قصص و روايات - قصص رائعة :

رواية ابنتي ولكن بقلم ياسمين علي الفصل الثالث

رواية ابنتي ولكن بقلم ياسمين علي بجميع فصولها

رواية ابنتي ولكن بقلم ياسمين علي الفصل الثالث

وعد بعصبية : ماتصبرر هو انا عايشششة جنب الباب وبتفتح .... *بلمت للحظه*
وعد : سيييييفي !!!

سيفي وهو مش طايقها : دادة عائشة هنا
عائشة : مين اللي جه ياوعد
سيفي زق وعد ودخل : دادة عائشة حبيبتي .. انا اللي جيت
عائشة : حمدالله ع سلامتك ياحبيبي.... طب ماكنت جيت معانا علي السكة يابني
سيفي : والله يادادة انا لما فكرت قولت ياواد ياسيفي ازاي هتعيش بعيد عن دادة عائشة حبيبتك

عائشة بتضحك
ووعد بتبصلهم بغيظ : لااياشيخ .. يعني انت جاي علشان دادة عائشة ولا ملقتش حتة تقعد فيها غير بيت دادة عائشة

سيفي بصلها ومعبرهاش
عائشة : عيب ياوعد سيفي ينورنا في اي وقت
سيفي : حبيبتي يادادة عائشة ... يانصراني دايما .. وريني بقا هنام فين لاحسن انا مقتول
عائشة : بعد الشر عنك ياحبيبي .. تعالي

" وعد واقفة متغاظة من معاملة عائشة لسيفي وراحت وراهم "
عائشة : اهي ياحبيبي دي اوضتك .. هي محتاجة شوية تنضيفي .. بس متقلقش وعد هتظبطهالك
وعد : وانا انضفها ليه ... وهو مكسح مايعملها هو
سيفي : دادة عائشة قولي للشئ دي تلم لسانها + اني مبعرفش انضف
وعد : ليه هي مامي معلمتكش ولا ايه ...
سيفي : بقولك ايييه
عائشة : بااااس انت وهي احترموا وجودي ... وعد هتعملي اللي قولت عليه ... وانت ياسيفي تعالي كل عبال ماتخلص

سيفي خارج من الاوضة وبيبص لوعد بصة انتصار واستفزاز

"وعد بعصبية رزعت الباب في وشه"
وعد : كل حاجة وعد .. وعد ماشي ياخالتو

نهلة : ايه دا سيفي انت جيت امتا !
سيفي : لسه جاي
نهلة: حصل حاجة مع صحابك
سيفي : لا محصلش ياماما انا قولت اخليني معاكم بلاش نتفرق
فرح : سيفي حبيبي كويس انك جيت وهتبقا معانا
عائشة بتحط الاكل : والله انا مش عارفة اوصفلكم فرحتي بوجودكم هنا معانا
سيفي : احنا اللي مش عارفين نشكرك ازاي والله
فرح : اه يادادة انتي الوحيدة اللي وقفتي جنبنا واكيد مش هننسالك المعروفي دا

"نهلة بتبصلهم وهي مش طايقة مدحهم في عائشة"

عائشة : عيب ياولاد تقولو كدا انا عملت ايه يعني ... يجي ايه جنب اللي عملتوا معايا وانا طول عمري عايشة في خيركم
نهلة : عندك حق ياعائشة
فرح بصت لامها : عن اذنكم ... اه يادادة هو انا هنام فين علشان ادخل هدومي
عائشة : انا كنت هديكي اوضة لوحدك ... بس سيفي لما جه خدها ... بس متقلقيش انتي هتنامي مع وعد والسرير كبير يكفيكم
نهلةة: وانتي ياعائشة هتنامي فين..

عائشة : في اوضتي ياهانم
نهلة : طب حلو .. خدي وعد معاكي في اوضتك وفرح تنام في اوضة وعد لوحدها
عائشة باحراج : اللي تشوفيه ياهانم
فرح بصيت لامها بغيظ : لا يادادة انا هنام جنب وعد في اوضتها ... وجهت كلامها لامها: احنا مش جاايين نخرج حد من اوضته
نهلة : علي راحتك
سيفي : انا عندي حل احسن .. كل واحد ينام في اوضته ووعد تنام ع الكنبة
وعد جاية : اللهم طولك ياروح..

سيفي : انتي لحقتي تروقي الاوضة
وعد : اه يادوب رميتلك هدومك في الدولاب
سيفي : ماهو دا المتوقع منك
وعد: قصدك ايه !
سيفي : اقصد انك قليلة الزوق ..
وقام دخل الاوضة .. ووعد فضلت بصاله بغيظ

*وعد دخلت المطبخ*
وعد : سامعة كلامه ياخالتو
عائشة : اه وسامعة كلامك انتي كمان
وعد بزعل : هتدفعي عنه لحد امتي، بتحبيه اكتر مني، اه مانتي كنتي عايشة معاهم وسايباني
عائشة: متخلقش لسه اللي احبه اكتر منك ولا هيتخلق، انتي اغلي حاجة عندي، بس هما ضيوفي لازم نستحمل
وعد : اه ضيوف
عائشة : واعملي حسابك فرح هتنام معاكي في الاوضة
وعد: حاضر ياخالتو
عائشة : تسلميلي ياروح قلب خالتك

*في اوضة سيف*
سيفي دخل الاوضة لقها متنضفة وريحتها حلوة بيفتح الدولاب لقي هدومه مرصوصة بشكل جميل .. ابتسم
سيفي : دي مجنونة دي
رمي نفسه ع السرير بعد يوم صعب بنسباله

وعد : تصبحي ع خير ياخالتو
عائشة : وانتي من اهله يا حبيبتي

وعد راحة ع اوضتها وبصيت علي اوضة سيفي ... وعد: متكبر

"وعد دخلت الاوضة لقيت فرح بتحط هدومها في الدولاب"
وعد : تحبي اساعدك في حاجة
فرح : لا ياحبيبتي شكرا انا خلاص خلصت
وعد : طيب لو انت زي مامتك ومبتحبيش حد معاكي في الاوضة انا ممكن اروح انام مع خالتو...

فرح بابتسامة : لا انا مش شبه ماما ...وبعدين انا المفروض اشكرك انك هتخليني معاكي في أوضتك
وعد : مافيش شكر احنا اخوات
فرح : انا فعلا كان نفسي في اخت
وعد : ياااه غالي والطلب رخيص ... ياستي انا اهو اعتبريني اختك

فرح حضنتها : انتي جميلة اووي ياوعد .. مش غريبة اكيد انتي شبه دادة عائشة
" وعد بدلتها الحضن وهي مبتسمة "

*نهلة في اوضتها بتفكر مع نفسها*

بقا كدا يا كمال .. تعمل فينا كدا ..بعد العمر دا كله ...ترمينا الرامية السودة دي ... انا بنت الاكابر اقعد عند الخدامة ... ماشي ياكمال انا هصبر ماشي

اليوم التالي
سيفي صحي داخل المطبخ : صباح الخير يادادة
عائشة: صباح النور ياحبيبي .. معرفتش تنام ولا ايه
سيفي : لا انا نمت كويس ...هي ماما صحيت
عائشة : معرفش والله ياسيفي ..ادخل الحمام انت وانا هروح اشوفها

*نهلة واقفة سرحانة في البلكونة*
الباب خبط
نهلة: ادخل
عائشة : صباح الخير ياهانم .. سيفي كان بيسأل عليكي
نهلة: ماشي انا جاية .. حضرتي الفطار
عائشة : 10دقايق ويكون جاهز
نهلة : ماشي روحي وانا جاية

علي الفطار عائشة بتحضر الاكل ونهلة وفرح ووعد قعدين ع السفرة

وعد : اوعا ع ريحة الفلافل اللي قالبة كياني دي
نهلة: فلافل !!
عائشة : تقصد الطعمية ياهانم
وعد :لا هي فلافل
نهلة : طعمية ولا فلافل هو دا الفطار !!

- فرح بصتلها
عائشة : تحبي تأكلي حاجة معينة ياهانم انزل اجبلك
نهلة : لا خلاص مش عاوزة
عائشة : هو سيفي فين
سيفي : انا جيت اهو يادادة
نهلة : انت لابس .. انت نازل ولا ايه !
سيفي : ايوة اكيد مش هفضل قاعد هنا
عائشة : طيب اقعد كلك لقمة قبل ماتنزل

سيفي قعد جنب وعد وقرب ع ودنها : متشكر اوي علي الاوضة كانت حلوة شبهك
"وعد كانت بتأكل شرقت"
عائشة عطيتها ماية : مالك يابنتي .. انتي كويسة
وعد بتوتر : انا كويسة ياخالتو .. انا هروح اجيب ماية انتي نسيتي تجيبي
عائشة : ماهي الماية في ايدك يابنتي
وعد شربتها : اهي خلصت ياخالتو هروح اجيب

سيفي بيأكل وهو مستمتع انه قلب كيان وعد بكلمة واحدة واتأكد انها معجبة بيه
" وعد دخلت المطبخ وحطيت ايدها ع قلبها اللي عمال يدق "

سيفي : الحمدالله ... انا هنزل بقا
نهلة : متتأخرش
سيفي : حاضر ياماما
*سيفي مشي ووعد طلعت تكمل اكل*

فرح دخلت تجيب حاجة من الاوضة
صوت حلو من بعيد :
فى جوه قلبى حاجه مستخبية.....كل لما باجى أقولها فجأه مش بقدر......قدام عينيك بقفي وبنسى إيه يتقال...

فرح طلعت البلكونة تشوفي صوت مين الحلو دا معرفتش هو مين بس فضلت واقفة تسمعه

..... : ليه كل مره يجرى فيها كده ليا.....ودي هى كلمة واحدة بس مش أكتر......والكلمة ديه عندى فيها راحة البال ....
حبيتك
يوم ما إتلاقينا
لما حكينا أول كلام
حبيتك
وأحلفي على ده
تسمع زيادة ده أنا مش بنام...

فرح طلعت تجري ع وعد شدتها وهي بتأكل

وعد : في ايه يامجنونة .. اصبري طب فهميني
فرح : تعالي بسررعة
وعد : قوليلي طب مالك
فرح : في صوت حلو طالع من البلكونة دي ... صوت مين
وعد : اه دا تلاقيه عمر... استني بس انتي مجرجاني كل دا علشان تسأليني ع الصوت
فرح : اه
وعد: انا بقول تلموا هدومكم وتمشوا..

فرح: في ايه ياوعد مش انتي قولتيلي اننا اخوات
وعد : شكلي هرجع في كلامي
فرح بزعل : بقا كدا
وعد بتضحك: خلاص ياستي متزعليش بهزار .. عاوزة ايه انتي
فرح : عاوزة اعرفي عمر دا قد ايه..

وعد برفعة حاجب وابتسامة : اكبر منك يافروحة
فرح بتوتر : لا انتي فهمتيني غلط .. انا بس عاوزة اعرفي الصوت حلو دا صوت حد كبير ولا صغير
وعد : ليه هتقدميلوا في ذا فويس
فرح : هو انا ينفع اشوفوا وهو بيغني
وعد: لا مينفعش هو مبيتكشفش ع بنات
فرح: ياوعد بتكلم جد بقا..

وعد : خلاص بطلي زن هوديكي
فرح : ماشي يلا بينا
وعد : هنروح بالبجامة
فرح : اه حلوين اهو .. يلا بينا
عائشة : ع فين ياقمرات
وعد : هروح لابلة فاطمة وبالمرة اشوفي سندوس علشان وحشاني
عائشة: ماشي متتأخروش

في الكافيه
خالد: مالك يااحمد مبوظ ليه كدا
احمد : زعلان بسبب اللي حصل امبارح
خالد : اللي حصل حصل ... ابوك معاه حق
احمد: لا مش معاه حق .. صغرني اوي واكيد سيفي زعل
خالد : انت هتشيل نفسك زنبه .. هو انت اللي قولت لابوه يهرب...

احمد: لا بس صاحبي احتاجني المفروض اكون جنبه .... دا سيفي ياخالد صاحبنا اللي كان معانا من صغرنا
خالد : نعملوا ايه يعني
احمد: انت مافيش فايدة في الكلام معاك .. انا ماشي
خالد : خلاص ياعم اقعد .. اتصل بيه طب شوفوا

سيفي وقفي العربية ونزل بيفكر في اللي حصلهم
...موبايله رن
سيفي : ايوة يااحمد
احمد : عامل ايه ياسيفي .. اوعا تكون زعلان مني
سيفي : انا مش زعلان منك .. انا زعلان علي اللي حصلنا بس هبقي كويس
احمد : طب انت قاعد فين
سيفي : في اسكندرية..

احمد : روحت لدادة عائشة
خالد : يابن اللعيبة ... راح للوتكة
احمد بصله ورجع كلم سيف
احمد : طيب ابقا طمني عليك .. اه وخالد بيسلم عليك
سيفي : الله يسلموا .. سلام

خالد : هو انا سلمت ع حد
احمد : انا غلطان اني بحسن صورتك ... وانت معندكش دم
خالد : معنديش دم ليه .. عاوزني اقعد حزين زيك وهو عايش حياته هناك مع وعد
احمد : عايش حياته ايه دا صوته باين عليه الزعل ... وبعدين ماقدامك هما اتخانقوا اخر مرة
خالد : بكرا تقول اني ع حق
احمد : بقولك ايه انا ماشي .. سلام
خالد : سلام ياابو الصحاب

وعد بتخبط وهي بتطبل
فاطمة : حاضر جاية اهو .. يووة استنا يلي ع الباب
...وعد انتي جيتي من القاهرة امتا
وعد : لا دي قصة كبيرة اوي يابلة فاطمة ... انتي عاملة ايه
فاطمة : الحمدالله ياحبيبتي .. مين الحلوة اللي معاكي دي..

وعد : دي فرح قريبتنا جاية تقعد معانا كام يوم
فاطمة : تنور ياحبيبتي
وعد : اومال فين فنانا اللي مدوب قلوب البنات
فاطمة بضحك: عمر في اوضته استني هناديهولك

فرح : انتي ليه ماقولتلهاش الحقيقة
وعد : كدا احسن علشان محدش يعرفي اونكل كمال وممكن يصدقوا انه نصاب ويتعاملوا معاكي وحش
فرح : ماشي
عمر : اهلا ياوعد عاملة ايه
وعد : الحمدالله ياعمورة انت عامل ايه
فرح بصاله ومن جواها بتقول : صوت قمر وشكل قمريين
عمر : الحمدالله ياوعد

عمر مستغرب ع اللي بتبصله جامد : اهلا ب حضرتك

فرح بتبصله وساكتة
وعد زغدت فرح : فوقي هتفضحينا
فرح بتوتر : اهلا بيك
وعد : طب ياعمورة فرح سمعتك من البلكونة .. وانبهرت بصوتك جدا وكانت عاوزة تسمعك فيس تو فيس كدا
عمر مستغرب بردك من نظرات فرح : ماشي معنديش مشكلة تحبي تسمعي ايه يافرح
فرح : انت بتحب تغني ايه
عمر : شوفي اللي تحبيه انتي .. انا هغنيه
فرح : لا اختار انت..

وعد بصلهم هما الاتنين : لا احنا بننام بدري ... غني اي حاجة ياعم عمر ... اقولك غني " بينا نعيش " لعامر منيب
فرح : الله بحبها اوي
عمر : خلاص نغنيها علشانك

*بدء يغني ... تحت نظارات فرح ليه*

من اول يوم في لقانا
خدني هواك عشت معاك
احلي سنين عمري ياغالي
بان علي طول ايه جوانا
لما العين جت في العين
ولا حسيت باللي جرالي
بينا نعيش ده العمر ليله ماتقوليش نستنا ليله دي الايام جنبك جميله وعمري ياغالي لقيته معاك

*فرح بصاله ومبتسمه .. ووعد بتبصلها وفرحانة*

قربلي كمان يا حبيبي
سيبني اعيش نفسي اعيش
ليله ما كانت علي بالي
م الاول وانا يا حبيبي بتمناك
قبل لقاك ياما قبلتك في خيالي
بينا نعيش ده العمر ليله ماتقوليش نستنا ليله دي الايام جنبك جميله وعمري ياغالي لقيته معاك.

فرح بتسقفي : تحفة بجد صوتك
عمر : دا من زوقك بس
فرح : لا بجد جميل جدا
وعد : طب انا هروح اشوفي فين سندوس بقا
فرح : ماشي وبصيت لعمر
عمر : اتفضلي اقعدي

وعد : سندوسة اللي وحشاني
سندوس : طنط وعد .. وجريت عليها
وعد شالتها : وحشتينييي اوي .. بتعملي ايه من غيري
سندوس : مس بعمل .. انا قعدة عاوزة حد يلعب معايا
وعد : وانا روحت فين يافرنساا ... انا العب معاك ياجميل ياصغنن انت
سندوس : انا بحبك اوي ياطنط وعد
وعد : دانا اللي بحبك اوي اوي ياروح طنط

*نهلة قعدة في اوضتها الموبايل رن رقم غريب*

نهلة : ايوة مين معايا
......: انا كمال يانهلة
نهلة : كماال !!! جريت تقفل باب الاوضة .. وبتتكلم بصوت واطي.... انت فين ياكمال .. دي عمايل تعملها فينا بردك ياكمال ... احنا اتبهدلنا اووي
كمال : اهدي وطمنيني ع الولاد
نهلة : مش كويسين .. بعد مااتحجز ع الفيلا
كمال : طيب انتو روحتو فين..

نهلة : كل السكك اتقفلت في وشنا بس احنا روحنا عند عائشة في اسكندرية
كمال : فيها الخير والله.. ست اصيلةربنا يبارك في عمرها
نهلة: احنا فيها ولا فينا ...قولي هترجع امتا
كمال : لما اخلص اللي جيت علشانه هرجع .. خليبالك من الولاد يانهلة سلام
نهلة : سلام

نهلة : عائشة .. ياعائشة
عائشة : ايوة ياهانم
نهلة : هو سيفي لسه مرجعش
عائشة : لا لسه ياهانم
نهلة : اومال فين فرح
عائشة : مع وعد عند الجيران
نهلة : نعم !!!! وهي تروح من غير ما تقولي .. كلميها تيجي
عائشة : حاضر

موبايل وعد رن
وعد : ايوة ياخالتو
عائشة : وعد تعالي يلا علشان تتغدوا... والهانم عاوزة فرح
وعد : حاضر ياخالتو

فرح : مقولتليش بقا انت خريج ايه
عمر : انا ياستي خريج تجارة انجلش
فرح : بجد !! انا كمان تجارة انجلش .. علي كدا بقا انت اتعينت فين
عمر : لا متعينتش في حتة للاسف
فرح : ليه
عمر : محصلش نصيب ... المهم انتي لو احتاجتي حاجة انا موجود

وعد : فرح يلا بينا
فاطمة : ع فين كدا اتغدوا معانا
وعد : معلش ياابلة فاطمة .. خالتو عاوزنا ومامت فرح عاوزها
فرح : هشوفك تاني
عمر : اكيد
وعد شدت فرح : يلا..

فرح : ماشي براحة .. باي ياعمر
عمر ابتسم وواقفي مستغرب وسرحان
فاطمة : احم احم سرحت في ايه
عمر : ولا حاجة ياماما عمللنا اكل ايه بقا
فاطمة : حلة محشي تستاهل بقك
عمر : ياحلاوتك يام عمر

سيفي واقفي قدام البحر ومخنوق من كل حاجة وبيفكر فاابوه وفي الي حصلهم ومش لاقي حل .. ركب العربية ومشي

*وعد وفرح رجعوا*

نهلة : انتي كنتي فين !
فرح : كنت مع وعد
نهلة : ايوة فين يعني
فرح : في ايه ياماما هو تحقيق
نهلة : ردي ع السؤال
فرح : كنت عند الجيران
نهلة : وانتي تروحي عند ناس غريبة ليه..

فرح : ايه دا في ايه من امتا بتقوليلي اروح فين واجي منين
نهلة : من وقت ماابوكي سابكم ليا .. اللي كنتي بتتحمي فيه مشي خلاص .. من هنا ورايح .. الكلمة كلمتي
فرح : لا ع فكرة انا مش صغيرة وعارفة انا بعمل ايه كويس ومش هستأذن حد
عائشة : عيب كدا يافرح دي مامتك..

نهلة : ممكن متدخليش بيني وبين بنتي
عائشة : انا اسفة ياهانم ... تعالي ياوعد نخش جوا
"وعد ماسكة نفسها بالعافية وساكتة علشان عائشة "

فرح : ليه كدا.. ليه بتعملي كدا معاها .. حرام عليكي بجد ... الست معملتلكيش حاجة وحشة
نهلة : انا حرة انتي مش هتحاسبيني
فرح : صح انتي كمان مش هتحاسبيني .. عن اذنك

*سيفي رجع داخل من باب العمارة*

صباح : الحق ياعبده الراجل الغريب جه تاني
عبده : مالناش دعوة ياصباح خلينا في حالنا
صباح : مالناش دعوة ازاي يعني .. احنا لازم نفهم ايه اللي بيحصل
عبده : وانتي مالك ياولية .. خلينا نشوفي شغلنا .. وخليكي في حالك بقا

*في المطبخ*
وعد : هنستحمل لحد امتي
عائشة : لحد لما ربنا يزيح عنهم المشكلة دي
وعد : يزيح عنهم هما ! انا شايفة ان المشكلة بقيت عندنا احنا مش هما ... ايه عايدلنا من كل دا .. قلة قيمة من واحدة متسواش
عائشة : كله في ميزان حسناتنا يابنتي
وعد : هما مش مقدرين دا..

عائشة : احنا نبقا الاحسن
وعد بقهرة : ماشي ياخالتو .... بس انا مش هستحمل اهانتها ليكي دي تاني
عائشة : طيب ياحبيبتي روحي ناديهم يأكلوا
*وعد مشيت*
عائشة دمعت : كبرتي ياوعد كبرتي يابنتي

*في اوضة سيف*
وعد خبطت وفتحت الباب علطول
سيفي : نعمم !!
وعد : تعالي علشان تأكل
سيفي : مش عاوز اكل .. واتفضلي اخرجي.. وتاني مرة متدخليش غير لما اقولك
وعد باستغراب من طريقته : انت بتتكلم كدا ليه معايا !

سيفي : عاوزني اعملك ايه يعني ولا انتي فاكرة علشان قولتلك كلمة حلوة هتشوفي نفسك ... لا فوقي
وعد بعصبيه : لا فووووق انت لنفسك بقا .... طول مانت هنا تتكلم معايا عدل انا مش خدامتك انت هنا في بيتي

*الكل جه ع صوتها*

عائشة : في ايه ياوعد صوتك عالي ليه
وعد : لازم نحط حد وكويس انكم كلكم هنا .. اللي عايز يعيش معانا يعيش باحترامه .. لا انا ولا خالتو هنستحمل إهانة من حد *بتبص لنهلة* مهما كان هو ميين !
عائشة : اسكتي ياوعد
وعد : لاا ياخالتو الموضوع زاد عن حده ... وانا بسكت علشانك بس بعد كدا مش هسكت .. يارب يكون كلامي اتفهم

*عائشة خدت وعد ومشيت*
فرح : هو ايه االي حصل ياسيفي انت عملتلها ايه
سيفي بعصبية : ممكن تطلعوا براااا وتسبوني في حالي اطلعوا

{سيفي حااسس بخنقة لدرجة انه عاوز يعيط بسبب كلام وعد اللي هو مقدرش يرد عليه علشان يرضي غروره وتكبره لانه مالهوش مكان غير هنا }

*في اوضه نهلة*
نهلة: بنت لا عندها زوق ولا احترم ... تربية خدامين
فرح : بالعكس بقا انا مبسوطة باللي عملتوا .. لو مكانها هعمل اكتر من كدا ... انا بحمد ربنا والله انها لحد دلوقتي مطردتناش
نهلة : هقول ايه مانتي طالعة لابوكي .. بيحن للاشكال دي
فرح : احسن حاجة قولتيها والله .. اني طالعة لبابا

{انتهي اليوم والكل نايم وهو بيفكر في حاجة
وعد بتفكر في اللي عملتوا وبدءت تقتنع انها مش هينفع تحب سيفي ..وفرح مشغول بالها بعمر اللي خد قلبها بصوته.. من قبل ماتشوفوا

..اما سيفي بقا في بيفكر يكسر الاوضة ع وعد بعد اللي عملتوا }

اليوم التالي
فرح : وعد .. وعد اصحي
وعد : في ايه يابنتي .. سبيني انام
فرح : لا تنامي ايه .. اصحي يلا
وعد : صحيت اهو اهدي بقا

عائشة : صباح الخير ياحلوين
وعد جريت حضنتها : خالتو اوعي تكوني زعلانة مني .. غصب عني حصل كدا
عائشة في ودن وعد : انتي عملتي الصح انا كان لازم اعمل كدا .. مش زعلانة منك .... يلا بقا انا راحة السوق عاوزين حاجة
وعد وفرح : لا شكرا

فرح : يلا نروح عند سندوس نلعب معاها
وعد : لا ياشيخة سندوس بردك
فرح بتوتر : اومال مين يعني
وعد : اسألي نفسك بقا .. ع العموم سندوس مش موجودة ..تلقيها في الشغل
فرح بزعل : بجد !!
ااقصد انتي رخمة اوي ياوعد خلاص مش راحة معاكي في حتة ... ومشيت وسبتها
وعد بضحك : شوفي السوسة .. قال سندوس قال .. ببيع كشري انا

عائشة : السلام عليكم
صباح : وعليكم السلام ورحمة الله وبركاته ... ست عائشة كنت عاوزكي في حاجة كدا
عائشة : خير يا صباح في حاجة
صباح : مش عارفة اجبهالك ازاي ... اصل هو
عائشة : في ايه قلقتيني
صباح : اقصد يعني .. هو مين الراجل اللي عندكم دا
عائشة : دا قريبنا من مصر ... انتي بتسألي ليه
صباح : لا مش انا بسأل بس اصلي..

عائشة : اصل ايه
صباح : اصلي سامعة طرطيش كلام كدا من الناس .. ان ازاي راجل غريب داخل طالع ع البيت وهو في بنت
عائشة بعصبية : انتي اتجنيتي.... انتي بتقولي ايه
صباح : وغلاوتك مانا ياست عائشة دول الناس .. بس انا مسكتلهمشي اديتهم من المناقي خيار .. ااه الست وعد دي مافيش زيها ادب واخلاق
عائشة : اسكتي .. اسكتي وطلعت البيت تاني
صباح : عجايب .. اللي يقول الحق في الزمن دا يبقا وحش ... يلا مالناش دعوة

وعد : ايه اللي رجعك ياخالتو
عائشة : سيفي فين....سيف
فرح ونهلة باستغراب : هو فيه ايه
سيفي : نعم يادادة
عائشة : انا اسفة يابني .. بس انت مش هينفع تعيش هنا
نهلة : انتي بتقولي ايه ياعائشة
فرح : ليه كدا يادادة .. هيروح فين لو مشي من هنا ...
عائشة : غصب عني يابنتي
وعد : مالك ياخالتو .. في ايه..

فرح : لو علشان اللي حصل امبارح سيفي يعتذر لوعد وخلاص تتحل
سيفي بعصبيه : انا مش هعتذر لحد
وعد : وانا مش هقبل اعتذارك اصلا
عائشة : بس بس انا قولت اللي عندي .. انا مش هسمح لحد يتكلم ع وعد
نهلة : انتي قصدك ايه !

عائشة : الناس بتتكلم ع ان في راجل غريب في البيت ووعد موجودة وبيتكلموا عنها
نهلة : ياشيخة خضتينا وايه يعني ... مالناس ياما بتقول
عائشة : لا كله الا بنتي وسمعتها اللي يمسها بالسوء امسه بالدم
سيفي : عندك حق يادادة .. انا همشي
نهلة مسكته : هتروح فين
سيفي : مافيش حل غير بيع العربيه..

نهلة : انا قولت مافيش بيع ليها
سيفي بعصبية : خلاص اترمي في الشارع المهم العربية ارتاحيي
فرح : انا عندي الحل اللي هيريح الطرفين
عائشة : ايه هو
نهلة : اتكلمي
فرح : سيفي يتجوز وعد
سيفي ووعد : نعم !!!!!!!

ياتري سيفي ووعد هيوافقوا ع الحل دا ... وهل كمال هيرجع تاني ولا هيفضل هربان .. هنعرفي في الفصول الجاية تابعوا .. ومتنسوش رايكم يهمني

الفصل التالي
جميع الفصول
الآراء والتعليقات على الرواية