رواية أحفاد البارون الجزء الثاني للكاتبة إيمان جمال الفصل الرابع
ناجي لفريدة: ودا إيه اللي رجعه مصر؟
فريدة: مش عارفة بس هو يعني هيفضل مسافر على طول ماهي دي بلده وانا خايفة يكون ذي أبوه ويحاول ينتقم
ناجي: مايمكن يكون أحسن من سالم
فريدة: اتمنى بس انا حبيت اعرفك وتشوف هتعرف فهد ولا لا
ناجي: مش هقوله حاجة غير لما احس ان في حاجة لأن دلوقتي مافيش الفهد والادهم بتوع زمان لا دي في الليث والأيهم والأكمل والتلاتة محدش يقدر يقف قصادهم ومش عاوز اقلقهم عالفاضي.
فريدة: ان شاء الله مايكونش ذي أبوه ونكون مبسوطين بقى
ناجي: ان شاء الله
سارة دخلت ليهم: بتقولوا ايه من غيري
ناجي ضحك: ياستي انا وحماتي بنقول سر عاوزة ايه يارخمة
سارة بتشكيرة: شفتي ياماما بعد العمر دا كله يقول عليا رخمة والله انا مظلومة معاه
فريدة ضحكت غصب عنها: يابت بطلي بقي
مهاب قاعد في أوضته والشباب طلعوا يقعدوا معاه
أكمل: قاعد لوحدك ليه؟
مهاب: مافيش حسيت نفسي مخنوق شوية
أيهم: مش هتنسى؟
مهاب بصله واتكلم بحزن: تفتكر هقدر انسى وهي كل يوم أدامي ماكنتش متخيل ان يوم ما اعترف لبنت حبيتها بحبي تبقى مش شايفاني
ليث: وليه ماتقولش انها طول الوقت شايفاك إبن عمها وبس
مهاب: عشان كدا انا بدأت اتجاهلها
أيهم: بس هي مش حابة كدا
مهاب بعصبية: اعملها ايه يا أيهم انت مش سايف اختك يعني أقرب واعترف بحبي تبعد ويوم ما انا ابعد تبقى هي عاوزة تقرب ومضايقة قولي انت اعمل ايه.
اكمل(الكبير) كان رايح ليهم وسمعه وفتح الباب واتكلم: انا هقولك
اكمل دخل وقعد معاهم وقاعدين مستنيينه يتكلم.
اكمل: انا هقولك تجربتي مع أمك كانت عاملة ازاي يمكن محدش فيكم يعرف كل واحد فينا كانت قصته ايه وكنا متأكدين ان هيجي اليوم اللي هنحكي ليكم فيه عن قصص حبنا، المهم ملك كانت بتحبني وانا كنت شايفها اختي الصغيرة وبس وكانت بتقولي يا أبيه في يوم سمعتها وهي بتتكلم مع البنات عني وعرفت انها بتحبني تخيل انا اتعاملت مع الموقفت ازاي
مهاب بإهتمام: ازاي؟!
اكمل: اتعصبت عليها وقولتلها ان كل دا لعب عيال وتفكير مراهقين وان انا بالنسبة ليها أبيه اكمل وبس بعدها تجاهلتني تماما كان دايما فهد بيغيير مني عليها بسبب اهتمامها بيا وانها تسهر معايا وانا بذاكر بعد ماهي بدأت تبعد وتتعامل كأني مش موجود بقيت بحس ان في حاجة نقصاني حاسس اني مفتقدها ومفتقد كل حاجة رجعت فكرت فيها بطريقة تانية اديت لنفسي فرصة واكتشفت ان كنت بحبها بس مش واخد بالي لحد ما اعترفت اني بحبها أي نعم طلعت عيني شوية بس في الآخر بقينا سوا، هقولك حاجة يا ابني ساعات الواحد بيكون اعمي عن حاجات كتير بس بيفوق في الوقت المناسب.
ليث: يعني ايه اعمي هو يعني بيكون عامل كدا قصد؟
اكمل ابتسم: لا ياليث ساعات انت بتكون مش واخد بالك من حاجة جواك بس بيجي وقت معين كدا بتلاحظ ان في حاجة انت كنت حاسسها بس مش واخد بالك بيها ذي مابيحصل دلوقتي
ليث: قصدك ايه؟
اكمل قام وقف وبصله: افهم انت لوحدك
اكمل سابهم وخرج وليث تقريباً فهم هو يقصد إيه
أيهم: يلا نخرج احنا اتلبخنا ومخرجناش
ليث: ماليش مزاج اخرج اخرجوا انتوا
أكمل بغضب: هتخرج.
ليث: يا ابني انت مش خاطب ماتخرج انت وخطيبتك
اكمل ببرود: ماليش مزاج اخرج معاها
مهاب: طب يلا قوموا نخرج
أيهم: طب بقولكم ايه ماتيجوا نسهر كلنا سوا هنا في القصر ذي زمان
مهاب: والله فكرة حلوة انا هروح ابلغ البنات
البنات كلهم متجمعين ومرام نزلت ليهم
مرام: ايه الزهق دا
هدى: فعلاً انا ماليش مزاج اذاكر وحاسة بزهق فظيع
رنا: طب وايه الحل
هدى لسة هترد بس مهاب جه عليهم
مهاب: يلا يابنات عندنا سهرة من بتوع زمان.
هدى بحماس: ايوا كدا جايا في وقتها جداً
مهاب ضحك: طب يلا عالمطبخ اعملي الفشار
هدى بضيق: هو انا مكتوب عليا كل مرة اعمل فشار
چويرية: خلاص هعمله انا وهعمله بالكراميل كمان
مهاب: الله عليكي يلا ورايا
البنات فرحت انهم هيسهروا مع بعض ومرام فضلت معاهم ومارجعتش مع ناجي وسارة
أمير قاعد في اوضته مستني شهد ترد عليه وبعد دقايق تليفونه رن وكان متأكد انها هي
امير: ايه فكرتي؟
شهد: عرفت منين ان انا؟
امير: عشان مستني ردك.
شهد بحزن: للأسف معنديش رأي تاني غير اني اوافق سلام
شهد قالت كلامها وقفلت وأمير رن عليها تاني بس للأسف ماردتش
چويرية دخلت المطبخ تعمل الفشار وليل دخلتلها
ليل: حبيبتي بتعملي ايه؟
چويرية: بعمل فشار ياطنط عشان هنسهر سوا
ليل ابتسمت: ماشي ياحبيبتي انا هخرج مع فهد ومش هنتأخر
چويرية: ماشي ياحبيبتي
آيه دخلتلهم: بتعملوا ايه
ليل بصتلها ولاحظت انها لابسة لبس خروج: على فين يايويو
آيه: هخرج انا وادهم.
چويرية ضحكت: هو النهاردة اليوم العالمي للخروج ولا إيه
ليل ضحكت اوي: شكلها كدا
فهد لبس وخلاص جاهز انه ينزل وأدهم خبط على باب الجناح وفهد سمحله يدخل
فهد: انت خارج انت كمان ولا ايه؟
ادهم: ايوا ياسيدي آيه زهقانة وعاوزة تخرج
فهد: وليل باردوا
ادهم: طب تمام والولاد كدا كدا كلهم سهرانين هنا
فهد: تمام واحنا باردوا مانتأخرش
ادهم ضحك: انت محسسني انهم لسة صغيرين دول رجالة يعتمد عليهم وغير كدا كمان الحرس حوالين القصر.
فهد: انت عارف ان بخاف على كل واحد فيهم ولازم ناخد احتياطاتنا
ادهم: ماتقلقش ويلا قبل ماليل وآيه يطلعوا لينا
فهد ضحك: يلا
فهد وأدهم خرجوا وفعلا كل واحد اخد مراته وخرجوا، وشريف وامل رجعوا القصر وعرفوا ان الفهد والادهم خرجوا
امل ضحكت: الحمدلله مش لوحدنا اللي بنخرج
شريف قرب منها بحب ورومانسية: طب ماتيجي نطلع نسهر سوا فوق
امل بخجل: اكبر بقي
شريف بحب: انا معاكي طفل لسة صغير وعاوز حضن أمه
امل بحب: بحبك.
شريف قرب منها وباسها برقة وحب ودا كله وهما واقفين في الريسيبشن وفي اللحظة دي ليث كان نازل ورايح الاوضة اللي فيها الشباب والبنات
ليث شافهم ولف نفسه عشان يكون ضهره ليهم: احم احم
شريف وأمل اخدوا بالهم منه
شريف ضحك: اخلص من الفهد يطلعلي الليث
ليث لف نفسه وبصله وابتسم: حظك كدا ياعمي بقى
امل واقفة مكسوفة ومش عارفة تتكلم
ليث وهو بيمشي بعيد عنهم: راعي شعورنا شوية ياعمي
ليث دخل للشباب وامل وشريف لسة واقفين.
امل: عجبك كدا
شريف ضحك: اووي
امل ضربته في صدره: رخم اوي
في اوضة آسر ومريم
مريم: حبيبي انا محتاجة اروح اشوف ماما
آسر: ماشي ياحبيبتي بس مافيش غير يوم
مريم ابتسمت: انت عارف اني مش بلحق اقعد معاها يوم واحد
آسر: بس انا مش بعرف اقعد من غيرك
مريم بحب: عارفة ياحبيبي وذي كل مرة هو يوم وهاجي تاني يوم.
آسر مسك ايديها وباسها: انا عارف ان المفروض اروح معاكي بس انتي عارفة الشغل وان مش عاوز اخد اجازة او احسسهم اني مش أد المسئولية
مريم ضحكت اوي: دا كان زمان ياقلبي دلوقتي انت راجل واثبت انك أد الشغل
آسر بيقرب منها: طب اعمل ايه بعد الكلام الحلو دا
مريم ابتسمت بحب: بحبك أوي يا اجمل هدية من ربنا
آسر بحب: لا كدا الموضوع عاوزله قاعدة
مريم ضحكت بصوتها كله وهو حضنها اوي.
أمير كان خارج من اوضته فأخد باله ان أبوه خارج من اوضته وماشي بشويش
امير جه وراه: في ايه يابابا
جاسر اتخض وبصله: حرام عليك خضتني
امير ضحك: في ايه مالك؟
جاسر بصوت واطي: وطي صوتك انا هربت من امك
أمير بإسغراب: ليه؟!
جاسر: أبداً ياسيدي عاوز انزل اسهر مع الجزم اللي تحت وهي بتقولي لا عشان اقعد معاها وسبتها تنيم مالك لاقيتها نامت جمبه وخرجت ذي ما انت شايف
امير ضحك غصب عنه: طب ماهي هتعرف انك سبتها وخرجت.
جاسر: هقولها انها نامت جمب مالك وسابتني
امير: مش ساهل انت باردوا ياباشا
وهما واقفين يتكلموا نور خرجت من الاوضة ولابسة حجابها وباين من وشها انها متعصبة
امير غصب عنه ضحك: شوف مين وراك
جاسر لف نفسه وبص واتخض اول ماشافها: اعوذوا بالله
نور بتريقة: ايه ياحبيبي شفت عفريت ولا إيه
جاسر بتوتر: لا ابدا ياروحي
نور: كنت رايح فين؟
جاسر بس لأمير واتكلم: ابنك هو السبب رن عليا وعشان كدا طلعت اشوفه كان بيرن ليه.
امير بصله وضحك: حصل يا امي
نور بتبصلهم بشك: انا مش مصدقاكم
امير ضحك: انا بقول انسحب انا بقى ربنا معاك يابابا
امير بعد ماكان هينزل خلاص رجع وقف تاني وبصلهم: عاوز ابلغكم بموضوع
نور: خير ياحبيبي
أمير: انا قررت اتجوز
نور بفرحة: بجد؟
امير: ايوا ياماما
جاسر: ياترى مين اللي غيرت فكرتك وقررت تتجوز خلاص
امير: لما تشوفوها هتعرفوا
نور: ازاي؟
امير: خليها لوقتها يا أمي المهم هتفق مع ابوها على معاد ونروح نتقدملها.
جاسر: تمام ياحبيبي
اكمل وملك قاعدين سوا في الجناح الخاص بيهم
ملك نايمة على صدر اكمل: اكمل
اكمل: ها
ملك: هو انت لسة بتحبني ذي اول مرة
اكمل رفعها عشان تبصله واتكلم: انا كل لحظة بعيشها معاكي بحسها لسة امبارح، انتي قلبي وحبي الوحيد
ملك بحب: بحبك اوي يا اكمل
اكمل قرب منها اوي: بعشقك ياقلب اكمل
امير انضم للس سهرانين وكلهم قاعدين يتفرجوا على فيلم رعب والبنات قاعدين خايفين.
حور بغضب: يخربيت اللي يوافق يسهر معاكم تاني
أيهم: انتوا البنات فرافير
رنا: نعم يا اخويا فرافير مين بس يابابا
اكمل غصب عنه ضحك على هدى اللي قاعدة مخبية عنيها بإيديها: ايه ياهدهد الجناين اه لو الفهد شافك خايفة كدا
هدى شالت ايد واحدة من على عنيها وبصتله: خليك في حالك وخلي دا سر بينا ها
ليث بهدوء: طالما انتوا مش اد الرعب بتتفرجوا ليه
اسيل: عندك حق ياليث باشا احنا اللي نستاهل.
اسيل بتبص للبنات: قوموا يلا بدل الرعب دا
چويرية قاعدة مركزة في الفيلم: لا انا هكمل الفيلم
مهاب: اهي چوري اللي فيكم
مرام بخوف: حد يجي يطلع معايا انا خايفة
أمير ضحك بصوته كله: دا ايه العيال دي
سلمى: هو انتو مش ملاحظين ان باسم وعمر وسامر مانزلوش؟
اكمل: بس ياسوسة العيال قاعدة بتذاكر فوق شفناهم قبل ماننزل
هدى بصدمة: سامر وباسم بيذاكروا مش معقول؟
أيهم: اه شفتي الزمن
مرام: انا طالعة مين هيطلع معايا.
حور ورنا وهدى واسيل وسلمى قاموا معاها واللي فضلت من البنات هي چويرية
أكمل بص لأيهم وغمزله بإنهم يقوموا وفعلا قاموا وشوية ومهاب وامير قاموا وراهم، ليث اخد باله انهم قاموا وحس انهم قاصدين كدا
چويرية كانت مركزة في الفيلم وبتاكل فشار وبس وفجأة النور فصل وچويرية اتخضت
چويرية: ايه اللي حصل
چويرية مش سامعة حد حواليها بس حاسة ان في نفس حد موجود: مين موجود.
ليث مش راضي يرد هو كان فاكر انها عارفة انه موجود وعاملة نفسها مش واخدة بالها، چويرية بدأت تعيط ومن خوفها اغمى عليها وليث بسرعة نور فلاش التليفون وجري عليها
ليث: چويرية فوقي
اكمل جه من بارة وماسك تليفونه منور بيه: في ايه؟
ليث: بسرعة يا اكمل شوف ايه اللي حصل للكهرباء چويرية اغمى عليها حد يجيب برفان بسرعة
اكمل جري يجيب برفان والكل اتجمع في الاوضة وليث سابهم وخرج للحرس يشوف في ايه.
واحد من الحرس راح يشوف في ايه واكتشف ان سكينة الكهرباء حد فصلها وشغلها تاني وبلغ ليث باللي حصل
ليث: يعني حد عملها؟
الحارس: ايوا ياباشا
ليث شك ان يكون حد غريب دخل اليلا وجري على جوا يطمن على چويرية اللي اول مافاقت فضلت تعيط جامد
هدى: اهدي ياچوري خلاص
چويرية بتعيط وبصتلهم: مين اللي كان في الاوضة انا كنت حاسة بنفس حد بس مكانش بيرد عليا
ليث دخل وسمع كلامها: انا اللي كنت موجود.
چويرية بصتله بحزن وبنظرات زعل انه ازاي محاولش يطمنها ويقولها انه هو اللي موجود
چويرية بصت للبنات: انتوا خرجتوا وسبتوني ازاي؟
هدى: انتي حبيتي تكملي الفيلم واحنا بس كنا خايفين
ليث بص للشباب: واحد من الحرس قالي ان سكينة الكهربا حد فصلها
مهاب بتوتر: مين اللي هيكون عمل كدا
ليث بصلهم بشك: هعرف دلوقتي مين عمل كدا. ليث بص للبنات: خدوها واطلعوا فوق
البنات خرجوا من الاوضة وليث راح قفل الباب ولف وشه للشباب.
ليث: مين اللي هيقول مين اللي فصل الكهربا ولا اطفي النور وانزل ضرب في اللي ادامي
امير بيبلع ريقه بصعوبة وبص لأكمل: كان يوم اسود يوم ماسمعت كلامكم دا غبي وهيتغابى علينا
أيهم بصدمة: انت بتسلمنا يادكتور
امير بس لليث: بص ياليث اكمل وايهم هما السبب كل دا تخطيط منهم
ايهم بخوف: اوعى تتغابى ياليث
ليث بغضب وبصوت عالي: انتوا ليه بتتصرفوا من دماغك ليه حركاتكم التافهة دي.
مهاب: احنا حبينا بس نقربك ليها يا ليث عشان تتكلموا سوا
ليث بغضب: انا ماطلبتش من اي حد يتصرف
ليث لسة هيكمل كلامه بس سمع صوت تليفون بيرن برنة على الفيس بوك وكان تليفون چويرية ومسك التليفون وشاف ان اللي بيرن مروان، ليث بص للي واقفين ادامه: لآخر مرة تتصرفوا من دماغكم وهو الحب مش بالعافية وانا يوم ماحب مش هخبي وچويرية بالنسبالي اخت وبس انتوا فاهمين.
چويرية كانت رجعت تاخد تليفونها وسمعت كلامه وخبطت على الباب واكمل فتحلها، چويرية بصت لليث بدموع وبصت للشباب بإحراج: مطلبتش منك انك تحبني ولا طلبت منك حاجة غصب عنك
چويرية مشيت حتى من غير ماتاخد تليفونها والشباب واقفين زعلانين من ليث
مهاب بحزن: ماكنتش اتمنى ان دا يكون حال أختي وانا آسف ان فكرت في اني ممكن اقدر اساعدها
مهاب سابلهم الاوضة وخرج والشباب خرجوا وراه وسابوا ليث لوحده واقف مخنوق ومضايق.
وطلع الجناح
سامر وعمر قاعدين عاملين نفسهم بيذاكروا بس هما بيعملوا مصيبة وياترى ايه بقى بيشربوا سجاير
أمير كان معدي من ادام الجناح قال يدخل يشوفهم ويطمن عليهم وجه يفتح الباب كان مقفول واستغرب اوي وخبط
سامر بخوف: مين اللي بيخبط
عمر قام بسرعة يخبي السجاير وفتح الستاير
وسامر فتح الباب: امير؟!
امير دخل وبيبصلهم بإستغراب: قافلين على نفسكم ليه؟
سامر بتوتر: لا أبداً مافيش.
عمر بخوف: اصل البنات بتيجي ترخم علينا فقولنا نقفل الباب
أمير بشك: من امتى والبنات بتيجي ناحية أوض الشباب؟
سامر: لا هما بيجوا عادي
امير شامم ريحة مش مريحاه: هي ايه الريحة دي
امير برعب: ريحة ايه؟
امير: شامم ريحة كمكمة
سامر: يمكن بس عشان مش بفتح الستاير كتير
امير: تمام
امير خرج وسابهم بس هو شاكك في حاجة وقابل إسلام
إسلام: العيال صاحيين ولا ناموا
امير: لسة صاحيين بس انا شاكك فيهم
إسلام: في ايه؟
امير: انا حاسس انهم كانوا بيشربوا سجاير
إسلام بصدمة: يالهوي
امير: انا حاسس لان في ريحة في الجناح بس مش متأكد
فهد كان وصل هو وليل وسمع كلام أمير
فهد: انا هتأكد بنفسي
إسلام بخضة: فهد؟!
فهد بص لليل: على الجناح
ليل: فهد اهدى
فهد: ليل اسمعي الكلام
ليل سمعت كلامه وهو واقف ادام اسلام وامير
فهد: ادامي لما اتأكد
أمير وإسلام بيبصوا لبعض بتوتر وراحوا ورا فهد
فهد فتح الباب من غير خبط وسامر وعمر كانوا فعلا ببشربوا.
سامر وعمر وقفوا مرعوبين من اللي واقف ادامهم عنيه كلها غضب
فهد بغضب: انتوا بتهببوا ايه
عمر بتوتر: عمو اسمعنا والنبي
فهد بعصبية: اسمع ايه وزفت ايه انتوا ليلتكم سودا
ادهم كان راجع هو وآيه وسمع صوت فهد عالي
آيه: هو في ايه؟
ادهم: مش عارف ادخلي انتي الجناح وانا هشوف في ايه
ادهم طلع جري وراح يشوف في ايه: في ايه يافهد؟
فهد بغضب: الكلاب دول دخلت عليهم لاقيتهم بيشربوا سجاير.
ادهم بصدمة: انتوا بتعيدوا امجاد آسر وإسلام
إسلام بتوتر: الله وانا مالي
فهد بعصبية: عليهم اساس مقفشتكش انت والكلب التاني
إسلام بيحاول يهدي الامور: كان طيش شباب يافهد وماتكررتش تاني ودول مش فاهمين حاجة
أمير: عمي هما اكيد عارفين انهم غلطوا وهيتأسفوا
سامر برعب: والله متأسفين ومش هتتكرر تاني
فهد بغضب: بس انا مش هقبل اسفكم غير لما تتعاقبوا
إسلام بص لسامر ابنه واتكلم: تستاهلوا
سامر: ياعمي والله ماهتتكرر تاني.
فهد: انا بقول كلامي مرة واحدة واللي بقوله بيتنفذ وهنشوف يا انا يا انتوا
أمير: طب ياعمي عشان خاطري سامحهم
فهد: قولت لا وبلاش تدخل انت يا أمير
ادهم بص لأمير بإن خلاص مافيش فايدة طالما الفهد اخد قرار يبقى هينفذه
فهد لأدهم: ينزلوا حالا الأوضة اللي تحت
سامر وعمر واقفين هيموتوا من الخوف وادهم نفذ كلام فهد واخدهم ونزلوا وفعلا اتحبسوا في الأوضة
فهد بيبص لأمير: تاني مرة في مواقف ذي دي ماتدخلش.
امير: ماهو الحبس مش عقاب
ادهم: خلاص يا امير فهد عارف هو بيعمل ايه
امير: حضرتك لو كنت عارف بتعمل ايه ماكنتش تتصرف التصرف دا
فهد بغضب: هتعمل عليا دكتور نفساني ولا ايه
امير: انا مش بعمل على حضرتك كدا ياعمي عشان انا ببساطة فعلاً دكتور نفساني
امير سابهم وطلع الجناح الخاص بيه وكان مضايق من تصرفات فهد
ادهم: على فكرة امير عنده حق
فهد بغضب: ما اسمعش صوت.
إسلام: فهد انا عارف انهم غلطوا بس مي ومريم مش هيحبوا كدا ولا هيكونوا مرتاحين بإن ولادهم محبوسين
فهد بعصبية: هما غلطوا يبقوا يتعاقبوا
إسلام مش عارف يرد يقوله ايه وسابهم وطلع الجناح وكان متأكد ان مراته هتسأله عن سامر
مي: ايه اللي حصل صوت فهد كان عالي ليه؟
اسلام حكالها عن اللي حصل
مي بعصبية: ابنك اصلا قليل الادب ويستاهل
إسلام بصلها بإستغراب: هو انتي مش زعلانة؟
مي: وهزعل ليه هما غلطوا يبقوا يتعاقبوا.
إسلام بحسرة: بقى انا قاعد تحت اقول مي هتضايق وانتي تقوليلي الواد يستاهل
مي: هو انا هشجعه عالغلط اللي بيلغط يتحمل نتيجة غلطه
إسلام واقف مصدوم من ردة فعلها وقعد يتحسر على حال إبنه
آسر عرف اللي حصل وقاعد بهدوء ومريم اللي رايحة جايا ادامه ومضايقة
آسر: يابنتي اقعدي بقى خيلتيني يعني هو هيموت
مريم بصتله بإستغراب: هو انت فاكرني مضايقة انه بيتعاقب؟!
آسر: ايوا امال هتكوني مضايقة من ايه.
مريم بعصبية: انت والله راجل ماليك حل انا مضايقة من تصرف ابنك ليه يشرب سجاير احنا ربناه على كدا دا تربية الفهد كدا يخون ثقته
آسر ضحك غصب عنه رغم الموقف اللي هما فيه: والله انتي فاجئتيني افتكرتك هتزعلي وتطلبي من فهد يخرجهم
مريم: لا يا آسر ابني غلط ولازم يتعاقب وانا هجمد قلبي
آسر قام وقف ادامها وبصلها بحب: عمري ماندمت لحظة اني اختارك شريكة حياتي بجد يامريم انتي نعمة لازم احمد ربنا كل يوم عليها.
مريم ابتسمت بحب: ربنا يخليك ليا ياحبيبي ويهديك وتبطل شقاوة العيال الصغيرين دي عشان مابقتش عارفة الاقيها منك ولا من ابنك مش عارفة مش طالع هادي ذي اخوه ليه
آسر: بقولك ايه ماتسيبك من الولاد ومشاكلهم وفوقيلي شوية بقى
مريم ضحكة بدلع: مش بقولك لسة عيل صغير
آسر بحب: بحبك
مريم اتعلقت في رقبته: انا اللي بحبك أوي
فهد طلع لليل وعارف انها هتبقى زعلانة بس فاجئته
فهد بهدوء: اللي يغلط يتعاقب ياليل.
ليل قامت وقفت جمبه واتعلقت في رقبته: ومين قالك ان هبقى مضايقة بالعكس انا المرادي معاك عشان لما انت اتصرفت كدا مع اسلام وآسر بقوا أحسن
فهد بإستغراب: ياعيني عالعقل وانا اللي قاعد اقول هطلع الاقيكي مضايقة
ليل بحب: عمري ما اقدر ازعل منك يافهدي
فهد بحب ورومانسية: دا ايه الدلع والحب دا معقول لسة بتحبيني اوي كدا
ليل بصدق: انا عمري ماحبيت ولا هحب غيرك انت حياتي
فهد قرب منها بحب وباسها بوسة طويلة وحضنها أوي.
تاني يوم الصبح طبعاً دا يوم عيد ميلاد هدى وكل البنات موجودة في البيت وخصوصا هاجر وبناتها، وواقفين في المطبخ
ليل لهاجر: أخيرا شفناكم
هاجر: اعمل ايه بس عماد مشغول على طول ومش عاوزين نيجي غير في الاجازات عشان ما نشغلش الولاد
هدى ضحكت: ياعمتو احنا كدا كدا مشغولين وبعدين احنا بنحب وجودكم
مهاب دخلهم: انا بطالب بساندوتش حالا عشان انا عصافير بطني بتصوصو
هدى ضحكت: يامفجوع.
چويرية بتبصله بشفقة: خلاص يا ابني صعبت علينا
مهاب: طب يلا ياختي انتي وهي اعملولي اي حاجة عشان عندي اجتماع في المكتب
چويرية عملتله ساندوتش واخده وخرج، ليث وأيهم في الشركة اما اكمل فهو موجود النهاردة في القصر
أسيل واكمل قاعدين في الجنينة سوا
أسيل: عرفت كارما؟
اكمل ببرود: لا
اسيل بإستغراب: ازاي؟
اكمل: عادي مفضتش اقولها
أسيل: عالعموم هدى كلمتها.
هدى وبقية البنات طلعوا قعدوا معاهم وأمير كان في القصر وخارج عشان يروح العيادة
هدى وقفت ادامه وفتحت ايديها: يلا فين الهدية؟
أمير ابتسم: بالليل بقى
هدى: طب هتيجي بدري ولا ذي كل سنة؟
أمير: وعد هاجي بدري
هدى: ماشي يادكتور
أمير مشي وهدى قعدت مع البنات وشوية وباسم انضم ليهم
اكمل: هو انتوا مش عندكم جامعة النهاردة
رنا: لا ماهو احنا واخدين اجازة بحجة عيد ميلاد هدهد
اكمل ضحك: انتو مابتصدقوا بقى.
حور كانت فوق ونازلة ليهم
اكمل استغرب من وجودها: انتي كمان اخدتي اجازة ذيهم؟
حور قعدت واتكلمت: اي نعم هما احسن مني ولا ايه
اكمل ضرب كف على كف: والله انتوا بنات تافهين
ريما: وياترى بقى يا استاذ أكمل انت هنا بتعمل ايه مش دا معاد شركة؟
اكمل بتوتر: هو انتوا يعني هتطلعوا احسن مني والنبي أبداً
مرام ضحكت اوي: طب ماتتكلمش تاني بقى عشان شكلك وحش.
امير وصل العيادة وكان مستني ان شهد تيجي بس هي اتأخرت ووصلت بعده بنص ساعة والممرضة دخلتها
شهد قعدت: ممكن افهم ايه اللي هيحصل بعد كدا
امير: هاجي اتقدملك بس هخليها لبكرة عشان النهاردة عيد ميلاد بنت عمي فمش هقدر ما اكونش موجود
شهد قامت: تمام شوف انت حابب تيجي امتى وبلغني
شهد كانت لسة هتمشي بس امير وقفها
امير: انا لسة مخلصتش كلامي
شهد: لسة فاضل ايه؟
امير: حابب انك تحضري معايا حفلة عيد الميلاد النهاردة.
شهد برفض: متأسفة
امير: ممكن افهم ليه رافضة؟
شهد: كدا ملهاش لازم
امير: ليه؟ انا حابب اعرفك لأهلي انا خلاص فاتحت والدتي ووالدي وهما موافقين جداً
شهد بحزن: وياترى بقى عرفوا الحكاية؟
امير قام وقف جمبها وبصلها: اعتقد ان دي حاجة تخصني وبعدين مش لازم اهلي يعرفوا حاجة عن مراتي
شهد بصتله بحزن ووجع: طبعاً عشان دي حاجة ماتشرفهمش واكيد لو عرفوا مش هيقبلوني.
أمير بهدوء: بصي ياشهد انا لما طلبت اني اتقدملك محدش مثلا ضربني على ايدي عشان اطلب الطلب دا كل الحكاية ان لاقيت نفسي حابب كدا وبعدين انا بحب اساعد اي حد محتاج مساعدة
شهد: وانا مش هنسى مساعدتك دي أبداً وذي ما اتفقنا بعد فترة هيحصل الطلاق
أمير: طب المهم دلوقتي هتيجي معايا؟
شهد: انا مش حابة
أمير قرب منها ومسك ايديها: بس انا حابب
شهد معدتش عارفة انها ترفض وهزت راسها بإنها موافقة.
كارما كانت مضايقة اوي ان هدى اللي عزمتها مش أكمل
ماريهان صاحبتها قاعدة معاها: يابنتي مايمكن مشغول معاهم في التحضيرات
كارما: لا انا حاسة انه متغير معايا مبقاش اكمل اللي عرفته
ماريهان: ازاي؟
كارما: مبقاش بيقرب مني يعني الاول كنت بحسه بيقرب وبيكون رومانسي دلوقتي بيبعدني عنه لما بقرب
ماريهان: عادي يا كارما وبعدين انتوا لسة في فترة الخطوبة
كارما: معرفش بقى المهم يلا ننزل اشتري فستان شيك احضر بيه الحفلة.
فهد وأدهم في الفرع اللي مسئولين عنه
ادهم: بلاش شغل كتير النهاردة
فهد: حاضر بس انا لازم اروح اشتري هدية هدى
ادهم: ماشي انا اشتريت خلاص
فهد: ماشي بص ساعة بالكتير وننزل
ادهم: تمام كدا حلو
مراد وعبدالعزيز وفريدة قاعدين سوا في الجنينة والبنات واكمل وباسم قعدوا معاهم
فريدة لهدى: كل سنة وانتي طيبة يادودو
هدى: وانتي طيبة ياتيتة
وهما قاعدين مالك ابن امير جه عليهم ماشي خطوة بخطوة واكمل قام شاله.
اكمل: حبيب قلب عمو اخيرا فضلت شوية في البيت عشان اعرف اشوفك
باسم: ياجدع بقى انت عاوز تفهمني انك مشغول اوي
اكمل: انت رخم ليه ياعم انت
مراد ضحك: بطلوا خناق بقى
حور: سيبهم ياجدو هما لازم يعملوا كدا
عبدالعزيز: باردوا سامر وعمر محبوسين؟
رنا بحزن: للأسف ياجدو
اسيل: احسن يستاهلو
اكمل: اول مرة اشوف اخت فرحانة في اخوها
اسيل عشان هو مش بيسمع الكلام
باسم: اسيل عندها حق.
اكمل بيرخم عليه: ماهو طبعاً اسيل عندها حق هو مين هيطبلها غيرك
باسم بغضب: انا بقول تسكت احسن
هدى ضحكت اوي: وقعت في ايد مايرحم يابيسو
مرام: خلاص بقى
ديما: مين هيجهز للحفلة؟
چويرية: ذي كل سنة الشركة هتيجي تظبط كل حاجة دلوقتي
اكمل تليفونه رن وكانت كارما، اكمل بص لهدى: خدي مالك وانا شوية وراجع ليكم
اكمل قام يكلمها وملك شالت مالك
رنا: هو ليه معزمهاش عالحفلة؟
فريدة: ازاي المفروض يعزمها.
هدى: والله ياتيتة انا قولت هعزمها انا عشان يعني ماتزعلش وتقول اصل ماقالتليش
ريما ضحكت: مشكلتك انك عارفاها
رنا: والنبي ياختي مش عارفة بيحبها على إيه دا دمها واقف
مراد: عيب يارنا كدا
رنا: متأسفة ياجدو بس انا مش بحبها
هدى ضحكت: ولا انا والله بس مضطرين نستحملها عشان اكمل
عبدالعزيز: محدش يقول الكلام دا ادام اكمل ولا هي تحس بكدا خلينا احنا الاحسن تمام؟
البنات: تمام ياجدو.
باسم: انا قايم انام شوية وابقوا صحوني كمان ساعتين
هدى: ماشي
مي ومريم مع ليل في المطبخ ومش باين عليهم الزعل خالص
ليل: هو انتوا كويسين؟
مي: ايوا ليه؟
ليل: اصلكوا يعني مش زعلانين عشان ولادكم
مريم: هما غلطوا ياليل ويستاهلوا
ليل انصدمت من هدوئهم: هو انتوا بتتكلمو بجد!
مي ضحكت: هتعملي ذي إسلام كان مستغرب اني مش زعلانة
آيه ضحكت أوي: دا انتوا طلعتوا طيبين اوي، انا أعرف واحدة اتخانقت مع جوزها عشان خاطر عقاب ذي دا.
مي: تقصدي مين؟
آيه بتبص لليل: اقصد الهانم ليل كانت بتتخانق مع فهد عشان كان بيعاقب آسر وإسلام
مريم: احنا لو كنا شايفين ان فهد مثلا مزودها كنا زعلنا لكن الولاد هما اللي زودوها
نور دخلت ليهم وشايفاهم واقفين: يلا نطلع على فوق عشان الناس هتوصل دلوقتي
ليل: جاسر قالك؟
نور: ايوا وهو هيوصل معاهم وهيتابع كل حاجة على مافهد وادهم يرجعوا من الشركة
ليل: ماشي يلا وناخد البنات معانا على فوق.
كل البنات طلعوا فوق مع الكبار عشان ماييقوش تحت والناس بيرتبوا للحفلة
مهاب وصل المكتب واتفاجئ بإن كرم قاعد مستنيه ودخلوا المكتب
مهاب: مستنيني من بدري ولا إيه؟
كرم: لا أبداً انا بس اللي جيت بدري عن المعاد اللي متفقين عليه عشان بس في اجتماع مهم
مهاب: تمام مافيش مشكلة
كرم: المهم انا هدخل في الموضوع على طول ذي ماقولتلك ان هنقل كل شغلي معاك وفيه قضية بيني وبين واحد على حتة أرض وكل ورقي سليم وهو عاوز ياخدها.
مهاب: دي ارض تبع ورث؟
كرم: ايوا من ناحية عائلة أمي فكنت عاوز اخد حقي وهو مستكترها عليا اي نعم انا مش محتاج ليها بس دا حقي من ورث أمي
مهاب: تمام مافيش مشكلة انا هراجع الملفات وان شاء الله هتاخد حقك
كرم: تمام وانا واثق انك هتقدر تكسب القضية دي
مهاب ابتسم: شكراً على الثقة دي وان شاء الله اكون أدها.
كرم: ان شاء الله انا هسيب ليك كل الاوراق اللي محتاجها والجلسة معادها الشهر الجاي يعني لسة في فترة ادامك تتابع كل حاجة وطبعاً أتعابك مش هنختلف عليها
مهاب: تمام
بعد شوية كرم نزل من المكتب وعمل مكالمة قبل مايركب عربيته وكانت المكالمة عبارة عن
مهاب: أنا رميت اول طعم وهو أكله.