قصص و روايات - قصص رومانسية :

قصة شباب طفلة بقلم إسراء محمود الفصل 21 إلى 25

قصة شباب طفلة بقلم إسراء محمود

من الفصل الحادي والعشرون إلى الفصل الخامس والعشرون

الفصل الحادى والعشرون

آسر: عم محمد
البواب(محمد): نعم يا آسر بيه ويجرى عليه.
ملك وسوسن واقفين لسه برا
آسر : بقولك والنبى ياعم محمد في واحده اسمها سوسن ومعاها بنت صغيره كدا اسمها ملك جايين كمان شويه
اول ما يجوا تدينى خبر وتدخلهم على طول
البواب (محمد): يبص لآسر وبعدين يبص على الست اللى واقفه برا .. يكونش هما دول يا استاذ اسر
اسر يبص عليهم :ةها يمكن يكونوا هما ،روح شوفهم كدا وتعالى قولى

البواب (محمد): حاضر
يروح البواب عند الست سوسن
البواب: لو سمحتى يا ست
سوسن :نعم
البواب : هو انتى اسمك ايه
سوسن : سوسن
البواب : والبنوته دى اسمها ملك
سوسن : ايوا
البواب: يا اهلا وسهلا .اتفضلوا دا الاستاذ آسر مستنيكم جوا
سوسن بابتسام :شكرا
تدخل سوسن وهى متسنده على ملك و.............
آسر بابتسامه : حضرتك مدام سوسن
سوسن بابتسامه : ايوا انا
آسر: اهلا بحضرتك . ماما جايه فى السكه
سوسن : توصل بالسلامه
اما ملك من اول ما صحيت وهى مش بتتكلم ولا كلمه حتى لما دخلت الفيلا كانت مكتفيه بالنظر ليها ولجمالها
اسر بص لملك وهى مش هنا خالص .فسال سوسن
اسر لسوسن : هى مش بتتكلم ولا ايه
سوسن: لا بتتكلم بس ممكن تكون مكسوفه شويه
آسر لملك :احم ملك ازيك
ملك بنبرة حزينه وعيون حمرا : الحمد لله
اسر: مالك ... شكلها تعبانه
سوسن : من الطريق بس شويه وهترتاح.
آسر: طب تشربوا ايه
سوسن: لا شكرا ملوش لزوم
آسر: لا ازاى انتى عايزه مدام نيرة تعاقبنى ولا ايه
سعاااد يا سعااد
سعاد : ايوا يا أستاذ اسر
آسر: شوفى مدام سوسن تشرب ايه ،وهاتى لملك عصير من بتاعى
سعاد باستغراب (لان مفيش حد بيشرب العصير دا غير آسر ولا حتى صحابه بيشربوا منوا): حاضر
آسر لملك : هتشربى احلى عصير يا ملك دا بيجيلى مخصوص
ملك متكلمتش بردوا اكتفت انها تبتسم فقط .
سوسن : شكرا يابنى
آسر : العفو يا طنط على ايه .
دق جرس الباب
آسر: دى اكيد ماما
سعاد فتحت الباب ورجعت المطبخ
نيرة : اهلا يا سوسن . عامله ايه دلوقتى .. ملك حبيبتى انتى جيتى
سوسن : الحمد لله احسن
نيرة تبصى لاسر: معقوله يا أسر متقدمش حاجه ليهم
اسر: والله سعاد بتجيبهم من جوا
نيرة: طب روح استعجلها
اسر: حاااضر ....... ....... يمشى اسر و....
نيرة: خير يا سوسن قلقتينى ايه اللى حصل
سوسن حكت لنيرة على اللى قالتوا ملك وان ثرية وسامى كانوا عايزين يقتلوا ملك
ملك كانت بتسمع الكلام وتدمع لحد ما انفجرت من البكاء (بكاء هستيرى متعرفش سببه ايه )
نيرة تخدها فى حضنها : ملك حبيبتى اهدى يا ماما متخافيش انتى دلوقتى فى بيتك ومعانا مفيش حد هيقدر يعمل فيكى حاجه
يجى اسر عليهم ويشوف ملك بالحاله دى يحس انو عايز يجرى عليها وياخدها فى حضنوا( مش عارف ليه حس بكدا يمكن عشان صعبت عليه او يمكن عشان حاجه تانيه )
آسر لنفسه : ازاى العيون دى والبراءة دى تعيط بالشكل دا اكيد فى حاجه كبيره اوى حصلت ليها.
نسرة: تعالى يا اسر حط الحاجه هنا
آسر: اتفضلى يا طنط
سوسن: شكرا يابنى
اسر: اتفضلى يا ملك
ملك : ـــــــــــــــــــ
نيرة :حطوا عندك يا اسر
حط العصير وقعد على الكرسى المقابل لملك ونيرة
سوسن لنيرة: اكيد دلوقتى بيدورا عليها واكيد استنتجوا اننا مع بعض
نيرة : انتى كلمى اختك وقوليها انك اتخانقتى فطلعتى تتمشى او قوليلها سافرتى او قوليلها اى حاجه اهم حاجه متقوليلهاش ان ملك معاكى .ولا اكنك تعرفى عنها حاجه.
سوسن: ان شاء الله انا هتصرف
آسر: هو فى ايه يا ماما
نيرة: دى ملك بنت خالك فريد.
آسر بدهشه مش مصدق :ايه ؟!
نيرة: زى ما سمعت
آسر: ازاى دا انا مش مصدق !
نيرة: لازم تصدق لان دى الحقيقه
اسر سكت ومتكلمش بس حس بحاجه حلوه
سعااااااااااااد سعاااااد
سعاد: ايوا يا ست هانم
نيرة: وضبى الاوضه بتاعت الضيوف
اه ووضبى اوضه اسر كمان عشان ملك هتنام فيها النهارده
سعاد: حاضر يا هانم
نيرة :لا اتفضلى شوفى شغلك
آسر: هى ملك هتنام معايا ؟!
نيرة: معلش يا اسر دى اختك بردوا ،على ما اوضب الاوضه بتاعتها واجيبلها الفرش المناسب ليها
سوسن: هى ممكن تنام معايا ،عشان منعملش ازعاج لاسر
آسر: لا ابدا يا طنط مفيش ازعاج خالص
اصلا السرير بتاعى كبير

بعدها بشويه
سعاد : الاوض جاهزه يا هانم
نيرة :طيب يا سعاد روحى انتى
. اسر خد ملك وصلها الاوضه بتاعتك عشان ترتاح شويه.
اسر: حاضر ..... . اتفضلى يا ست لوكا ويمشوا
نيرة لسوسن: تفتكرى عمليه ايه اللى كانوا فيها دى
سوسن: نفس السؤال اللى سالتوا لنفسى ومعرفتش الجواب

فوق فى اوضه اسر
وصل اسر ملك الاوضه وقعدها على الكرسى
اسر بمرح : ها الاوضه عجبتك
ملك هزت رسها بالايجاب
اسر: بصى انا جبتلك العصير هنا اهو لازم تشربيه
ملك : مش عايزه اشرب حاجه
اسر: يااااااه اخيرا اتكلمتى ،طب مش عايزه تشربيه ليه دا هيعجبك اوى .. بصى انا مش هسيبك غير لما تشرابيه لاما اشربهولك انا بالعافيه واداها الكوبايه
اخدت ملك الطوبايه بس اديها كانت بتترعش فالكوبايه كانت هتق منها بس اسر لحقها
آسر: مش متحاسبى . شوفتى كان هيقع عليكى
ملك بحزن: يمكن العصير مش رادى يخلينى اشربه
آسر: هههههههه لا ازاى استنى انا هشربهولك بايدى ،عدى الجمايل دى
ملك : لا شكرا مش عايزه اتعب حضرتك معايا
آسر: تتعبى مين هو انا حد غريب دا انا ابن عمتك وبلاش حضرتك دى يلا اشربى
.. بدا اسر يشربها العصير واحده واحده
..
اسر: ها عجبك
ملك : حلو شكرا
اسر: العفو ،هتنامى دلوقتى ولا هتقعدى شويه
ملك : مش عارفه
اسر: طيب افتحلك التليفزيون لا تحبى نلعب بلايشتيشن سوا
ملك بابتسامه : مش بعرف العب بلايستيشن
اسر: طب تحبى اعلمك
ملك: انا اسفه مش قادره اعمل حاجه دلوقتى
اسر: لا عادى متتاسفيش انا كنت عايز اخليكى تفرفشى شويه يعنى .
ملك سكتت ومتكلمتش
آسر تنحنح باحراج: احم احم لو تحبى اخرج واسيبك لوحدك
ملك بعفويه تعبر عن خوفها : لا خليك انا مش عايزه اكون لوحدى ،بس لو انت مش عايز تقعد نادى طنط سوسن تقعد معايا
آسر: لا خالص بالعكس انا مش مصايق خالص

 

الفصل الثانى والعشرون

عند ثريه وسامى
مريم: طب وبعدين هنفضل قاعدين كدا كتير
طه: انا روحت الدرس قالوا انها مجتش اصلا وصحابها مشفوهاش من ساتت المدرسه
سلوى بدموع: احنا لازم نبلغ البوليس
ثريه: لا طبعا بوليس ايه انتى كمان مبنفعش
طه :ليه؟!!
ثريه: كدا وخلاص وكملت بتلجلج : أ أ أفرضوا كانت اتخطفت والخاطف عرف اننا بلغنا البوليس هيموتوها.
سلوى: طب والعمل
ثرية: النهار له عنين ،يلا كل واحده تروح على بيتها طه روح وصل اخواتك وتعالى
طه : حاضر
يخرجوا كلهم من البيت ويفضل ثريه وسامى
ثريه بنفاذ صبر: انت هتفضل قاعد ساكت كدا كتير .
سامى : عيزانى اعمل ايه مش كنتى عايزه تموتيها اهى سابتلك البيت كله ومشيت
ثريه بشر: لا دى اكيد سمعت حاجه خليتها تمشى وكدا هتكون خطر علينا اكتر من الاول
سامى بصيلها بقرف ومردش عليها .
ثريه بزعيق : لا متبصليش كدا هو مين اللى كان السبب فى دا كلو من الاول مش انت مش لو كنا خلصنا عليها من زمان من ساعت ما اتولدت كان هيبقى احسن دلوقتى جاى تبصلى بقرف
سامى سابها دخل ينام
ثريه بصوت علالى : تعالا هنا انت رايح فين
سامى بعصبيه مكتومه : وطى صوتك عشان الجيران ،احنا بالليل
نسيبهم بقى يتخانوا

..............................


عند ملك واسر
ملك نامت على السرير واسر نام على الركنه عشان ميزعجهاش

ثريه جايه على ملك وملك وبتصوت جامد الحقووووونى الحقووووووووووووووووونى فضلت تجرى منها وتصوووت ومن كتر الصراخ صوتها مبقاش يطلع فضلت تجرى تجرى لحد ما لقت حيطه قدامها قعدت تضرب فيها وتصوت بصوتها اصلا اللى مبقاش موجود (متخيلين معايا الموقف ملك عايزه تطلع صوت من بوقها وعمالها تحاول ومش بيطلع اى صوت متخيلين الموقف)
ملك ببكى هستيرى وبتشاور برسها تقولها لا متقتلنيش وتصوت عايزه تطلع اى صوت من بوقها عشان حد ينقزها ودواللاسف مفيش اى صوت راضى يطلع
تطلع ثريه السكينه ولسه جايه تضربها بيها
تصحى ملك من النوم مزعوره وبصراخ جامد وبكى يخلى اى حد يبكى
ملك بفزع وبكى : لااااااااااااااااااااااااااااااااا حرام عليكى لاااااااااااااااااالااااااااا متقتلنيش
يقوم اسر بفزع : ملك ملك فى ايه
ملك بصوت مش مسموع (بصوت رايح): ق قتلتنى
آسراخدها فى حضنوا وطبطب عليها :اهدى اهدى
فجاه لقاها قطعت البكى
اسر: ملك .
ملك : مش بترد
طبع يجرى زى المجنون على اوضه مامتو
اسر: ماااااامااااااا ماااااااااماااااااااا
نيرة: ايه فى ايه يا اسر
اسر: ملك مش بتنطق جوا
نيرة بخضه : انت بتقول ايه
اسر: تعالى شوفيها بنفسك.
اخدت نيرة التليفون وراحت لملك وكلمت ساهر.
ساهر: الو
نيرة: ساهر انت فين
ساهر : فى الشركه يا عمتو بظبط شويه اوراق
نيرة: سيب كل حاجه فى ايدك دلوقتى وتعالى بسرعه وهات الدكتور معاك
ساهر: ليه فى ايه
نيرة: ملك مش بتنطق
ساهر بخضه : ايه طب انا جاى حالا
ساهر طلع بسرعه وكلم الدكتور وراح عشان ياخده من البيت
..................
نيرة بكت مش شكلك ملك . واسر كان قاعد جمبها
شويه ووصل ساهر ومعاه الدكتور
ساهر : تعالى يا دكتور من هنا بسرعه
يدخل الدكتور ويكشف على ملك
الدكتور : صدمه عصبيه .. انا كتبتلها شويه ادويه وادتها حقنه مهدئه
.. بس اللى عايزه اعرف ازاى بنت فى سنها يجيلها انهيار عصبى .لو سمحتوا اهتموا بيها شويه متخلوهاش تتعرض لاى حاجه تضايقها حاولوا ديما تكونوا جمبها على طول .
ساهر : حاضر يا دكتور شكرا لحضرتك.
يوصل ساهر الدكتور ويروح يجيب الدوا من الصيدليه وبجى
ساهر : اخبرها ايه دلوقتى
نيرة بحزن: زى ما انت شايف
ساهر : هو ايه اللى حصلها
اسر: كانت نايمه وصحيت من النوم فجاه وهى بتصرخ وتقول لالا لا حرام عيكى متقتلنيش انا معملتش حاجه
ساهر: مين دى اللى متقتلهاش
نيرة: ساهر تعالا عيزاك
اسر خليك مع ملك
آسر: حاضر



فى غرفة نيرة
تدخل نيرة وساهر وتحكى لساهر الكلام اللى ملك قالتوا لسوسن وان ثريه كانت عايزه تقتلها
ساهر سكت شويه وكانوا افتكر حاجه وبعدين قال لنيرة : هى فين سوسن دلوقتى
نيرة: نايمه تحت فى اوضه الضيوف
ساهر: طب تمام ،متقلقيش يا عمتو كل حاجه محيراكى هتعرفيها بكرا
نيرة: هتعمل ايه
ساهر : بكرا يا عمتو هفولك كل حاجه
المهم دلوقتى خلى بالك من ملك
نيرة: ساهر انا نفسى اعرف ايه البرود اللى بيبقى فيك دا وانت مع ملك
ساهر: برود ازاى
نيرة: انت مش واخد بالك من ساعت ما شوفتها وانت حتى مخدتهاش ف حضنك ولما عرفت انها جت الفيلا مدخلتش معايا ورجعت على الشركه فى ايه
ساهر: لا ابدا انا بس
نيرة مقاطعه: بس ايه ،ساهر انت لازم تحسس اختك بالامان والحنان اللى محستهوش عند الناس دى وكمان لازم تيجى تقعد معانا هنا فى البيت فى بيت بباك على الاقل عشان تبقى جمبها
ساهر: حاضر ربنا يسهل
نيرة: ربنا يهديك يابنى ويرجع فريد بالسلامه يارب
ساهر: يارب ،،انا همشى بقى
نيرة: رايح فين
ساهر : هروح البيت وقبل ما تتكلمى دا وضع مؤقت لحد ما اظبط الاوضه بتاعتى
نيرة: ماشى يا ساهر براحتك اعمل اللى انت عايزه


.......................................


فى صباح اليوم التالى
عند ساهر
صخى ساهر واخد شاور وغير هدومه وكلم واحد صاحبه ونزل عشان يقابله
وبعدين كلم نيرة و..........
نيرة: الو
ساهر: الو يا عمتوا اخبار ملك ايه
نيرة: لسه مصحيتش
ساهر: طب بصى البسى دلوقتى حالا وتعالى على النادى
نيرة: ليه خير فى ايه
ساهر: هتعرفى لما تيجى ،اه وعاتى سوسن معاكى كمان
نيرة؛ حاضر
ساهر: سلام
تغلق نيرة الخط مع ساهر وتروح لسوسن
نيرة: ممكن ادخل
سوسن: طبعا اتفضلى
نيرة: اخبارك ايه دلوقتى
سوسن: الحمد لله نحمد ربنا
نيرة: فطرتى ولا لسه
سوسن :مليش نفس
نيرة: لا لازم تفطرى ،بصى غيرى هدومك وتعالى معايا النادى نفطر هناك ونستنى ساهر لانو عايزنا
سوسن: بسس
نيرة : مبسش الهدوم ظى جبتهالك من عندى يارب تيجى مقاسك
سوسن: مش عارفه اقولك ايه
نيرة: متقوليش حاجه ويلا بقى بسرعه احسن ساهر زمانو وصل النادى
.. تسيب نيرة سوسن تغير هدومها وتروح عند ملك ،لقت اسر نايم على الكرسى جمبها


الفصل الثالث والعشرون

نيرة بحنيه : آسر
اسر بخضه : ها ملك حصلها حاجه
نيرة : لا متخافش ،بص اسمعنى كويس انا دلوقتى هلبس واروح النادى انا وطنط سوسن انت خليك قاعد مع ملك ولو زهقت خلى سعاد تقعد مكانك
آسر: لا سعاد مين انا قاعد جمبها متخافيش.
نيرة: طب يلا صحصح كدا عشان انا خلاص ماشيه
اسر: حاضر
خرجت نيرة عسان تلبس واسر دخل الحمام اللى موجود فى الاوضه بتاعته واخد دوش وغير هدومه وطلع قعد جمب ملك.اما سوسن ونيرة كانوا جهزوا وراحوا النادى

..........................

فى النادى
كان يجلس ساهر على الترابيزه مستنى صاحبه
إياد بابتسامه : ساهر باشا
ساهر بضحكه : اياد باشا
اياد وهو بيسلم عليه ازيك يا باشا ايه عاش من شافك
ساهر: والله مشاغل يا اياد مش قادر اقولك كتير اد ايه
اياد : ربنا معاك يا صاحبى
ساهر: قولى عملت ايه فى اللى قولتلك عليه امبارح
اياد : متقلقش كلو تمام
......
عند نيرة وسوسن فى النادى
نيرة: هو راح فين الواد دا
سوسن: كلميه شوفيه فين
نيرة: الو يا ساهر انت فين
ساهر: الو يا نينو انا قدامك اهو ،ورفع ايده ليها
نيرة: طيب خلاص شوفتك
نيرة وهى جايه عليهم
نيرة: ايه دا اياد ازيك يا حبيبى عامل ايه
اياد بابتسامه : اهلا يا طنط ازيك
نيرة: الحمد لله يا حبيبى،اعرفك مدام سوسن صديقتى.
إياد: اها اعرفها يا طنط ساهر فالى على كل حاجه .اهلا يا طنط
سوسن: اهلا يابنى
نيرة نبص لساهر وبعدم فهم : قالك ايه؟!
ساهر:اقعدوا بس الاول وبعدين هتعرفوا كل حاجه

................ .............

فى فيلا عند اسرو ملك
ملك بدأت تصحى
ملك : ايه دا انا فين ؟!
آسر بابتسامه : حمدلا على سلامتك يا قمر
ملك : انا عايشه صح ماما ثريه مقتلتنيش صح
آسر: محدش يفكر يجى نحيتك يا لوكا متخافيش
ملك : يعنى انا سليمه
اسر: ايوا يا ستى سليمه وميه ميه كمان
ملك : انا عايزه اغسل وشى
اسر: تعالى هاتى ايدك اسندى عليا
مسكت ملك ايده ودخلت الحمام غسلت وشها وطلعت قعدت على السرير
اسر:انا مفطرتش تحبى اجيب الفطار ونفطر هنا سوا
ملك سكتت شويه كدا وردت : ماشى
اسر خرج ونزل تحت عند سعاد وقالها تحضر الفطار وفضل واقف لحد ما خلصت

......

عند ملك فوق
بصت على هدومها لقيتها متوسخه وشكلها وحش فقامت وفتحت الدولاب بتاع اسر ولقت فيه هدوم كتير اوى وكلها عجبتها اوى ،،اخدت تيشرت من بتاعه (كان لونه ابيض وعليه كلام بالانجليزى) ،ودورت على بناطيل لكن ملقتش كلهم كانوا طوال اوى
اسر اخد الصنيه من سعاد وجاب معاها عصير وطلع الاوضه
اسر وهو داخل: انا جبتلك عصير من بتاعى اوبااااا وتنح
ملك بصتله وبصت على اللبس فقالت باحراج: انا اسفه ان اخدت من اللبس بتاعك بس انا كان لبسى مش نظيف و
اسر قاطعها: بتتاسفى على ايه يا هبله عادى .دا حتى شكلك حلو اوى فيه
اسر بصلها شويه كدا وفضل يضحك
ملك : انت بتضحك على ايه؟!
اسر وهو بيضحك: اصلك شكلك فظيف وانتى لابسه التيشرت اللى كمه اطول منك انتى شخصيا
ملك بصتله بضيق:هااا
اسر: طب خلاص يلا عشان نفطر عشان تاخدى الدوا
ملك: ماشى

........................

فى النادى
نيرة : ادينا فطرنا ها بقى مش هتفهمونى فى ايه؟!
ساهر:بصى ياستى فاكره امبارح لما حكتيلى اللى سوسن قالتو ليكى وانا قولتلك انى هروح
نيرة: ايوا فاكره
Flash back
رجع ساهر وطلع الاوضه بتاعته واتصل باياد
اياد : الو
ساهر :ايااااااااد حبيبى اخبارك يا وااحش
اياد: تمام الحمد لله يا كبير
ساهر: اوعى اكون صحيتك من النوم
اياد: لا متخفش
ساهر: بص انا عايزك فى مساله ضرورى
اياد: خير
ساهر: فاكر القضيه اللى اتعملت يوم الحادثه دى لبابا وماما
اياد: ايوا فاكروا فى حاجه
ساهر: ايوا انا عايز ملف القضيه دى عايز اشوف حاجه كدا فى المحضر بتاعها ،عايز اعرف حصلت الحادثه ازاى(ازاى كتبوها)
اياد: تمام يا باشا بكرا الصبح ان شاء الله هيكون اللى انت عايزه عندك
ساهر: حبيبى يا بوده انا عارف ان انت اللى هتخلصلى الموضوع
اياد: ههههههههه ماشى يا خويا سيبنى بقى اشوفلك اللى انت عايزه
ساهر: هكلمك بكرا عشان نتقابل
اياد: تمام
back
ساهر لنيرة : وكلمتك وكلمت اياد النهارده عشان تكونى موجوده واياد بيشرح كل حاجه يمكن نلاقى اى حاجه تربط الكلام بالحادثه
نيرة: وانت يا اياد وصلت لحاجه
اياد: ايوا يا طنط ،انا بعد ما ساهر قفل معايا انا كلمت واحد صاحبى
flash back
اياد: محسن باشا اخبارك ايه
محسن (صاحب اياد ) الحمد لله يا كبير
اياد: كنت محتاج طلب منك
محسن :انت تؤمر يا باشا خدامك
اياد: كنت عايز ملف قضيه فريد السباعى اللى زوجته اتقتلت فيها
محسن: دا امتى دا ياباشا
اياد: يعنى من حوالى12/13 سنه كدا،بس اعمل معروف انا عايزه النهارده قبل بكرا
محسن النهارده ازاى يابنى دى الساعه1باليل
اياد:معلش يا محسن بقى دى مساله حياة او موت.
محسن :حاضر يا اياد
اياد: تشكر يا باشا
back
نيرة: وجبلك الملف
اياد: ايوا
نيرة: طب موت ليلى كان ازاى
اياد: اللى فهمتوا من المحضر وكلام الشهود وكلام فريد بيه ان يوم الحادثه

 

الفصل الرابع والعشرون

يوم الحادثه

فريد اخد ليلى(مامت ملك) من المستشفى ومعاهم بنتهم وركبوا العربيه ومشيوا ،وفى طريقهم للبيت وقفتهم عربيه فى نص الطريق (العصابه) : ضربوا السواق على راسه وفريد كمان وليلى فضلت تصرخ خايفه على بنتها فقام واحد من افراد العصابه وبنجها واخدوا البنت ومشيوا
بعدها فريد وليلى والسواق اتنقلوا المستشفى فريد جرحه مكنش كبير اوى لكن السواق الضربه كانت قويه عليه ادت اللى شلل اما ليلى من كتر الحزن على بنتها المولوده دخلت فى حاله اكتئاب وللاسف ماتت
والتحريات للاسف موصلتش لاى نتيجه وبما انكوا بتقولوا ان البنت لسه عايشه يبقى فيه احتماليه انهم يكونوا اخدوا البنت وربوها عندهم تنفعهم لما تكبر بتسريحها وكدا ،،او انهم يكونوا فعلا كانوا هيموتوها بس حد اخدها منهم وهرب ودا هيتوقف على كلام الناس اللى ملك كانت عندهم.
سوسن بعدم تصديق: يعنى ممكن تكون ثرية وسامى مجرمين ومن العصابع دى
ساهر : احتمال كبير خصوصا بعد ما كانت ثرية عايزه تخلص من ملك عشان متكونش دليل عليهم
نيرة: يبقى لازم نجيبهم ونعرف منهم كل الحكايه
اياد: هيحصل يا طنط متقلقيش ،انتى بس ادينى العنوان وانا اجيبهم واخليهم ينطقوا
نيرة: بس انا معرفش عنوانهم
سوسن: انا اعرفه
اياد : تمام كدا مش فاضل حاجه،ساهر انت ممكن تتهمهم انهم خطفوا اختك ملك
ساهر: هاتهم بس وبعدين نشوف ايه اللى هيحصل
اياد : تمام

........................

عند ملك فطرت واخدت الدوا
اسر: بالشفا ان شاء الله
ملك: شكرا
اسر:تخبى نطلع نقعد فى الجنينه
ملك: هو ينفع؟!
اسر :طبعا ينفع،يابنتى دا بيتك اصلا
ملك لنفسها(صحيح هو بابا فين):ماشى
تنزل ملك مع اسر و...
اسر : عجبتك الجنينه
ملك بعفويه: اه اوووى ،اول مره اشوف حاجه بالجمال دا انا عايزه اقعد
اسر: تعالى نقعد هناك
ملك: لا انا عايزه اقعد هنا
اسر: اه يعنى اجبلك الكرسى هنا
ملك ببراءة: لا يبنى .بص انا هقعد على الارض نفسى احس بيها
اسر:ماشى وانا هقعد معاكى.
تقعد ملك على الخضرة فى الارض وتبقى فرحانه اوى ومبسوطه
ملك : عااااااااا
اسر بخضه:ايه فى ايه
ملك :ههههههه لا مفيش اصلى فرحانه شويه
اسر:والله فرحانه تقومى تقطعى خلفى
ملك : انا اسفه مش قصدى اقطعه
اسر بضحك على اسلوبها: هههههه لا ولا يهمك اقطعيه عادى
ملك تضحك وهى بتلف راسها تلاقى بسين
ملك: اسر اسر هو ينفع انط فى البسين
اسر: يابنتى قولتلك مره ان دا بيتك تعملى فيه اللى انتى عيزاه
تروح ملك عند البسين وتفضل تلعب فيه باديها

......................

فى النادى ساهر يكون مشى مع اياد عشان عنده شغل فى الشركه وفضلت نيرة وسوسن.
نيرة: قوليلى انتى كلمتى امال ولا لسه
سوسن : اه كلمتها زفهمتها انى بخير وسالتنى عن ملك بس قولتلها انى معرفش اى حاجه عنها
نيرة: وهى صدقتك ؟!
سوسن: متقلقيش انا ظبط كل حاجه
نيرة: طب تمام احنا بقى دلوقتى محتاجين نكلم الاسطى عشان يجى يوضب الاوض دى وكمان عايزين ننزل نشترى لبس لملك وليكى
سوسن: لا انا كفايه اوى عليا الطقم دا وبعدين انا هروح على بيتنا تانى وبينى وبينك كدا انا مش هقدر اروح فى حته
نيرة:خلاص اجبلك اللبس لحد عندك
سوسن:والله كدا كتير
نيرة: مش كتير على اللى رجعت بنت اخويا لحضننا

..................

عند ساهر فى الشركه
يوصل ساهر الشركه ويطلع مكتبه شويه والسكرتيره تستاذن لدخول المحامى شومى
ساهر: خليه يدخل
السكرتيره: تحت امرك يا فندم
ساهر : ادخل يا شوكت
شوكت : صباح الخير يا فندم
ساهر: صباح النور .ها عملت ايه فى موضوع المصنع
شوكت : كلو تمام الحمد لله مفيش خساير كتير حصلت ودلوقتى بيتم اصلاحه
ساهر: معرفوش مين اللى عمل كدا
شوكت : لا لسه
ساهر: بس انا بقى عارف ،دا لعب كبير اوى بس انا مش هسيبهن بردوا
شوكت: هدى اللعب شويه المره دى حصل حريق من عالم المره الجايه هتكون فين.
ساهر: متقلقش انت بس وسيبها على الله.
شوكت:ونعم بالله
ساهر: شكوت استنى عايزك

.........................

فى الطريق نيرة كانت بتكلم حد فى التليفون
نيرة بضيق:اوووف رد بقى
سوسن: فى حاجه يا نيرة
نيرة: ها لا مفيش حاجه
.............
توصل نيرة وسوسن البيت
نيرة: سعاد
سعاد: ايوا يا هانم
نيرة: فين الولاد
سعاد: فى الاوضه(الريسبشن)
نيرة: فطروا
سعاد:ايوا
نيرة: طب روحى كلمى الاسطى يجى عشان الاوض اللى فوق عايزه تتوضب
سعاد :حاضر يا هانم
تدخل نيرة لملك
نيرةبابتسامه: بتعملوا ايه
اسر:بنتفرج على الكارتون
نيرة: كارتون هو انت صغير يا اسر
اسر: اعمل ايه بقى حكم القوى ويبص لملك.
ملك: انا يا عمتوا اللة مشغلاه اصلى انا بحب اتفرج على الكارتون اوى .
نيرة: ولا يعمك يا روحى انا بهزر . كلمه عمتو طالعه منك زى العسل منك
ملك بابتسامه: مرسى
نيرة: ايده دا يا لوكا ايه اللى ملبسك كدا
ملك بخجل:اصل هدومى كانت مش نظيفه فاخدت تيشرت من عند اسر
نيرة: اعملى حسابك اننا هننزل النهارده نشترى ليكى لبس جديد
اسر: وانا
نيرة: انت ايه
اسر: مش هاجى معاكوا
نيرة: عايز تيجى تعالا .وبعدين انت مش وراك مذاكره
اسر: عادى بقى مجتش من يوم يا ماما
نيرة:ماشى يا فالح
ملك : هى فين طنط سوسن
نيرة: فى اوضتها بترتاح شويه

................

عند ثريه وسامى
طه: طب وبعدين لو كانت اتخطفت كان زمان اللى خطفها اتصل عشان فلوس .بس لحد دلوقتى مفيش حد ولا ليها اثر
ثريه:________
سامى : ان شاء الله خير
جرس الباب ضرب .ثريه تقوم تقف فى خوف
وطه يفتح الباب
الظابط: مساء الخير
طه: مساء النور
الظابط: دا بيت الاستاذ سامى سلمان
طه : ايوا
الظابط: هو موجود
طه:ايوا ثانيه واحده
بابا كلم
سامى :مين
طه :شكلوا ظابط
ثريه بخوف: متروحش
سامى: استنى بس ... ويروح سامى للظابط
سامى: ايوا يا فندم
الظابط: ممكن حضرتك تتفضل معانا
سامى: ليه فى حاجه
الظابط : الحقيقه مش عارف لما نوصل هتعرف كل حاجه
سامى: طب ثانيه اغير هدومى واجى مع حضرتك
الظابط: اتفضل
يدخل سامى يغير هدومه
ثريه بخوف : ايه عايز ايه
سامى: مش عارف
ثريه: انت بتعمل ايه. انت هتروح معاهم
سامى: ايوا
ثريه بدموع: لا متروحش
ابوس ايدك متروحش هيسجنوك


الفصل الخامس والعشرون

ثرية: لا متروحش ،ابوس ايدك هيسجنوك
سبها سامى وراح للظابط ومشى معاهم
طه:هو بابا راح معاهم ليه
ثرية: بتبكى ومش بترد
طه: ماتفهمينى يا ماما فى ايه
ثرية: مش عارفة
طه: امال بتبكى ليه
ثرية بعصبية: اسكت بقى اسكت

.......................

فى الفيلا
يوصل الاسطى ويشوف الأوض
نيرة: ها يا اسطى الاوض هتحتاج وقت قد ايه وتخلص.
الاسطى: يعنى 10/9ايام ولا حاجه
نيرة: لا انا عيزاها فى وقت اقل ان شلى تشتغل شعل اضافى والفلوس اللى انت عايزها
اسطى: اخر حاجه4 ايام بصراحه غير كدا مقدرش
نيرة: طيب هتبدا من امتى
الاسطى: من النهارده بالليل او بكرا بالكتير اوى
نيرة: طيب تمام ياريت متتاخرش
يمشى الاسطى وتروح نيرة تطمن على سوسن.
نيرة: ها عامله ايه دلوقتى .
سوسن:الحمد لله احسن
نيرة: طيب هتتغدى معانا برا ولا اجبلك الغدا هنا
سوسن: اعذرينى بجد اسفه مش قادره اطلع برا
نيرة: خلاص هخلى سعاد تجبلك الغدا هنا،هروح اشوف الولاد.
...
نيرة: سعااد
سعاد: نعم يا هانم.
نيرة: الغدا جاهر
سعاد: ايوا خلاص قرب يجهز
نيرة: طيب حضريه ولو سمحتى حضرى صنيه لمدام سوسن فى الاوضه.
سعاد: حاضر

....................

ملك كانت عايزه تسال اسر على حاجه بس رجعت فى كلامها
ملك: اسر
اسر:نعم
ملك: اا خلاص مفيش
اسر: لا قولى
ملك: مش عايزه اقول حاجه
اسر: لا قولى كنتى عايزه تقولى ايه
ملك: احم ،مفيش كنت زهقانه قولت ارخم عليك شويه
اسر بابتسامه: والله
ملك: والله
اسر: ههههههه ماشى
ملك: تعرف انى اول مرة اكلم ولد كدا
اسر: كدا ازاى يعنى
ملك: يعنى اتكلم كدا واضحك كدا
اسر: يابنتى هو انا غريب دا انا ابن عمتك
ملك بابتسامه: ماشى يا ابن عمتى
اسر: عسل
ملك : عارفه
اسر بمرح: ايوا الواد اللى واثق من نفسوا دا
ملك: ههههههههه
اسر: عسل بردوا
نيرة تدخل عليهم
نيرة: بطلوا رغى بقى،يلا عشان تتغدوا
ملك ،اسر: حاضر
..
على السفرة
نيرة: بعد ما ناكل هنروح نشترى لبس ليكى اوكى
ملك : اوكى بسس
نيرة: بس ايه
ملك:تبص للبسها ،همشى كدا فى الشارع
نيرة: لا متخافيش احنا هنركب العربيه مش هنمشى اصلا
ملك بابتسامه عفويه: اوكى.
يخلصو اكل وملك تتطمن على سوسن وتطلع فوق
ملك: اسر
اسروهو بيلف راسه ليها: نمعيين
ملك بحرج : ممكن طلب معلش
اسر:انتى تأمرى
ملك: ممكن تيشرت تانى من عندكزومعاه بنطلون عشان دول مش هينفع اروح بيهم المحل
اسر: بس كدا انتى تأمرى
ايه رايك فى دا .
ملك: بس دا كات
اسر: عشان ميبقاش طويل عليكى زى دا
ملك بطفوله: لا ياعم هاتوا طويل احسن.
اسربابتسامه: ماشى ياستى.
ايه رايك فى دا نص كم اهو
ملك بعفويه: ماشى دا كويس، هاتلى بقى بنطلون
اسر : انتى داخله على طمع بقى
ملك: معلش بقى
اسر: بس هيبقى طويل عليكى اوووى
ملك: ما انا هرفعه
اسر: ماشى
ملك : اسر
اسر: نننننننننعم
ملك: ممكن البنطلون يكون لونه اسود عشان ميبنش انو صبيانى
اسر: حااااااااااااضر
(يعينى الواد زهق)
اخدت ملك الهدوم واسر اخد هدومه وراح فى اوضه مامته وساب ملك عشان تغير فى الاوضه بتاعتو.. لبست ملك الهدوم وكانت شكلها حلو اوى ويضحك.
.اسر؛ايه الحلاوه دى
ملك: اتريق اتريق
اسر: والله ابدا مش بتريق
نيرة من تحت: يلا يا ملك
ملك : حاضر
ركبت ملك ونيرة ورا واسر ركب جمب السواق ووصلوا المول وفضلو يلفوا كتير واشتروا حجات كتير لبس للخروج وللبيت وفساتين سواريه واسر كان بينقى معاها اللبس لان ذوقه كان حلو

..............

فى قسم الشرطه التابع للمركز اللى فيه سامى
الظابط:تمام يا فندم سامى موجود معانا برا
اياد: طب دخلوا
الظابط: حاضر يافندم
يدخل سامى لاياد و....
اياد: ازيك يا استاذ سامى
سامى: الحمد لله ياباشا
اياد:طب الحمد لله .. يسكت شويه فى جو من التوتر والقلق عند سامى
سامى: خير ياباشا فى حاجه انا عملتها عشان اجى هنا.
اياد بثقه خوفت سامى: بص منحية عملت فعملت كتير بس مش دا اللى انت جاى عشانه
سامى:ا امال عشان ايه
اياد: انت جاى عشان ملك
سامى بتوتر: مملك ملك بنتى مالها
اياد بضحكه سخرية: ياراجل قول كلام غير دا ،هى لو كانت بنتك بردوا كنت هتموتها
سامى: انا مموتهاش
اياد:المفروض انى اصدقك
سامى وهو بيبلع ريقه بتوتر:انا هقول لحضرتك كل حاجه
اياد فى البداية افتكر انو هيكدب عليه لانو هيقول كل حاجه كدا بسرعه لكن كان مضطر يسمعه عشان يعرف ايه الموضوع.
اياد:اتفضل
سامى: أ أنا كنت زمان بشتغل مع ناس فى فى الشمال احم عصابه يعنى كنا بنشتغل تبع اللى يدفع اكتر
اياد: يعنى ايه
سامى: يعنى اللى كان عايز مصلحه من اى نوع كان يدفع لنا الفلوس واخنا نقوم بيها من غير ما حد يعرف الشخص اللى دفع الفلوس
اياد :وبعدين كمل
سامى:فى يوم الريس بتاعنا قالنا ان فى عمليه جديده يعنى زى لوى دراع كدا وتهديد عشان الشخص صاحب المصلحه دى ياخد اللى عايزه من ابو الطفل اللى هنخطفه
اياد: وبعدين
سامى:فى يوم حددوا معاد العملية وعرفنا بعدها ان الراجل اللى هنخطف بنته دا فى الطريق ،وخلاص جهزنا ونفذنا العملية واخذنا الطفله وكان باين عليها لسه مولوده،بعد الحادثه بحوالى يومين عرفنا ان ام البنت دى ماتت ،والباشا اللى المصلحه دى تبعه امرنا اننا نتخلص من البنت دى.
اياد: وايه اللى حصل بعد كدا
سامى: المعلم بتاعنا كلفنى انا اللى اخلص منها لانو كان بيثق فيا،بس انا مقدرتش اموتها . البنت كانت زى القمر وعلى وشها ابتسامه جميله ،حاولت اتخلص منها بكل الطرق لكن للاسف معرفش اين اللى حصل ، هربت بيها فى بلد تانيه وحسيت ان دى اشارة من ربنا ان اللى بعمله دا هيترد فى ولادى
اياد: وعملت ايه مع ولادك وانت داخل عليهم بيها
سامى: قولتلهم انى لاقتها قدام باب الجامع وصعبت عليا فجبتها هنا تتربى معانا
اياد: ومراتك
سامى بتوتر باين عليه:م مهو مهو
اياد: مهو ايه
سامى:ثثريه كانت بتشتغل معانا
اياد:وهى وافقت كدا بالسهوله دى
سامى:لا طبعا بس انا اقنعتها اننا عندنا بنات وهنبقى بنعرضهم للخطر معانا لان اكيد هيحصل فيهم نفس اللى عملناه مع الناس الاى كنا بنخطف عيالهم
اياد:وبعدين كمل
سامى:اخدت ثريه والولاد وملك وسافرنا و...

قصص مشابهة:
الآراء والتعليقات على القصة
قصص و روايات مختارة