رواية ملاكي الحارس للكاتبة لولو الصياد الفصل السادس
امل: عشا لا خلاص كمل عشا لوحدك واخدت شنطتها ومشيت...
اكمل يناجى عليها ولكنها لا تتوقف ولا تنظر له وكانها لم تسمع شىء فكانت غاضبه للغايه من طريقه اكمل في الحديث ومعاملته لها وعدم تقديره للناس حولهم وعصبيته في الحوار بينهم خرجت امل للخارج ولكن وجدت احد الحرس التابعين لاكمل...
الحارس: اتفضلى يا فندم العربيه هنا...
امل: لا شكرا هركب تاكس...
الحارس: حضرتك اكمل بيه امرنى حضرتك تستنى في العربيه...
امل بعصبيه: غور من وشى احسنلك...
الحارس: يا فندم...
امل: انت ايه غبى مبتفهمش قلتلك هركب تاكس...
الحارس: يا فندم...
قطع كلام الحارس صوت أكمل: روح انت...
الحارس: اوامرك يا فندم...
أكمل موجه حديثه لامل: اتفضلى قدامى ع العربيه...
امل: لا هروح لوحدى...
اكمل: يا امل امشى قدامى خلى الليله دى تعدى على خير
امل: قلتلك همشى لوحدى واللى انت عاوزه اعمله...
أكمل: إذا كان كده ماشى...
مسك ايديها جامد وكان يجرها خلفه جر اللى السياره وامل تحاول ان تفلت نفسها منه ولكن لاحياه لمن تنادى فكان الغضب يعمى عيون اكمل ويا ويل أمل من غضب أكمل...
امل: سيب ايدى ابعد عنى ملكش دعوه بيا...
اكمل: لا يرد ووصل: الى السياره وفتح الباب ووضع امل داخل السيارة واغلق الباب والتف حول السياره وركب بجانبها...
امل: انت ازاى تعمل كده انت مين علشان تعاملنى كده.
اكمل: التفت لها ونظر لها نظره كلها غضب: انا جوزك يا هانم واللى عاملتيه ده ميتعملش مع اكمل ابدا لا عاش ولا كان اللى يعمل كده...
امل: ههههههههه ضحكة سخريه اه فعلا
أكمل: معنى الضحكة ايه بئه ان شاء الله
أمل: ياريت تروحنى ومش عاوزه اتكلم لحد ما نوصل وبعد كدا خلاص
اكمل: معنى الكلام بئه ياريت
امل: يعنى اسلوبك ده مينفعش انت مش سى السيد لو ده اسلوبك يبقى نطلق من دلوقتى احسن...
ماهذا ماذا حدث هلى صفعنى بالفعل: لم تشعر امل سور بصفعه قويه تنزل على وجهها: نظرت الى اكمل ووضعت يدها على وجهها نعم لقد صفعنى لا مستحيل اكيد هذا حلم...
امل بصدمه هو ضربنى بجد لا اكيد انا بحلم مستحيل يكون اللى حصل ده حقيقى معقول انا حد يمد ايده عليا ده بابا عمره ما عملها ويكون اللى يمد ايده عليا اكتر شخص حبيته واتمنيته لا مستحيل ده حلم وكانت تنظر لاكمل بشرود تام وفاقت على صوته الغاضب...
اكمل: القلم ده علشان يفكرك دايما انك لو قولتى كلمه طلاق دى تانى هيكون عقابك عسير جدا.
امل: لم ترد وكانت تنظر له مستحيل يكون هو ده الشخص اللى وافقت أكمل حياتى معاه لا مستحيل...
اكمل: كمان علشان لما نكون مع بعض في مكان متتحركيش من مكانك غير لما انا اقول غير كده تفضلى مكانك ولو حبيتى حتى تصلحى مكياجك تستاذنى منى مش سايبه والدلع ده انا مش بحبه...
أمل: وهى مخنوقه ومش قادره تتكلم نفسها تعيط بس ماسكه نفسها بالعافيه علشان ميفتكرش انها ضعيفة: لو سمحت روحنى من فضلك...
اكمل: ما شى يا امل بس لسه مخلصناش...
قاد اكمل السياره هذه المره ووصل الى المنزل في وقت قياسي لانها كان يسير بالسياره بسرعه رهيبة للغايه...
امل نزلت من السياره بدون ان تتحدث
اكمل: استنى عندك مش سواق حضرتك انا...
امل وقفت مكانها واستنته ودخلو سوا
مروان: حمد لله على السلامة جايين بدرى يعنى
امل: عن اذنكم انا تعبانه وهطلع انام تصبحوا على خير...
طلعت امل وظل اكمل ومروان مكانهم اكمل غاضب بشده لانها احرجته امام والدها ومروان مندهش مما يحدث...
مروان: في ايه امل مالها انتم اتخانقتوا...
اكمل: لا مفيش حاجه عن اذنك همشى انا وان شاء الله نتقابل بكرة في الشركة...
مروان: زى ما تحب مع السلامه
اكمل: الله يسلمك
خرج اكمل وهو يكاد ينفجر من الغيظ انا اكمل يتعمل معايا كده انا هعرفك ازاى تتعاملى معايا والايام بينا...
عند امل في الاوضه: امل اول ما طلعت اوضتها فضلت تعيط كتير جدا وتفكر ازاى اتعشت في اكمل كدا مستحيل يكون ده هو الفارس اللى هي استنته طول حياتها لا مستحيل بس انا لازم اتصرف ايوه فعلا هو ده اللى لازم يحصل انا اخدت قرارى مش هرجع فيه ولازم اقوله لبابا حالا...
امل اخدت قرارها وقررت تنزل لوالدها علشان تبلغه القرار...
امل نزلت وقابلت احد الخدم: بابا فين
الخادمه: في المكتب يا فندم.
امل: اوك شكرا روحى انتى شوفى شغلك
الخادمه: حاضر يا هانم...
امل توجهت الى مكتب والدها وطرقت الباب
الاب: ادخل...
امل دخلت وقفلت الباب وراها...
مروان: امل حبيبتى انتى مش قولتى هتنامى...
امل: اه بس كنت عاوزك في موضوع الاول ممكن...
الاب. اه طبعا يا حبيبتى اقعدى اتفضلى قولى اللى انتى عاوزه هو انا عندى كام بنوته حلوه
امل: بحزن ربنا يخليك ليا يا بابا
الاب: مالك يا امل شكلك حزين ليه في حاجه حصلت...
امل: بابا انا عاوزه اسيب اكمل...
الاب: ليه ايه اللى حصل
حكت امل لوالدها ما حدث بينها وبين اكمل...
الاب: بعصبيه: ازاى يمد ايده عليكى هو اتجنن ولا ايه انا هتصرف معاه
أمل: بحزن: بابا ارجوك: انا بس عاوزه أطلق واسيبه بليز مش هقدر اكمل كده
الاب: خاضر يا امل اللى انتى عاوزه بكره هقوله وان شاء الله خير اطلعى انتى ارتاحى وبكره لما ارجع هحكيلك اللى حصل
امل: ميرسى يا بابا تصبح على خير
الاب: وانتى من اهل الخير...
طلعت امل غرفتها ومن كثرة الارهاق نامت بسرعه...
جاء الصباح وذهب والد امل الى شركته وكان ينتظر أكمل بفارغ الصبر...
السكرتيره: مروان بيه: اكمل بيه مستنى بره
مروان: خليه: يتفضل...
دخل اكمل: صباح الخير
مروان: صباح النور اتفضل اقعد
اكمل: شكرا ربنا يخليك اخبار امل ايه
مروان: كويسه الحمد لله بس
أكمل: بس ايه هي تعبانه ولا حاجه...
مروان: لا بصراحه امل حكت ليا اللى حصل وانك ضربتها.
اكمل: بهدوء: اظن انها مراتى وانا حر اتصرف معاها ازاى مروان: ازاى انا بنتى مش اللى تتعامل كده
اكمل: مروان بيه امل مراتى ودى حياتنا ومسمحش لحد يتدخل فيهامع احترامى لحضرتك طبعا
مروان: بس امل طالبه الطلاق ومش عاوزه تكمل معاك.
اكمل: نعم طالبه ايه...
مروان: طالبه الطلاق ومش عاوزه تكمل في العلاقه دى وقرارها نهائى
اكمل: لا دى اكيد اتجننت وانت ازاى توافق على حاجه زى دى
مروان: بص يا أكمل انا من الاول قولتلك انا مش هغصب على امل في موضوع الجواز وانت قلتلى دى مهمتك انما تضربها وتعاملها كدا لا مش هينفع كده
أكمل: خضرتك عارف انى انقذت شركتك من الدمار وممكن ارجع في كلامى
مروان: يعنى ايه تهديد
اكمل وقف مكانه: افهم زى ما تفهم.
مروان: انت رايح فين لسه بتتكلم
اكمل: رايح اشوف مراتى واعرف ازاى تدخل حد بينا
مروان: اكمل مينفعش...
اكمل مشى وسابه ومعبرش كلام مروان
مروان: اكمل: اكمل: ولكن لا حياه لمن تنادى اكمل مشى وكان الغضب عميه...
امل في البيت بتكلم سماح: امل بدموع: والله زى ما بقولك ضربنى
سماح: ازاى ده هي سايبه وانكل مروان فين
امل: انا حكيت لبابا وهو هيتصرف ويطلب منه الطلاق
سماح: قلتلك قبل كده بلاش تسرع انما انتى مش بتسمعى الكلام.
امل: خلاص بئه يا سماح حرام عليكى فيا اللى مكفينى...
في الوقت ده وصل اكمل البيت ودخل سال على امل قالوا الخدم انها في غرفتها...
امل بتكمل كلام مع سماح...
امل: انا فعلا حاسه انى اتسرعت يا ريتنى سمعت كلامك
سماح: قدر الله وماشاء فعل مش مهم اهم حاجه متتسرعيش في طلب الطلاق برده علشان متندميش
امل: لا خلاص لازم اطلق...
فجاءه الباب اتفتح ودخل أكمل ووجه لا بنذر بالخير بل تكاد تكون عصبية الدنيا متجمعه فيه.
امل: سماح هكلمك بعدين باى
سماح: في ايه...
امل قفلت السكه ومردتش عليها
أمل. هي تنظر لاكمل بغضب: انت ازاى تطلع هنا مين سمحلك بكده نهارهم اسود
اكمل: اطلع هنا لا فوقى انتى مراتى يعنى لو هشوفك عريانه حتى ده حقى
أمل: انت قليل الادب
اكمل: واضح انك عاوزه تاخدى قلم تانى علشان تفوقى
امل: وهى ترجع للخلف والله يا أكمل ان قربت منى لصوت والم كل اللى في البيت
اكمل: قلتلك وهرجع اقولها انتى مراتى ومحدش يقدر يحوشنى عنك.
امل: انت عاوز ايه دلوقتى
اكمل: بعصبيه انت ازاى تقولى لابوكى اللى حصل بينا وازاى تطلبى الطلاق
امل: لانى مش عاوزه اكمل وده بابا
اكمل: اظن قلتلك قبل كده محدش يدخل بينا
امل: ده لو هنكمل مش نطلق
اكمل: تانى كلمه طلاق بصى يا بنت الناس انتى مراتى ومش هطلقك إلا على جثتى انتى فاهمه
امل: لا هطلق واللى عاوزه اعمله
اكمل: انا...
قطع حديثهم صوت طرق على الباب
اكمل فتح
الخادمه: امل هانم الحقى مصيبة...