي حته ارتاح
عليمن بعد شاغل فكري بس بيك
واذا متحبني كلي روح الله وياااك
اكص لساني اذا بعد اني احاجيك
تحبني ماتحبني احجيلي ارجووك
أرحم بشر حبك خايب شبيك
حته اكطع خيوط الأمل وياااااك
واذا متصير إليه ليش اتانييييك
حته اجرح إحساسي وياااك بالشووك
واغض النظر عنك ما الاكيييك
مو شغله عشك بس للكرامه حدود
عشك بلا كرامه شلووون انطيك
حال لسان نورس...

زمرد: - طبينه بالغرفه شفتها تجنن جبيره حيل حضني من وراي وشمني حلوه الغرفه كلش عجبتني
عناد: - مو احله من عيونج حبيبتي
زمرد: - ابتعدت شويه عنه وجرني باسني بشفتي وصار يتفنن بيهن مدري صار بيه غمضت عيوني احساس اول مره احسه خوف خجل راحه همس باذني احبج اني ابتسمت وخجلت من صار ويانه
عناد: - حبيبه ميصير مرت شيخ تلبس هل لبس هيج بس الي يلبس ومتطلع تفاصيلج يم اي شخص بس الي اني اغار ما اتحمل احد يلمح طيفج مو يشوفج هيج.

زمرد: - بس ما متعوده اني هذا لبسي
عناد: - تتعودين يعمري ما اريد هيج كولي تم وهاهيه
زمرد: - صار هاي هيه هوه ابتسم
عناد: - متصورين شكد تعبان اني نفسيتي تعبانه ما ارتاحيت يوم بحياتي جبتها شلاع كلب حته بزواجي مرتاحيت الاولئ من حبيتها تركتني وراحت يم ربها والثانيه للأسف خانتني واصلا مجبور عليها ومجبوره عليه.

لمن اجيتي انتي صرت اطلع صبح كل يوم علمود اشوفج ما ادري شصار بيه طبيتي بداخلي اعشقج واعشق كل تفاصيلج مادري شلون طبيتي قلبي واني جنت ما مفكر احب بعد هل عمر بس شاء القدر والله خلاج نصيبي اريدج انتي راحتي ادلليني واني ماقصر أضعاف دلالي ادللج ماخلي شي بنفسج اني تعبان زمرد صح اني جبير عليج واتوقع حضلمج بهل شي بس والله حبيت والحب ميعرف فروقات...

زمرد: - تدلل عودني على طبعك حته منواجه مشاكل وحته اعرفك
عناد: - ان شاء الله تجين تعرفين طبعي شويه شويه
زمرد: - هزيت راسي بأي
عناد: - كومي حبيبتي اخذج للبيت فشله من ابوج هسه يضل بالهم...
زمرد: - اي كمت وهوه باسني بخدودي وحضني
عناد: - ما دا اشبع منج
زمرد: - خجلت ودنكت مادري اني مدااعرف شدااحس تجاها ونظرته من جنت يوميه اشوفه
عناد: - فدوه للخجوله يله امشي
زمرد: - نزلنه والمح بعيون نورس دموع عفتها مبينه تحبه شلون بيه وياها كون الزم روحي ما اسوي شي والمشاكل لان هيه هم مرتو وحرام عليه وصلني للبيت احب اهتمامه بيه...

عناد: - عقدنه اني وياها صرنه نسولف بالموبايل وره يومين شفتها لابسه حجاب وبنطرون وقميص لبس ميعجبني شلون من عيون ناس اني اغار اريدها الي يتمتعن عيوني بس الها عفتها وما حجيت شي وياها لان ما اريد اضوجها واليوم عقدنه اني وياها عقدنه وفرحت بيها اخذتها لبيتنه تغدينه وصعدنه للغرفه ما تحملت بعد حضنتها وصرت ابوس بيها وما اروه ناعمه وترفه وكلشي بيها حلو حاجيتها على لبسها وسمعت كلامي اهم شي تسمع كلامي الحمد الله والشكر
نزلنه واشوف نورس مادري شلون اعوضها ضميري يانبني عليها داوفرلها كل شي بس مو كلشي الي نجيبه يرضي المشاعر الي عدها ادري بيها تحبني رحمتك يا رب الطف بهل بنيه المشكله ما عدها أحد ضجت عليها الله كريم..

اقترب يوم زواجنا مسويه حبيبتي حنه فدوه اريدها يمي باسرع وقت اجه وقت الحنه رحت حنيتها طالعه تجنن ضليت صافن عليها مااريد اعوفه احسب دقايق حته اشووفها وتجي بحضني...
رجعت للبيت افكر بلبسها اتصلت عليه يمه شنوو هل جمال هي ضحكت
زمرد: - كله الك
عناد: - شيجيب باجر
زمرد: - ليش شيصير باجر.

عناد: - لا ماكو شي كل خير ان شاء الله هي سكتت ضلينه نحجي نمت وبعدها كعدت ثاني يوم حضرت نفسي ولبست زيي خاص كلش فرحان بيها رحت الها لكيتها ضايجه شبيها لزمت ايدها وغطيتها كلها رحنا للبيت شويه وزفوني لكيتها ترجف و خايفه اجيت يمها
بعد عني حباب
ليش حبيبه شبيج
وخر كتلك...

زمرد.. اجه يوم الحنه وكعدت الصبح رحت للصالون ومكياج خفيف لان اني شكره واني فرحانه مطمنه اجيت للبيت بعد مطكينا صور بليل اجه الشيخ وعائلته وأقاربو حنه ايدي وطلع وضلينه نركص وتونسنا بحنتي تجنن صارت اجت امي لغرفتي كلتلي ماما باجر زفه وترحين بيت رجلج علمتني شلون يصير بين المره ورجاال وجهي صار اصفر
كتلها ماما ما اريد شنو هاي شو محد كلي هيج.

اي عروسه تخاف اول ليلتها بعدها عادي كلشي تمام عافتني وحجه وياي شيخ ليل كله ما نمته افكر هسه اني شمدريني هيج يصير ميته خوف طلع صبح سبحت ورحت للصالون ب٤ كملت وطلعت شكل ثاني رجعت للبيت صارت ٧ اجه شيخ واني ميته خوف ضايجه اووف يربي كعدوني بالغرفه اسمع يزفونه يمه اجه طب للغرفه ابتسم الي..

اجه يمي وخرت منه خايفه من ذيج سالفه
شبيج
اخاف وكمت ابجي وهوه يضحك
كومي عليمن هل خوف سبحي وبدلي وناكل
ماشي سبحت ولبست روب ابيض يبو فضايح هذا لبست روب طويل فوكاه واجيت ابتسم كال
يلا خل ناكل اكلنه سوه اني شويه اكلت خايفه اجه شال الاكل كال تعبان امشي نام..

ماشي ارتاحيت شويه نمت على سرير حضني اني نمت احس شي يمشي على رجليه شعور حلو بنفس الوقت شنو هاي فتحت عيوني والكه عناد فوكاي هاي شن بعدني مكملت باسني من شفتي طولت بوسته اني ذبت بعدها حسيت بالم كمت ابجي وخر
هوه باسني من كصتي الف مبروك يا رروح شيخ ضليت ابجي الم يوجع وداني للحمام سبحت مي دافي استرخيت هوه يباوعلي ويبتسم
كتله دير وجهك استحي..

ضحك هوه كلشي شفت ومكان مكان اندل عزه رحنا الغرفه مشطت شعري اجه يمي حضني ونام كعدنه صبح على دكه الباب كعدت وهوه محاوطني من خصري حبيبه كومي كافي نوم اجه ريوك خل نتريك
كتله اي باوعت ساعه ١٠ حضني يبوس بيه ومره ثانيه أخذني بحضنه كتله وريوك ضحك
تريكت بيج خجلت منه سبحنا ونزلنه هلاهل كبت يباركون النه اجت نورس جابت ريوك النه وجها اصفر ومقهوره
نورس: - الف مبروك
شيخ عناد: - الله يبارك بيج...

راحت نورس وعيونها مدمعه والله ادري بيها تحبه انقهرت بداخلي مر اسبوع واحنا عايشين مثل عسل اني وياه ميقبل يهدني بيوم من الايام اجاني عناد ضايج اجيت يمه وحاوطته بركبته بسته بحنجه شبي حبيبي اليوم
بعدني عنه بهدوء كلي ماكو شي طفي ضوه اريد انام
كتله لا احجيلي شكو صاح عليه ماكو شي كتلججج...

عناد: - مرت ايام احلى من العسل اني وزمرد طفله وتلعب على قلبي وتدلع شكد احبها جنت كاعد اكل اجت امي
ام عناد: - يمه عناد اريد اكلك شي
عناد: - كولي يمه خير صاير شي
ام عناد: - هل بنيه ضل هيج معلكه لإدانته نخليها مره الك ومنطيها حقها ولاانته مطلكها وخليها تشوف حياتها وصالها سبع سنين تربى بأبنك ابد محجت شي فقيره وحسها مينسمع وكلشي نحجيه دكول تم
عناد: - سكتت اني..

ام عناد: - ا خذها يمه وارضيها وارضى ربك وساوي واعدل بينهم وهم يتيمه وهم متقصر عن حقها شكو تعقد عليها اذا تريد حمايتها
عناد: - بس يمه ما اكدر اشوف غير زمرد مره مرتاح يمها شلون وبعدها عروس شلون تكسرها...

تم عناد: - مثل ما زمرد زوجتك نورس هم زوجتك وام ابنك الي ربته لتنسه هل شي عناد خليها بالك اذا متريدها اطلكها وزوجها لواحد كرايبنه ولدكول تكسر زمررد لعد نورس شنو ذنبها وكسرت بيها جان اخذتها من البدايه وخليها زوجه الك بس احترمت رغبتك ومشاعرك من حبيت زمرد ورادتها ومحد عارض بس لتنسه حق اليتيم هم حقها عليك
عناد: - يمه شهل حجي..

ام عناد: - اي مثل ما سمعت ليله لزمرد وليله نورس غير هذا لإدانته ابني ولااعرف صار سنين اباوع علبنيه كل متدخل للبيت وجها ينوور وصار فتره من خطبت ليهسه لبنيه منتكسه حالتها حاله شنو ذنبها حبتك لامحررها ولامعتبرها زوجه... وهسه كايمه يبن بطني فكر زييين...

عناد: - عافتني واني صرت الوب طلعت بره افتر وافكر بله هاي اذا فتحت موضوع متتقبله تسودن ومنا نورس وحقها امي بلي كالته المشكله ما اكدر اتقبلها حاسبها مثل صديقه واخت الي اللهم نعلك يا شيطان يااخت نووبه رجعت بليل كالعاده استقبلتني زمرد بابتسامه وفرحانه واني مالي خلك صيحت عليها وهي كامت تبجي..

اجيتها حبيبه صارتلي سالفه ودوختني مسحت دموعها
زمرد: - احجيلي شنو هيه
عناد: - كلت خل اكلها اول وتالي راح تعرف هي كتلها امي فاتحتني على سالفه نورس حجيتها الها سالفه وجان تكوم
زمرد: - شنووو شنوووو اشو هذا غير حجي شيخنه وين تكول ما اكدر اتقبل غيرج وين كلامك هذاااا
عناد: - كمتلها كتلها نصي صوتج متعلينه عليه افتهمتتتتتي مو بمعناها احبج صرتيلي هيج..

كامت تبجي
معليه ما ابقالك هنا
وين ترحين
ارجع بيت اهلي
كولي هل حجايه مرا ثانيه حته اكسر رجليج والله
عفتها ورحت قلبي يدك بسرعه طبيت لنورس جانت نايمه فزت
نورس: - شيخنا شعجب اجيت الي
عناد: - جيت لاازم يتمم زواجناوانتب هم مرتب وحقج عليه ومن اليوم اعدل بينج وبين زمرد كافي صار ٧ سنين ضالمج فوك طيبه كلبج ومداراتج لابني... هي سكتت بعدين كالت..

نورس: - ما اريد شفقه منك شيخنا خليني هيج عايشه احسلي
عناد: - شنو هل كلام احسبج مرتي وانتي فاهمتني ميحتاج نحجي لازم يتم زواجنا هزت راسها طفيت ضوه كعدت على جربايه تلمست ايدها بارده كتلها لتخافين ما ااذيج تقربتلها وعاملتها بكل حنيه كتلها الف مبروك هي كامت بكل هدوء طبت الحمام طلعت هي خجلانه..

عناد: - هسه انتي مرتي حالج حال زمرد يوم الج يوم الها هزت راسها فرحانه مبينه طبيت الحمام سبحت وفكر بزمرد نمرد قلبي من شفتها تبجي شبيدي عليج هسه طلعت من الحمام نمت بجربايه ثاني يوم كعدت صبح لكيت نورس ما موجوده صبحت على امي وشوف زمرد عيونها مورمه
متت قهر عليها حجيت لامي تم كلشي كالت..

الله يطيك العافيه يمه يتيمه هاي
هزيت راسي راحت زمرد للمطبخ لحكتها جانت تغسل وجها كتلها لحكيني فوك صعدت واجت وراي
زمرد: - هااا شتريد
سديت الباب وقفلتها كتلها مو بيدي هل شي حالها حالج مرتي محسوبه عليه
زمرد: - ما اكدر اتحمل تلمس غيري والله صعب هل شي وكامت تبجي..

كعدتها بحضني اني احبج والله ميدخل بقلبي غيرج كمت ابوس بيها بهدوء بخدودها هي غمضت وبستها بركبتها خذتها على سرير ابوس بيها تقربت الها وخلصت هي تريد تكوم اخذتها بحضني تعاليي والله بس وياج احس بهل احساس شسويتي بيه
زمرد: - عناد اني اغار عليك اريدك بس الي..

عناد: - اني الج وقلبي وروحي الج صح هي زوجتي امام رب العالمين ومتكطع قلبي عليها من ما احبها كزوجه لان هالشي حرام عليه بس حرام عليه اضلمها وهيه فقيره بالمرور الوقت حتحبيها والله هي سكتت نامت بحضني طبيت الحمام سبحت مره الخ وبدت معاناتي وياهن.. مرت فتره وطلعن ثنينهن حوووامل نوب جنت بطررك هل طفل كبر هسه ثنينهن زمرد ونورس بس مدري شنو جنس الطفل..

وبدت معاناتي وياهن يوميه وحده تتعارك وي ثانيه يمعودات سكتن كافي لخاطر الله دخت شماخذلي من نسوان ولجن سكتن وحدتهن جانت مالها صوت شبيجن ومنا هنه ثنينهن حوامل تعبني صحتهم ثنينهن كبالي ارد افتهم سالفتجن شني شو وربتن كلبي ور
زمرد اجيها تكلي..

زمرد: - نورس متشتغل هل أيام وصايره تكلي تعبانه من حمل ليش اني هم مو حامل كلها خل تشتغل وياي
عناد: - اي رحت لنورس هاي شوويه عاقله كتلها شبيج تعبانه انتي شنو سالفتج
نورس: - لا شويه تعبانه
عناد: - شو زمرد دكول متشتغلين صيرن مثل خوات لتتعاركن ع شي تافه
نورس: - صار تدلل..

عناد: - تمام تساعد بيناتجن ماريد هل شي يتكرر تالي وكت مشاكل بسبب تافه علمود شغل
ثاني يوم كبت بينهن عركه ولجن ميفيد وياجن انتن اني طالع مليييت ساعه سوده واحد يزوج ثنين صخام بوجها يصير
هنه يلحكن وراي امي تهز براسها
ام عناد: - لا حول ولا قوه الا بالله العلي العظيم ولجن كافي سودنتن رجال هاي انتي نورس شبيج العاقله الهادئه..

نورس: - ولله ما اسوي شي هي تجي تكلي ديري بالج تتقربين من شيخ هو يحبني الي هواي أكثر من اي احد افتهمنه يحبها عمه مو كلساع تجرحني ترا عدي احساس واني احبه شيخ
ام عناد: - باوعت لزمرد ولج زمرد كعدي راحه وحيري بحملج وبدراستج راح طفشن رجال من يمجن كافي عاد كافي يلا كلمن غرفتها بلا دوخه زايده موتنه تموت الله يساعده عليجن..

عناد: - وبيومها رجعت للبيت ضايج منهن ثنينيهن سودنن عليه مدري شبيهن كلساع شغله مطلعاتلي نمت بوقتها بديوانيه تعبان اجت زمرد الي نامت بحضني تحسرت وخري زمرد عني
زمرد: - ليش مو مشتاقتلك وعدي أوجاع اخاف وحدي اضل بغرفتي...

عناد: - عبالي تدلل عليه كتلها اي كومي للسرير ترتاحين ودرت وجهي عنها ضايج منها تغار مخبله جان تكوم وره شوي اسمع صياح كمزت صعدت فوك زمرد تطلك رحت ركض لبست راحت وياي امي
اشوف نورس وجها اصفر ولازمه بطنها يمعوده بس لا جيبين انتي ثانيه خليني بيها حاير مو نوب انتي هم...

نورس: - لا بشهري ستوني طبيت بس من الخوف هيج هي طولت زمرد
ا خذتها المستشفى واني افتر ونتضر وسمع صياحها قلبي وجعني عليها بعدين هدأت جابتلي ممرضه طفله حمره كلتلي مبروك تتربه بعزك هزيت راسي لمعت عيوني بشوفتها راح صير مدلله ابوها هاي بستها واذنت باذنها سميتها شمس..

فرحان بيها شفت زمرد تعبانه ابتسمت الها بستها براسها ونامت ثاني يوم طلعناهه مو مستشفى تفاجئت بنورس محضره فراش جوه الها واجت سندتها وياي يلا الله يهديهن كون اجت باعت ع بنيه
كالت تششبه امها شيخنا ابتسمت كتلها اي
امي فرحانه بيها وادم يباوع من بعيد لاخته عمره صار ٨ سنوات..

صح زوجت وحبيت بس ما نسيت عنود الله يرحمج نامت زمرد ونورس بحضنها شمس وتهتم بيها هاي طفله ونوبه تربي طفله بله نورس عدها خبره من آدم
هي ربته ابني بس هاي شلون وياها يلا الله كريم اجيت صحت نورس كتلها حبابه عينج عليها انتي اكبر منها وتفهمين بتربيه طفل ديري بالج عليها ورضاعه كعدي امها كلتلي دكتوره كل ساعه ونص رضاعه
كلتلي تدلل..

عفت نورس يمها وطلعت باركولي ذبحنه لوجه الله على سلامتها وزعناه للفقراء واجيت شفت زمرد بنت الذين صايره حلوه كتلها كل وحده تجيب هيج صير حلوه ابتسمت هي لكيتها ترضع بشمس
شفتي شلون نورس حنينه
زمرد: - اي ادري بس شسوي من وراك اغار عليك والله..

ضحكت كتلها حافضي على هدوئج مثل ما انتي مرتي هي هم مرتي بعد كم يوم هم جيب هيج تصرفين وياها وهي بيها ولد هم صير غيره ترا ماريد هيج لان عدي كل أولادي نفس التعامل والبنيه تصير اعز... ومحد يجي بمعزه آدم...

زمرد: - لا والله ما اغار لان اني بنيه وهي ولد نعمه من رب العالمين بس اغار عليك من دللك وتحبك اني هم اغار اريد بس اني
كتلها سكتي يلا مو وكت هل حجي حبيبتي لتعبين نفسج نورس يتيمه وحبابه اعتبريها اخت الج شوفيها شلون فطيره كالت الله كريم..

مرت ايام وأجانب آدم يركض يكوول ماما عدها وجع وتبجي رحت بساع لكيت نوورس وجها اصفر ودموعها تصب من الألم كبل امي لبست عبايتها واخدت نورس للمستشفه ولدت نورس ولد سميته أياد صارو ونستي وضحكتي شموسه مدلله عدي احبها هواي وحركاتها نادره
وكبر ادم احسه رجال مو طفل صار عمره ١٠ سنين يشتري لاخته ولاخو واني اخاف عليهم شفت روحي بي شلون يكعد وي جده بديوان ويباوع على كلام ذكرني بنفسي من جنت زغير وشموسه الي تدلل عليه هي امها ونورس الهادئه الرزنه بغض النظر عن مشاكل هي وزمرد
بس يمي متشكيلي احس عائلتي ناقصه داخلي اذاني حيل ليش احس هل احساس لان عنود متوفيه احس روحي مضيع شي الله كريم...

سهام.. مرت الايام والسنين وصرت ساكته ما اكدر احجي بكلمه شويه ابني مهون عليه الي كلما اشوفه اموت قهر من ضميت على شيخ ابنه وشوفه شلون مذلول هنا بس هو قووي ويدافع الي ويكلي نطلع يمه غير بيت ما اريد هنا وهونه وصبره وكله ميخالف اسكت تهون هوه يسكت لخاطري بس شكله ماخذ شهامه ابو شيخ كلما يكبر اشوفه يشبه ابو وامي..

تلوم بيه غبره ما بيج خير واني اسكت فد يوم احس جسمي يوجعني حيل ودوخه عدي ولعبان نفس يربي شجاي يصير وياي سكتت واشوف صدري يورم شويه شويه بيه ورم سكتت عن موضوع لمن اغمه عليه خذوني للمستشفى بعد تحاليل طلع بيه مرض سرطان ثدي كمت ابجي نهاريت وبالمرحله الاخيره صاير وياي من زمان بس ما حسيت على روحي والورم خبيث مو بس بصدري بادي ينتشر بديت اخذ جرعات كيمياويه متت بوقتها الالم..

مينحمل حيل متاذيه كمت افكر بابني الي ما تركني صحت لابني لازم افاتحه الحقيقه حتلو يكرهني اجاني هاي يمه شلون صرتي كمت ابجي وهوه يمسح بدموعي لتبجين يمه هسه طيبين كتله اكعد اريد احجي وياك بموضوع كلي اي شنو يمه كتله بس ما اريدك تعوفني من تسمع هاي احس ايامي الاخيره
كلي احجي يمه ما اعوفج ما عدي غيرج كتله لا عدك ابوك كلي شنو مو مات تكولين أبويه من جنت زغير بابا وليد كتله مو ابوك وليد اني جنت متزوجه وبديت احجيله هوه كام ع حيله صدك يمه تحجين اني متاذي بهل عيشه هاي شلون نطاج قلبج..

تحرميني من ابوي شلون كل هل سنين عافني وراح صحت لاخويه كتله خابر شيخ عناد جان زوجي سابقا كلي شسوين بي خزرني سولفتله كلشي فتح عيونه خنكني كمت كوه اتنفس ما اكدر وخر عني لج كحبه متزوجه وليد بالحرام
ضربني موتني اجت امي وخرته عوفها مريضه غلطت هي وهسه لازم صحح غلطها جيب ابو للشيخ خل ياخذ ابنه عيون اخويه دم صارت خابر شيخ كله عدي امانه ولازم تجي تأخذها...

عماد: - جنت كاعد متونس وي جهال العبهم اتصل بيه رقم غريب رديت وبعد سلام انصدمت اخو سهام جنت متزوجه...
حيل صارلها سنين من طلكتها شيردون مني اتفقت وياه اجي باجر يكلي عدك امانه يمنه بس لا يردون ارجع سهام لو يموتون ما ارجعها صار ثاني يوم رحت للنجف..

واني افكر شرايديين مني وصلت للنجف العصر دكيت الباب طلعلي اخوها وجها اصفر صار طبيت للاستقبال وتفاجئت بسهام مدده حواجب ماكو وهزيله مدده بتعب غضيت نضري عنها
كلتلي شيخ عدي الك امانه مني اني هاي راح اموت طلعت حوبتك بيه
ارتاحي ميحتاج هل حجي
سامحني شيخ
ارتاحي سهام
ابنك موجود يمي طول ١٠ سنوات
يا ابن سهام..

طلعلي ولد بعمر ابني ادم ينشاف باوعتله مدمع عيونه كلتلي هذا ابنك شيخ من طلكتني اني حامل بي من شهرين صعدت اعصاب براسي
ليشششش تكليلي هسه والله جنت حاس شي ناقصني ولج ليش هيج باوعت لابني دمعت عيوني عليه وهو ساكت حضنته هاي انت متربي بعيد عني
سامحني اترجاك اليوم موجوده باجر جوز متبقه أنفاس إلى بهل دنيا...

ما راح اسامحج خل يحاسبج رب العالمين
عفتها اخذت ابني للانبار وياي وهوه ساكت غريب عليه وما اعرف طبعه وصلت للبيت شافت امي الولد استغربت
منو هذا يمه
ابني هذا
كالت شنووو ابنك منين سولفت الها سالفه وجانت زمرد ونورس منصدمات والله حقهن اني نصدمت عدي ابن وما ادري..

كتلها نورس اخذي الحمام وطي ملابس من ادم كلتلي ميخالف كالت هسه شسوي كتلها شسوي يبقه ابني يمي خليها عفتها يم رب العالمين
مرت ايام وابني هاديء مثل البلسم شاطر يدرس درسهم زمرد
ابني وبنتي عمرهم ٥ سنين والكبار ١٢ سنه
خلصت زمرد جامعه قسم لغات وكعدت بالبيت تربي شموسه
احس حياتي اكتملت يا رب ديمها الي وحميها الي وامنع عنهم شر وسهام ماتت ورا ايام من اخذت ابني.

ايه: - مر ٨ اشهر على حملي ونفخ جسمي وجهي ومعتصم يروح ويجي يصيح بطه بيوم من الايام اجه معتصم ضايج حيل بس يركع بالغراض اجيته حبيبي شبيك هيج ليش ضايج باوعلي صفن بوجهي
معتصم: - ماكو شي حياتي ليضل بالج بس تعبان من شغل
تمام حياتي لتتعب بس حياتي اتصلت اليوم بيك ولكيته مشغول
معتصم: - اي جنت احجي وي صديقي علمود شغل..

تمام حسيته ضام عليه شي سكتت وكمت نزلت درج متت من تعب خل اجيب غراضي للغرفه جوه علما اجيب تعبت حيل من صعده ونزله مر اسبوع ومعتصم وجهه مينطاق بيوم من الايام سمعته بالطارمه يعيط اصنطت عليه يمعوده شتردين مني لخاطر الله والله مرتي اذا درت بيج تروح من اييدي عوفيني بحالي رجال متزوج واحب مرتي وتحبني وما مقصره وياي شلج بيه ولتتصلين بعد.

اني كمت ارجف ضليت باب مطبخ واكفه نزلت دموعي تفاجأ من شافني منوو هاي
معتصم: - ايو حبيبي بس افهمج لزم ايدي جريتها منه عوفني وكلي منو هاااااي
بس اهدي والله معندي شي هاي جانت تحبني اتصلت مره الخ والله اطرد بيها وبعدها لازكه ونوبه طلكت كلساع تتصل اني شنو ذنبي احضرها تجيني من غير رقم باوعت بوجهه..

وخر عني صارلك شكد ضام عليه هااا كم مره كتلك لضم عني شي وثانيا شكو ترد عليها والله حلالك جو مو معتصم نوبه طلكت والله ربحتي يا ايه روح جدد حبك وياها شمنتضر مني
معتصم.. شبيج شهل حجي هذا اني لو اريد مثل متكولين جان ما احجيلج هسه وانكر
خلف الله عليك بقه بس تعزمني ع زواجكم موو كمت ابجي..

اني حض ما عندي شكد ما اسوي يبقه حضي اعوج عفته وسديت الباب كمت ابجي اروح وارجع نار تحرك قلبي حرك صار ليل واني على هل حاله لا تغديت ولا كلت اي شي نفسيتي تعبانه طب معتصم الغرفه درت وجهي عنه اجه باس ايدي كومي يروحي مماكله شي ع ريوك كتله ما اريد منك كلشي ورجاءا اطلع اريد انام كلي كومي اكلي جبت اكل بالمطبخ كتله ما اريد تريد اكل انت درت وجهي عنه وغطيت راسي كام يستغفر وطلع نمت اني وكعدت ساعه٣ الفجر اول ما كمت دفرني بطني ابني ابتسمت رغم ما ضايجه حبيبي جوعان والله جوعانه خل اروح اكل رحت فتحت ثلاجه مجايب شي يمكن اكله فتحت الفرن لكيته حاطه بالفرن صاج جايب حميت الاكل واكلت شويه توضيت وكعدت اقرا قرأن مخنوكه حيل وره شويه اذن صليت وضليت اتكلب ما اكدر انام مختنكه وضليت ابجي سمعت باب نفتحت دخل معتصم شافني كاعده اجه بصفي يشم شعري كتله ليش هيج سوي بيه كلي ايو والله تعبان يروحي وما عندي شي.

ما عندي اي شي وياها
لعد ليش تجاوبها شنو مالي قيمه بحياتك احجي كلي والله انتي كل حياتي وهاج هذا الخط كسره كدامي كلي ضليت سهران اسجل الأرقام المهمه ونفس الوقت مجايني نوم لان مو بحضني انتي سكتت هوه كال راح اغير رقمي ايو كتله هاي اخر مره والله يا معتصم لو تكرر ما اخليك توصلي كافي عاد اريد ارتاح تعبت مليت كلي صار يروحي لضوجين ابني دفرني بطني وجان حاط ايده هوه ضحك كال شوفي ابنا يكول لزعل ماما بعد وضل يبوس بطني ابتسمت اني كتله معتصم اريد اكص شعري والله تعبني..

كلي ابد ابد عوفي هذا احبه شعرج حيل كتله والله متعبني كال اني امشطه وغسله وغمزلي ابتسمت شالني هوه لغرفتنا كال ثكلانه حبيبتي ضربته بمتنه كتله نزلني يلا كام يضحك هوه اشاقه وياج يروحي نمنا بغرفتنا وارتاحيت لان اجه وبرر ادري بي مغلطان بس لازم يحط حد للموضوع مرت ايام وطبيت بتاسع وثكلت كلش حته رجليه ورمت وخطيه معتصم يمرغلي اياهن تجيني عمتي نسولف ونضخك وضل يمي تطبخ الغده خاف اجيب ع اي ساعه جاي اسولف وي عمتي حسيت بتقلصات قويه حيل عطت حيل اجت عمتي تمشي بسرعه ها يمه شبيج كتله موتتني بطني..

كلتلي تقلصات وتشاليع هاي لشيلين هم كلتلي خل ياخذج معتصم للطبيبه كتلها فد يومين عمه صارلي ١٠ أيام من طبيت بشهري كلتلي ماشي بس اني احس طفل ع قلبي ممرتاحه لا بنومتي ولا بكعدتي مر اسبوع لان معتصم مفرغ يأخذني خذاني دكتوره خذت سونار الي كلتلي شكد بشهرج كتلها ١٥ يوم بي فحصتني كالت ٥ ايام او اسبوع إذا مجبتي يموت جنين طفل مي مالته قليل اذا مجبتي طبيعي عمليه احولج كتلها تمام كالت لصعدين وتنزلين ماشي دكتوره طلعت منها خايفه حيل شافني معتصم كلي شبيج حبيبتي حجيت كلام دكتوره كلي مو مشكله حياتي الله يكومج الي بسلامه انتي وابنا خذاني للبيت وعمتي ضاله يمي وبطني كلساع تقلصات متت وجع..

مرت ٤ أيام واني اوجاع تروح وتجي صرت اعصاب ما احجي وي احد لان الم موتني يروح ويجي اجه معتصم باسني براسي كمت ابجي كتله تمنيت امي يمي اريدها يمي معتصم كلي شبيج حبيبتي اني يمج امج وابوج وكلشي سكتت واني ع أعصابي متحمله روحي باليوم سادس اجتني اوجاع قويه كمت اعيط الفجر الحكني معتصم حموووت الم كوم فز معتصم خذاني بسرعه اخذ عمتي كالت خذتي جنطه كتلها لا واعيط كتله بغرفتي يم جربايه كال ماشي ركض معتصم جابها واني اعيط اكله حموووت كلي مضل شي يروحي وعمتي تقرا ايات وصلي على محمد وصلنا مستشفى..

وصلنه المستشفى حطوني بغرفه اجت دكتوره مالتي عدها غفر همزين الله حابني فحصتني كلتلي ماما عدج ولاده ومي طفل خلص هاي شنو ما عندج توسع حولوها عمليه بسرعه كمت ابجي خايفه حيل اجه معتصم يبوس بخدي وعيونه حمر حطوني ممررضات خذني للغرفه كتله معتصم ابني امانه بركبتك خاف الله مكتبلي عمر ابريلي ذمه هوه نزلت دمعته ايو لتحجين هيج ان شاء الله ترجعولي انتي وابني طبيت الغرفه واني ابجي يارب العالمين سهل عليه بجاهك يا إمام علي يا كافل يتامه يتيمه مالي غيركم يارب العالمين اجت دكتوره حطولي كانوله ضربوني ابره بالكانوله وحطولي مثل اوكسجين بخشمي ما احس بشي..

بعد صحيت لكيت يمي عمتي وكعدت الالم يموت صحت اااه كلتلي عمتي سلامتج يمه الف مبروك الولد يتربه بعزكم كتلها تسلمين عمه وين معتصم كلتلي فرحان جاي يطي للمرضات فلوس اجه معتصم باس راسي الحمدالله على سلامتج ام ادم باوعت كتله سميته ادم كلي اي والله احب هل اسم كتله ماشي حياتي جابت ابني ممرضه بوسته حبيبي مورم وجهه يخبل بس كلتلي رضعي بديت أرضعه وخرت كبل كتلها يمه ديوجعني ضحك معتصم كلي شبيج حبيبتي رضعي تتعودين حطيته ع صدري وعضيت شفتي وحبيبي جوعان اجه معتصم شاورني اكلج شو هذا اخذ املاكي كتله اسكت عيب يمعود منا مستشفى وعمتي كال يصير خير ضليت يومين بالمستشفى وطلعت اجو بيت اهل معتصم حمويني تحمدولي بسلامه وعمي هم اجه مرت ايام ع ولادتي وخبرت زوزو ع ولادتي فرحتني..

رجعت من مستشفى تعبانه والآلام تذبح اجت عمتي لبسته قرآن ذهب كتلها شنو هاي عمه كالت هذا قليل لابن غالي ابتسمت كتلها الله يخليج النا وفوك راسنا كالت يلا شدي حيلج نريد نشوف ثاني كتلها يمه اترجاج الالم يذبح هي ضحكت معتصم طاير بادومي اول مرجعت للبيت وره شوي راسلت زوزو تحمدتلي بسلامه وكلتلي ع صار ادومي وشفت دعاوي الحلوه فرحت بوقتها الله يوفقهن ان شاء الله وأثناء ما احجي وي زوزو خذه معتصم موبايل كلي شنو شسوين كتله داحجي وي كاتبه كال هنيالها والله واني يومين كلشي كا اشوف منج امي نايمه يمج وناس طابه طالعه عليج اني زعلت كتله يااا يمعود ما بيه حيل شبيك كال اريد تراضيني كتله تقرب مني هوه اجه بسته بخده كلي احد كلج اني ادم لو امي شنو هاي البوسه..

كتله لعد شسوي اجه باسني بشفتي حيل ومتلهف عليه اني ذبت بحضنه اجت عمتي شافتنا وطلعت كوم ولك شنو هاي وخر معتصم حجيه احد كلج طبين شوفيني يم مريتي طلعي رجاءا اجت جرته دكوم كوم وانتي يالفاهيه نفسه شكو تخلي يجي يمج كلها يمه رحمه لأهلج شسوت هي متكليلي اني طالع طلع معتصم وعمتي استلمتني خجلت حيل خرب يومك معتصم فضحنا كعد ادم بووسته نايم بنهار ابو الوكاحه وبليل غفاره رضعته والالم موتني تموت ومنا خايفه عليه حيل ازمه كورونا ومعتصم ميطلع بس لشي ضروري الناس تبهذلت حيل مرت ٣ أيام وعمتي سبحت ادومي ويصرخ كتلها عمه ع كيفج خطيه كالت شمعرفج انتي لازم هيج ينضف نضفته وجابته يمي يفحط حبيبي رضعته يشهك وصار احمر..

كلتلي جم يوم وطهروه كتلها عمه اخاف عليه بعده عنوني كالت كلما زغير احسن هواي حته ميلجم روحه خطيه كتلها الله كريم مر اسبوع وصعدت لغرفتي ع كيفي وبشهر رمضان صايمين واني ما اكدر حنطلب هالسنه لان نفسه بعدني رضعته لادومي واشوف معتصم نايم ع بطنه حطيته بفراشه وعندي الم بطني حيل قوي بعدني مطبت والبلاستر شاد ع بطني اباوع ع جسمي سمنانه كون اضعف خرب شهل جسم جان يكعد معتصم كتله باع جسمي كلي شبي...

كتله سمنانه كال طبيعي حياتيي هسه تفشين شويه شويه وعندج رضاعه تضعفين اجه باسني بركبتي كتله اكعد راحه صايم كال ما اسوي شي شبيج الله واكبر فوك ما محروم منج وعمتج وراي وراي حسره عليه بوسه ع اقل نامي بحضني كتله اي اي اوك افتهمت يمعود رحت بالفراش ستوني حطيت راسي ع صدره بجه ادومي كمت اضحك ردت اكوم كلي اني أجيبه نعلعله يومك قاطع الأرزاق دخذي يمعوده يريد يشم ريحتج كمت اضحك خرب يومك بطني..

كتله خرب يومك بطني ما اكدر اضحك كال اي شكو عليج الله يعيني طلع من الغرفه وهوه يدردم ضحكت عليه نام ادم ونمت يمه كعدت ع اذان مغرب خطيه حبيبي لسه نايم فايته رضاعه ساعتين رضعته وهوه نايم كوه يرضع اباوع ع ملامحه ساعه لابوه يشبه ساعه الي متنعرف بسته براسه اجه معتصم خطيه شايل فطوره كتله ليش يروحي تعب نفسك اجي وناكل كال لا ليش يعزلولج اني اريدج يمي واني اوكلج شعدي غيرج فدوه حبيبي خطيه يسويلي لفات وهوه ياكل باوعت بوجهه كتله الله لا يحرمني منك كلي ولا منج يروحي صار ١٠ أيام أخذني دكتوره معتصم فتحت الخيوط والبلاستر ارتاحيت شويه كلتلي...

بس عقمي منطقه ماما كتلها تمام أخذني معتصم وادم كالب بيت عياط اجيت رضعته حبيبي وبوس بي كالت خبصنه هل فصعون كملت رضاعته وصعدت لغرفتي ع كيفي كمت اكوم وي عمتي شويه شويه اساعدها خطيه مره جبيره متكدر اساعدها بتحضير فطور معتصم منعس ميكدر ينام من وره ادم وصوته بس يبجي بليل ونهار نايم مر شهر ع ولادتي واني اباوع ع ملامح ادم وضحت ماخذ بياضه عليه وملامح ابوه كله حبيبي بسته بخده وأحمد رب العالمين لان رزقني بهل طفل وفرحنا ما كسر بخاطرنا وعدت روحي انو اربي ادم وما اخلي يحتاج احد ابد بهل دنيا وعوضه عن كل الي مريت بي الحمدالله والشكر من خلاني اصير ام ورجال معوضني عن دنيا كلها...

صح هوه عصبي بس طيب القلب ممقصر عني اي شي والله يفرح قلوب الي ميصير عدها أطفال ويفرحهن بذريه صالحه ان شاء الله شافني معتصم صافنه كلي حبيبتي نامي تعالي ليكعد الذيب وياخذج مني ضحكت اجيت بحضنه بسته بخده كتله احبك كلي اني اموت عليج... ولهنا تنتهي قصتي اشكر كاتبتنا زهراء والله متواضعه ودوم من احجي وياها ترد بسرعه متخليني انتضر وشويه من يكبر ادومي فد شهرين اشوفكم اياه وشكرا لكل وحده دعتلي من قلبها..

تمت
نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة
الآراء والتعليقات على الرواية
W