قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الثاني والعشرون

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الثاني والعشرون

نشرررت بارت جياه مها ومحمد النهاذي قبل هذا شوفوه
في غرفتي كنت اسأل نفسي !!!!
ما اسباب النجاح في الحياة ؟؟
فوجدت الجواب داخل الغرفه !!!!..
السقف يقول الطموح عاليا...
الشباك يقول تأمل الغد...
الساعه تقول الوقت ثمين...
المرايا تقول ابدأ بنفسك...
الباب يقول ادفع بقوه...
أما الأرض فقد قالت !!...
( ضع أمنياتك في السجود فأن الله لن يردك خائبا )...

بعدما طلع معتصم ضليت افتر وين اروح يا الهي تعبت والله بعد شتحمل استغفرت ربي كلت هسه هوه هم معليه بس خل انطي درس بحياته ميضم عني شي
اجه هوه يباوعلي بعتب جبت فراشي نزلته عنه ونمت بالكااع اسمعه يتكلب ومينام واني هم ما غمضت عيني سمعته كام غمضت عيوني اجه قريب يمي واني قلبي يدك خرب بس لا يجي واضعف يمه عفته هوه شمني وباسني من كصتي دحس روحه يمي وحضني وخرت.

ايه: - كتله هاا وخر مني معتصم
معتصم: - شلون يطيج كلبج حبيبتي والله ما اكدر بدونج
ايه: - لا ودليل تسمعها صوتك وضم عليه معتصم انت متحبني
معتصم: - اشششش اسكتي شنو هل حجي ايه تلمست بطنها اريد طفل منج.

سكتت ونقهرت بداخلي مرت ٦ اشهر واني ما صار شي كلي ايو حبيبي اني اروح للدكتور يجوز اكو مشكله عدي مو بس انتي ترحين اني درت وجهي اله
كتله صدك تروح اني خفت احجي وياك بهل شي خاف تكول شككين بيه وبرجولتي باسني بشفتي دحست وجهي بركبته
ايه: - اني اغار عليك معتصم انت لضم عني اني احبك وما اتحمل وحده تتقرب يمك اني اريدك الي وبس هو باسني كال
متتكرر والله هاي هي حضنته.

شنو حلتلج نومه هنا شالني على جربايه ونمنا سوه ارتاحيت بحضنه واني ما اعرف ازعل من احد و خصوصا هو احبه بس مو بمعنه اتغاضه على موضوع بس شي قديم وصار قبل لا يعرفني
وسامحته عليه ثاني يوم كعدت على بوسات كتله ارد نام.

ماكو نوم كومي اليوم اونسج كتله وين كلي بدلي ومعليج سبحت وبدلت لبست بنطرون وبدي ابيض واسود وشال اسود صار حلو ميكب خفيف ولبست عباتي كال تعالي لزم ايدي هوه وامه باوعت ها وين ترحون كلها يمه اريد نغير جو شويه باوعتلي ابتسمت روحو وديرو بالكم.

اني فرحت بحجايتها اول مره تكلي هيج طلعنه اني وياه اول شي وداني مطعم تريكنه ورحنا الإمام علي عليه السلام اندعيت ودعيت يكون عدي طفل يفرحني بي طلعنه مشه كال اخذج البغداد نزور ونتونس نبات كتله اوك فرحانه يمه هوه يتغزل بطريق وصلنه البغداد نزور الامام الكاظم زرنه.

وطلعنه اكلنه وضلينه نفتر رحنا للزوراء صح لابسه عباه واكو بنات كومه طالعات اشكال لبس عجبني اضل بعباتي ملابسه جبه واني من نوع جسمي متروس تبين ملامح جسمي.

تونسنه فتح الباب مالت شقه كتله هاي المن كال الي هاي جنت اشتغل هنا فتره وخذتلي وحده كتله اوك حبيبي طبينه مترب بس الغرفه مسحتها ونضفتها ونمنه من تعب ثاني يوم هوه طلع صبح مدري وين اني شفت شقه تجنن خلوه وزغيره طلعت مواد اكو منضفات همزين لكيت معتصم جايبلي اياهن
بلشت انضف الشقه بساع خلصتها صارت تلمع طبيت سبحت خرب ماكو مي حار سبحت مي بارد طلعت شغلت سخان واجه معتصم جايب اكل من بره
كتله وين رحت كال ايو اجيت أعالج هنا سكتت كتله اني يمك كال العصر نروح اكلنه وارتاح شويه نام وسبح وطلعنه طول طريق هوه ضايج كتله شتكون نتيجه اني يمك ما اعوفك هوه ضحك كال ماشي حبيبتي وصلنه دكتوره انتضرنه سرانه طب هوه..

واني كلي تعالي وياي طبيت وياه كله على موضوع وشاف فحوصات وتحاليل كلي سليمه طلب تحاليل من معتصم طلعنه سواهن وطبينه شافهن نزع نضاراته اني خفت كله شي بسيط نسبتك قليله شغله علاج ٣ اشهر تلتزم عليه
وبعدها تجيني ارتاح شويه معتصم وطلبت منه يضل بينه كال اوك رجعنه للنجف كلها نايمه طبينه ب١ بليل نمنا وبديت استمر وياه بالعلاج مخلي نفسيته صفر لان يصير اعصاب مدري شبي يجيني بليل يعتذر مني واني مقدره وضعه مرت شهرين وعمتي تمرضت..

صرت انزل اداريها مفاصلها تعبت هي جانت تعتذر مني وعلى الي سوته كتلها لا ولا يهمج الي راح راح ضليت اداري بعمتي ومر على زواجنه سنه ومصار حمل عدنه يجوز رب العالمين رايد هيج بس مرتاحه بيوم من الايام دكت بيبي عليه كلتلي عساس طالبني استغربت
كلت معتصم ما رضه بس الخاطر بيبي قبل اخذني معتصم كلي ساعه اجيج هزيت راسي طبيت بوست بيبي لكيت عماتي يبجن عفتهن ما سلمت رحت اشرلي جدي ما اجيت كتله شتريد مني اني مرتاحه وبيت رجال عوضني عن كلشي عن الي ما شفته بيتكم ولا مره بس حنيه هل مره أشرت بيبي..

كال بويه سامحيني ضحكت كتله رب العالمين الي يسامح هوه الي يحاسبك ما انسه ضرباتك الي وضيم شوفتني اياه هاي هي من نفسي سامحتك هاي امام رب العالمين بس اكو رب يحاسبك عفته سلمت على بيبي وانتضر معتصم اجاني صعدت سولفتله باس ايدي كلي احبج فدوه اروح لقلبج سكتت وضايجه ذكرت ضلمه وياي...

ذكرت ضلمه وياي الله كريم ربي عوضني بمعتصم هاي هي الحمد الله والشكر ضليت اداري بعمتي الي صارت روحها بيه سبحان الله جانت تكرهني وهسه ما فاركتني لحضه..

ميخالف الي أجر بيها تالي كلتلي تعالي يمه ايه كعدي يمي كعدت طلعت من جوه مخدتها عليه فتحتها بيها حجل وتراجي يلمعن لمع كتلها الله حلوات
كالت هاي الج صغتهن وصيت على صايغ اعرفه من زمان اشتري منه بستها كتلها تسلمين عمه الله يخليج النه رحت لبست حجل يجنن بيه نجوم لبست تراك برموده ودلع هههه رتبت شعري وحطيت ميكب ضليت كاعده عجبني برنامج اسمه واتباد ضليت اقرا بالقصص متاثره حيل بيهن الحمد الله الي يسمع هموم العالم يهون عليه همه..

طب معتصم شافني ضايجه هوه صافن واني ملتهيه بروايه جر موبايل مني شنو هاي كتله شنو كال شنو هل كيك باسني بخدي كال هاي شنو منيلج سولفتله على عمتي ضحك
ايه الله يطيج على كد نيتج ما صورت بيوم من الايام امي راح تحبج وتحترمج سكتت ضل يبوس بيه واني نفسي تلعب مدري شبيه كتله وخر معتصم روحي تلعب اريد اذب من راسي..

هوه ضاج كلي شبيج كتله ما اعرف دخت كلش ما عدي توازن كلي ارتاحي حبيبي انقهرت عليه خطيه بس والله شسوي ما اكدر نفسي متتقبله اجه هوه حضني
واني ما طايقته حاط عطر وتلعب نفسي وخرت رحت للحمام ضليت اتقيا كال شبيج حبيبتي كتله ما ادري وجسمي يرجف احس روحي تطلع..

كال ارتاحي ضليت كاعده شويه واجه جابلي عصير ليمون كتله هاي شنو كال للدوخه حبيبتي وجهج حييل اصفر شربته ونمت كعدت صبح ما بيه اكوم لعبت نفسي رحت للحمام اتقيا طلعت روحي معقوله حامل
ابتسمت ياربي حسبت غايبتلي اسبوع يا الله يارب كون حامل اجيت المعتصم كتله أخذني احلل يمكن اني حامل لمعت عيونه كال صدك خل يصير العصر ميخالف صار العصر رحنه للمختبر حللت طلع تحليلي حامل ابتسمت واشكر ربي على هاي النعمه اجه..

يبوس بايدي بسياره اروح فدوه لهل خبر متتصورين شكد فرحان والله عوضنه بطفل وصلنه للبيت بشر عمي وعمتي باركولي كلتلي لتتحركين صعدت فوك اني بدلت
ومددت احس رايحه روحي جوعانه جابلي معتصم اكل اكلت ونمت كعدت صبح هم اتقيا يا الله طلعت روحي ومنا معتصم ما اريده يجي يمي يكلي ما طلع حمل هاي الي بطنج متريدني..

هههههه اضحك على عصبيته ومر ٣ اشهر على حملي ومعتصم مداريني وعمتي انزل يمها اكعد نسولف ووتعلمني على شغلات طفل واني مستمتعه اجه معتصم كام يصيح متكهرب لان مانعته دكتوره من يتقربلي ههههه
هوا اعصاب صاير صعدت وراه جان جاي يبدل حضنته من وراه بسته بضهره هوه تفاجأ من حركتي دار وجها الي اني رفعت رجلي هوه طويل واني قزمه بسته بحنجه هوه ما صدك ضل يبوس بيه وشالني على جربايه وعلى كيفه وياي خايف عليه ههههههه..

تالي لزم بطني كلي هنا نونو كتله شتتمنه ولد لو بنيه كال كلشي نعمه من رب العالمين ولد بنيه نعمه كتله ماشي حياتي مر شهر خذاني اخذت سونار طلع ولد الحمد الله والشكر رحت معتصم كتله بيه ولد كام يضحك كلي اهم شي جيبين بسلامه كتله ماشي حياتي رجعنا البيت بشر اهله اباوع بطني كبرت صار عليه خمس اشهر..

مرت ايام بفتره حملي عمتي زينه وياي وتحسنت حالتها وصرت بشهر السابع بحملي ثكيل حيل بيومها اجه معتصم كلي حضري نفسج اريد اخذج لمكان كتله شنو كلي كومي وتعرفين شنو بوقتها جانت ساعه ٧ بليل لبست شال وعباه وطلعت لان كلي مكان وحدنه
صعدت بسياره وداني يم بيت حبيت اشاقه وياه هاي شنو معتصم ما عدك خوات تاخذني بالبيت هااا هوه ضحك كومي خبله كمت وفتح البيت صفنت شفته حلو مأثث وكامل ومبين جديد وداني لغرفه تجنن اخشابها لون اسود وحلوه حيل..

كتله شنو هاي شعدنا هنا كال ايو هذا بيتنه صفنت كتله تحجي صدك كال والله بيتنا وكملته كال بس نلم غراضنا ونرتبها ونعيش بس اني وياج دمعت عيني وحضنته صدك يعني هذا النا كال اي كال شبيج تبجين كتله الحمد الله والشكر من اجيتني عوضني رب العالمين بيك على ضلم
شفته باسني كال حبيبي فدوه الج حبيبتي يلا خل نرجع فرحانه حيل الحمدالله والشكر فتنا للبيت ومعتصم كلهم بالموضوع عمتي كامت تبجي وآلله تعودت عليج كتلها تجين يمي بعيوني اخليج كالت لا يمه الله يسعدكم وزوروني لتنسوني..

حضنتها صدك جذب مننساج اجيج وتملين مني صعدنا لغرفتنا وكلي باجر اجيب سياره تلم غراضنا وهاي غرفتنه والأخشاب لاخويه لان اشتريت جديد كتله ماشي حياتي لميت ملابسنه بجنط
وهوه يساعدني نكسر ضهري صارت رفسه بطني اااخ كال شكو كتله ابنك يضرب هو ضحك بابا لصير وكيح ضحكت اني نمنا وثاني يوم اخذ غراضنا معتصم وخذاني ضلينه يومين نرتب واستقرينه بيتنا كمت اخذ راحتي وسعادتي متنوصف...

لهنا وخلصت قصتي مهما نمر بضروف راح تجي أيام صعبه أيام منتجتازها بسهوله اني تعبت من جنت طفله لحد لمن اخذت معتصم وارتاحيت والله عوضني ع صبري وحاليا اني بشهر السابع راح اطب بثامن ادعولي اكوم بسلامه اختكم ايه.
واشكر زهراء لان تسرد تفاصيلي بدقه وتعبت وياي...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W