قصص و روايات - قصص رائعة :

رواية ابنتي ولكن بقلم ياسمين علي الفصل الخامس عشر والأخير

رواية ابنتي ولكن بقلم ياسمين علي بجميع فصولها

رواية ابنتي ولكن بقلم ياسمين علي الفصل الخامس عشر والأخير

ف القاعة
سالم ماسك نادين بيوصلها لاحمد .. وكمال ماسك فرح بيوصلها لعمر
كمال: خليبالك منها ياعمر
عمر: دي ف عنيا ياعمي متقلقش

سالم: لو نادين اشتكتلي منك هكسر دماغك انت وهي
نادين: وانا مالي انا
سالم: علشان متشتكليش
احمد: متقلقش ياعمي مش هي اللي هتشتكي انا اللي هشتيكي منها ...وصيها عليا ونبي
نادين: اصبر لينا بيت يلمنا
احمد: ايوة انا نفسي اتلم اويي بصراحة

سيف: ايه الحلاوة دي بس
وعد: بجد ياسيف الفستان حلو
سيف: قمر قمر يعني .. محتاج بس اربطك ف حاجة احسن تطيري مني
وعد شدته من الجرافتا
سيف: اه انتي هتموتيني يامجنونة
وعد: بعدلهالك ياحبيبي ..متخافش

اغنية Slow اشتغلت .. والعرسان بدؤا يرقصوا

احمد: انا مش مصدق ان خلاص انهاردة فرحنا
نادين: انا قولتلهم كدا بردك
احمد: قولتلهم ايه
نادين: انك مش هتصدق نفسك
احمد: اتعدلي بدل مااسيبك وامشي
نادين: اعملها علشان يبقا اخر يوم ف عمرك
احمد: انا مش عارف ايه البلوة اللي وقعت فيها دي .. انا اللي جبتوا لنفسي
نادين بزعل: انا بلوة يا احمد
احمد: واحلي بلوة وربنا
نادين: بحبك
احمد: يلهوي .. اخيرا سمعتيني كلمة حلوة .. ماشي ياستي وانا بموت فيكي

فرح: انا فرحانة اوي ياعمر خلاص حلمنا بيتحقق
عمر: ولسه باقي حلمنا هنكملوا مع بعض
فرح: مش هبعد عنك لحظة
عمر: وانا هفضل جنبك علطول .. انا بحبك اوي يافرح .. بشكر الصدفة اللي جمعتنا
فرح: وانا كمان بحبك
عمر سابها
فرح: رايح فين
عمر: استني هجيلك .. راح خد مايك

عمر: انا مش عارف اوصفلكم فرحتي انهاردة ازاي .. ان خلاص هتجوز فرح .. وحابب اهديها الاغنية دي .. بدء يغني

اجمل نساء الدنيا جوه عيوني انتي - اجمل نساء الدنيا انتي يا حبيبتي
اجمل نساء الدنيا جوه عيوني انتي - اجمل نساء الدنيا انتي يا حبيبتي
خدني الغرام خدني لحكايه حب حلوه - عشت ليها شفت فيها اجمل حياه
انا مش مصدق نفسي انك بين اديا - من يوم ما حبك خدني مش بتنام عنيا

جوايا شوق قد الحنان اللي فعنيكي - روحي فيكي نظري ليكي هي الحياه
اجمل نساء الدنيا في عنيا - انا قدرت تاخدني في ثانيه من روحي انا
وعد مني ما احب غيرك فالوجود - احساس جميل جوايا اكبر من الغرام
واللي مابيني وبينك اكبر من الكلام - احساس جديد خدنا لبعيد مالوش حدود

يا اجمل من كل النسااااء

فرح حضنته .. والكل سقف لهم
نادين: وانت مش هتغنيلي
احمد: حاضر هغنيلك ف البيت للصبح
نادين: لا دلوقتي
احمد: مش هينفع هنا بقا اتهدي

وعد: حلويين اوي .. ربنا يفرحهم دايما

سيف بيبصلها ومبتسم
وعد: بتبصلي كدا ليه
سيف: ببص ع اجمل واحدة ف عيوني
وعد: مانا كنت بلونة وهطير من شوية
سيف: حتي وانتي بلونة اجمل واحدة
وعد: بجد ياسيف وايه كمان

عائشة بتشد بنطلون سيف: بابي .. بابي سيلني عاوزة اتفرج
سيف: عاوزة تجيبي واحدة تانية .. كفاية واحدة مبوظلنا كل اللحظات الحلوة
وعد: معلش ياسيف شيلها بنتك بردك
سيف شالها: اتفرجي ياحبيبت بابا اتفرجي
عائشة: بابي هو انا امتي هتكوز سبهم
سيف: كلمي بنتك عاوزة تتكوز ياوعد ..

وعد بتضحك
سيف: اضحكي .. عاوزة تتكوزي مين ياحبيبتي
عائشة: عاوزة اتكوز مالك يابابي
سيف: هو ايه اللي مالي .. مش لازم اعرف بنتي اختارت مين
عائشة بصوت عالي: انا عاوزة اتكوز مالك .. مالك
وعد: قصدها تتجوز مالك ابن جارتنا
سيف: ااه مالك .. لا حلو يابت عرفتي تختاري ..

طالعة اروبة شبه مامي لما اختارتني
وعد: دا ع اساس انك حلو يعني
سيف: طبعا
وعد: انا اختارتك بقلبي مش علشان شكلك
سيف: بتثبتيني صح
وعد: اااه
سيف: انا عارف اساسا انك بتموتي فيا
وعد: اااااااهه..

سيف: خلاص علشان كدا انا هتغر
وعد: تتتغر ايه يخربيتك .. انا شكلي بولد ... اااااااااه ..
سيف: يلهوي هو دا وقته .. اعمل ايه طيب .. امسكي نفسك
وعد بعصبية: مش قاادرةة اتصررف ااااااااه

الناس كلها اتلمت
سالم: مالك ياوعد
وعد: الحقني يابابا بولد .. مش قادرة
سيف: قومي طيب معايا .. نروح المستشفي
وعد: مش قادرة اتحرك ...ااااااااااااااااااه

ف المستشفي
سيف: استحملي .. خلاص
وعد: مش قاااادررررة
نادين: انتي صابرة 9 شهور وجاية ف فرحي تولدي
وعد: هو دا كل اللي همك ... ااااااه .. سيف متسبنيشش
سيف: متخافيش ..
وعد: عائشة امانة ف رقبتك ياسيف
نادين: انتي داخلة تحرري القدس ياوعد
وعد: سكتوووهااااا .. اااااه
الممرضة: لو سمحتوا .. اتفضلوا اطلعوا برا الدكتور جه

سيف رايح جاي هو وعائشة
سيف: يارب ولد يارب
عائشة: يارب الاتنين يارب
سيف: يارب ولد يارب

فرح: اهدا ياسيف وترتنا
سيف: هما اتأخروا كدا ليه

صوت بيبي
الممرضة: بنت زي القمر .. ربنا يبارك
عائشة: هيييييييه
سيف: الحمد الله

صوت بيبي تاني
سيف: ايه الصوت دا
الممرضة دخلت .. وخرجت: جابت ولد كمان

سيف بفرحة: بجد .. وعد حامل ف توأم
الممرضة: اه يتربوا ف عزك ان شاءالله

فرح: مبروك ياسيف ..
سيف: الله يبارك فيكي ..
نادين: ها هتسموهم ايه بقا

سيف: مش عارف لسه .. المفاجأة لغبطتني .. انا هدخل اشوف وعد .. اه وانتو روحوا يلا
نادين: بقا كدا .. دلوقتي عاوزنا نمشي
احمد: انا بقول كدا بردك .. اطمنا ع وعد خلاص يلا نمشي بقا
نادين: انت مستعجل ع ايه
احمد: هقولك ف البيت .. يلا بينا

فرح: ماشي ياسيف خليبالك من نفسك .. يلا بينا يااعمر

سالم: انا كمان هروح علشان اليوم كان طويل ونجيلها بكرا .. خليبالك عليها
كمال: خدني معاك ياسالم

سيف شال عائشة ودخلوا لوعد

سيف: حمدالله ع سلامتك يا حبيبتي
عائشة: حمتالله ع سلامتك يامامي
وعد: الله يسلمكم ..
سيف: شوفتي ياوعد ربنا محبش يازعلنا احنا الاتنين .. وعطانا اتنين مش واحد
وعد: هنسميهم ايه..

سيف: انا عاوز اسمي الولد ادم .. يبقا ادم سيف الدين الهلالي
وعد: وانا هسمي بنتي ملك
سيف: حلو ملك وادم
عائشة: وعائسة يابابي وعائسة
سيف: وعائشة كمان ولا تزعلي ياروحي .. ربنا يخليكم ليا وميحرمنيش منكم
وعد: ويخليك لينا يارب

وصلنا يوم عيد ميلاد عائشة
عائشة: بابي اثحا يابابي
سيف: هو انا لازم اصحا كل يوم مخضوض ياما منك ياما من مامتك
عائشة: فوق يابابي انت ناسي انهاردة يبقا ايه
سيف: مش ناسي ياحبيبتي انهاردة عيد ميلادك
عائشة: فين هتيتي بقا..

سيف: هوريهالك ف العيد ميلاد بليل .. هي فين مامي بقا
عائشة: مس عارفة
سيف: هي مش برا
عائشة: لا
سيف: ولا عند ادم وملك !
عائشة: لا مس هناك
سيف قام بسرعة يدور ع وعد.. لقي ورقة مكتوب فيها
مكنش ينفع مروحلهاش ف يوم زي دا... متقلقش عليا هرجع قبل العيد ميلاد

ف اسكندرية ..
وعد راحت تزور عائشة

وعد: عاملة ايه.. كان لازم اجيلك انهاردة علشان اقولك انك وحشتيني.. عارفة انهاردة ايه.. انهاردة عيد ميلاد عائشة بنتي.. كملت 4 سنين.. وانتي كملتي 4 سنين ع فراقك ليا.. عاوزة افرحك واقولك اني حياتي بقيت مستقرة... وسيف بيحبني ومعانا ادم وملك كمان غير عائشة.. كل دا من دعواتك ليا.. كان نفسي تكوني معايا.. انا عارفة انك شايفني وحاسة بيا.. انا نفسي انا كمان اشوفك اووي... انتي ف مكان احسن من اللي انا فيه.. نتقابل ف الجنة ان شاءالله.. هجيلك تاني ومش هسيبك ولا هنساكي.. مع السلامة يااحلي ام.. مع السلامة..

نهاية الرواية
أرجوا أن تكون نالت إعجابكم
جميع الفصول
روايات الكاتب
روايات مشابهة
الآراء والتعليقات على الرواية
W