رواية أحفاد البارون الجزء الثاني للكاتبة إيمان جمال الفصل الخامس والثلاثون
سيد اخد سلمى وركبها العربية وساق بيها وهي بتبصله اوي
سلمى: مش هتقولي بقى حصل ايه
سيد بصلها وابتسم: اللي حصل ان الجاسر كان حاسس من الاول ووقعني
سلمى ضحكت: الله عليك يابابا، طب وصلني الشركة عنده
سيد: حاضر
سيد وصلها لحد الشركة وطلعوا سوا فوق لمكتب جاسر والسكرتيرة سمحتلهم يدخوا وكان الفهد جوا، سلمى اول مادخلت جريت على أبوها اللي استقبلها بكل حب وحنان وحضنها
سلمى: حبيب قلبي انت والله.
جاسر ضحك: والله انتي بكاشة ذي امك
فهد ضحك وبصله: طب خاف بقى عشان هقول لنور
جاسر بصله وضحك: ابوس ايدك مش ناقص جنان
سلمى خرجت من حضن ابوها وبصتله: بحبك اوي يابابي والله
جاسر باس راسها: انا اهم حاجة عندي هي سعادتك يابنتي
جاسر بص لسيد: بص بقى اللي هيتقال دلوقتي هيتنفذ بالحرف
سيد بقلق: خير يارب في ايه؟
جاسر بص لفهد: اتكلم انت بقى
فهد بص لسيد: اقعد.
سيد قعد وسلمى هي كمان قعدت جمب أبوها. فهد: بص ياسيد دلوقتي من ولادة سلمى واحنا متفقين ان كل الولاد هيكونوا في اليلا بتاعتهم
سيد: بس
فهد: ماتقاطعنيش اسمع للآخر، انا بقولك كدا عشان اقولك ان مكانكم مع الباقيين في اليلا وهتكونوا عيلة واحدة وايديكم في ايدين بعض وغير كدا مش هيحصل
سيد بحزن: بس انا كدا مش هكون مرتاح
في اللحظة دي ناجي وصل ودخلهم وقعد قصاد سيد
فهد بص لناجي: اتفضل قوله انت عملت ايه الفترة دي.
ناجي بص لسيد: من يوم ما اتجوزت سارة وانا اخدت قرار ان اكون في شقة ملكي ومن حقي بس دلوقتي انا بقيت معاهم في القصر ودا قراري ومش ضاغطين عليا فبقولك يا ابني دا اختيار كويس اوي صدقني كلنا لما نكون سوا هنبقى مرتاحين وبعيد عن أي قلق
سيد: بس انا كنت عايز ان ليا يكون بيتي من فلوسي
فهد ابتسم وقاله: اعتبر ياسيدي انك جبت البيت
سلمى بصت لسيد: خلاص بقى وافق
ناجي ضحك وبص لجاسر: الحق بنتك مستعجلة.
سلمى بصتله بكسوف: ايه ياعمو بقى
جاسر ضحك: انتي خليتي فيها عمو ياختي اتنيلي
سيد ضحك: انا موافق تمام بس انا محتاج اقول حاجة
فهد: ايه؟
سيد: مش عايز احس ان الغلطة اللي عملتها هتفضل نقطة سودا في حياتي يعني دكتور أمير لما عرف بحبي لسلمى فكرني بالغلطة دي فأنا مش عايز كدا مش عايز في يوم احس انهم خايفين مني ومش واثقين فيا.
جاسر: بص انت لو ماكنتش قولت كدا كنت فعلاً شكيت فيك بس لا احنا طالما دخلناك هنا يبقى احنا واثقين فيك جداً
سيد ابتسم وبصلهم: انا فعلاً محظوظ عشان في وسطكم
فهد: ايه رأيكم نعمل خطوبة بكتب كتاب والفرح بعد الامتحانات
جاسر: وانا موافق بس الباشا سيد يتفضل بقى يشرفنا الليلادي ويجي يطلب ابنتي المصون
سيد ضحك اوي: انا هيطلع عيني ولا إيه
فهد قام ووقف جمب سيد: ماتقلقش انا هبقى معاك
سيد ابتسم: حبيبي والله.
جاسر قام وبصلهم بثقة: تمام انا مستنيكم تشرفوني بقى
ناجي ضحك: انا مش مطمن والله
سلمى بصتله: ولا انا
مرام قاعدة مع سارة امها وفريدة جدتها
سارة: يابنتي قولي انتي مقعدانا ادامك بقالك نص ساعة ومش بتتكلمي
مرام بتوتر: في عريس متقدملي
فريدة بفرحة: بجد
مرام: ايوا ياتيتة
سارة: مين؟
مرام: سمير صاحب مروان جوز ديما
سارة ابتسمت: بيحبك؟
مرام بخجل: اه ياماما
سارة حضنتها: طب هتكلم مع ابوكي وهقولك تقوليله يجي.
مرام باستها وقامت تبلغ سمير
ليث بقى في الشركة وتليفون مكتبه رن
ليث: في ايه؟
السكرتيرة: في واحد متصل من مكتب استاذ مهاب وبيسأل عليه
ليث: طب حوليلي المكالمة
السكرتيرة حولتله المكالمة
ليث: في حاجة؟
محمامي من اللي موجودين في المكتب: استاذ مهاب مجاش النهاردة وبرن عليه مش بيرد فقولت اسأل عليه في الشركة
ليث: طب معلش اديني بس خمس دقايق هكلمهم في البيت
ليث قفل ورن على چويرية اللي ردت بحب
چويرية: وحشتني.
ليث ابتسم: وانتي كمان، بقولك فين مهاب؟
چويرية بزعل: بقى انت بترن عشان تسأل على مهاب
ليث ضحك: لا مش وقت زعل خالص المكتب كلموني ومش عارفين يوصلوله
چويرية ضحكت: شكله بيعمل شهر عسل هو ورنا اصلهم مانزلوش من فوق النهاردة
ليث: يابختهم مش انا اللي منشفاها عليا اوي
چويرية ضحكت: دي اوامر الدكتورة ياحبيبي
ليث بغضب: انا بقول تقفلي احسن وابقي خلي الباشا يكلمني
ليث قفل وچويرية قعدت بتضحك عليه وشهد نزلت قعدت معاها.
شهد: بتضحكي على ايه ضحكيني معاكي
چويرية: ليث على أخره مني عشان مطنشاه
شهد ضحكت: مش لوحده ياختي والنبي
حور نزلت من فوق وباين عليها انها زهقانة
چويرية بصتلها: خير يارب
حور قعدت معاهم: انا عايزة انزل الشغل واكمل مش راضي
شهد: هو بس بيغيير عليكي وعايزك ماتتعبيش نفسك
حور: بس انا بحب شغلي يعني معقولة هبقى ذي عمتو آيه لما عمو أدهم قالها مافيش شغل
ادهم في اللحظة دي كان داخل ليهم وسمعها: ماله بقى عمو أدهم.
البنات اتفاجئوا بيه وقعد معاهم. چويرية: ابدا ياعمو حور بس كانت بتتكلم على موضوع الشغل
ادهم بص لحور: بصي ياحور انا حبيت آيه تكون ليا وبس مايكونش في شغل واخدها مني وبغيير عليها وهي وافقت برضاها فاللي احنا شايفينه دلوقتي ان اكمل بيعمل كدا
حور: بس ياعمو انا مش عايزة كدا انا بس قولت بعد الفرح هتكلم معاه بس هو رافض تماما ومش عايزني اتكلم في الموضوع دا
ادهم: يبقى تقفليه احسن عشان هو مش هيغير رأيه.
نيجي بقى شوية لأكمل وملك
اكمل بص لملك: مازهقتيش؟
ملك: زهقت من ايه؟
اكمل: من ان انا قاعد على الكرسي دا ورجلي لسة مش عارف اتحرك منها
ملك بزعل: بقى انا ازهق من روحي يا اكمل والله زعلتني
اكمل مسك ايديها وباسها: انا بس بتأكد وانا والله عارف وواثق انك عمرك ماهتزقي بس انتي وحشتيني
ملك بخجل: هانت ياحبيبي وتفك رجلك
اكمل شدها عليه: بس دا مايمنعش اخد بوسة.
فهد جه من بارة ومعاه جاسر وسلمى فهد بصلهم: يا اخويا حتى وانت متجبس
اكمل بصله بغضب: دا ايه ياربي انت بتطلعلي منين
جاسر ضحك: عملك الاسود يا ابني
فهد ضحك: اتلم عشان انا زهقت مش كل شوية يعني اقفشكم
ملك بصتله بخجل: ايه يافهد بقى
جاسر بتريقة: ماتكسفهاش بقى يافهد
ليل جاتلهم: ماتبطلوا بقى رخامة عليهم
فهد قرب منها وابتسم: وحشتيني
اكمل اتكلم: لا بقولك ايه ماهو مش حرام ليا وحلال ليك
ليل ضحكت وبصت لفهد: قابل بقى.
فهد بصله بغضب: انا مش عارف ربنا هيعمل فيك ايه اكتر من كدا دا انت رخم
فهد اخد ليل وطلعوا، وجاسر اخد نور وطلعوا هما كمان عشان يحكي ليها عن اللي حصل وسلمى طلعت على اوضتها
جاسر حكى لنور كل اللي حصل
نور بفرحة: يعني انا هبقى ام العروسة
جاسر ضحك: وانا ابو العروسة
نور: طب هو هيجي امتى
جاسر: الليلادي ان شاء الله
نور: طب ياحبيبي قوم خد دش وارتاح على ما الغدا يجهز
عند فهد وليل بقى طبعاً حكالها كل اللي حصل.
ليل: انا بجد فرحانة ان جاسر وافق
فهد: فاجئنا كلنا وطلع حاسس بكل حاجة وحب يفاجئنا
ليل: طب وسيد هيجي الليلادي؟
فهد: بس انا هخرج معاه في مشوار قبل مايجي
ليل بصتله بشك: راحين فين؟
فهد ضحك: فضولية انتي اوي
ليل: اوي ياحبيبي
فهد: ماشي بصي المفروض العريس وهو رايح يتقدم لعروسته بيكون واخد معاه شوكلت او هدية صح
ليل: ايوا صح
فهد: عشان كدا بقى هخرج معاه
ليل: بس هو مش هيوافق انك تشتريله حاجة.
فهد ابتسم: انتي نسيتي جوزك حبيبك وحيله بقى
ليل ابتسمت: لا مانستش ياحبيبي
فهد باسها من خدودها: حضريلي بقى لبس عشان اخد دش
ليل: حاضر
ناجي رجع وسارة ومامتها كانوا قاعدين تحت وهو دخلهم
ناجي قعد: انا جيت
سارة: نورت البيت
فريدة بصتله: مبروك يا ابو العروسة
ناجي بإستغراب: ابو العروسة مين دا جاسر مش انا
سارة: لا ماهو مش جاسر بس ياحبيبي انت كمان عشان في عريس متقدم لبنتك
ناجي بفرحة: بجد؟
سارة: ايوا ياحبيبي بجد.
ناجي: طب هو مين؟
فريدة: شاب اسمه سمير بيكون صاحب مروان جوز ديما
ناجي: ماشي خلاص خليه يجي واللي فيه الخير يقدمه ربنا
مهاب ورنا اخيرا صحيوا
مهاب فتح تليفونه وشاف رسايل كتير من المكتب: هو ايه اللي حصل لكل دا يعني
رنا ضحكت: أبداً ياحبيبي اللي حصل انك مارحتش بس الشغل
مهاب بصلها وضحك وقام يكلم المكتب في البلكونة.
حور قاعدة مستنية أكمل يرجع من الشركة وفعلا بعد حوالي ساعة وصل وطلع يغير هدومه وياخد دش وهي قاعدة مستنياه على السرير
اكمل خرج ووقف ادام المرايا بيسرح شعره وبيظبط هدومه
حور: حبيبي
اكمل وهو ماسك المشط وبيسرح: ايه ياحبيبتي
حور: كنت عايزة انزل الشغل
اكمل ساب المشط من ايده ولف نفسه وبصلها: مش احنا اتكلمنا في الموضوع دا وقفلناه خلاص ياحور؟
حور: بس ياحبيبي انا مضايقة من قعدتي انا متعودة ان بكون في وسط الاطفال هناك
اكمل بعصبية: ايوا ولما تقابلي الزفت اللي اسمه هيثم دا كدا هكون انا مرتاح
حور بتوتر: انا ماليش دعوة بيه
اكمل بغضب وبصوت عالي: انا ماقولتش انك ليكي دعوة بيه هو ماهيصدق ترجعي وينطلك كل شوية بحجة بنته
حور: بس انا
اكمل قاطعها وبصلها بغضب: انا اللي عندي قولته ياحور وبلاش كلام في الموضوع دا تاني.
اكمل سابها وخرج من الاوضة وچويرية سمعت صوتهم عالي ودخلت لحور
چويرية: باردوا ياحور
حور بدموع: اعمل ايه يعني مقدرتش افضل ساكتة
چويرية: عمو ادهم عنده حق ياحور وبلاش تزني عشان اكمل مش هيوافق وهو غيران عليكي
بعد شوية الشباب اتجمعوا عالغدا وكل واحد قاعد وجمبه مراته واكمل باردوا حور جمبه بس هو زعلان منها ومش بيكلمها
ليث: عرفتوا ان سيد هيتقدم لسلمى النهاردة؟
چويرية: لا انت تحكلنا بقى اللي حصل.
ليث ضحك وبدأ يحكي ليهم كل اللي حصل
امير ضحك: بابا دا عليه شوية حركات انما ايه
اسيل: طب يلا يابنات بقى عشان نخلص غدا ونروح ليها عشان نشوف هنعمل ايه
رنا: ماشي
بعد شوية خلصوا غدا والبنات خلاص هتروح القصر بس حور مش هتروح غير لما تصالح اكمل وخرجت وراه الجنينة
اكمل عارف انها هتيجي وراه وبصلها: ها جايا تكملي خناق؟
حور: بس انا ماكنتش عايزة اتخانق انت اللي اتعصبت.
اكمل بهدوء: اللي عصبني ان انتي عارفة رأيي وباردوا بتقوليلي يبقى ايه لازمتها بقى
حور: فيها ايه لما نتناقش
اكمل وقف واتكلم بغضب: باردوا بتقولي نتناقش
حور بدموع: طب افتح عيادة ليا خاصة
اكمل بيحاول يكون هادي: هنبقى نشوف الموضوع دا بعدين
حور قربت منه بدلع: انا عارفة ان حبيبي بيحبني وهيوافق وبعدين يعني لما البيبي يشرف ساعتها اصلا هتلاقيني قعدت في البيت.
اكمل ابتسم: بس انا بغيير عليكي وبكون خايف عليكي وانتي بعيد عني وكمان خايف على ابننا
حور بتكشيرة: وليه ماتبقاش بنتنا
اكمل ضحك: اللي يجيبه ربنا كويس ياعمري
حور حضنته: ان شاء الله ياحبيبي
اكمل باس دماغها: يلا روحي مع البنات وبعدين نشوف موضوع العيادة دا
حور: حاضر
الوقت بيعدي وفهد اخد سيد وخرجوا سوا
سيد: احنا هنروح فين؟
فهد: اصبر بس
فهد طلب منه يقف عند محل مجوهرات ونزلوا سوا
سيد وقفه: حضرتك جبتنا هنا ليه؟
فهد بصله: انا هقولك كلمتين واياك اسمع كلام، ابوك الله يرحمه وصاني عليك وانا اعتبرت نفسي خلاص مكانه واللي هقول عليه يتسمع ولو سمعت بقى كلمة لا انا عايزك تسألهم في القصر اللي بيقول لا بيحصله ايه
سيد حضنه بحب وبدموع: بجد انا بحبك اوي
فهد بحب واضح: وانا كمان ويلا عشان نشوف جاسر ناوي على ايه.
دخلوا المحل وفهد طلب من سيد يختار خاتم لسلمى وفعلا اشترالها خاتم جميل وخرجوا وراحوا اشتروا شوكلت وورد وفي طريقهم للقصر واول ماوصلوا اتفاجئوا بإن كل الشباب واقفين في الجنيتة مستنينهم
فهد نزل من العربية وبصلهم بإستغراب: انتوا واقفين كدا ليه؟
ليث بصله: مستنيكم عشان هندخل كلنا مع سيد
فهد بيدور بعنيه على امير: وفين امير؟
اكمل ضحك: عامل فيها اخو العروسة وقاعد جوا
مهاب قرب من سيد: يلا يا ابو السيد.
الشباب كلها وقفت جمبه وهو فرحان بيهم اوي وفهد كان سعيد بتجميعهم بالمنظر دا وفهد سبقهم ودخل الاول والشباب كلهم دخلوا وسيد في النص وقعدوا صف واحد وسامر وعمر وقفوا وراهم
جاسر بص لمنظرهم: هو في ايه؟
ليث بصله وحط رجل على رجل: حضرتك طبعاً عارف جايين ليه
جاسر بصله برفع حاجب: وايه يا اخويا لازمتها حضرتك بعد حاطة الرجل دي
شريف ضحك: انا بقول اصوركم فيديو
أيهم هو كمان حط رجل على رجل: بص بقى ياعمي.
فهد ماسك نفسه من الضحك ومستني يشوف هيحصل ايه وسيد قاعد متوتر وخايف
جاسر بتريقة: عمي وحضرتك؟ باين الاحترام
اكمل بصله وحط رجل على رجل هو كمان: طبعاً دا احنا اصل الاحترام
مهاب هو كمان حط رجل على رجل وبص لجاسر وباسم عمل ذيهم وقال: ماهو مش حلال ليهم وحرام ليا
فهد ضحك اوي: هو في ايه
سيد بتوتر: هو انا داخل حرب في ايه
ادهم بهدوء: استنى بس اما نشوف الجاسر هيقول ايه.
جاسر بص لمنظر الشباب اللي فعلاً يخض: ولو قولت مش موافق؟
ليث نزل رجله وعدل نفسه وبص للشباب: هو انتوا سمعتوا حاجة ولا انا بيتهيألي
جاسر بغضب: نعم يا اخويا بقولك ايه انا ساكتلك من ساعة مادخلت فتتلم احسنلك
أيهم بصله ورد بثقة: جرا ايه بس ياعمي ماهو حضرتك موافق فملهاش لازمة يعني القاعدة دي
سيد بقى اللي رد: لا يا أيهم هو له الحق يعمل كدا وانا سامع لحد الآخر.
في اللحظة دي دخل محمد القصر وسيد اول ماشافه وقف وفضل ساكت
محمد بص لجاسر: انا جاي في معادي صح؟
جاسر: طبعاً ياعريس
سيد بصدمة: عريس؟!
جاسر: طبعاً امال انت فاكر ايه مش انا قولتلك اني موافق على محمد
فهد وقف واتكلم بعصبية: ايه التهريج دا ياجاسر
جاسر بص لسلمى اللي كانت نازلة مع البنات: تعالي اقفي جمب عريسك
سلمى فجأة وقفت جمب محمد وسيد واقف مصدوم من اللي بيحصل
سيد بص لسلمى: انتي بتعملي ايه؟
سلمى بهدوء: اللي انت شايفه انا موافقة على محمد
ادهم بعصبية: ماتفهمنا ياجاسر في ايه
فريدة بعضب: ايه الجنان دا
سيد بصلهم: ثواني بس يعني انا هنا عشان احضر قراية فاتحتهم؟
جاسر: ايوا
سيد بحزن: وليه حضرتك قولتلي انك موافق عليا؟
جاسر قرب منه واتكلم: كنت غلطان
فهد بغضب وبصوت عالي: جاسر
جاسر بصله وسكت وشريف قاعد مش فاهم حاجة
ليث: انت بتعمل ايه ياعمي.
جاسر بغضب وبصوت عالي: هو انت فاكر لما تخشولي بربطة المعلم كدا وتحطوا رجل على رجل وتخوفوني بلمتكم هوافق مثلا؟
أيهم: هو حضرتك بتتكلم بجد؟
جاسر: وجد الجد كمان
اسلام لآسر: انا مش مطمن
آسر: ربنا يستر
سيد عينه على سلمى وحاسس انه بيحلم حلم ايه بس دا كابوس: مبروك ياعروسة ماهو فعلاً اللي يستاهلك مش واحد ذيي
سيد لسة هيسيبهم ويخرج وجاسر وقفه
جاسر: انت رايح فين؟
سيد بصله بنظرة كسرة ووجع: ماشي.
جاسر: وهو انت فاكر بإنك لما تعمل في بنتي مقلب وتقولها اصل انا ماوافقتش وانك هتسيب القصر وتمشي هعدهالك تبقى غلطان
سيد: يعني ايه؟
جاسر وقف جمب بنته: يعني الجاسر لما بيقول كلمة مش بيرجع فيها وطالما انا وافقت انك تاخد بنتي يبقى عمري ما ارجع في كلامي دا بس كان رد للمقلب
ليث بص لفهد: انا عايز اضرب معاه الليلادي
جاسر بصله بصدمة: وحياة ابوك مايحصل هو انا أدك ولا إيه
فهد بغضب: والله مايحصل انا اللي هتمرن معاه.
ادهم: لا ودي تيجي انا اللي هتمرن معاه
شريف بيضحك اوي: دا انت ليلتك سودا
ليل وهي بتضحك اوي: انت اللي جبته لنفسك
سلمى قربت من سيد: تفتكر انا هحب غيرك
سيد بص لفهد: انا بقول نكتب الكتاب والنبي
جاسر: بعينك دا انا هطلع عينك
سيد ضحك: لا والنبي كفاية الخضة دي
اكمل (الكبير) بيضحك اوي: الواد قطع الخلف
ملك بتضحك بدموع: اه والله
نور: خلاص بقى ياجسورتي
فهد بصلها برفع حاجب وبص لجاسر: رد ياجسورتها.
سارة بتضحك بصوت: يخربيت كدا
مي عنيها مدمعة من الضحك: مش يلا نقرأ الفاتحة
سيد: اه والنبي ياطنط
مي بصتله بغضب: طنط في عينك قال طنط قال دا ايه الواد الرخم دي
إسلام بيضحك: امال يقولك يا إيه ياتيتة
مريم مقدرتش تسكت وهي كمان بتضحك آسر بصلها: ايه ياروحي عجبتك
كلهم واقفين بيضحكوا وأخيرا قعدوا وهيتكلموا بجد
عمر بصلهم: هو انتوا هتتكلموا جد
الكل بصله واتفتحوا في الضحك تاني، ومروان وديما دخلوا وشافوهم قاعدين ببضحكوا.
مروان: طب ضحكونا معاكم
ليث وقف في النص: والله ماحد هيضحك تاني غير لما نقرأ فاتحة العيال دي ونخلص الله
كلهم بدأوا يقرأوا الفاتحة وكانوا فرحانين
ليث بقى افتكر ان مهاب كان مأنتخ النهاردة في البيت وبصله وبص لأيهم: الا قولي يا أيهم كان في حد ناموسيته كحلي النهاردة وقاعد مأنتخ في البيت
مهاب بصله وضحك: انا
ايهم ضحك: فاضح نفسك كدا اهو
ملك قعدت جمب مهاب: محدش يزعل ميهو حبيبي.
نيجي لريما ومعاذ، أخيرا بقى معاذ قاعد سهران معاها
ريما: مش كنت ياحبيبي رحنا نسهر معاهم
معاذ بحب: يعني بزمتك ابقى غايب عنك يومين وعايز استفرد بيكي شوية تقوليلي نسهر معاهم
ريما ضحكت: عايزة افرح في البت سلمى
معاذ شدها عليه: سيبك منهم دلوقتي وركزي معايا
ريما بخجل: عيوني لحبيبي
عدا يومين ووصل سمير هو وأهله عشان يتقدم لمرام
ناجي بيبصله: الا قولي ياسمير انت شفت بنتي فين.
سمير بتوتر: في فرح مروان طبعاً وكمان عندهم في البيت
ناجي: يعني محصلش بينكم كلام؟
سمير بص لمرام واتكلم: بصراحة ياعمي حصل
ناجي ابتسم وبصلهم: يلا نقرأ الفاتحة
تمت الليلة على خير واتفقوا ان خطوبة مرام وسلمى بعد اسبوع، والكل بيجهز لليوم دا وفرحانين بيهم وفرحتهم كملت بوصول عماد وهاجر وانهم اخيرا قرروا يقعدوا معاهم
الأيام بتعدي وجه يوم الخطوبة والكل مستعد ليها وفرحان.
سلمى ومعاها مروان فوق في القصر بيجهزوا لأن الحفلة في القصر كالعادة
وسيد مع الشباب في اليلا بيجهزوا
سيد: انا عايز اشوفها
ليث ضحك: ابقى قابلني
أيهم: اصبر لما هي تخلص وانت تجهز وننزل كلنا وهتشوفها يا اخويا
امير دخلهم: خلصتوا ولا لسة؟
مهاب: لسة
امير: البنات خلصوا
سيد: بجد
اكمل ضحك: باردوا مش هتنزل غير معانا.
سيد بصلهم بغضب وسكت، وبعد شوية وصل المأذون عشان هي مش بس خطوبة لا دا كتب كتاب كمان وبعد شوية جاسر طلع أخد سلمى وسيد كان مستني مع الشباب اللي اصروا انهم يرخموا عليه ويفضل معاهم وسلمى كانت آيه من الجمال بفستانها الازرق بحجابها الابيض بالميك أب اللي ذادها جمال فوق جمالها ونازلة في ايدين جاسر، ومرام فاجأت الجميع بجمالها ورقتها في الميك أب وفستانها الأحمر بحجابها الاحمر ونازلة في ايدين ناجي، كل واحد استلم عروسته وقعدوا سوا والمأذون بدأ بكتب كتاب سلمى وسيد الاول وبعد انتهائه سيد حضن سلمى بحب وكأنها جايزة فاز بيها، وبعد كدا المأذون كتب كتاب مرام وسمير وانتهوا من كل حاجة سمير قرب من مرام ومسك ايديها وباسها وبص لعنيها وقالها بحبك ودي كانت اول اعترف منه ليها بإنه بيحبها بس هي اكتفت بإبتسامة، كل عريس لبس عروسته الشبكة وكانوا فرحانين جدا بكل حاجة والشباب بيرقصوا مع البنات والكل فرحان.
شريف واقف حاضن امل: ماتيجي نرقص
امل ضحكت: بس ياشرشر احنا كبرنا
فهد جه من وراه: انا لو منك اشدها وارقص جتك نيلك
شريف بص لفهد وضحك وشد امل ورقصوا سوا وفهد كمان شد ليل وادهم وآيه واسلام ومي وآسر ومريم
عمر وسامر وقفوا في نص الحفلة: بصوا بقى احنا عارفين انها خطوبة مش فرح بس طبعاً احنا مش بنحب نعدي أي احتفال غير لما نقلبها جنان
ليث بصله بهدوء: ناويين تعملوا ايه ياحبيايبي
عمر بخوف: كل خير والله ياليث يا اخويا.
سامر بص للولد بتاع الدي چي انه يشغل مهرجانات وهوبا كل اللي قاعد وقف وبدأوا يرقصوا والبنات رغم حملهم بس هما كمان اندمجوا والشباب واقفين مصدومين
أيهم بيضرب كف على كف: هو في ايه
اكمل ضحك: العيلة اتجننت
ليث: انتوا واقفين تتفرجوا يلا بينا
مهاب: يلا بينا ايه
ليث: نرقص
ليث سابهم وراح وقف جمب چويرية بيرقص معاها والشباب مصدومين وكل واحد فيهم وقف جمب مراته بيرقص معاها والخطوبة اتقلبت فرح.
الناس اللي من الطبقة العليا فيه منهم كويسين جداً بيحبوا كل اللي حواليهم ومش فارق معاهم مين غني ومين فقير مين الباشا ومين البواب ومين الكبير ومين الصغير، العيلة دي اثبتت لكل قارئ ان الحياة سهلة وجميلة بس لو قدرنا نسهلها على نفسنا لكن الناس اللي عاملة فرق مابين الطبقات عمر الحياة ماهتكون سهلة ولا جميلة، الفلوس اه ساعات بتساعد بس عمرها مابتشتري راحة البال، حياتنا بسيطة بس لو قدرنا نتعامل بسواسية.
تاني يوم الصبح بعد الاحتفال الكل كان نايم ومحدش اصلا راح الشركة
في جناح الفهد تليفونه رن وكان رقم الشرك ورد
فهد: الو
السكرتيرة: صباح الخير يافندم متأسفة اني صحيت حضرتك
فهد قام عدل نفسه: ولا يهمك خير؟
السكرتيرة: المفروض في اجتماع بعد نص ساعة ومحدش موجود في الفروع
فهد بصدمة: حتى الشباب؟
السكرتيرة: ايوا يافندم
فهد: طب اقفلي وانا جاي حالا
فهد قام وكان متعصب وليل صحيت
ليل: في حاجة ياحبيبي؟
فهد بعصبية: محدش راح الشركة وفي اجتماع
ليا قامت: طب ياحبيبي ادخل خد دش وانا هجهزلك هدومك
فهد: لا انا هروح اصحي ادهم
فهد خرج وراح لجناح ادهم وبدا يخبط عليه جامد لحد ماصحاه
ادهم فتح الباب بعصبية: حد يصحي حد كدا في ايه عالصبح
فهد بغضب: اجهز وحصلني على تحت محدش راح الشركة وفي اجتماع
ادهم بإستغراب: ازاي محدش راح؟
فهد: مش وقت اسئلة خالص يلا.
ادهم دخل يلبس وفهد رجع يلبس ونزلوا بعد ربع ساعة وسيد كان قاعد بيشرب شاي
سيد شافهم خارجين مضايقين: في حاجة؟
فهد: يلا معانا عالشركة
سيد ساب اللي في ايده وركب العربية واخدهم ومشيوا
في اليلا عند الشباب كلهم نايمين ومحدش فيهم صاحي غير محسن أبو شهد قاعد بيشرب شاي في الريسيبشن وامير الوحيد اللي صحي من الشباب ونزل عشان يروح العيادة
امير: صباح الخير ياعمي
محسن: صباح الخير يا ابني تعالى افطر.
امير: لا ياحبيبي لسة مش جايلي نفس
امير بيبص حواليه: امال فين الباقي؟
محسن: مش عارف انا صحيت لاقيت الارض هادية ومافيش اي حد فيهم صحي
امير بإستغراب وبيبص في ساعته: ازاي دا اول مرة يتاخروا كدا
محسن ابتسم: ماتنساش ان الحفلة كانت جميلة وفضلت لوقت متأخر
امير ضحك: امال انا صاحي بدري ليه
محسن: انت بتحب شغلك بقى
امير: ماشي ياعمي انا ماشي وشهد لسة نايمة لما تصحى خليها تفطر وخلي بالك منها
محسن: حاضر يا ابني.
امير خرج من اليلا وراح القصر يصبح على أمه واتفاجئ بإن القصر هادي باردوا وخرج الجنينة واتقابل مع سالم
امير: هو في ايه النهاردة؟
سالم: مافيش
امير: القصر هادي اوي هما لسة نايمين؟
سالم: اه بس الفهد والادهم خرجوا من شوية راحوا الشركة
امير بإستغراب: هو في ايه هو الكل نايم وناسيين اللي وراهم كدا
وهما واقفين شافوا ناجي نازل جري وباين عليه مستعجل
امير: في ايه ياعمي بتجري ليه؟
ناجي بغضب: اتأخرت على الشغل كان لازم اوي نسهر امبارح
امير ضحك: هو في ايه اشمعنا انا اللي صاحي من بدري
ناجي اخد عربيته ومشي وامير خرج بعده بشوية
ادهم وفهد وصلوا الشركة وفهد اخد سيد معاهم فوق ودخلوا المكتب
ادهم قعد: هنعمل ايه دلوقتي؟
فهد بص لسيد: مش انت مخلص دبلوم تجارة؟
سيد: اه
فهد: كنت شاطر فيها؟
سيد بتوتر: اه بس ليه؟
فهد: انا محتاج دراسة جدوى
سيد بتوتر واضح: وانا اللي اعملها؟
ادهم: اه.
سيد: ازاي دي مسؤولية كبيرة وبعدين دا حتة دبلوم تجارة مش كلية تجارة
فهد وقف: انا قولت اللي عندي واتفضل ادامي
فهد اخد سيد اللي متوتر ومش فاهم ايه اللي بيحصل واخدوا لمكتب فيه محاسبين كتير وقعدوا على مكتب
فهد سند بإيديه على المكتب: ادامك نص ساعة
سيد بصدمة: نص ساعة؟!
فهد: اه واشوف احلى دراسة جدوى
فهد بص للي قاعدين: ياريت بس محدش يساعده غير انه ياخد الورق اللي محتاجه وبس.
فهد بصله وخرج وسابه قاعد محتار مابين الورق ومش عارف يبدأ منين ولا يتصرف ازاي
فهد رجع لأدهم
ادهم: تفتكر هيعملها؟
فهد قعد قصاده: اه بس خلينا نركز في الاجتماع لحد ماهو يخلصها انا قولتله ان ادامه نص ساعة بس
في اليلا عند الشباب بقى وخصوصا في اوضة الليث
چويرية بتصحيه: حبيبي قوم بقى
ليث بيتقلب: سبيني نايم
چويرية: ياحبيبي الساعة باقت 11
ليث قام مفزوع: بتقولي كام؟
چويرية: 11.
ليث قام بسرعة وبصلها: حد يصحيلي ايهم واكمل بسرعة
ليث دخل عالحمام وهي رنت على هدى اللي صحيت وبدأت تصحي أيهم
هدى: حبيبي قوم الساعة 11
أيهم قام مفزوع: نهار اسود بتقولي كام
أيهم بسرعة دخل الحمام وذي ماحصل معاه حصل مع أكمل اللي قام في ثانية ودخل ياخد دش
وبعد دقايق اتقابلوا تحت
ليث: بسرعة.
خرجوا سوا في عربية واحدة وراحوا الشركة ودخلوا هما التلاتة بس بعد ايه بقى بعد ما الاجتماع مابدأ وخلاص قرب ينتهي ودخلوا اوضة الاجتماعات
فهد طبعاً قاعد على اول الترابيزة وبيبصلهم بغضب
اكمل: بابا مش هيعديها لينا خالص
ليث: يلا نقعد
قعدوا وفهد عينه عليهم واحد واحد وقاعدين متوترين وبعد خمس دقايق دخل سيد وماسك ورق في ايده
سيد لفهد: اتفضل
فهد بصله: اقعد
سيد راح قعد جمب ليث اللي مش فاهم حاجة.
فهد فتح الملف وبص لسيد وبص لكل اللي قاعدين: تقدروا تتفضلوا دلوقتي
الكل خرج ودول فضلوا قاعدين وسيد هيموت من كتر الخوف
فهد بص لسيد: انت مين ساعدك؟
سيد: والله مافي اي حد ساعدني هو حد باردوا يقدر يعارض رأي حضرتك
ادهم بيبص لفهد: هي فيها حاجة ولا ايه؟
فهد: لا دي مظبوطة جداً
سيد اتنهد براحة: الحمدلله
فهد بص للشباب: هي النموسية كحلي ولا ايه وشاطرين بس تتريقوا على مهاب
ليث بهدوء: مجاتش من يوم يعني.
ادهم بغضب: لولا السكرتيرة مارنت على فهد ماكناش لحقنا الاجتماع وكان راح علينا صفقة مهمة
أيهم: ومحصلش حاجة اهو يابابا
فهد بعصبية: هو احنا كنا هنستني لما يحصل ولا ايه
اكمل بتوتر: خلاص يابابا حضرتك عارف اننا سهرنا امبارح
سيد: خلاص بقى سماح المرادي بقى عشان انا السبب عشان دي حفلة خطوبتي
فهد بصله: انت فاجئتني بجد.
سيد ابتسم: انا نفس متفاجئ بنفسي، انا كنت بحب التعليم اوي رغم الظروف اللي كنت فيها بس كنت بحب استفاد من الوقت اللي بحضر فيه بس ماكنتش متوقع ان هعمل حاجة تعجب حضرتك بالشكل دا
أدهم: بص ياسيد لا انا ولا فهد عمرنا بنختار حد وحش بالعكس احنا بنكون متأكدين من الشخص اللي ادامنا هيكون أد المهمة اللي حطينه فيها ولا لا وانت بصراحة طلعت أدها
سيد: انا بجد مبسوط من كدا.
ليث بص للفهد وبص لسيد: واظن القرار اللي بابا هياخده دلوقتي انه هيعينك في الشركة معانا
سيد برفض: لا انا هفضل في شغلي في القصر وبس ومع عمو ناجي
فهد بجدية: انا بقول كلامي مرة واحدة
سيد: بس انا مرتاح هناك
أيهم بخبث: اه عشان تبقى قريب من سلمى
سيد بصله وضحك: بصراحة اه.
فهد قام وبصلهم: انا قولت كلامي ومش هعيده ومكتبك هيكون جاهز من بكرة والنهاردة اعتبره اجازة عشان تخرج خطيبتك وانزل الحسابات ليك مكافئة على اللي انت عملته
سيد: بس انا معملتش حاجة استاهل عليها مكافئة
ليث: بص الفهد طالما قال كلمة انسى انك تعارضوا ويلا اسمع الكلام
سيد ابتسم وسابهم وراح الحسابات واتفاجئ بالمكافئة الكبيرة اللي فهد سايبهاله وكان فرحان اوي بإنه هيقدر يخرج سلمى في مكان حلو.
سيد نزل اخد عربية اوبر عشان ساب العربية للفهد والادهم وجاله تليفون
المتصل: انا عايز اشوفك في اذن ليك هتقدر بيه تشوفني
سيد طلب من سواق الاوبر يغير طريقه
نرجع شوية للشركة فهد قاعد على مكتبه وتليفونه رن
فهد: الو
المتصل: سيد عند كرم الصياد
فهد بصدمة: انت بتقول ايه؟
طبعاً كرم لسة ما اتعدمش هو بس محكوم عليه بالاعدام بس لسة ما اتنفذش.