قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الأول

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الأول

تصويت للبارت والي مصوت للمقتطف يرجع يصوت
صارت ساعه الخامسه عصراً..انتظر صديقي اشوفه صار ايام شكله ماعجبني متغير هواي لبست دشداشه جوزي محبس شذرتو جوزي رشيت عطر مميز..لزمت سويج سياره ورحتلو..

عند شاطئ يتكلم مشكلته يحب وحده
محمد:- ياشيخ ماني ادري شجرالي حبيت ونعميت بعدها عن باقي النسوان رايدها بلحلال بس خايف رفص اهلها...
شيخ عناد:- لهل مرحلة مدوهنك العشگ ياخوي اني حدرك شتعتاز واكفلك سند اخطبها الك... بس اتكلم المرا منين تدري بحبك الها...
محمد:- لا ماتدري انه احبها شفتها كم مرا وبقت ابالي... هسه يخوي تأخرت ارجع للبيت الوالده تعبانه... وهم كبرت تريدلها مرا بالبيت تساعدها واطب واطلع تفتح سيرة الزواج وياي وماكدر اخذ غير الحبيتها...

الشبخ عناد:- سهله يخوي سهله اني وياك بأي خطوه تريدها واني هم مخلصان من سيرة الزواج الَالدة تضغط عليه بس بعده كلبي ماهاوي...
محمد:- ان شاء الله يهوئ ياشيخ اترخص اني...
الشيخ:- مرخوص حبيبي
راح محمد واني ركبت سيارتي والطريق كله افكر.

بس اني ماعد افهمو؟ ليش مايحجي البنت من يا منطقه ولو اخر دنيااا اجيبها اله لو ع كص ركبتي مااتركو بس الي فهمتو بس هيه ماتعرف بحبه الها وخايف لا اهلها لا يرفضووو! والله لو كان رايد اختي على كرمو واخلاقه انطيها الها بس لو يعترف.. من يا منطقه كان ساعته المهم تكلمت وياه وفهمتوو انو بكل خطوه يخطيها وصلتو ورجعت البيت ؛واني اشوف وجه العافيه الوالده كاعده تنتظرني دنيت اني ابوس ايدها وراسها الله يساعدج ياالغاليه...

الشيخه:- هلا بيك يالغالي منتظريك العشه جاهز تتعشه ويانا...
يله زنيبه حضري العشه...
زينب:- الله يساعدك يخوي...
تمام يمه حاظر بس اجهزو...
الشيخه:- يمه يمته تفرحني بيك وتزوج اريد اشوف اولادك قبل مايغطيني لتراب يبني عمرك حطب ال30 سنه...
عناد:- اسم الله عليج يلغاليه يومي قبل يومك بي الگلب مايهوئ ولساه مالاكي التتربع بهل گلب... بي الكه بت گلبي... اترسلك البيت عيال...
الشيخه:- الله يرزقك اليهواها كلبك يولدي...
الشيخ عناد:- امين يارب...

جهز الاكل وكعد الشيخ هزاع والشيخ عناد وابن عم الشيخ عناد معتصم ووابن خاله  اياد... كانو متواجدين بالمضيف ويه الشيخ يساعدوه...
وام الشيخ وخوات الشيخ زينب ونوره... واخوه سند وزوجته زينه...
كملو وكامن البنات يلملمن... بلاكل وتنضيف...
وكام الشيخ عناد واخوه سند ومعتصم واياد للديوان... بين ميجهز الجاي...

والشيخ عناد جان صااافن... وخاصتااا موضوع الزواج محتار بيه... امه فتحت له باب جان غالقها...وممفكر بيه ويدري بنات عمته وخالته كلهن يتقربن اله ورافضهم والوالده اكيد تريدلي وحده من بنات عمي...
سند:- ها ياشيخ وين بالك... خمو صاير وياك شي...
معتصم:- لاتخاف عله الشيخ بس الضاهر عشكااان هل فتره... هواااي يتصفن... غردلنا ياشيخ... تتهنه الشاغلة هل بال...

الشيخ عناد:- مابيه شي  راسي يوجعني اترخص منكم باحر عدي فصل الصبح...
اياد:- هههههه الشيخ... واكع ومحد مسمي عليه روووح شيخ الله وياك ههههههه هنيال العاشك الولهان...
شيخ عناد:- عفتهم يحجون كلام فارغ مالي خلك الهم صعدت لغرفتي واني ادحك كل مكان بيها...

تنهدت بحسررره لو اني متزوج قبل شي ١٠ سنين جان ابني بطولي هسه وادخل للبيت وزو٠تي تتلكاني بضحكه كلام والدتي صحيح شمنتضر اني ازغر مني تزوجو واخوي الازغر اخذ ليحبها... بس اوف من هل گلب كل بنات الديره ما هزوو شعره مني تجاهم خل ارجع من الفصل باجر واتكلم ويه والدي اطلب ايد بت عمي ابو ياسين ادري بيها تحبني مراقب تصرفاتها...

من ادحك عليه الوجه احمر ينطعن وترجف مثل السعفه تخجل وتراقب كل تحركاتي من بعيد مادام تحبني مااكسر كلبها
بنت عمو عدها فشل كلوي عله اي لحضه تتوقف كلياتها عله امل احقق امنيتها انو تنجمع وياي.

صفنت واني ارجع للزمن قبل اشهر جانت الدنيا مطر شته بارده الدنيا شهر الواحد رحت لبيت عمي عدهم طرمه طبيت عدهم كان بوقتها عازميني عله غده فرحت لكن علظرييق الدنيا زخت مطر كلش قوي كملنا غده وبعدهي تزخ دحكت بنت عمي طلعت للطرمه... الفضوول انتابني خرجت بعدها بلا متشعر بيه تقدمت خلفها وصوت المطر غطه عله صووت اطرافي اثناء مامشيت صرت قريب منها واني اسمع صوتها وهيه تتمنه امنيتها...

عنود:- كان يوم كلش حلوو مغيم وبابا عازم الشيخ عناد علغده تأخر الشيخ والدنيا تزخ انتضرنا بين مااجه صبينه الغده وتغدو اخوتي والشيخ وابويه وراها زخت الدنيا عفت كلشي وطلعت للطرمه واني سامعه من نسوان قبل اليدعي يوم ممطر تتحقق امنيته... يااارب بجاه كل قطره مطر تنزل؛ حقق امنيتي ولاتكسر كلبي بحب عناد واجمعني
وياه...

عناد:- سمعت كلامها وكلبي وجعني لهل درجه تحبني وماحاس بيها...
عناد شخصيه عصبيه حنون كلش ميحب النسوان لذلك تأخر بالزواج لحد عمر ٣٠ شاف مكر مرت ابوه لان ابوه متزوج ٢ ولحد ماماتت ياله خلصو من شرها حان حيل مأذيه امه...  طوله ١٨٠ جسمه معظل وزنه ٨٠ ضخم اسمراني... يتخبل من المرا الي السانها طويل... لو شكد ما يحبها...

عنود شخصيه قويه وعنوديه لكن هادئه بس بوقت عصبيتها البراسها تسويه هبج تحبني فزيييت من صفنتي. وادحك عالساعه ١٢ وراي كعده من الصبح غمضت عيوني ورحت بسابع نومه محسيت غير عله ندهات اختي رسل تكعد بيه...
رسل:- صباح الخير يالغالي..

الشيخ:- صباح النور يلغاليه بلا امر عليج خيتي همي يدك حضريلي هديماتي أكويهن اريد الشماغ والعكال والدشداشه النيلي وراي طريق طويل منا للنجف همي نفسك بسرعه الاوادم تنتظرني وتأخرت بالنومه...
رسل:- تدلل يبعد خيتك وعمرها دقايق ويكون حاضرين رحت طلعت هدومه وكويتهن وحضرتهن الوو وجبتلياهن
الشيخ:- والنعم منك يالاصيله الله يطول بعمري وازفك لليصونك ويقدرك ويقدر النعمه الي نطيها اله شلونك خمو تعبانه...

رسل:- لا سلامتك يخويه يزيل التعب بشوفتكم ربي يحفظك النه وينور طريقك وينولك إلى يتمناها كلبك يخوي ابوي رادك تمرله قبل لا تطلع لأن عمك جاي بالمضيف
الشيخ:- ماشي يبعد اخوج اخذي راحتج..

لبست الدشداشه وعدلت عكالي حطيت دكمه الدشداشه بالي لونها فضيه وشذرتها زركه وسبحتي بيدي رشيت عطر إلى يملي كل أركان الغرفه ولبست مجلسي وشذرته زركه... وتحضرت ونزلت لابوي بالمضيف لكيت ولد عمي وابوي وعمي والكهوجي توه يصب بكوب الكهوه ريحتها صعدت بخشمي واني اعشك الكهوه سلمت عله عمي وكعدت حدر ابوي
ابو يوسف فد فنجان كهوه وياك...

ابو يوسف:- تدلل شيخ وصبيت فنجان الكهوه...
الشيخ هزاع:- تعال يبوي عمك هينا ورادنه بكلمتين...
الشيخ عناد:- تأمر يابه ادلل عمي أمرني عمي معتاز شي صاير شي وياك..

ابو ياسين:- لا يوليدي مامحتاج بس رحمه ربي ورضاه بس اليوم جايكم ابلغكم بخير اجت قسمه لبنتي عنود واهي كبرت صارت حدثه ٢٠ سنه وحبيت اخذ شوركم والولد كامل مكمل ويدري بمرضها وقابل... واريد ازوجها قبل ما الله ياخذ امانته
شيخ هزاع:-  اسم الله عليك خويه والله يابو ياسين انته ابوها وادره بمصلحتها أكثر مني واللي تشوفه صح سويه...
ابو ياسين:- عجل بيها الخير خويه ادز طارش يبلغهم بموافقتنه...

الشيخ عناد:- يواشك عمي انه ابن عمها واحك بيها من الغريب أنطيهم.. الرفض ماكو مرا عدنا للزواج وان كالو ليش كوللهم ابن عمها واحك واحد بيها...
شيخ هزاع:- هاهيه بويه حكك انت ابن عمها وأوله بيها من الغريب شدكول يبو ياسين...
ابو ياسين:- اليؤمر بيه الشيخ يتنفذ كبع واخذها بعباتها ابويه انته مايصير خاطرك الا طيب... شعدنه غير ابن الشيخ عله الراس...
عناد:- اصيل يعمي ربي يحفظك النا...

الشيخ هزاع.. يقول بقصيدته
تستاهل اللي نهيت عنها الحسن تختـال
بنت الكريم الطيب الصايـب الشـور
ومبروك لك يا ( عنود) يا بنت الأبطـال
يا نجمة الحفلة ويا زينـة الحـور
درة ( يا عنود ) ماهو من السهل تنطـال
إلا الشجيع إلا عشق غبـة بحـور
منها العيال ومنك يا ( عناد ) المـال
وتقضون باق العمر بأفراح وسرور
الله يوفقكـم علـى كـل الأحــوال
ويجعل طريق العمر بالحب معمـور
ويكفي غلاكم كـل حاسـد وعـذال
ويكفيكم الدنيا صواديـف وشـرور.

الشيخ عناد:- اترخص بويه عدي روحه لصديقي عدهم فصل ورايديني وياهم بالخير...
الشيخ هزاع:- يحرسك الله بويه الله وياك
الشيخ عناد:- في امان الله
طلعت من المضيف واني مرتاح اول شي حققت طلب الوالده بالزواج والثاني ماكسرت بگلب بنت عمي... طلعت لكراج البيت
يول يابة وينك من ساعه دازلك خبر تجهز السيارة تاامشي هم نفسك
عامر:- ادلل شيخنا السيارة جاهزه وين النيه؟

الشيخ عناد:- اليوم عندي فصل بالانبار بس امر غادي لبيت الشيخ احمد ومناك نطلع للفصل
عامر:- شيخنا شنو سبب الفصل بالانبار ؟
الشيخ:- واحد من جماعتنا داهسيه واحد بسيارته على الطريق من اهالي الجنوب ومتوفي وهذا المتوفي ضابط برتبة رائد اسمه... اياد اكرم عفتان تركي الراشد الدليمي ضابط في الفرقة السابعة... عمليات الجزيرة والبادية..

وكان يترجل سيارته لانقاذ مصابين بحادث سير على الطريق العام... المتوفي من قبيلة الدليم احدى قبائل محافظة الأنبار... سائق السيارة الذي تسبب بدهس الضابط من عشيرة النواشي من قبيلة ال خيكان من محافظات الجنوب الفرات الأوسط...
وبعد ما وصلنا إلى العزاء استقبلنا بأستقبال طيب بعد انتهاء مراسيم الفاتحة توجه معنا شيوخ ووجهاء عشائر الجنوب الى محافظة الانبار للتفاهم حول (الديه ) او الفصل العشائري لاهل المتوفي وهي سنة متبعة لتطيب الخواطر ودفع الجزاء على جنس العمل...

تفاجأ شيوخ ووجهاء الجنوب بتنازل اهل المتوفي (الرائد اياد اكرم عفتان تركي الراشد) عن مبلغ (الديه) الفصل العشائري ايمانا بقضاء الله وقدره وان السايق ابن الجنوب لم يكن متعمدا وعليه فلا يجب اخذ الديه مما اعطى صورة ايجابية ورسالة انسانية عن وحدة الصف والتقارب العشائري بين عشائر العراق كافة فاستحق ان يطلق على (الرائد اياد اكرم عفتان تركي الراشد) شهيد الانسانيه لانه تعرض للحادث وهو كان يسعف عائلة تعرضت لحادث مروري اثناء ترجله لانقاذ عائله جنوبية على طريق الحلة...

شيخ عناد:- كمل الفصل وتراضو الكل وبدت سوالفهم عن ديرتنا وبعدها فجأه وگف الشيخ ابو يوسف
الشيخ ابو يوسف:- هاي اني الشيخ كريم ابو يوسف وكدام كل الحاضرين اطلب نسب الشيخ عناد لبنتي عزيزه كلبي... ومااتوقع الكه مثل اخلاق الشيخ وكرمه...وكذلك نهدي النفووس بعد الصااار وناسبكم... حته يزيل الحقد بين الطرفين شدكول شيخ عناد...

شيخ عناد:- قرار الشيخ ابو يوسف فاجأني ضليت ادحك علكاعدين مااعرف شنو اتكلم... ومااكدر ارد نسبه بالمضيف... صرت بين نارين نار بنت عمي الي اليوم طلبتها الي ونار نسابه الشيخ ابو احمد...
كطعت الصمت وتكلمت...
اتشرررف بنسابتكم شيخ... عله راسي ان شاء الله...
الشيخ ابو احمد:- سالم راسك يوليدي واكيد بنيتي بامان وياك... واتشرف بيك...

شيخ عناد:- بعد منتها الفصل بالتنازل وكذلك طلب الشيخ الفاجاني بنسبه وموافقتي اترخصت من اقاربنا لان الفصل مال عشيرتنا... بس ناس اقاربنا من بعيد صاير معاهم الحادثه... فتحت سيارتي وسقت والطريق كلو افكر شلون راح اكول لعمي انو وافقت وحتزوجهن ثنينهن...
وصلت للبيت نطيت السياره لعامر يغسلها ويطببها للكراج جنت دايخ حيل وبالي مشوش كلش... عفت الكل وصعدت لغرفتي... كبل نمت...
ام عناد:- ولج زنيبه هذا اخوح شبيه اجه بلا سلام وكلام كبل صعد بالي مشغول عليه يمه... روحي شوفيه شنو الصار وياه...

زينب:- ادللي يووم صعدت لغرفه عناد دكيت الباب...
عناد:- ادخل...
زينب:- الله يساعدك خويه... امي بالها عليك صاير وياك شي...
عناد:- ما كو شي حبيبه شويه راسي يوجعني لحد يكعدني اني اكعد وحدي وانزل العصر...
زينب:- ماشي نوم العافيه خويه...  غفته وسديت الباب ونزلت لأمي...
ام عناد:-ها يمه بشري شبيه اخيج...
زينب:- مابيه شي يمه يكول راسي يوجعني... ويريد ينام لحد يكعده...
ام عناد:- والله كلبي ممطمئن اخيج صاير وياه شي بس سهله يكعد ونشووف شبيه...

في مكان اخر...
بيت عم الشيخ...
حوراء:- الو ايوو شلونج...
اية:- هلا حبيبتي الحمد لله وانتي شلونج...
حوراء:-تمام بسماع صووتج كلبي اكلج ايوو شدسوين هسه...
اية:-عندي طلاب فد شويه يجوني ادرسهم...

حوراء:- اهاا اكلج دخلت بمعهد دروس تقويه ليش مدخلين وياي بماده الرياضيات ترا احنه سادس لازم نشد حيلنه وصعب الرياضيات...
اية:- والله ماعرف منا طلاب ادرسهم بالكوه مطلعه مصرفي... وانتي تعرفين ابويه ولا سائل عليه  ومصرفي كله من اجدادي اشووف بيبيتي اذا قبلت تدفعلي فلوس الدرس احاول اقنعها...

حوراء:- ماشي كلبي شوفيها حاولي تقنعيها... حته نتونس يولي يوميه نطلع مكان والخط اخويه يودينه ويرجعنه انتي بس اخذي الاوكي من بيبيتج...
ايه:- تمام يله يولي جفيني شرج اريد ادرسهم جوي...
حوراء:-بااااي

نرجع ل أيه
مواصفاتي بيضه وعيوني كبار وصاحبه غمازات وجهي دائري وشعري طويل وزني ٦٥ وطولي ١٥٨
عمري ٢٢ حاليا مواليد ١٩٩٧  أمي وابويه منفصلين من اني زغيره  عمري ٤ اشهر والدي سافر لألمانيا عافني وراح من كنت عمري ٨ سنوات عندي اخ واحد واخت وحده اخويه ١٦ سنه واختي ١٢ سنه... واني الوحيده لابويه لان اخواني من امي تزوجت من اني وعمري سنه يعني بعد مانفصلو بأشهر وصار عندي اخوان ٢ منها  نفصلت بسبب سحر مسويلها ومشاكل مااعرف حسب ماسمعت من بيت جدي لان صغيره كنت.

عايشه عد اهل أبويه كنت امي  ما عدي تواصل ويها و أبويه ميريدني وبعد مسافر ابد ميدزلي مصرف ولا يتفقدني  اهل أبويه ميقبلون اتواصل ويه امي وخاصتاا بعد متركتني وعمري سنه وزوجها يشرب ميخليها تتواصل وياي...

كنت بيت اهل بابا عيشتي صعبه من عمر ٧ سنين واني اشتغل وكان عماتي ممتزوحات فاني اشتغل وياهن وتعاملهم صعب وياي اب هامل ام شافت حياتها مفكرت وراها بنيه شلون تعيش والبنت مو مثل الولد يعيش وين ماكان البنيه صعب تعيش من دون ام تحتويها... وابن يحافظ عليها للاسف فقدت كل هذا...

كان عندي عمام ٢ كل ماانام يجون يتحارشون بيا واني طفله... مجانو يفكرون اني عرضهم اني بنت اخوهم حرام... وحدي كان طبعه صعب يضرب ميتفاهم بشي...
يوم من الأيام اني نايمه عمري جان ١١ سنه حسيت بانفاس ع جسمي ويتلمس بيه اني فزيت مرعووبه اريد اعرف منو الشخص الي فوكاي باوعت عمي اريد اوخره سد حلكي...

ادفع بي ماكو ضل يكرص بيه ويبوس بوكتها من الخوف مااعرف شصار الي  لعبت نفسي كلش اريد اصيح  اجه كلي  اش ولا كلمه بس اصيحين افضحج اني ادعي من الله انو يوخر عني الله رحم بحالي بوقتها...  اجت عمتي هوه وخر كبل بسرعه ردت احجي الها... كال مصدكج لو شما تحجين اموتج والله بس تحجين... طفله بعمر ١١ سنه وهيج خوف انتابني ضليت ابحي ماعرف شسوي لااب المهتملي ولاام المذكره عدها بنت جان أصعب شي بحياتي الناس دكول خاف من البرا العالم الخارج مترحم اذا هوا المني وبيه ميرحم وماكو امان من اهل بيتي شلون اكدر اامن بأي شخص بعد...

في مكان اخر...
النجف...
سهام:- مساء الخير حبيبي...
وليد:- مساء الورد هلا بيج...
سهام:- شلونك يبعد كلبي مشتاقتلك... شلون بيه والله مدااتحمل قربها منك... واحس كل متشوفني كبالك تتعمد تغيضني وتلزم ايدك وتتشاقه وياك...
وليد:- تحملي حبيبتي شسوي غير مرتي ماكدر اتعارك وياها كدامكم... واكثر من مرا منبها...

سهام:-  بس دااحسن نار توج داخلي جا انه شنو بالنسبه الك..
وليد:- انتي حبيبتي وراحتي احبج يعمري...
سهام:- وانه اموووتن بيك... اوووف شوكت يجي اليوم اليزفوني بيه الك...
وليد:- ان شاء الله بس يصيرلي فرصه اتقدم الج بس ابوح شلون يقبل... تنزلين عله ضره...
سهام:- هاي بقيها يمي حبيبي يله باااي يمكن امي قريبه عله غرفتي...
احه ابو يووسف...

ابو يوسف:- بويه ام يوسف صيحيلي سهام...
ام يوسف:-تدلل شيخ..
راحت ام يوسف صاحت بنتها سهام...
يمه سهام ابوج توه حاي من الرمادي وينده عليج... مدري شيريد منح روحيله...
سهام:-ماشي يوووم
عفت امي ونزلت دااشوف ابوي شيريد...
الله يساعدك بويه... كالو صايح عليه...

ابو يوسف:- ويساعدج اي بوويه رايدج بحجايتين يابويه اليوم صار فصل وصار تنازل والدخل بالخير الشيخ عناد وانه من شفت كرمه ومساعدته لارضاء الطرفين وانهاء عداوه وتهدأه النفوس هديتج للشيخ عناد ومااعتقد الكه احسن منه... زوج مناسب الج اكيد يصونج ويدللج ولو ماواثق من اختياري ماانطيج اله...
سهام:- شلووون بووويه... بس انه ماريد اتزوج هيج مال من عيشتي وانه مالي رأي ماريد ازوج مااقبل...

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W