رواية أحفاد البارون الجزء الثاني للكاتبة إيمان جمال الفصل الثالث
تاني يوم الصبح في الجناح الخاص بملك واكمل
اكمل قاعد بيتكلم في التليفون: صباح الفل ياسليم
سليم: صباح الخير يا للي مش بترد عليا
اكمل ضحك: والله لسة صاحي
سليم: طب المهم انا عاوزك في موضوع مهم
اكمل: خير في ايه؟
سليم: لا خير ان شاء الله، طبعاً انت عارف ان إبني مروان كلها شهر وينزل مصر
اكمل: ايوا ينزل بالسلامة ان شاء الله
سليم: الله يسلمك يا صاحبي، المهم هو كلمني امبارح في موضوع
اكمل: ايه هو؟
سليم: عاوز يتقدم لچويرية بنتك
اكمل: عن نفسي انا موافق ومش هلاقي احسن من إبنك عريس لبنتي ياسليم
سليم: ربنا يخليك ياصاحبي
اكمل: بس المهم رأيها، هتكلم معاها وهرد عليك
سليم: ماشي وانا مستني الرد
(سليم هو صاحب فهد وكان معانا في الجزء الأول عشان بس اللي ناسيه)
ملك خرجت من الحمام وشايفة أكمل قاعد سرحان
ملك: سرحان في ايه؟
اكمل: سليم طالب ايدين چويرية لمروان إبنه
ملك بفرحة: بجد
اكمل: ايوا
ملك: طب انت قولتله إيه.
اكمل: قولتله اني موافق بس لازم أسألها الأول
ملك: ماشي وانا باردوا هتكلم معاها
فهد واقف ادام المرايا بيظبط لبسه وليل واقفة وراه
ليل: حبيبي
فهد: عيون حبيبك
ليل: ممكن نخرج احنا امبارح معرفناش عشان رجعنا مع طنط فريدة
فهد: حاضر هخلص شغلي ونخرج سوا
ليل: ربنا يخليك ليا ياحبيبي
فهد قرب منها وخطف بوسة: ويخليكي ليا ياقلب حبيبك
ليل بصتله بحب: تعرف انك قدرت تعوضني عن فراق بابا وماما
فهد بحنية: انتي كل حياتي ياليل.
ليل: بحبك أوي
بعد ربع ساعة كانوا متجمعين عالفطار
فهد لمهاب: جهزت الورق اللي طلبته منك؟
مهاب: ايوا ياخالو كله جاهز
اكمل(الكبير): ممكن بقى كفاية كلام في الشغل واسمعوا عاوز ايه
ادهم: خير؟!
اكمل ضحك: لا خير والله
آسر: طب قول
اكمل: سليم كلمني النهاردة وطلب مني حاجة
فهد: اخلص وقول طلب ايه
اكمل: مروان ابنه طالب إيدين چويرية
ليث كان بياكل وبص لأكمل وبص لچويرية اللي قاعدة بتاكل بهدوء.
فهد: مروان شاب كويس واحنا عارفينه وسليم صاحبنا
إسلام بحماس: واخيرا هنفرح
أمير ابتسم: ايه ياعمو الحماس دا
إسلام: يا أمير ياحبيبي سيبك من الناس المعقدة دي
جاسر بغضب: نعم ياحبيبي بتقول ايه
إسلام بتوتر: هو انا اتكلمت اصلا
مي: جايب لنفسك الكلام كدا اهو
مراد بص لچويرية: طب نسمع رأي عروستنا الأول
چويرية اتوترت وبصت لجدها مراد: انا معرفوش ياجده.
ليل: يعني انتي تايهة عنه ياچوري ماهو مروان طول الوقت قبل مايسافر كان عندنا هنا
چويرية: بس ما اتعاملتش معاه
فهد بهدوء: عادي اقعدي معاه واتكلموا
چويرية: مش هو مسافر؟
اكمل(الكبير): أيوا وهينزل بعد شهر
چويرية: لما ينزل نبقى نشوف
ملك بفرحة: يعني افهم من كدا انك موافقة؟
چويرية كان نفسها في اللحظة دي تبص لليث بس بعدت عنيها عنه واتكلمت: هشوفه الأول ولو ارتحتله هوافق.
ليث ساب الأكل وبص لأكمل أخوه ولأيهم: انا هسبقكم عالشركة
أيهم: يا ابني استنى لسة بدري
ليث خرج واخد عربيته ومشي، محدش لاحظ انه اضايق او متعصب غير الفهد
اكمل لأبوه: انا هروح الشركة يابابا
فهد ابتسم: ماشي ياحبيبي
اكمل شد أيهم من هدومه: ادامي
أيهم والاكل في بوقه: يا ابني سبني اكمل فطار
اكمل: اخلص بس وحصلني على بارة
اكمل وأيهم نزلوا سوا في نفس العربية وفي طريقهم للشركة
أيهم: هو في إيه؟
اكمل: هنشوف إيه الحكاية بس لما نوصل الشركة
في القصر چويرية طلعت أوضتها وحور طلعت وراها
حور: طلعتي ليه؟
چويرية: مافيش
حور: هتوافقي؟
چويرية: تفتكري إيه؟
حور: انا بسألك ياچوري عشان افهم منك
چويرية بدموع: وليه ما اوافقش؟ انا خلاص هختار نفسي وكرامتي وكفاية لحد كدا
حور: انتي عارفة انك اختارتي اصعب شخصية
چويرية بعصبية: وايه يعني هو انا أجرمت؟ ليه يبقى قاسي عليا بالشكل دا بس الحب مش بالعافية ذي ماهو قال.
حور: ماتخديش قرار وانتي متعصبة
چويرية: خلاص ياحور سبيني لوحدي
حور مكانتش عاوزة تسيبها لوحدها بس هي صممت تقعد لوحدها
مهاب راح مكتبه وخلص كل الورق اللي فهد طلبه منه، السكريترة دخلتله
السكرتيرة: في عميل مستني حضرتك بارة
مهاب بيبص في ساعة ايده: طب انا لازم اروح الشركة دلوقتي اطلبي من اي حد من اللي موجدين يقابله
السكرتيرة: هو مصمم يقابل حضرتك
مهاب بضيق: طب دخليه.
السكرتيرة خرجت وسمحت للعميل يدخل وبعد ثواني دخل لمهاب
مهاب: اتفضل
كرم قعد: انا كرم الصياد
مهاب: اهلا بحضرتك
كرم: اهلا بيك، انا كنت عاوز انقل كل شغلي مع حضرتك
مهاب: طب مين كان ماسك شغلك؟
كرم: انا كنت مسافر بارة مصر ولسة واصل من اسبوع وسمعت عن مكتبك وشغلك فقولت لازم اجي لحضرتك وخصوصا ان اسم عائلة البارون معروفة سمعتها
مهاب بعميلة: متشكر لحضرتك انا دلوقتي لازم اروح الشركة فممكن نأجل كلامنا لبكرة.
كرم: تمام مافيش مشكلة هاجي لحضرتك بكرة
مهاب قام وسلم عليه وكرم نزل من المكتب وركب عربيته
كرم بغل: لازم اخد حق أبويا منكم واحد واحد ويا انا يا انتو بقى
(كرم ابن سالم الصياد اللي كان عدو عائلة البارون)
بعد شوية مهاب نزل وركب عربيته وفي طريقه للشركة
هدى في الجامعة ورنا قاعدة معاها
رنا: ها يادودو هنعمل ايه بكرة؟
هدى ضحكت: انتي بتسأليني ذي كل سنة وانتي عارفة ان بابا بيكون مجهز كل حاجة.
رنا: طب تمام كدا بس ماقولتليش هدية أيهم إيه
هدى ابتسمت وبصت لإيديها للأنسيال اللي عليه إسمها: جابلي دا
رنا بإعجاب: واااو دا اخويا طلع زوقه حلو بس ياترى هيكون زوقه حلو في إختيار شريكة حياته ولا إيه
هدى بسخرية: لا ماهو طالب مني اختارله بنت من زمايلنا
رنا ضحكت: انتي بتتكلمي بجد؟
هدى بغضب: ايوا ياختي على آخر الزمن هشتغل خاطبة
وهما قاعدين باسم جه عليهم هو وأسيل
باسم قعد: بتعملوا ايه.
هدى: ولا اي حاجة يا اخويا قاعدين
أسيل: طب يلا نخرج شوية
رنا: لازم ناخد الاذن ياست هانم
باسم بهدوء: هنخرج كلنا سوا وانا معاكم فأكيد محدش هيضايق من كدا
هدى لسة هترد بس شافت سامر وعمر جايين عليهم: الاشقية وصلوا
باسم ضحك: يبقى مش هيسبونا نخرج لوحدنا
سامر وعمر قعدوا معاهم
عمر: احنا خلصنا انتوا خلصتوا ولا لسة؟
هدى: خلصنا بس هنخرج
سامر بحماس: يلا بينا
أسيل ضحكت: كدا كملت.
سلمى جات عليهم هي كمان: كنت متأكدة هلاقيكم قاعدين هنا
هدى: يلا عشان هنخرج
سلمى: طب استأذنتوا الاول؟
باسم: ماتقلقوش طالما معايا يبقى مافيش اي قلق
وفعلا خرجوا سوا
في الشركة أكمل وأيهم دخلوا المكتب عند ليث وقاعدين ادامه وعاوزين يتكلموا
ليث بهدوء: كل واحد فيكم على مكتبه
أكمل: طب عاوزين نفهم انت ليه قومت من على الفطار
ليث بغضب: قولت كل واحد على مكتبه.
أيهم وأكمل عرفوا ان طالما ليث متعصب بالشكل دا فمش هيعرفوا يتكلموا معاه
أيهم: تمام ياليث هيبقى لينا كلام تاني مع بعض
اكمل وأيهم خرجوا وسابوه قاعد لوحده ورفض أي مقابلات وحول اي مقابلة للفرع التاني عند الفهد والأدهم
في القصر، أكمل محبش يروح الشركة النهاردة وقعد جمب أمه
اكمل: أخيرا وافقتي ترجعي تعيشي معانا
فريدة: انا فعلاً كنت غلطانة اني فضلت لوحدي بس خلاص انا جيت أهو.
أكمل: الولاد اصلا فرحانين بوجودك ودا هيفرق معاهم
چويرية نزلت وقعدت معاهم
چويرية: ايوا كدا القصر نور
أكمل ضحك: يعني مكانش منور بينا ولا إيه
چويرية: لا يابابا طبعاً منور بس زاد نور بعد ماتيتة رجعت
فريدة بحب: حبيبة قلبي والله
مالك الصغير بيلعب في الجنينة وليل جمبه هي ونور
نور: عاوزين نشوف عروسة لأمير
ليل: ماهو رافض يا نور
نور: لازم نقنعنه ياليل انا مش هقعد اتفرج عليه وهو ناسي نفسه.
ليل: بلاش نعاند معاه عشان هو الوحيد اللي هيقدر يقرر اذا كان هيعرف يرتبط بحد تاني ولا لأ
أمير وصل العيادة وبعد وصوله بنص ساعة الممرضة دخلتله
الممرضة: آنسة شهد بارة
أمير بسرعة: خليها تتفضل
الممرضة خرجت وهو وقف يظبط شكله وواقف منتظرها واول مادخلت من الباب فضل باصص ليها وسرحان في ملامحها اللي خطفت قلبه
شهد بحرج: اذي حضرتك
أمير فاق من سرحانه: الحمدلله اتفضلي.
شهد قعدت على الشازلونج(سرير الكشف الخاص بعيادات النفسية) وهو قعد قصادها وشغل التسجيل عشان يسجل ليها
أمير: المرة اللي فاتت وقفنا عند دخولك للجامعة.
شهد: اول سنة ليا في الجامعة ماكنتش اعرف أي حد فيها وبعدها بكام يوم اتعرفت على بنت طيبة جداً وقربنا، وفي مرة عرفتني على شاب زميلنا قالها انه معجب بيا وعاوز يتقدملي بس يتعرف عليا وبعد الإمتحانات هيتقدم ليا بس انا ساعتها قولتله ان اهلي هيرفضوا اني اتخطب وانا لسة بدرس وسني لسة صغير بس دا في نظرهم
أمير: وبعدين؟
شهد: قالي اننا نفضل اصحاب لحد سنة رابعة وبعدها هيتقدم انا ساعتها وافقت عشان انا رفضت يتقدم ويترفض فقولت انا اللي مأخرة سبب انه يتقدم، قعدنا مع بعض دلوقتي سنتين بس ولسة فاضل سنتين بس للأسف حصل حاجة دمرتنا
أمير: إيه هي؟
شهد في اللحظة دي دموعها نزلت: انا كنت مشتركة في نادي رياضي رغم ان أبويا كان رافض عشان المصاريف بس انا حبيت اكون ذي اصحابي، وهو باردوا كان عضو في النادي دا وكان كل واحد فينا له أوضة مخصصة لتغيير الملابس او اننا نقدر نحافط على متعلقاتنا الشخصية فيها.
شهد سكتت شوية وأخدت ازازة الماية تشرب وبدأت تكمل: في يوم كنت مخلصة تمارين وهدخل اغير هدومي جه وقالي اني مرهقة فلازم اشرب عصير واداني علبة عصير مغلفة فأخدتها منه وفعلا بدأت اشرب فيها لحد مادخلت الاوضة الخاصة بيا وبعدها محستش بنفسي غير بعد مافوقت واكتشفت انه
شهد انهارت من العياط ومقدرتش تكمل
أمير بحزن: تحبي نكتفي بكدا النهاردة؟
شهد: لا هقدر اكمل، لاقيته واقف ادامي وبيبصلي بنظرات انتصار وقالي جملة عمري ماهنساها في حياتي (انا كدا طولت اللي انا عاوزه عملتيلي فيها شريفة ودخلتيلي في موضوع الجواز وانا كنت بس عاوز اطولك وبس) بعدها ماكنتش قادرة اتكلم ولا أحكي لحد اللي حصل
أمير: دا من إمتى؟
شهد: من تلات شهور، وطول الفترة دي مابقتش مركزة في اي حاجة تخص دراستي فكرت كتير إني انتحر بس دايما كنت بتراجع في اللحظة الاخيرة خوفا من ربنا، بس انا كدا ادمرت
أمير: محاولتيش تتكلمي مع والدتك؟
شهد بإنهيار: أمي اتوفت من سنتين ومقدرتش اواجه اي حد بالمصيبة دي، بابا وافق اني اتخطب قبل ما اتخرج وكذا حد اتقدملي بس انا برفض بحجة دراستي خايفة بعد ماخلاص اتخرج ساعتها مش هيكون عندي حجة
أمير: انتي في كلية إيه؟
شهد: حقوق
أمير: مافيش حد حواليكي بيحبك او عاوز يقرب منك؟
شهد: للأسف هو كان معرف الكل انه يعتبر خطيبي
شهد قبل ماتكمل كلامها أمير قاطعها: تتجوزيني؟
شهد انصدمت من رده: إيه؟
أمير بهدوء: تتجوزيني
شهد قامت من مكانها وخلاص هتمشي: انا لازم امشي
أمير وقفها: انا بتكلم بجد انا هقدر اساعدك على الأقل نتجوز فترة وبعدها ننفصل عشان شكلك أدام أهلك والمجتمع
شهد بإنهيار: وانت ليه تقبل على نفسك انك ترتبط بإنسانة رخيصة ذيي.
أمير: وليه ماتقوليش انك ضحية لإنسان قذر
شهد معرفتش ترد عليه
أمير: فكري وانا مستني ردك
أمير ادالها كارت عليه رقمه الشخصي: هستنى منك رد
شهد مستغربة هو ليه بيعمل كدا وليه هيقبلها على نفسه واتحركت لعند الباب
أمير اتكلم: بس في حاجة لازم تعرفيها قبل ماتردي عليا
شهد وقفت ولفتله: ايه هي؟
أمير: ان كنت متجوز ومراتي اتوفت من سنتين ومعايا ولد عنده سنتين
شهد بصتله ومشيت وخرجت من العيادة وهي بتفكر في كل كلمة قالها.
مهاب وصل الفرع عند الفهد وقعد معاهم في إجتماع
فهد بإستغراب: فين ليث؟
أكمل: ليث رافض اي شغل او اي مقابلات او اجتماعات النهاردة
ادهم: ليه في ايه؟
أيهم: هو حابب كدا ومش قابل كلام من أي حد
فهد: تمام هنخلص الاجتماع وبعدين هشوفه
مهاب في ايديه ملف: كل الورق اللي احنا محتاجينه في الملف دا
فهد: تمام يامهاب دلوقتي كل ورقنا قانوني وانت جهزت دراسة الجدوى كدا احنا جاهزين للشغل الجديد
أدهم: لسة التصاميم اللي مع ليث.
اكمل: ماتقلقش ياعمي كله هيكون جاهز في معاده واللل هتتسلم في معادها
جاسر: تمام كدا كله تمام
حور في المستشفى وشريف دخلها
شريف: حبيبة بابا خلصت شغلها ولا لسة؟
حور: لا يابابا لسة ساعة
شريف: طب انا رايح اتغدا بارة انا وامك
حور ضحكت: ايوا ياعم الله يسهله
شريف ضحك اوي: ماتبصيش فيها بقى
حور: ماشي ياشرشر
شريف سابها ومشي وشوية وصل هيثم ومعاه بنته.
هيثم دخلها: انا بجد مش عارف اشكر حضرتك ازاي فكرة الحضانة دي ريحتني جداً
حور بإبتسامة: ماتشكرنيش دا واجبي المهم تولين تكون مبسوطة
هيثم: جدا وحبت المكان هناك
حور: طب الحمدلله، انا دلوقتي هكشف عليها واطمنك على صحتها
الإجتماع خلص وفهد راح لليث مكتبه، ليث كان واقف يبص من الازاز وسرحان
فهد: اول مرة ماتحضرش اجتماع معانا
ليث بصله: البركة فيكم
فهد قعد: اقعد
ليث قعد ادام أبوه: في إيه؟
فهد: انت اللي في ايه مالك؟
ليث: مافيش ما أنا كويس اهو
فهد: متأكد انك كويس؟
ليث: ايوا يابابا
فهد: طب إيه رأيك في مروان لبنت عمك؟
ليث بعصبية: وأنا مالي هو يعني هيتجوزني انا
فهد مستغرب عصبية إبنه وبصله بشك: الموضوع مايستاهلش العصبية دي كلها
ليث: ارجوك يابابا انا مش عاوز اتكلم في اي حاجة وعن اذنك عشان همشي
ليث اخد چاكيت بدلته وساب الشركة ومشي
فهد لسة قاعد مكانه مبتسم: انت خلاص وقعت ياليث.
ليث ركب عربيته وراح الچيم يتمرن بس كان بيطلع كل عصبيته في التمارين وكأنه بيتخانق مع حد أدامه
الكابتن: اهدى ياليث مش كدا
ليث بينهج من كتر المجهود: انا كويس ياكابتن
الكابتن: اهدى وارجع كمل وبلاش تتمرن وانت متعصب بالشكل دا
كارما بترن على أكمل عشان عاوزة تخرج
اكمل: هخلص شغل ونخرج ياكارما
كارما: طب ماتتأخرش
اكمل: تمام
اكمل قفل مع كارما وخرج من مكتبه وراح مكتب أيهم
أيهم: في ايه؟
اكمل قعد: هو الواحد يعرف منين انه بطل يحب حد؟
أيهم ساب الورق اللي في ايده وقام قعد قصاده: ليه السؤال دا؟
أكمل: بلاش ترد على سؤالي بسؤال وجاوبني
أيهم بهدوء: ببساطة كدا لو حسيت ان مشاعرك بدأت تتلغبط تجاه حد بتحبه فدا تسميه ان الحب بدأ يقل
أكمل: طب الحب مش هينفع يذيد تاني
أيهم: والله دا على حسب الشخص نفسه
اكمل: ازاي مش فاهم.
أيهم: يعني لو الشخص حابب يكمل هيلاقي مليون طريقة يحاول بيها ان العلاقة تستمر اما لو الشخص حابب البعد وانه ينهي العلاقة هيلاقي نفسه مش لاقي اي حل ولا شايف اي حاجة حلوة مع شريكه وبكدا العلاقة هتفشل واستحالة تكمل
أكمل: طب وكدا الشخص دا هيكون أناني او وحش؟
أيهم: مش لازم طبعاً يكون كدا كل واحد فينا بيكون قادر يستحمل او لا ولو الطرف التاني مش كويس يبقى يسيبه فورا، انت ليه بتسأل كل الاسئله دي.
أكمل: ولا حاجة انا ماشي
أيهم: طب استنى هاجي معاك
ونزلوا سوا وفي الطريق اكمل طلب من أيهم انه يروح المستشفى عند عمه شريف
أيهم: اشمعنا؟
اكمل: عاوزه في حاجة
أيهم: ماشي
أيهم وصل اكمل لعند المستشفى ومشي
اكمل دخل وسأل على شريف بس كان مشي وعرف ان حور لسة موجودة وعرف ان عندها كشف بس حب يدخل وهي اتفاجأت بيه
حور بإستغراب: أكمل؟!
اكمل: كنت جاي لعمي شريف بس قالوا مشي
حور: ايوا من شوية اقعد.
اكمل قعد وحور كان هيثم لسة موجود هو وبنته وقبل مايمشي نسى ومد ايديه عشان يسلم عليها
حور: حضرتك نسيت اني مش بسلم
هيثم بحرج: أسف نسيت عن اذنك
هيثم اخد بنته ومشي وحور قعدت ادام اكمل
حور: كنت محتاجه ولا ايه؟
اكمل: اها
حور: استشارة ولا إيه؟
اكمل ابتسم: عادي كنت عاوز ادردش معاه
حور: اممم تمام
اكمل: انتي خلصتي؟
حور: أيوا
أكمل: طب تحبي نتغدا سوا بارة.
حور مستغربة طلبه: انت عارف اننا لازم نتغدا سوا كلنا في القصر وبعدين من امتى واحنا بنخرج لوحدنا
اكمل: عادي وفيها إيه انتي بنت عمي
حور: بس احنا اتربينا اننا يا اما نخرج كلنا سوا يا اما ماينفعش كل اتنين لوحدهم ولا إيه يا إبن عمي
أكمل معرفش يرد عليها وسرح في كلامها وبيتمنى ان كارما تكون ذي عيلته
أكمل بصلها ورد: عندك حق طب هطلب اوبر ونروح سوا
حور: اوبر ليه العربية فين؟
اكمل: أبداً انا الصبح خرجت مع أيهم في عربيته
حور: ماشي تمام
چويرية كانت قاعدة لوحدها بتفكر في حاجة وقررت تنفذها ودخلت اوضتها وبعدها بشوية خرجت ولسة هتنزل تحت اتقابلت في ليث كان وصل وطالع فوق والاتنين وقفوا قصاد بعض
چويرية: كنت لسة هكلمك؟
ليث ببرود: ليه في ايه؟
چويرية فتحت ايديها وظهرت السلسلة اللي عليها اسمه: اظن ان خلاص انسان تاني هو اللي هيكون مكان الاسم دا
ليث ببرود: ايوا وايه المطلوب؟
چويرية بحزن: خد السلسلة دي هدية مني للبنت اللي هتختارها تكون شريكة حياتك
ليث اخدها منها ببرود وبصلها: مكانش ليها لازمة أصلا تتلبس من الاول او حتى تشتريها
چويرية بحزن واضح: عندك حق مكانش ليها لازمة
چويرية سابته ورجعت على أوضتها وهو فضل واقف ماسك السلسلة واتفاجئ بأبوه وراه
فهد: ليه البرود دا ياليث
ليث بصله واتكلم: حضرتك عاوزني اتعامل ازاي؟
فهد: اتعامل بقلبك
ليث بعصبية: لا.
فهد بغضب: صوتك مايعلاش وانت بتتكلم معايا
ليث بأسف: متأسف يابابا عن اذنك
ليث طلع للجناح وفهد طلع لليل في الجناح وكان باين عليه انه حزين وزعلان
ليل: في ايه مالك؟
فهد: مافيش
ليل: يعني انا معرفكش يافهد قولي في ايه
فهد قعد وبصلها: ابنك ليث
ليل بقلق: ماله
فهد: بيحب چويرية
ليل: بجد؟
فهد: اه بس هو مش معترف بدا
ليل: ازاي؟
فهد: بيكابر وشايف نفسه عادي ومخبي حبه
ليل بصتله بنص عين: هو يعني هيجيبه من بارة ماهو طالع لحضرتك.
فهد ضحك: هو انا كنت بارد ذيه كدا؟
ليل ضحكت اوي: ياااااااه كتيييير فاكر لما وقعتني من على السلم
فهد قام وقف ادامها ومسك ايديها: يارتني كنت مت قبل ما اعمل كدا
ليل بسرعة: بعد الشر عنك ياعمري، هو اي نعم انت كنت رخم وقاسي حبتين بس انت طلعت أحن راجل في الدنيا وليث طالعلك بس مخبي حبه ومش هيعترف بيه بسهولة
فهد: طب والعمل إيه؟
ليل: تفتكر هينفع اصلا نحاول معاه اذا كنا مقدرناش عليك هنقدر على ابنك.
فهد ضحك: والله انتي ظالماني
ليل: حصل ياباشا فعلاً ظالماك وجايا عليك ومفترية
فهد ضحك اوي لدرجة عنيه دمعت: خلاص ياستي انا اللي مفتري
شريف اخد أمل وخرجوا يتغدوا سوا بارة
امل: اخيرا فوقتلي شوية
شريف: حقك عليا عارف اني مقصر بسبب الشغل بس قدرت افضالك اهو
امل: يارب دايما عشان ما اخنقكش
شريف بحب: واهون عليكي؟
امل: طبعاً لا دا انت حياتي ياشريف والله
شريف مسك ايديها وباسها: انتي اللي حياتي وعمري.
حور وأكمل وصلوا القصر وخلاص جه وقت الغدا
ليل بإستغراب: امال فين باقي الولاد؟
نور: سلمى كلمتني وقالت انهم خرجوا يتغدوا سوا ومعاهم سامر وعمر وباسم وكمان رنا
ليل: طب فهد عرف؟
نور: تقريباً لا
آسر سمعهم: طب مين هيعرفه؟
ليل ضحكت: لا مع نفسكم انا خلاص كدا
وهما واقفين بيتكلموا دخلت سارة وناجي ومعاهم مرام وكالعادة معاذ في شغله
ليل: اهي سارة جات اهي
سارة: في ايه واقفين متجمعين كدا؟
آيه حكتلها ان الولاد بيتغدوا بارة من غير إذن الفهد
ناجي بيخلع: طب ياهوانم انا هسيبكم واخلع على فوق
ليل ضحكت: ايوا اخلع وسيبنا كدا
ناجي: مش مستغني عن عمري ربنا معاكم بقى
إسلام: خدني معاك
ليل بغضب: نعم انت كمان هو انتوا بتتخلوا عننا ولا إيه
ليل مش واخدة بالها من فهد اللي نازل وراها
ليل: لا ماهو مش كل مرة هقف قصاد الفهد لوحدي اتصرفوا
فهد بهدوء: ايه اللي بيحصل؟
ليل اتخضت وبصلته بتوتر وبصت للي واقفين ومش عارفة ترد
فهد: ايه ياحبيبتي القطة اكلت لسانك ولا إيه
ملك غصب عنها ضحكت: ياريت الموضوع كان كدا
فهد: اخلصوا وقولوا في ايه؟
نور: اصل
فهد بغضب: اصل ايه انطقوا
مريم: اصل باسم اتكلم من شوية وقال انه هيتغدا هو والباقيين بارة سوا
فهد: عال العال هو معتش في استئذان خالص
ليل بهدوء: ماتنساش ان هدى معاهم
فهد اول ماسمع اسم هدى بصلهم واتكلم: طب مش تقولوا كدا من الاول.
ناجي ضحك اوي: هي ايه ردة الفعل الغير متوقعة دي
كل اللي واقفين بيضحكوا أوي وصوتهم مسمع القصر كله
مرام: كدا ياخالو فين الهيبة بس
فهد بثقة: موجودة وحياتك يابنت ناجي بس دي نبض القلب مقدرش
ليل حطت ايديها في وسطها وبصتله: ياشيخ
فهد ضحك: اه والله انتي عاوزاني ازعلها وخصوصا بكرة عيد ميلادها ولا ايه
ليل بصتله بغضب وبتقرب منه: ماتعصبنيش يافهد
فهد نسى اللي حواليه وقرب منها: ليه ياقلب الفهد.
ليل: يعني هي تبقى نبض قلبك وانا إيه
فهد قربها منه اوي واتكلم: انتي حياة الفهد انتي قلب الفهد انتي عمر الفهد انتي اللي خطفت قلب الفهد
ليل نسيت اللي حواليها ولسة بيقربوا، ناجي اتكلم: ايه ياباشا احنا لسة واقفين
فهد بصلهم بغضب: دا انت رخم ياشيخ والله يلا ادامي على فوق على مايجهزوا الغدا
سارة قعدت مع أمها عشان كانت وحشاها جداً
فريدة: عاملة ايه ياسوسو.
سارة ضحكت: الحمدلله بس يعني بعد العمر دا تقوليلي سوسو ياماما
فريدة: طبعاً دا انتي بنتي حبيبتي ولسة صغيرة
سارة: فينك ياناجي تيجي تسمع أمي بتقول ايه انا بقيت حاسة ان عندي فراغ عاطفي والله
ليل ضحكت: والله انتي ظالمة الراجل
سارة: والنبي أبداً دا هو اللي ظالمني
آيه: حصل وانا شاهدة
مي: ربنا يستر
مريم ضحكت أوي: لا طالما آيه اتفقت مع سارة يبقى ربنا يستر فعلا
نيجي بقى للأساتذة اللي خرجوا يتغدوا سوا.
هدى: احنا نخلص غدا ونمشي على طول
سامر ضحك: انتي محسسانا ان هيحصل كارثة
هدى: انتوا فاكرين ان اللي عملناه دا هيعدي؟
رنا وهي بتاكل: طول ما انتي معانا الفهد مش هيتكلم
هدى ضحكت: والله أنا بدأت اخاف
باسم بهدوء: والله ماتقلقيش وبعدين عمو فهد واثق فيا
عمر: انا هعمل نفسي شفتكم صدفة
أسيل: ولما يسألك ويقولك شفتهم فين ياعمور تقوله اصل كنت هتغدا بارة
سامر ضحك: البس يامعلم.
باسم غصب عنه ضحك: بلاش تشغل دماغك على الفهد عشان انت اللي هتتنفخ
الكل في القصر اتجمع وقعدوا يتغدوا سوا
مهاب: فين الباقيين؟
ليل: بيتغدوا بارة
أيهم: دا مين اللي اتجرأ وعملها
فهد حابب يرخم عليه: دي هدى
أيهم بصله: ما اظنش
أدهم ضحك: اتلم وحياة ابوك عشان انت بتتكلم مع الفهد
أيهم بثقة: اذا كان عمو هو الفهد فأنا الأيهم إبن الأدهم
آيه ضحكت: ماتتشجعش اوي كدا يا حبيبي
أدهم بصلها: نعم ياختي قصدك إيه.
ليل ردت: معلش يا ادهم عيلة وغلطت
ادهم: عيلة مين دا شوية وأيهم يتجوز ويخلف وتبقى تيتة
آيه بغضب: تيتة في عينك انا هفضل صغيرة
أكمل كان بيشرب وشرق وقعد يكح: تعرفي واحدة اسمها ملك كانت بتقول ذيك كدا
ملك بغضب: نعم يا اخ سمعني بتقول ايه كدا
جاسر: سيبي الراجل ياكل بدل مايموت
اكمل(الصغير): معلش ياطنط آيه
آيه: نعمممم يا ابن ليل طنط مين
أكمل(الصغير) بص للفهد: انا بقول ترد انت عشان الموضوع بيكبر.
ليث قاعد بياكل في هدوء ومش مركز معاهم أصلا
فهد لليث: ايه ياليث ساكت ليه
ليث بص للي قاعدين وبص لأبوه وقام وقف: الليث مش بيتكلم غير في اللي يخصه وبس
ليث سابهم وطلع فوق ومستغربين تصرفاته، ليل كانت لسة هتقوم وراه بس فهد مسك إيديها وقعدها تاني: سبيه
ليل بصتله وهو بصلها بنظرات كأنه بيقولها انه هيشوف في إيه
أدهم: خلاص ياجماعة محدش يزعل دكتورتي
آيه: ياااه اخيرا يا اخويا اعترفت اني دكتورة لا كفارة يا أخي.
ناجي ضحك أوي: وربنا منظركم وحش وانتوا قاعدين تعملوا التصرفات دي
أيهم قام وقف: عادي ياعمو ناجي دا حاجة بسيطة بس للي بنشوفه كل يوم
أيهم سابهم وطلع ورا ليث اللي عاوز يعرف في ايه وايه اللي بيحصل معاه
حور وچويرية قعدوا سوا ومعاهم مرام
حور لچويرية: مش هتقوليلي مالك؟
چويرية: مافيش ياحور انا كويسة
حور: لا ياچوري مش كويسة
مرام بحرج: هقوم وارجع ليكم كمان شوية
چويرية: لا اقعدي احنا من امتى وبنخبي حاجة عن بعض.
مرام: طب قولي لينا مالك
چويرية بصتلهم وبدأت تعيط واتكلمت: هو انا كنت غلطانة لما حبيته؟
حور بحزن: لا ياحبيبتي مش غلطانة بس هو طبعه صعب وكلنا عارفين كدا
چويرية بإنهيار: ليه اتعامل معايا بقسوة ليييه انا بجد تعبت دا حتى لما أخد مني السلسلة كان بيتعامل ببرود محاولش حتى يقولي اسف على قسوتي هو انا وحشة للدرجة دي.
مرام: لا مش وحشة ولا حد يقدر يقول كدا بس كل الحكاية ان ليث من النوع التقيل ومش بيحب اللي تجري وراه
چويرية: وعشان كدا هختار طريقي وهمشي فيه هبص لنفسي ولحياتي هختار الانسان اللي اختارني
حور: بلاش تاخدي قرار وانتي مش واثقة فيه
چويرية: انا اول مرة اكون واثقة من قرار هاخده
ليث قاعد وتليفونه رن وكان مروان بيرن عليه عن طريق الفيس بوك بس ماردش عليه وطبعا أكمل وأيهم قاعدين معاه
أكمل: ماترد
ليث بغضب: مش عاوز ارد.
أيهم: هو مين اللي بيرن؟
اكمل: مروان
أيهم: طب ياعم رد عليه دا وحشنا
ليث بعصبية: مش هرد
أكمل بهدوء: ليه ياليث
ليث وقف واتكلم بغضب وصوت عالي: انا حر
فهد خبط ودخلهم: صوتك عالي ليه
ليث بصله وطلع وقف في البلكونة
فهد: هو ماله؟
أيهم: مش عارفين في ايه
فهد: طب انزلوا انتوا
أيهم وأكمل نزلوا وفهد طلع وقف جمب إبنه اللي واقف متعصب
فهد: ايه اللي مضايقك
ليث بهدوء: مافيش يابابا.
فهد: كنت بقول لأيهم ان هدى واخدة طباع ليل ودلوقتي هقولك إن انت واخد طباعي ومش هتعترف باللي جواك
ليث بغضب: مافيش حاجة جوايا ولا بفكر في اي حاجة
فهد بعصبية: انت حر وتاني مرة ابقى خد بالك ان انت بتتكلم مع أبوك
فهد هيمشي ويسيبه لانه زعل منه وليث وقفه
ليث: اانا آسف يابابا بس انا حقيقي مضايق
فهد: من ايه؟
ليث بصله ودور وشه: مافيش يابابا
فهد: تمام ياليث بس ياريت تفكر وتاخد قرار.
فهد سابه ومشي واقف متعصب وعاوز يكسر أي حاجة أدامه
أيهم قاعد بيتكلم مع أكمل في الجنينة
أيهم: اعمل ايه مع أختك؟
أكمل ضحك: بص يا أيهم يا أخويا انت دلوقتي بتتعامل مع ليل التانية والاستاذ اللي فوق هو الفهد التاني
أيهم: ما انا لازم اخليها تعترف بحبها
أكمل بصله وإبتسم: تفتكر البنات هيعترفوا بحبهم قبل ما احنا نعترف ليهم؟
أيهم: يعني إيه؟
أكمل: يعني اعترف ليها يا أيهم وساعتها هتعترف.
أيهم: انا خايف تكون مش شايفاني انت نسيت مهاب ورنا
اكمل: وليه تحكم عشان تجربة غيرك؟
أيهم: معرفش بقى انت خايف
أكمل: خليك خايف بقى كدا انا قايم
أيهم: رايح فين؟
أكمل: تعالى نخرج شوية انا وانت ومهاب ونشوف أمير
أيهم: طب وليث؟
أكمل: لا سيبك منه
بعد شوية وصلوا اللي كانوا بيتغدوا سوا بارة وفهد قاعد مستنيهم في نص القصر وقاعد رجل على رجل
باسم بيبص لهدى واتكلم بتوتر: اتعاملي انتي وحياة ابوكي.
هدى واقفة متوترة وبصت لفهد: حبيبي
فهد بهدوء مميت: نعم؟
هدى: هو انت متعصب؟
فهد ببرود: هيفرق اوي يعني؟
هدى بدموع: أيوا طبعاً هيفرق
أيهم وأكمل ومهاب كانوا نازلين عشان هيخرجوا وشافوهم
أيهم بتريقة: وطالما هيفرق خرجتوا ليه من غير إذن
فهد بصوت عالي: ما اسمعش صوتك طول ما انا بتكلم معاها
أيهم بحرج: متأسف ياعمي
اكمل ضحك واتكلم بصوت واطي: شكلك وحش.
هدى دموعها نزلت: والله يابابا باسم قال اننا نخرج على مسئوليته وان حضرتك مش هتقوله حاجة
فهد مش بيحبها تعيط دي باردوا نبض قلبه وعشان كدا قام حضنها وهي قعدت تعيط: انا بهزر معاكم انا لما عرفت انك معاهم مقدرتش اصلا أتعصب، اهدي بقى
مهاب ضحك: انت كدا ياخالو عرفتنا نقطة ضعفك
فهد بص لبنته ومسحلها دموعها: دي نبض قلب أبوها دي
باسم بصوت عالي: والله انت راجل عسلية
فهد غصب عنه ضحك: انت جبت الكلمة دي منين.
سامر: من الدنيا ياعمو
أيهم ضحك أوي: لا ياشيخ تطلع انت ايه يازبلة انت عشان تقول من الدنيا
فهد بصله بإستغراب: زبلة؟ ايه الالفاظ البيئة اللي انتوا بتقولوها دي
عمر: ايه بس يافهد باشا دي ألفاظ العصر اللي احنا فيه
أكمل(الصغير) بهزار: عصر ولا مغرب
أسيل عنيها دمعت من الضحك: لا عشا
ليل والباقيين اتجمعوا ومستغربين انهم بيضحكوا بالشكل دا
ملك: ايه دا في ايه؟
فهد بيضحك ومش عارف يتكلم
ليل واقفة مستغربة: ايه ياحبيبي.
فهد: العيال دي هموت بسببهم والله
جاسر ضحك: ليه بس حصل إيه
باسم: أبداً ياعمو والله احنا بس كنا بنألش
أدهم بإستغراب: بتألشوا؟
اكمل(الكبير): كنتوا بتقولوا ايه والنبي
فهد بيضرب كف على كف: انت كمان هتعمل ذيهم
اكمل: انت ايش فهمك في الألش
هدى بتضحك أوي: ايه ياعمو انت بتعرف تألش ولا إيه
ملك بتريقة: اووووي
الكل واقفين يضحكوا وچويرية وحور نزلوا وليث كمان
ليث بإستغراب: في ايه بتضحكوا على إيه؟
جاسر: الحق اخوك بيألش وابوك بيضحك
ليث بص لأبوه اللي فعلاً بيضحك جامد وعلى أكمل أخوه اللي واقف عنيه مدمعة من كتر الضحك: بقى الفهد بيضحك على الألش
فهد بيحاول ييطل ضحك ويتكلم بثقة بس مش عارف: حصل
ليث غصب عنه ضحك: يارب دايماً بتضحك كدا
هدى قربت منه: جهزت الهدية؟
ليث ضربها على دماغها بخفة: هو انا اقدر انسى هدية روحي
أيهم بصوت عالي: طلعت روحك اتلم.
هدى بصتله بإستغراب، ليث بصله: أيهم ياحبيبي بلاش أنا عشان انت عارف هعمل فيك ايه
أدهم: بسسسسسس ممكن نتكلم جد شوية بقى
فهد وهو لسة بيضحك: اتفضل ياحبيبي شوف انت عاوز تقول ايه
أدهم: دلوقتي عيد ميلاد هدى بكرة نعمله امتى العصر ولا
فهد مقدرش وضحك اكتر
اكمل (الصغير) بيضحك جامد: عصر ولا مغرب
معتش حد عارف يقول كلمتين جد على بعض
هدى وقفت في النص واتكلمت بصوت عالي: انا قررت ان عيد ميلادي يكون في شرم
ليث: نعم ياختي.
هدى: ايوا دا اللي عندي
فهد بهدوء: احنا اتفقنا ان شرم في اجازة نص السنة
هدى ضحكت: ايه ياوالدي انت حضرتك نسيت ان في كافيه اسمه شرم
فهد بص لليل: انا بقول تشوفي ولادك عاوزين ايه عشان انا كدا جبت أخري انا طالع
ادهم وأكمل(الكبير) وجاسر وإسلام وآسر طلعوا وراه
في اوضة فريدة فوق، ناجي قاعد هو وسارة ومرام بنته
فريدة لناجي: انا كنت عاوزة اقولك حاجة ياناجي بس ماكنتش عاوزة اقلق فهد
ناجي بقلق: في ايه ياماما؟
فريدة بتبص على سارة وبنتها اللي قاعدين في البلكونة: كرم إبن سالم نزل مصر.