قصص و روايات - قصص رائعة :

رواية ابنتي ولكن بقلم ياسمين علي الفصل الثاني

رواية ابنتي ولكن بقلم ياسمين علي بجميع فصولها

رواية ابنتي ولكن بقلم ياسمين علي الفصل الثاني

في الاسكندرية في بيت عائشة
عائشة حضرت الاكل وبتبص بزعل ع اوضة وعد اللي مخرجتش منها من وقت رجوعهم
عائشة بتخبط ع اوضة وعد
...: ممكن ادخل

وعد بتمسح دموعها بسرعة: اه .. اه طبعا اتفضلي ياخالتو
عائشة : انا حضرت الاكل تعالي كلي انتي مأكلتيش من امبارح
وعد بتداري وشها :انا شبعانة ياخالتو شكرا
عائشة بزعل : وانتي لما تداري وشك مني مش هعرفي انك معيطة ... انا بحس بيكي ياوعد .. دانا اللي مربياكي يابنتي .. انا اه بعترفي انا غلط في حقك .. بس انتي غلطي في حقي الاول ياوعد..

وعد بزعل : انا ياخالتو انا اغلط في حقك !
عائشة : ايوة ياوعد .. انا بنتي اللي مربيها متعملش كدا .. الي عملتي دا مش تصرفي بنت محترمة .. انتي صغرتيني قدامهم وقدام نفسي
وعد :لا ياخالتو ... اللي عملتوا دا الصح.
عائشة : والصح بالنسبالك انك تتصنتي علي الناس .. انا ربيتك علي كدا يابنتي
وعد بعياط : والله ياخالتو ماكان قصدي والله انا داخلة بالصدفة
عائشة : ودلق العصير عليه صدفة بردك..

وعد : يستاهل اكتر من كدا ... دا وصفني باني خدامة ياخالتو ودا معناه انه معتبرك انتي كمان كدا
عائشة بحسرة : وايه يعني .. ماهي دي الحقيقية يابنتي احنا هنضحك ع بعض انا خدامة عندهم
وعد : لا ياخالتو انتي عمرك ماتبقي خدامة ... انتي اللي ربتيهم وقت ماكان اهلهم مش فضينلهم .... ازاي عاوزني اسمع كدا واسكت
عائشة : انا نبهتك ياوعد قولتلك مش عاوزة مشاكل مع حد يابنتي .. انا مش عاوزة حد يكرهك
وعد : انا اسفة ياخالتو..

عائشة حضنتها : انا اللي اسفة يابنتي انا اللي مديت ايدي عليكي ياحبيبتي حقك عليا يابنتي متزعليش ...وغلاوتك ماهتتكرر تاني
وعد بعياط : مقدرش ازعل منك مهما عملتي انا ماليش غيرك
عائشة : طيب روحي اغسلي وشك، العيون الحلوين دول مينفعش يعيطوا تاني، انا حضرتلك الاكل اللي انتي بتحبيه ياحبيتي نتلم ع طربيزة واحدة زي زمان، وهنفضل دايما مع بعض خلاص مافيش شغل تاني.. معاش جدك الله يرحمه يكفينا الحمدالله
وعد : بجد ياخالتو..
عائشة : ايوة ياحبيبتي انا كبرت خلاص مش حمل شغل ... يلا مترغيش كتير روحي اغسلي وشك علشان نأكل
وعد : حاضر ياخالتو انا جاية وراكي اهو

*عائشة خرجت*
وعد بتفكر في اللي حصل بينها وبين سيفي اتنهدت جامد و دمعت
وعد: ياارب معجزة من عندك ...وبعدين خرجت من الاوضة

=وعد مكنتش بتعيط علشان عائشة ضربتها .. وعد كانت اتأكدت ان اي حاجة كانت بتجمع بينها وبين سيفي راحت للابد ... وانه اكيد بعد اللي عملتوا مش طايق يبص في وشها وهي نفس الحكاية بس للاسفي لسه بتحبوا

نرجع لفيلا كمال الهلالي
فرح بتعيط ونهلة واقفة مبتتكلمش
سيفي : لو سمحت انا عاوز افهم بابا مطلوب القبض عليه بتهمت ايه ... اكيد في سوء تفاهم
الظابط : والد حضرتك واخد قرض من البنك بضمان املاكه والبنك رفع عليه قضية نصب واحتيال
فرح : استحالة بابا يعمل كدا اكيد في سوء تفاهم اكييد
الظابط : والله لو في سوء تفاهم بجد والد حضرتك يجي ونعرفي منه ...

العساكر : مش موجود في الفيلا يافندم
الظابط : طب في الحالة دي اتفضل معايا ياسيفي بيه
فرح : هتاخدوا علي فين مش هيروح في حتة
سيفي : اهدي متخافيش يافرح
الظابط: لو سمحت بهدوء اتفضل معانا هنسألك كام سؤال وهتمشي
سيف: ماشي ممكن حضرتك تتفضل وانا هاجي وراكم بالعربية.

الظابط : تمام
فررح بعياط: انت بتقول ايه ياسيفي انت رايح فين وسايبني
سيفي : متخافيش مش هتأخر .. كلمي اونكل سعيد يحصلني
فرح منهارة : ماما انتي ساكتة ليه خدوا سيفي ياماما ردي عليا
نهلة : قومي نلحق اخوكي .. يلا

فرح: اونكل سعيد اتصرف
المحامي سعيد : اهدي ياانسة فرح انا هدخل اشوفي ايه الحكاية

فرح : ان شاءالله خير .. وبتبص لامها اللي سرحانة

سعيد : سعيد ابو المجد محامي عائلة كمال الهلالي .. اقدر اعرفي في ايه وسيفي بيه هنا ليه
الظابط : واحدة واحدة ياستاذ سعيد ... بناخد كلمتين من سيفي بخصوص والده ... وغريبة حضرتك تكون محامي العيلة ومتعرفش ان كمال الهلالي واخد قرض بالمبلغ دا كله علي اساس يقوم مشروع كبير ليه علاقة بمستثمريين اجانب ...والمشروع عدا معاد تنفيذه ومبدأش..

المحامي : اكيد طبعا اعرفي الموضوع دا كله
الظابط : حلو .. يبقا اكيد تعرفي مكان كمال بيه
المحامي : هعرفي مكانه منين لما حضرتكم مش عارفين مكانه .. انا محامي العيلة بس .... واظن انت خلصت كلامك مع سيفي يقدر يتفضل
الظابط: اه يقدر يتفضل ... بس متنساش ياسيفي لو عرفت اي معلومة عن ولدك تبلغنا دا في صالحه مش ضده
المحامي : اكيد هيعمل كدا..

الظابط : وياريت انت كمان ... انت عارفي التستر ع هارب يعتبر جريمة
سعيد بابتسامة : طبعا .. بعد ازنك
خرجوا من عند الظابط وسيفي مصدوم
فرح جريت علي سيفي : في ايه طمني .. طلع سوء تفاهم صح ... انت سااكتت ليه ررد عليا .. بابا برئ صح
سيفي : بابا نصابب..

فرح بعصبية : انت ازاي تقول ع بابا كدا ... بابا لا يمكن يكون نصاب
سيفي : لاااا نصااب وهرب وسبنااا
فرح : انا مش مصدقة لااا بابا استحالة .. ماما قولي حاااجة
المحامي : انامن رأيي نهدأ علشان نلقي حل و الكلام دا يكون في البيت مش هنا

*سيفي خد عربيته ومشي وسبهم*

في الاسكندرية
عائشة بتصلي وتدعي بعياط : يارب سامحني علي اللي عملتوا يارب .. وعد متستاهلش مني كدا ... يارب متحرمنيش منها ياررب .. انا ماليش غيرها وهي مالهاش غيري .. يارب متوجعش قلبي عليهاولا توريني فيها حاجة وحشة ... انت عالم باللي جوايا سامحني واجعلها تسامحني
وعد : خالتو .. ياخالتو انتي فين
عائشة : السلام عليكم ورحمة الله .. السلام عليكم ورحمة الله
..تعالي ياوعد انا في الاوضة..

وعد : حرما ياجميل
عائشة: جمعا ياحبيبتي
وعد : اوعي تكوني نسيتي تدعيلي
عائشة : دعيتلك ياحبيبتي هو انا ليا غيرك
وعد : ربنا يخليكي ليا يااحلي خالتو ... انا هروح اعملنا فشاار بقا كدا عبال مالمسلسل يبدأ علشان نظبط القعدة
عائشة : ماشي ياوعد روحي وانا جاية وراكي

*وعد راحت تعمل فشار*

سيفي رجع البيت
نهلة : انت كنت فين وسايبنا
سيفي : كنت مع اصحابي وطالع انام تصبحي ع خير
نهلة : استنا عنندككك ... بزمتك انت عندك دم .. سايبنا في الورطة دي وتقولي طالع انام
سيف: الورطة دي مش انا السبب فيها
نهلة : اللي سبب فيها سبنا ومشي انت كمان هتعمل زيه !!
سيفي بنرفزة : اااه انا اللي هشيل الليلة دي لوحدي هو ياخد الفلوس ويهرب ويبقا نصااب وانا اللي اتحاسبب
نهلةة: اخررص ابوك مش نصاااب
سيفي : اومال خد المبلغ دا كله وحطوا في دار ايتام فهميني انا هتجنن
نهلة بتوتر : انا معرفش حاجة معرفش

وعد : انا جيبت الفشاارر و..... اييه دا المسلسل بدء
عائشة : اقعدي اهو لسه بدء دلوقتي
وعد : بصي ياخالتو البطل بيحب البطلة ازاي
عائشة بابتسامة : ربنا يوعدك يابنتي
وعد : يارب ياخالتو .. ايه داا هو لحق يجي اعلان
عائشة طب انا اقوم الم الغسيل عبال مايجي

*في التلفزيون*
المذيعة : خبر عاجل لقد قام بعض رجال الشرطة بمحاولة القاء القبض علي كمال الهلالي صاحب شركات الهلالي للمنسوجات ولكن فشلوا لانه قد قام بالهرب بعد اخذه قرض بمبلغ 65 مليون دولار ولم يتم سدد المبلغ في المهلة المحددة .. وجااري التحفظ ع جميع ممتلكات كمال الهلالي

عائشة: ياحول الله ياررب .. ياحول الله يارب .. دا حصل ازاي دا
وعد : اهو اللي قال عليا خدامة .. ابوه طلع نصاب
عائشة: عيب ياوعد كمال بيه رجل محترم لا يمكن يعمل كدا
وعد : ماهو اكيد مش مقلب رامز جلال ياخالتو ... ماهو قدامك اهو المذيعة قالت هو يعني في كام كمال هلالي في البلد
عائشة: معرفش بس في حاجة غلط... انا لازم أرولحهم
وعد : نعم ! احنا مالنا ياخالتو خلاص انتي مشيتي من الشغل
عائشة : لا يابنتي دا لحم كتافي من خيرهم لازم اقفي جنبهم في المحنة دي ... جهزيلي هدومي بسرعة
وعد : حاضر ياخالتو

سيفي : اززي متعرفيش فهميني ... اكيد حكالك عن القرض دا
نهلة : بقولك معرفش ابوك مكنش بيحكيلي حاجة
فرح نازلة تجري ع السلم : الحقوا جابوا الخبر في التلفزيوون
نهلة : اتفضحنا خلاص .. كان مستخبلنا فين دا كله يارب
فرح : كل اللي همك الفضيحة .. مش همك بابا .. مش همك اننا هنترمي في الشارع بعد ما يحجزوا ع الفيلا
نهلة : يحجزوا ع الفيلا !! احنا لازم نفكر هنعمل ايه..

سيفي : لازم الاول نعرفي بابا فين
نهلة : هنعرفي منين زمانه سافر
سيفي باستغراب : وانتي عرفتي منين انه سافر
نهلة بتوتر : اا انا بقول ان هو اكيد مش هيهرب جوا مصر يعني ... انا هكلم حد من قرايبنا نروح عنده
فرح : ماشي وانا هحضر الشنط..

*موبايل سيفي بيرن*
سيفي : ايوة ياخالد
خالد : اللي سمعتوا دا بجد ... ايه حصل
سيفي : ايوة بجد احنا في مصيبة ومش عارفي اتصرف
خالد : اهدا طب وانزلي انا واحمد في الكافية
سيفي : لا مش هينفع اسيبهم لوحدهم هشوفي هعمل ايه واكلمك .. سلام

*في اسكندرية*
وعد : ياخالتو استني طب للصبح نروحلهم
عائشة : سبيني ياوعد اروح اشوفهم زمانهم لوحدهم دلوقتي
وعد: علشان خاطري الوقت متأخر الصبح روحي علشان خاطري
عائشة : حاضر ياوعد

*عائشة مكنتش قادرة تستنا يادوب الفجر اذن ونزلت ركبت القطر وسافرت القاهرة*
وعد صحت الصبح ملقتهاش في الاوضة : بردك ياخالتو عملتي اللي في دماغك

*في فيلا كمال الهلالي*
فرح : ماما كلمتيهم هنروح عند مين
نهلة : من امبارح محدش بيرد .. محدش هيقبلنا بعد الفضيحة دي
سيفي : والعمل ياماما هتروحوا فين
نهلة : مش عارفة ياسيف
سيفي : طب ابيع العربية بتاعتي ... هي باسمي مش هيتحجز عليها
نهلة : لا متبعش حاجة .. هتتحل ان شاءالله هتتحل

عائشة : ايوة يابني ع جنب هنا نزلني
سلامة: انتي جيتي ياست عائشة .. الدنيا هنا مقلوبة خالص
عائشة : اللي سمعتوا دا بجد ياسلامة البيه هرب بالفلوس
سلامة : ايوة بجد البوليس ..كان هنا امبارح وخدوا سيفي بيه
عائشة : انا داخللهم استر يارب ... استر يارب

"عائشة دخلت الفيلا ... وفرح جريت عليها وبتعيط "
فرح : شوفتي اللي حصلنا يادادة عائشة
نهلة بصوت واطي : هي المشرحة ناقصة قتله
عائشة : اهدي يافرح ياحبيبتي بس
سيفي : انا اسفي يادادة بسبب اللي حصل اخر مرة
عائشة : مش وقته الكلام دا يابني اللي حصل حصل ... المهم انتو هتعملوا ايه دلوقتي
نهلة : زي مانتي شايفة هنترمي في الشارع
عائشة : عيب ياست هانم الكلام دا وانا موجودة بيتي هو بيتكم تنوروا في اي وقت
فرح : انتي احلي دادة في الدنيا..

" نهلة ملقتش قدامها حل غير كدا مؤقتا في وافقت "
نهلة : هحضر الشنط واجي وانت كمان ياسيفي جهز نفسك
*سيفي افتكر اللي حصل مع وعد وانه مش طايق يشوفها*
سيفي : لا روحوا انتو وانا هروح عند حد من صحابي لحد مانشوفي حل
نهلة : ماشي ياحبيبي ابقا طمني عليك

*وسافروا مع عائشة*

سيفي بيتصل بخالد
خالد : ايوة ياسيفي عملت ايه
سيفي : اتحجز ع الفيلا وماما وفرح راحوا قعدوا عند دادة عائشة
خالد : طب وانت
سيفي : ماهو دا اللي بكلمك علشانه .. اقدر اجي اقعد عندك كام يوم
خالد : والله ياسيفي لو مشلتكش الارض اشيلك انا
*سيفي ابتسم*
خالد : بس انت عارفي انا ابويا طاردني من البيت
سيف: خلاص مافيش مشكلة
خالد : متزعلش مني
سيفي : مافيش زعل .. سلام

"سيفي نفخ وكلم احمد "
سيفي : ايوة يااحمد عامل ايه
احمد : انا كويس المهم انت ازيك
سيفي : انا مش تمام ومش لاقي مكان انام فيه بعد ماحجزوا ع الفيلا
احمد : ازاي تقول كدا وبيت اخوك موجود... تعالي تنورني
سيفي : انا مش عارفي اشكرك ازاي
احمد: متقولش كدا ياعم احنا اخوات

*سيفي حط الشنطة في العربية وركب وراح لاحمد*

*وصلوا بيت عائشة*
عائشة: والله انتو هتنوروني ... دي وعد هتفرح اوووي بيكم
"نهلة بتبص ع دخلة العمارة بقرفي "
نهلة : انتي عندك بواب في العمارة يا عائشة
عائشة : ايوة ياست هانم
عائشة بتفتح الباب .. وعد جاية من اوضتها تجري
وعد: انتي جيتي ياخالتو.... استغربت
عائشة : تعالي ياوعد سلمي ع الهانم وفرح
وعد : اهلا وسهلا وبتبص لخالتها..

عائشة : الست هانم وفروحة هينورونا عبال مالمشكلة تتحل
وعد : نعم... ااقصد ينوروا ينوروا
فرح : ع فكرة بيتك حلو اوي يادادة .. نهلة بصيتلها
عائشة : دا بيت ابويا الله يرحمه .. اتفضلوا انتو هتفضلوا واقفين ع الباب ولا ايه ... دخلي معاهم الشنط ياوعد
وعد بتبرق لخالتها ومتعصبة
عائشة : خلاص خليكي انا هدخلهم
وعد: لا ميصحش بردك وخدت الشنط تدخلها
عائشة : منورينن

احمد : نورتني والله ياسيف
سيفي : بنورك ياحبيبي.. انا اسفي اني هزعجك بس
احمد : مافيش ازعاج ياسيفي انت اخويا و دا بيتك
ابو احمد : منورنا يابني.... بعد ازنك عاوز احمد في كلمتين
احمد : طب بعد ازنك ياسيف
سيفي : اتفضل

ابو احمد : ايه دا يابني
احمد : ايه يابابا ... صاحبي ولجأ ليا اقولو لا انت مربتنيش ع كدا
ابو احمد : ايوة يابني مربتكش ع كدا بس انت عندك اخوات بنات مينفعش راجل غريب يكون في البيت
احمد : هو هيكون معايا ... وسيفي محترم يابابا انا عارفه
ابو احمد : محترم زي ابوه كدا
احمد : ايوة يابابا محترم .. عاوزني اعمل ايه اطرده يعني
ابو احمد : لو انت مكسوفي انا اجبهالو بالزوق
احمد : لا يابابا متصغرنيش عيب

*سمعوا صوت الباب بيتقفل*
احمد طلع يجري ملقاش سيف
احمد : عجبك كدا يابابا... اهو سمع كلامك
ابو احمد : كويس انها جت من عنده
احمد بزعل ليه كدا بس وبيتصل ب سيف
احمد : انا اسفي ياسيفي والله
سيفي : متتأسفش انا مش زعلان منك ... وباباك عنده حق
احمد : طب انت هتروح فين دلوقتي
سيفي : هتصرفي متقلقش سلام

"سيفي بيفكر هيعمل ايه مقدمهوش غير حل واحد"

*في بيت عائشة*
عائشة : اتفضلي ياهانم دي اوضتكم
نهلة : ايه اوضتكم دي .. هو مين هينام فيها
عائشة : حضرتك وفرح
نهلة : نعم !!! انا مبعرفش انام جنب حد في الاوضة
وعد بتريقة : ليه هو اونكل كمال كان بيبات في الصالة
*عائشة برقتلها وزغدتها*
نهلة : لا ياحبيبتي اونكل كمال كان بيسهر في الشركة
وعد بتبرطم : اكيد كان بيهرب من وشك
نهلة : بتقولي حاحة !

وعد : بقول الله يعينه
عائشة : خلاص ياوعد بقا ... متضايقش نفسك ياهانم خدي الاوضة وفرح تنام في اوضة تانية .. كدا كويس
نهلة : الي حد ما مش بطال
وعد ماسكة نفسها بالعافية
فرح : شكرا يادادة ع تعبك معانا
عائشة : ولا تعب ولا حاجةياحبيبتي ... وشدت وعد ... تعالي نحضرلهم الاكل ونسيبهم يستريحوا .. يلا ياوعد .. خدتها وخرجوا

فرح : انتي ازاي بتتكلمي كدا ياماما.... دا ولا كأنك طالعة مصيف
نهلة : مصيفي ايه وقرفي ايه ... بزمتك دا شكل مصيف
فرح : احسن من الشارع ... اللي بتعامليها وحش دي الوحيدة اللي وقفت جنبنا .. احسن من قرايبنا اللي مبصوش في وشنا حتي
نهلة : طب بس بلاش كلام فارغ .. لتسمعك وتاخد في نفسها قلم
فرح : زي مانتي مش هتتغيري ابدا

عائشة بتشد وعد للمطبخ : تعالي هنا
وعد: اييه ! ايه ياخالتو مسبتنيش اجيبها من شعرها ليه
عائشة : عيب يابنتي دول في بيتنا
وعد: ياريتها محترمة انهم في بيتنا فعلا .. لا دي بتتأمر ولا كأننا خدامين

عائشة : معلش يابنتي مش واخدة ع الوضع واكيد اللي حصلهم دا مش شوية بكرا تتغير
وعد: اللي زي دي لا بتتغير ولا بيأثر فيها حاجة ... اللي زي دي عاوزة تعيش طول عمرها ملكة وغيرها يخدم عليها ... انتي بس اللي طيبة ياخالتو
عائشة: معلش ياوعد احنا احسن من غيرنا
صوت نهلة من بعيد : حضريلي الحمام ياعائشة
وعد بعصبية جاية تخرج لحقتها عائشة وبتضحك : يابت اهدي بقا انا مش قادرة عليكي ولا ايه

*جرس الباب رن*
عائشة : يلا روحي شوفي مين ع الباب وانا هروح اشوفها عاوزة ايه
وعد : حااضر ياخالتو ... حاضر
وعد ماشية لحد الباب بتكلم نفسها : لازم وعد تقول حاضر وتسكت لواحدة مغرورة ومش شايفة غير نفسها زي دي ... اااه عاوزة اجيبها من شعرها ام سيفي الزفت هو كمان طالع شبهها منكوا لله ياعيلة الهلالي منكو لله
*الجرس رن تاني*
وعد بعصبية : ماتصبرر هو انا عايشششة جنب الباب وبتفتح .... *بلمت للحظه*
وعد : سيييييفي !!!

ياتري ايه هيحصل بين سيفي ووعد .. و نهلة هتعرفي تتأقلم ع الوضع الجديد ولا هتفضل زي ماهي ... هنعرفي في الفصول الجاية تابعوا .. متنسوش رايكم يهمني

الفصل التالي
جميع الفصول
الآراء والتعليقات على الرواية