قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الرابع عشر

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الرابع عشر

تصويت
شرد اگول هواي بية
اتواردن بيبانك وجف الفقير
اگبال وجهي بمغربية
ضكت الدنيا علية
جني مرجوحه جهال ابيت عاجر
حتى لو انباگ مايدرون بية
والمصيبة بروحي تنزف
والتكتلك جرحي ناشف جرحي شايل نرجسية
انا شايل مستحى المحد خطبهه..

المن تريد تناجي ربهه تگله ربي وتستحي تكمل طلبهه
خابرني رديت اسمع هلهوله كتله هاي شنوو
معتصم: - معليج هاي ابن عمي فرحان بيه
ضحكت اني كال اوكفي وره شوي كلي
معتصم: - اووف ولج ممصدك يعني بعد يومين صيرين مرتي
اكلج اول شي نعقد محكمه اي اضمنج الي ما بيها مجال
ضحكت كتله بكيفك..

معتصم: - والعصر مؤمن
ايه: - مستعجل شبيك
غير متت يا مستعجل
ماشي حياتي
حبيبي احجي وياج بعدين الولد يمي
كتله ماشي حياتي خلصت منه وتمددت واني فرحانه حيل اتخيل حياتنا اني وياه يارب تممها خير علينا...

معتصم: -. بعد ما وصلت مرت عمي منتضر ع نار ساعه وطلعن اجت مرت عمي ضايجه حيل كلتلي امشي يمه كتلها بشري
تم عناد: - امشي وبعدين اكلك
هبطت كلت بس لا مصارت مشيت كتلها احجي اسمعج
يمه مو من نصيبك
وكفت سياره كتلها شنوو شكالو..

ما وافقت البنيه هي رفضت متريدك
انصدمت ليش متريدني وراها مرت عمي ضحكت حيل
سوده عليه عمه وجهك اصفر صار
شنورشكالت عمه
اشاقه عمه بيبتها كالت وره يومين تجي تعقدون
صدك تحجين يا الله صدك
عمه الف مبروك ومتهنايين ان شاء الله..

يا الله يا ربي فرحه بقلبي الف الحمدالله والشكر ياربي الف الحمدالله خابرت حبيبتي كتبتلها مسج وصلت مرت عمي ضليت يمهم طلعت احاجيها اتصلت واجه ابن عمي هلهل من وراي ضحكت كتله وخر كلتلي شنو كتلها ابن عمي ضحكت كتلها نعقد محكمه يالله مؤمن كلتلي شبيك مستعجل تكلي مستعجل غير ميت هسه اريدها يمي يا الله اوووف اتفقت ويه ولد عمي يطلعون وياي من اعقد محكمه كلولي ادلل رجعت للبيت لاكتني امي تبجي وتنوح..

شبيج يوم صلي على محمد وآل محمد
ام معتصم: - سويتها وخطبت تشمت بيه نسوان عمك
معتصم: - بالعكس نسوان عمي حبابات انتي الي متتقربين من يمهن نحجي حق الله مو لان خطبلي ادافع الهن حبابات وخوش نسوان يوم انتي مدري شبيج وياهن.

ام معتصم: - طبه لبيتي مطب ماريدك بالبيت
معتصم: - اجه ابويه عاط بيها لاول مره اشوفه يصيح هيج
ابو معتصم: - اسكتي يا مره الولد هاويها والبنيه تجي هنا وحق الله اذا مسكتين كعده بيتي متكعدين
كتله يابه اهدء هي عافتناا
ابو معتصم: - شهدأ امك تتفرعن عليه ما الها رداد شنو ارد اشوف شلون تحجي بعد..

عفته صعدت لغرفتي مقهور من امي حيل حاجيت ايه ونمت... وثاني يووم اخذت خطااابه وعمامي وشيخ عناد وتمت الخطووبه وكلت بااجز اعقد محكمه وسيد هاي بس قرايه فاتحه والنسوان اخذتهن اليوم..

ايه: - ثاني يوم بيبي خذتني وجهزتلي فستان ابيض حلو للعقد ورجعت للبيت فرحانه حاجيت معتصم شويه وبعدها رتبت البيت وحضرته صار صبح معتصم اجه ب٧ دك الباب بيبي طلعتله كلتله روح يمه اخذها كلها محد وياها كالت لا اخذها ما اكدر نطلع وحدنا وياك اخيتك ومامنه بيكم
صعدت سياره فتح نغمه مالت محمد الفارس لسوي المحد مسوي هههه بيها ضحكت كتله مو عرس بعدنا نعقد..

حتلو نعقد محكمه وراها مومن وصلنا للمحكمه حللنا واكو إجراءات صارت عقدنا محكمه وراها رحنا الامام علي عليه السلام عقدنه مومن لبسنا الحلقات شعور مينوصف فرح ع خوف من الجاي وخايفه من امه خاف تراويني الويل رجعني البيت هو فرحان طايررر من الفرح
معتصم: - عذريني حبيبي ما اكدر اطول وياج..

كتله لا عادي يروحي مو مهم طبيت للبيت بيبي هلهلت حضنتها وطشت جكليت عليه طبيت للهول والكه ملتمات نسوان تالي كالت نسويلج حفله اليوم وي بنات اختي وبناتهن كيفت اني صاحت
لبت اختها الي هيه عود امي الثانيه الي مسجله باسمها عساس اني..

كلتلها يمه اخذيها للصالون كتلها اصلي ونطلع للصالون صليت ودعيت ربي يسعدني خابرت معتصم كتله راح نسوي حفله كال خل ادز اختي يمكم كتله تمام هلا بيها كتله اروح صالون كال روحي يعمري ديري بالج على نفسج كتله اوك..

طلعنه وصلت صالون استلمتني حف وتنضيف بشره شسورت شعري مكياج خفيف طلعت شكل ثاني رجعت للبيت لكيت اخت معتصم واصله كامت تهلهل من شافتني ابتسمت لبست فستان الأبيض كعدت بدن بنات يركصن وره شوي اجت اخت معتصم كالت لبسن بنات يريد يلبسها ذهب
اني تفاجئت عزه هذا مشلح شلون فشله اجه هوه اني دنكت باسني براسي اخته اخذت صور النه هو شاورني
حبيبي الحلو شطالع اليوم شهل كيك يربي
ابتسمت..

كال يمه فدوه اروح اني لبسني ذهب وباسني بخدي وطلع خلصت الحفله لملمت البيت اتصل بيه معتصم ضل يتغزل بيه هههه كلي اسبوعين واخذج ما اتحمل
اني مجهز كلشي بس الغرفه نختارها سوه كتله ماشي حياتي اسمع صوت بيبي صيح اني ركضت كتله بعدين احجي وياك
عناد: - بعد مخطبنا لمعتصم والفرحه بعيونه واني مرت الايام بسررعه مبقه شي للعرس مالتي..

اجه يوم العرس واني افكر شلون سالفه هاي متقبل عنود تنزل طفل ياربي شسوي بيها واني مخنوك ما جاي احس راح ارتاح وي هاي ثانيه
ساعدني ربي ان شاء الله توقعاتي تطلع خطأ لبست شماغ والعباه هذا زي مالتنا وخاصتاا عمي عبرت الست اشهر بحيث منسوي هوسه يعني بسكوت لااغاني ولاشي حته بخطبه معتصم بس اني وابوي وعمي رحنا وراها توجهنا للنجف وصلنا البيت العروس ولد عمي يرمون طبيت تلكاني ابوها سلمت عليه وعله اخوها وراها كتلهم اطب اخذها طبيت بست راسها وبارةتلها ولبسوها البركع تغطت كامل ردت اخذ ايدها جرتها عاد اني خزرتها ولزمتها حيل ابوها سلمها بيدي يريد يودعها ابتعدت عنهم..

سهام: - يلا شيخ امشينه
عناد: - اني شفتها غريب تصرفها ابوها يخزر بيها شكيت السالفه بيها انه رجعنا الانبار عنود راحت لبيت عمي لاهلها متتحمل تشوفني عفتها وحقها هل تصرف وهم تعبانه بدايه حمل لازم متتحرك هواي ماشين بسياره نزلت قريب بيتنا ولد عمي يهوسون نزلوني اهوس وياهم واني رافع ايدي واضحك ع حركاتهم..

ما احس غير شي اخترق جسمي شي حار وصابني مديت ايدي بيها دم واجت وحده ثانيه بجتفي ما حسيت بدنيا شي...
كعدت ع وجع بجسمي ما اكدر اتحرك لان ابوي عمت عيني عليه مدنك اول مره اشوفه هيج
كتله يابه مي عطشان
صاح الف الحمدالله والشكر كعد الشيخ
اجه معتصم كال شيخنا ارتاح
عناد: - معتصم شصار فهمني ليش مصووب..

معتصم: - شيخ الحمد لله عله سلامتك شخص صوبك ما لحكناه جان اسرع منه ااخ لو الزمه
كتله تهده معتصم مو وكتها...
سهام: - بيوم عرسي رحت صالون جهز بيه واني ما طايقه روحي الله لا يوفقكم عتبه بيت اهلي ما المحه بس أتزوج اني سهام هيج يطوني بهل سهوله بسيطه..

اجت زفه لزم ايدي شيخ لعبت نفسي منه خزرني هوه بعد وبعد كلشي مشفت مني راد ابوي يسلمني بعدت عنه هوه صفن ما اريد وجهكم اشوفه بعد
صعدت سياره ولد عمه ذبو لحم متقزززه منهم وصلنا الانبار فجاه اسمع صوت رمي هاي منو صوب طلع شيخ عناد متصوب خذو اهله وناسه
واني نزلوني لبيتهم وامه تعيط يبو راح يموت ابني واني كارهه اصواتهم كلشي ما بيه ميموت بس هذا منو صوبه شعليه اني.
وبعدين خابرو اهله بالعمليات مطلعين طلقتين جايات بجتافه هسه لو جايات بكلبه واخلص..

كتلهم وينها غرفتي اريد ارتاح وحده باوعتلي صفح اسمها رسل
رسل: - عيني الوادم مخبوصه ع اخوي شيخ وانتي دمعه منج ما نزلت شنو من عين كويه هاي
سهام: - مالي خلكج افتهمتي
امها اشرتلها صعدني صعدت لغرفتي ذبيت ملابسي ونمت... والكل راحو للمستشفه وناس رايحه وناس جايه واني ضاله بس اتفرج
عناد: - بعد موعيت ثاني يوم نكلبن المستشفى يتحمدولي بسلامه ناس رايحه وناس جايه خفت الوادم اجت عنود..

عنود: - اني بلبيت وخابرو عله اخويه وماشوف الا خويه انصدم وكال هسه جاي كتله شكوو مراد يكولي وعافني وراح بعدين مرته كالت انو عناد متصووب واني تخبلت مااعرف شصار بيه واني منا بطني توجعني ولعباس نفس نوب تخبلت ردت بس احد يوديني كتلها هسه تودوني بس مقبل اخوي اجه بليل توسبت بيه ماقبل كال خل تخف الوادم الزلم تارسه المستشفه والشيخ اكيد ميقبل انتضرت ثاني يووم بليل كلش اخذوني اله...

عناد: - اجت عنود شافتني تبوس بيه
ردت اموت بلياك عسه يشوف نار جهنم كلمن السبب بهاي طيحتك شيردون منكم الله لايوفقهم...
عناد: - كلشي ما بيه حبيبتي...
عنود: - لو صار شي بيك وين اروح
عناد: - اشششش سكتي قدر الله وصار روحي حبيبتي للبيت ليجي احد يشوفج يزوروني ويشوفوج عافتني واني صافن بجذب ما دكت سهام عليه بسيطه هاي ضاهر متعرف كل اصول مرن يومين واجه موعد رجوعي للبيت رجعت البيت..

ذبحو فجران دم جوه رجليه اسمع الهلاهل ضحكت هاي امي اكيد
لمن اطب وشوف سهام تهلهل فرحانه باوعتلها صفح
اجت حضنتني وخرتها مني الزلم فاتو وياي المفروض هيه غريبه تبقه جوا لحد يرحون
بوست راس امي وعنود واخزر بسهام ابد معجبني تصرفها مبينه من اولها شلاااع قلب الله يستر..

اجت كعدت يمي كتلها كومي ولد عمي هنا مشوفيهم عوجت حلكها وراحت بسيطه يصير خير وشوف عنود تباوعلها وتتحسر الله يستر منها شو شمسويه...
رحت للشيخ اشوفه سوده عليه وجه اصفر تخبلت عليه كمت الطم ونسيت روحي حامل شفته وارتاحيت رجعت لبيت رجلي جان تتلكاني وحده ملامحها حاده وسمره طويله عرفتها مرته تباوعلي صفح.

سهام: - مرته انتي
اي اني بت عمه ومرته الاوله...
سهام: - ه+اي انتي عنود
عنود: - ليش شبي اسمي
سهام: - هوه انتي كلج نص مره فوك ما مريضه... ونوبه عنود اسمج ههههههاي
ضليت ارجف من الاعصاب استحي على روحج خوش اني مرت شيخ الأولى وام ابنه ان شاء الله ومن تحجين احجي بادب
ضحكتلي هاي إذا ضل ابنه...

لزمت بطني خفت منها اجه شيخ طلع من مستشفى تهلهل صفنت عليها خبيثه منين اجت هاي يا ربي باسني براسي وهي تلكته تبوس بي شكد متستحي كبررر لفها عفتها سلمتها بيد الله يحميني منها ومن شرها...
عناد: - بعدما طلعت سهام ضلو الاقارب يتحمدولي بالي مو صافي يا ربي شايل هم عنود ومنا ابويه تعبان وصاعد ضغطه من تصاوبت بس اريد اعرف منو هذا الي صاوبني
يصير خير يجي يوم وعرفك مر اسبوع واني شافيت صرت اكدر احرك ايدي واشوف عنود تعبانه وجها اصفر تتلوه من بطنها...
شبيج يروحي...

مابيه شي تقلصات حمل ولازم مااتحرك واني منا كلياتي توجعني وهاجت كلها عليه...
اوووف من عنادج اكلك منا انتي مريضه بس ركبتي راسج الا تبقيه اذا صار بيج شي بله اني شراح احصل...
عنود: - هاهيه شيخنا الكاتبه الله يصير...
عناد: - ونعم بالله يله حبيبه خلي اختي زينب تجي يمج اني رايح لسهام... لازم اتم الشغله...
سهام: - طبيت الغرفتي بدلت أريد انام
دخل شيخ
خير ان شاء الله..

عناد: - سهام هم يالله تكمل شغلتنه الوادم منتضرتنا بس الاصابه معتني وانتي مرتي
سهام: - لا شيخ اني ما اريد
هوه شنو متردي
ما اريد يصيرر شي بينه
وليش بيج شي صاير شي حته متردين انتي صرتي مرتي ان رضيتي اولا لازم يصير هل شي بينه...
سهام: - بسرانه ماريدنك شيخ اكرهك فاااهم غصبوووني عليك...

تقرب مني وعيونه حمر اني مو وحده تلوي ذراعي فاهمه غصبن عليح اخذج برضاتج او كوه وبعدين عوود لترديني هيهومولعبه جهال عمرج ٢٥ سنه طلابه...
سهام: - تقربلي وكل لمسه وتصررف داخلها حقد واني اقاوم بيه ماريده بس هوا قوي ماكدرله واخذ الشي ليريده مني وطلع دم بياضي خلاه بوصله بيضه وضمه... وعافني وطبك الباب حيل واني ابجي ضليت اصزررخ وابجي..

ما اريد اصير مرتك وحالي حال ذني يتمنن كلمه من عدك اني سهام الي اريده شي خاص الي اني من عكب وليد سديت قلبي خذلني وكرهت كل حب
ضليت ابجي واسمع يتباركووله كمت بالكوه لان متأذيه حيل وقفلت باب الغرفه... ماريده...

عناد: - صعبه عله رجال ترفضه المرا بي لازم هل شي يصير لازم اتأةد انو بت بيت لان ليش ترفضني بس هينه ياسهام الضاهر وكحه وعينها كويه تم كلشي الي لازم يصير ولبست وعفتها وطلعت رحت باركولي واني بعدني تعبان مار ١٠ ايام عله اصابه بجتفي وهاي خلتني اتأذه بمقاومتها الي عاد غسلت ورحت يم عنود خليتها بوحدها سهله الايام التجي ان مجان عدها تربيه اربيها من حده وجديد مو اني التلوي ذراعي وحده مثلها...

سهام دا ثاني يوم نزلت اني اشوف الوجوه مكلوبه رسل تباوعلي صفح
كتلها خيرج شو تباعين هيج
رسل: - معليج انتي
عافتني ولي الي خلكج اني سويت اكل الي اكلت وعفتهن ع سنك جان مرت عمي تجي
ام عناد: - يبت الاصول الي ياكل يغسل ماعونه اهلج ما علموج الأصول...

سهام: - والله مجايه خداامه وبعدني عروس اكعد اغسلج اماعين
ام عناد: - عله كيفك هوا منو مشغلج انتي..
عناد: - جنت بالغرفه يم عنود الصبح كعدت تعبان مالي خلك
اسمع صوت عالي بالمطبخ كلت شكو وشوف سهام تعد وصف لامي
اني مجايبيني خدامه اشتغل الكم امي تكلها هوه منو مشغلج مواعينج اكلتي غسليهن ما اغسلها وبكيفي عجبج عجبج ما عجبج شسوين سوي صحت بيها سهااااااااااام شنو هااااي شلون تعلين حسج على امي..

مو عيب اهلج ما معلميج واجبج الاحترام
سهام: - شيخنا اني محترمه روحي بس كل لامك
عناد: - بسسسسس ضربتها راشدي ادبسززز اكول امي امب تسوه راسج وراس عشيرتج احترمي نفسج يا يوم مره تعلي حسها عليه ولج شنوو هل عرامه والوكاحه مو هاي متزوج وحده ما فد يوم فكت حلكها اهلي يحبوها لان تعرف الاصول وحبابه..

شبيج تخبلتي ولج هاي اول اسبوع وهيج لو يصير سنين يمكن جلطيني وموت ولي لغرفتج يلااااا هي صعدت دردم واني ارجف من الأعصاب جتفي كام يأذيني اجت امي
هدي يمه متسوه خل تولي
لا يووم ماكو خل تولي هاي بدايتها اذا منضبت تتماده مبينه عرمه... واحنه ماعدنا بنات عرمات... ولسكتيلها اذا تماده وياج... خل تولي افرك حلكها الي متحترمج لو تحترم اهل البيت...
في مكان اخررر مها...

مها: - وخلصنه ع هل روتين سنه كامله بكل يوم احس محمد يتقربلي مايريد يزعلني يخاف اذا شافني ضايجه يبقى متوتر كل الوقت الي احنه سوه...
صارت الامتحانات الوزارية واني بمدرسه وامه بمدرسه امه جانت تروح مشي لان قريبه عليه المدرسه بس اني بعيده صار يجي بس الي ولازم محمد يمشي ع كيف ويدور ازدحامات ع الرغم جنه ما نسولف وبس ساكتين وصار اخر يوم امتحانات واحنه راجعين للبيت كال
محمد: - اريدج تدعيلي..

كتله ان شاء الله خير تريد تعرس
ايي اليوم راح أفاتح اهله
مها: - بيه الخير ان شاء الله. ينولك الي بالك
كال أمين. وياها حسره
ليش تتحسر ع شنو خاف جابرينك عليه
بلعكس كله فرحانه بس خايف منه هيه ترفض
اذا الله كاتبه الك لاتخاف. واذا نيتك صافيه الله مينطيه الغيرك صدك الله ارحم من عباده ترى
فرحتيني بحجيج وطمنتيني شكرا..

العفو تدلل ورجعت للبيت بس اول اسبوع بديت اشتاقله بس كلت مهاوي اصحي مو الج وانتي مصيرين الاحد كافي وأعقلي ارجعي الوعيج وخليج ع اقل كملي دراسه والله وداومت اول نصف من الرابع بس مو محمد يوصلنه اخو الاكبر منه.
ماعرف ليش بس جانو يكولون انو مشغول وكذا وجنت ما الح هواي بل اسئله وبلعطله راسلني رقم غريب الو كتله
منو
كال اريد أتعرف
كتله انته بطران
اجيت للشخص الغلط
وحضرته مباشرتآ حته ماصار عندي فظول اعرف منو.

وخلصت العطله وداومت اول يوم اجه محمد وصلنه كلش ارتاحيت من شفته. وهم من طلعت من باب البيت نزل من السياره ضليت مستغربه معقوله مشتاقلي لدرجة ينزل من السياره وبلمنطقه وبابا واكف بلباب
. المهم غلست وصعدت بسياره بدون ما اباوع بعيون بابا وصل امه ورجع وصلني للمدرسه كال مهاوي
 تفضل باوع بلمرايه وانه اباوع عليه كتله كول
شلونج
بخير اذا انته بخير
انه كلش زين. لعد
ان شاء الله دووووم لازم الخطوبه مأثره بيك..

صفن يالله جاوب وكال ايي
كلش ضجت بس مابينت هل شي ورجع رجعني ونزلت ونزل وياي كتله وين كال فوتي للبيت وراح
انه ضحكت وكملت للباب فتحته وفتت واجتني زوجة محمد اخويه كالت تعالي ولج. اجوج خطابه.
وامج وابوج راضين كتله شنو منو سمع محمد وين..
كالت محمد هم موافق.

كتله شنو تحجين انتي اني اريد اكمل دراستي
ايي هو كال عادي اتكمل. انه انصدمت وخفت وكلتي قربت أيامي.
كرهت الي خاطبني قبل لا اعرف منو...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W