رواية أحفاد البارون الجزء الثاني للكاتبة إيمان جمال الفصل الثاني والعشرون
ليث قاعد ادام أيهم وبيبصله بصدمة: نعم؟
أيهم بحزن: ايوا ياليث للأسف دا اللي حصل وهي دلوقتي جايا عشان إن انا اصلح غلطة عملتها زمان لانها مش عارفة تعيش حياتها ذي بقية البنات
ليث بغضب: نفسي اعرف انت عقلك كان فين ساعتها
أيهم بصله وسكت وهدى قربت عليهم
هدى: بابا بيرن وعاوز يكلمك ياليث
ليث قام: ماشي انا داخل
أيهم: استنى اساعدك
ليث بصله: لا هدخل لوحدي.
ليث دخل وهدى هتدخل وراه بس أيهم مسك ايديها: هتفضلي زعلانة مني كدا؟
هدى بصتله: عشان انا متأكدة انك مخبي حاجة
أيهم ساب ايديها: ادخلي ياهدى
هدى: انا مصممة اعرف في ايه؟
أيهم بعصبية: عاوزاني أقولك ايه؟ اقولك اني خنتك؟ ولا اقولك ان في بنت ظهرت في حياتي عشان حياتها ادمرت بسببي
هدى بتسمع ومصدومة من الكلام، ايهم: ولا عاوزاني اقولك ايه تاني انا مخنوق ومضايق ومش عارف اعمل ايه بجد
أيهم سابها وخرج من القصر كله.
ليث بيكلم فهد: انا عايز اعرف مين وصل حضرتك الاخبار دي
فهد بغضب: يعني المشكلة في مين قالي ولا المشكلة دلوقتي ان رنا تعبانة؟
ليث بهدوء: هي كويسة يابابا وقاعدة في اوضتها فوق وياريت عمو ادهم مايعرفش حاجة
فهد بعصبية: ماهو هيعرف لما نرجع
ليث: ربنا يستر بقى وخلاص
فهد: طيب ياليث لما اجي هشوف هعمل ايه
اليوم عدا خلاص وتاني يوم وفهد واللي معاه وصلوا مطار القاهرة وفي طريقهم للقصر.
ايهم واكمل نزلوا الشركة يتابعوا الشغل، وامير راح العيادة وليث طبعاً قاعد في اوضته
فهد وليل وادهم وآيه وهاجر وعماد وناجي وسارة وشريف وامل وجاسر ونور واكمل وملك كلهم وصلوا ودخلوا القصر وفاطمة قابلتهم
فاطمة بفرحة: ايه المفاجأة دي مش كنتوا تقولوا عشان نيجي نقابلكم
البنات سلموا عليها وقعدوا
ادهم: حبينا نعملها مفاجأة
چويرية كانت نازلة وشافتهم وجريت على اكمل وملك: ايه المفاجأة الحلوة دي.
اكمل بيحضنها: حبيبة قلبي وحشتيني
چويرية بدموع: انت اللي وحشتني اوي يابابا
ليث نازل ساند نفسه وليل جريت عليه
ليل بقلق: حبيبي ايه اللي حصلك؟
ليث ابتسم: انا كويس ياماما بس وقعت ورجعلي حصل فيها شرخ
ليل بقت لفهد بحزن: انت كنت عارف صح؟
فهد قرب عليها: محبتش اقلقك
ليل بعصبية: انت كل مرة تقولي كدا وانا اصلا من حقي اعرف ايه اللي بيحصل
ليل سابتهم وطلعت، وفهد واقف ادام ليث: يعني ماكنتش عارف تصبر فوق شوية.
ليث بهدوء: معلش بقى حضرتك هتعرف تتصرف
هدى نزلت جري على حضن أبوها وبتعيط
فهد بقلق: في ايه مالك؟
هدى بإنهيار: وحشتني أوي
فهد رفع وشها له: في حاجة حصلت؟
هدى بعدت عنيها عنه: أبداً يابابا مافيش
فهد لف وشها له: طب ليه بتهربي من عنين ابوكي
هدى بصتله بعيون معيطة ومنهارة: مافيش يابابا
ادهم بيبص حواليه: امال فين رنا؟
فاطمة بهدوء: اكيد في اوضتها
آيه: مانزلتش ليه؟
ليث: اكيد ماتعرفش انكم جيتوا.
ادهم وآيه طلعوا لبنتهم وأيهم رجع وشافهم واقفين
أيهم: حمدلله على السلامة
هدى اول ماشافته طلعت فوق وفهد شك ان اكيد في حاجة حصلت
فهد بيبصله اوي: كنت فين؟
ايهم: كنت بتمشى شوية، امال فين بابا وماما؟
اكمل(الصغير): فوق عند رنا
أيهم بصدمة: نعم هما عرفوا حاجة؟
جاسر: هو ايه اللي حصل؟
فهد اتكلم بعصبية وبصوت عالي: اللي حصل اننا اعتمدنا على عيال في غيابنا.
ليث: حضرتك كدا بتعيب فينا واحنا كنا أد المسئولية بس اللي حصل مكانش بإيدينا
فهد بغضب: الكلام دا تضحك بيه على حد غيري انت بقيت عامل ذي العيل الصغير وبتتخانق مع مروان ومش عارف تتصرف صح وكل تصرفاتك مادلش انك راجل اصلا
ليث اضايق من كلام ابوه واتكلم: لو ماكنتش راجل يعتمد عليه مكانش حضرتك طلبت مني اخد بالي منهم في غيابكم
فهد بعصبية: تقدر تقولي اللي بيحصل دا تسميه ايه.
ليث بعصبية وبصوت عالي: اقول لحضرتك تسميه ايه، تسميه اني بحب وفجأة لاقيت الانسانة اللي حبيتها راحت لحد غيري كنت عاوزني اعمل ايه اقف اتفرج وهي مع غيري لا وكمان دا صاحبي، اقولك تسميه ايه؟ تسميه ان مهاب حب رنا وهي رفضت حبه اهانت كرامته ورجولته ولما يلاقيها كويسة معاه يقول خلاص حست بيه لكن لا هو كل مابيقرب خطوة هي بتبعد عنه عشر خطوات والله اعلم ايه اللي حصل عشان هي تتعب لحد دلوقتي ما اعرفش السبب إيه بس اكيد فاقت ذيي بس بعد فوات الآوان، ولا عاوزني اقول لحضرتك ايه؟
فهد واقف ادام ابنه معتش عارف يرد يقوله ايه ومروان دخل وكان واقف بارة سمع كل اللي اتقال.
مروان: انا هقولك تقول ايه ياليث، انا عارف انك مابقتش طايقني ادامك بس احب اقولك ان كل اللي حصل دا تخطيط من الفهد عشان انت تفوق، ايوا انا بحبها وفعلا انا اللي طلبت اتقدم ليها بس عمي فهد هو اللي طلب مني نعمل اللعبة دي عليك عشان تفوق لنفسك وتشوف ايه اللي بيحصل بس احب اقولك ياصاحبي ان حتى حفلة الخطوبة كانت تمثيل بس هي مكانتش تعرف باللعبة دي
ليث بيبص لأبوه بصدمة: لعب؟ انتوا عملتوا عليا لعبة؟
فهد بيبص لمروان وكأنه بيلومه عاللي هو قاله، مروان بصله: انا اسف ياعمي بس كنت لازم اقوله
ليث بيتكلم وهو لسة باصص لأبوه: حضرتك اتفقت معاه عليا؟
فهد معتش عارف يرد على إبنه يرد عليه وكل اللي بيحصل دا ادام چويرية
اكمل(الكبير): وهو انت فاكر باللي انت عملته دا يافهد هتقدر تقربهم لبعض تبقى غلطان عشان انا بنتي مش قليلة ولا فيها حاجة عشان نتحايل عليه يقبل بيها.
اكمل مسك ايدين بنته وشال الدبلة من ايديها ورماها على الأرض: اهي الدبلة اهي ومش عاوز اي كلام في الموضوع دا تاني وشكرا اوي ان بنتي كانت مجرد كوبري في النص
اكمل اخد بنته وطلع وملك واقفة مش عارفة تعمل ايه لا هي عارفة تزعل من أخوها ولا عارفة تقول إيه وطلعت ورا جوزها وبنتها
ادهم نزل مضايق وبيتكلم بغضب: فين الكلب اللي اسمه مهاب؟
فهد: اهدى يا ادهم
ادهم بعصبية: اهدى ايه وزفت إيه انا عاوز اعرف ايه اللي بيحصل.
جاسر بص لنور: اطلعي فوق
نور اخدت فريدة وامل وطلعوا فوق
فهد واقف ادام ليث: عاوز اتكلم معاك
ليث بصله بحزن واتكلم بسخرية: معتش له لازمة الكلام يافهد باشا
ليث بص لأكمل اخوه: هتوصلني لمهاب ولا اروح لوحدي
فهد بعصبية: انت مش هتمشي من هنا
ليث بصله: لا همشي
اكمل سند اخوه وخرج بيه بارة القصر
فاطمة لفهد: هتعمل ايه يافهد؟
فهد قعد على الكرسي وراسه بين ايديه: هو انا كل مابحلها من ناحية بتبوظ من الناحية التانية لييه.
ادهم بعصبية: عشان انت غلط يافهد انت فاكر بدماغك هتقدر تحل كل حاجة واحنا ولا لينا لازمة جمبك
فهد بصله وسابهم وطلع
فاطمة: مكانش ينفع اللي انت قولته دا يا ادهم
ادهم: ماكنتش اقصد ازعله انا اب زعلان عشان خاطر بنته
مراد: احنا ما اتكلمناش عشان نشوف انتوا هتتصرفوا ازاي لكن خلاص انتوا كلكم غلط حتى ولادكم طالعين نسخة منكم وبيتصرفوا غلط
عبدالعزيز: يلا يامراد نطلع.
فهد طلع الجناح وليل كانت زعلانة عشان هو خبى عليها بس لما لاقيته طالع باين عليه مضايق قلقت
ليل: في ايه؟
فهد بهدوء: مافيش انا داخل اخد دش طلعيلي لبس
فهد سابها ودخل ياخد دش وفتح الماية ووقف تحتها بهدومه سرحان في اللي بيحصل وهل فعلاً هو غلط ذي ما ادهم قال وتصرفاته كلها غلط ولا لا
ليث وصل الفندق عند مهاب وعرف رقم اوضته واكمل طلعه فوق
مهاب قام فتح: ليث واكمل؟!
ليث واكمل دخلوا، مهاب بقلق: حصل حاجة ولا ايه؟
اكمل: هتبقى تعرف بعدين المهم اهلنا رجعوا
مهاب: امتى؟
ليث: من شوية
مهاب قعد: طب فهموني حصل ايه
اكمل بدأ يحكيله عن اللي حصل وهو بيسمع بصدمة
مهاب: يعني خطوبة مروان وچويرية كانت لعبة؟
ليث بعصبية: انا مش عاوز كلام في الموضوع دا
مهاب: يعني الادهم مضايق؟
اكمل: اه يامهاب وربنا يستر بقى عاللي جاي
اكمل قام وبصلهم: انا راجع القصر وهبقى اعرفكم لو أي حاجة حصلت وهجيبلك هدوم يا ليث النهاردة بالليل.
آسر في اوضته ومريم جات قعدت جمبه
مريم: سرحان في ايه؟
آسر: سرحان في اللي بيحصل معانا ليه كل الخناق دا دا الادهم وفهد عمرهم مابيتخانقوا
مريم: عادي ياحبيبي كل حاجة هتتحل
آسر: يارب عشان الواحد بدأ يقلق
هاجر وعماد قاعدين مع ناجي وسارة
هاجر: هنعمل ايه؟
ناجي رد عليها: لحد دلوقتي مش هنعرف نعمل حاجة غير لما الفهد والادهم يتصالحوا وبعدها نشوف
عماد: هو ايه اللي بيحصل دا بجد الواحد مش عارف.
سارة: للأسف الولاد ضايقوهم وهما كانوا مطمنين ان الليث والأيهم موجودين لكن اللي حصل عكس كدا
امير وشهد قاعدين في اوضتهم سوا
امير: شهد انا محتاج انام ولو اي حد عاوزني قوليلهم نايم
شهد: حاضر ياحبيبي وهاخد مالك وهقعد مع البنات عشان تعرف تنام
امير باس دماغها: ماشي ياحبيبتي
امير نام على سريره وشهد قفلت الستاير واخدت مالك وطلعت.
چويرية قاعدة في اوضتها مضايقة من اللي حصل بس هي حاسة انها فرحانة شوية بإن الخطوبة طلعت مش حقيقية بس زعلت ان اللي حصل مجرد لعبة وبيلعبوا بمشاعرها
اكمل خبط ودخل وقعد ادامها: انا عاوز اتكلم معاكي
چويرية: اتكلم يابابا
اكمل: بصي يابنتي انا مش موافق ان ليث يكون شريك حياتك وبعد اللي حصل انا مش هسمحله يقرب منك
چويرية قلبها وجعها وبصتله بدموع: طب ليه؟
اكمل: عشان هو ماطلعش راجل ولا استأمنه عليكي وللأسف خاب كل توقعاتنا
اكمل وقف وبصلها: انا قولت قراري ومش هرجع فيه
اكمل خرج وسابها قاعدة بتعيط ومنهارة
إسلام قاعد ادام عمر وسامر
إسلام: اوعوا تكونوا هببتوا حاجة في غيابنا
عمر وسامر بيبصوا لبعض بتوتر، عمر: لا احنا معملناش حاجة تخص الفهد دا تخص الليث
اسلام: طب الحمدل، . نعم بتقول مين؟
سامر بخوف: اصل احنا يابابا السبب في كسر ليث
اسلام بصدمة: نعم يا اخويا.
عمر بتوتر: احنا عملنا كدا عشان نخليه يتهدى شوبة
اسلام بغضب: هو انتوا فاكرين باللي حصل دا ليث هيعديها ليكم؟
سامر: اهو اللي حصل بقي يابابا
اسلام قام وبصلهم: ربنا يستر عليكم والله
اكمل(الصغير) رجع القصر وقابل فاطمة
فاطمة: ابوك عاوزك
اكمل: حاضر ياعمتو
اكمل طلع لجناح ابوه وامه وخبط وليل فتحتله
ليل: تعالى ياحبيبي
اكمل دخل وقعد ادام ابوه: خير يابابا؟
فهد: اخوك فين؟
اكمل بهدوء: في الفندق اللي فيه مهاب.
فهد: انا عايز افهم ايه اللي حصلكم
اكمل لسة هيرد بس ادهم خبط على باب الجناح وليل فتحتله وهو دخل وفضل واقف ادام فهد اللي سابهم وطلع الجنينة
اكمل: هو ايه اللي حصل انتوا اتخانقتوا؟
ادهم: كلمتين اتقالوا في ساعة غضب
اكمل قام: طالما الفهد سابنا وخرج البلكونة يبقى زعلته اوي ياعمي، انا رايح اوضتي
اكمل خرج وسابهم وادهم طلع لفهد وليل قعدت على سريرها
ادهم وقف جمبه: انا ماكنتش اقصد يافهد.
فهد ماردش عليه وفضل باصص على الجنينة
ادهم: خلاص بقي يافهد مكانتش كلمة في وقت غلط بقى
فهد بصله: بس ساعات يا اكمل الكلام اللي بيتقال في وقت غضبنا بيكون هو الحقيقة.
ادهم: لا يافهد انت عارف ان ماكنتش اقصد وعارف ان عمري ما اشوفك كدا، بس اللي زعلني اللي حصل لبنتي وكمان لچويرية انت متخيل ابنك اصلا هيكون حاسس بإيه دلوقتي ولا هي، انت رتبت لكل حاجة من غير ماتقولي كنت ساعتها هفكر معاك ونوصل لحل مايأذيش حد فيهم، اهو دلوقتي بقى اكمل هيكون رافض ان چويرية تكون لليث
فهد: ليث زعلان مني اوي يا ادهم وانا مش عارف اعمله ايه.
ادهم: الحاجة الوحيدة اللي هيخليه مايزعلش انك ترجعله چويرية
فهد: بس اكمل رافض وانت عارفه دماغه ناشفة ودي في الاول وفي الاخر بنته
ادهم: وبنت اختك في نفس الوقت
فهد: انا هروح اتكلم مع ليث واشوف ايه اللي هيحصل
ادهم: انا هاجي معاك
فهد: لا يا ادهم انا عارف انك هتروح عشان تتكلم مع مهاب وبلاش دا يحصل دلوقتي
ادهم بص ادامه: لا يافهد لأن مش أكمل لوحده هو اللي هياخد قرار في موضوع بنته.
فهد بصله وسكت وبيدعي ان ربنا يستر الفترة الجايا
آخر اليوم فهد وادهم قرروا يروحوا الفندق عند ليث ومهاب وطلعوا الاوضة فوق ومهاب اللي فتح ليهم واول ما ادهم شافوا ضربوا بالبوكس وقعوا على الارض
مهاب بوجع: هو حضرتك كل اما تشوفني تضربني هو كله ضرب كدا
ادهم بغضب: انا هوريك
فهد بيبعد ادهم عن مهاب: انت قولت مش هتتكلم معاه
ادهم بص لمهاب اللي واقع على الأرض ماسك وشه بغضب ودخل جوا شاف ليث قاعد على السرير.
ليث بيبصله: ايه خلصت ضرب؟
ادهم بصله بغضب وقعد قصاده، والفهد دخل وليث دور وشه بعيد عنه
فهد قعد جمب ادهم وبص لليث: انا عاوز اتكلم معاك
ليث بصله بغضب: وانا مش عاوز اتكلم يابابا انا مش لعبة تحركوها ذي ما انتوا عاوزين ليه تلعبوا لعبة عليا بالشكل دا انا فوقت لوحدي خلاص
فهد: لا ياليث انت مافوقتش عشان لو كنت فوقت ماكنتش زعلت ولا مشيت انت دلوقتي بترفض اننا بنساعدك ومشيت وسبتها.
ليث بصله وسابه وطلع البلكونة رغم رجله اللي في الجبس
ادهم: قوم وراه
فهد: واياك تضرب مهاب تاني
ادهم: اصلا مهاب نزل تحت
فهد خرج لإبنه وقعد جمبه: انا مبحبش تكون زعلان مني وانت عارف
ليث بهدوء: حضرتك لأول مرة تقل مني ادامهم
فهد بصله بحزن: انا عمري ما اعتبرتك قليل ياليث انت سندي انت واخوك، انا مضايق من اللي بيحصل ليكم ارجع الاقي كل دا حصل ليه كل دا من امتى واحنا كدا
ليث: محصلش حاجة يابابا كل دا بسبب عناد رنا.
فهد: وبالنسبة ليك بقى
ليث: بابا انا بعترف ان بحبها بس بجد انا اضايقت لما لاقيتك عامل عليا لعبة مع مروان
فهد: عشان تفوق ياليث انا عملت كدا عشان تفوق وتلحقها لان مروان فعلاً بيحبها واوي كمان
ليث: انا هصلح كل دا
فهد: ابقى قابلني طالما اكمل نشف دماغه يبقى تنسى
ليث بثقة: ان كان هو الاكمل فأنا الليث ابن الفهد
فهد بصله: يعني انت مش زعلان مني؟
ليث ابتسم: معقول ازعل من ابويا ولا ايه.
فهد حضنه: انت رخم اه وغلس حبتين بس بحبك والله
ادهم شافهم وقرب منهم: ايه جو العشق الممنوع دا
فهد ضحك: عاوز ايه يارخم
ادهم بصله وبص لليث: بقى بزمتك في السن دا كله ويتقالي رخم
ليث ضحك: لا مايصحش وبعدين يعني انتوا مش باين عليكم سنكم انتوا بتقفوا جمبنا بتكونوا اصغر
ادهم بيخمس في وشه: الله اكبر في عينك يا ابن فهد
فهد ابتسم: بقولكم ايه خلونا نتكلم جد دلوقتي
ادهم: في ايه؟
فهد: اكمل خلاص طالما نشف دماغه يبقى مش هيوافق ان ليث ياخد چويرية
ليث بغضب: يبقى يقابلني بقى
ادهم: هتعمل ايه؟
ليث: هتشوفوا هعمل ايه المهم دلوقتي عاوزين نرجع مهاب معانا
مهاب كان طلع من تحت ودخل وسمعه: لا ياليث انا هفضل هنا
فهد بغضب: احنا مش هنمشي من هنا من غيرك
مهاب: معلش ياخالو سبني هنا يومين وبعدين انا عندي قضية بكرة فعاوز اكون مركز ليها
فهد: يعني هترجع بعدها؟
مهاب بهدوء: هشوف.
ليث بغضب: انت معاك يومين بس لو مجتش القصر انت عارف انا هاجي اعمل فيك ايه
فهد وادهم اخدوا ليث ورجعوا القصر ومهاب فضل قاعد لوحده في الفندق
في مكان تاني قاعدة البنت اللي ظهرت في حياة أيهم واسمها هايدي، قاعدة مع مامتها
هايدي: انا عملت اللي انتوا قولتوا عليه ياماما ياترى بقى الخطة الجايا ايه
ميادة بتفكير: امممم هعرف واقولك.
(استووووووب بقى، فاكرين ميادة ولا نستوها هي البنت اللي كانت مثلت الحب على فهد زمان بسبب مناقصة كان جده البارون دخلها، وبسببها فهد مكانش قابل اي بنت في حياته)
تاني يوم الصبح مهاب نزل راح للمحكمة عشان القضية ودخل فعلاً القاعة جوا وبدأ يترافع وجه عند جملة معينة وفتح شنطته عشان يخرج منها ورقة مهمة هيكسب بيها القضية بس للأسف ملقهاش ووقف متوتر جامد وبص للقاضي: ممكن اطالب بتأجيل القضية؟
القاضي بصله: القضية اتأجلت كتير قبل كدا
وللأسف القاضي حكم في صالح الخصم وكرم متعصب اوي، وخلاص خرجوا بارة القاعة
كرم بغضب: انت ازاي تعمل كدا؟
مهاب: اعمل ايه؟ اكيد الورقة بس وقعت مني في المكتب
كرم بعصبية وبصوت عالي: وقعت منك ولا انت بعتها لخصمي
مهاب بصدمة: ايه اللي انت بتقوله دا هو انت مش عارف انا ابقى مين؟
كرم قرب منه واتكلم معاه بغضب: لا عارف واللي انت ماتعرفهوش بقى ان مش هعدي اللي حصل دا بالساهل كدا ولازم ارفع عليك قضية وتتشال من النقابة خالص
في القصر هدى صحيت وصلت وغيرت هدومها وراحت لجناح ابوها وامها وخبطت على الباب وفهد اللي فتح
فهد ابتسم: صباح الورد
هدى بهدوء: صباح الخير
فهد بيبصلها بشك: ادخلي
هدى دخلت وواقفة متوترة وبصتله: هي ماما فين؟
فهد: جوا في الحمام ليه؟
هدى: مش عاوزاها تسمع انا هقول ايه.
فهد اخدها وطلعوا البلكونة: اتكلمي في ايه؟
هدى بصتله بحزن وعيون كلها دموع: بابا انا مش عاوزة اكمل مع أيهم.