قصص و روايات - قصص رومانسية :

رواية زوجتي المصون للكاتبة ملك إبراهيم الفصل السادس

رواية زوجتي المصون للكاتبة ملك إبراهيم الفصل السادس

رواية زوجتي المصون للكاتبة ملك إبراهيم الفصل السادس

الموظف المسؤل في الفندق: صباح الخير يافندم
مازن: انا كنت بسأل عن البشمهندس عمر المنياوي حد شافه
الموظف: البشمهندس عمر سافر.

مازن: انت بتقول ايه سافر امتي وازاي
الموظف: حضرته طلب مننا نحجزله على اول طياره لإيطاليا وميعادها كان من حوالي ساعتين
مازن يحدث نفسه: مش معقول طب وهنا
حاول مازن الاتصال بعمر مرة أخري ولكن هاتفه مغلق
مازن: طب وبعدين هقول لهنا ايه دلوقتي
في غرفة هنا كانت بتجهز شنطتها
صوت الهاتف
هنا: الو
مازن بتوتر: هنا بعد اذنك ممكن تنزلي دقيقتين في حاجه مهمه عايز اتكلم معاكي فيها.

هنا: حاضر يابشمهندس انا اصلا كنت بجهز حاجتي ونازله
مازن: تمام انا منتظرك
بعد قليل
مازن: انا بجد اسف ياهنا المشكله الا حصلت دي غصب عننا كلنا وكان لازم عمر يسافر بسرعه
هنا: يعني ايه يعني انا هفضل على ذمته كتير كدا انا بابا لو عرف حاجه زي كدا هيموت فيه
مازن بتأكيد: ماتقلقيش والله انا هسافر النهارده نحاول نحل المشكله دي وفي اسرع وقت هنكون هنا انا وعمر يطلقك وانا بنفسي همحي اي ورق بيثبت جوازكم او طلاقكم.

هنا: ماشي يا بشمهندس انا واثقه فيك بس حاول ماتتأخروش عليا والنبي
مازن: ماتقلقيش وانا ممكن احجزلك هنا في الاوتيل لحد مانرجع.
هنا: لاء شكرا انا هاقعد عند واحده صحبتي هنا
مازن: زي ماتحبي هستأذن انا عشان ميعاد الطياره عن اذنك
هنا: اتفضل
في إيطاليا.

وصل عمر منزله ودخل مباشرة على غرفة مكتبه وهو يحمل ملف بيده جلس وفتح الملف ظهرت صورة هنا وبعض الاوراق بها معلومات دقيقه وتفصيليه عن حياتها وعن اهلها حزن عمر وهو يقراء بالملف عن موت والدتها منذ بضعة اشهر وزواج والدها وأقامة هنا في بيت صديقتها
فتح عمر هاتفه واتصل ب مازن
مازن: الو اخيرا ظهرت ممكن اعرف ايه الا انت عملته ده ازاي تسافر كدا من غير ما اعرف وكمان قافل تليفونك مش عارف اوصلك.

عمر: انا كنت قافل التليفون عشان كنت في الطياره ولسه واصل البيت حالا قولي عملت ايه مع هنا
مازن: هعمل ايه اخترعتلها حجه لضرورة سفرك المفاجاء المهم قولي انت عملت كدا ليه?
عمر: مش ضروري تعرف دلوقتي
مازن: تمام عموما انا في طريقي للمطار دلوقتي ولما اوصل ان شاءالله نتكلم.
عمر بغضب: طريقك للمطار ازي انت سِبت هنا لوحدها في الاوتيل?
مازن: لاء هنا هي كمان سابت الاوتيل
عمر: راحت فين?
مازن: تقريبا عند واحده صحبتها.

عمر وهو ماسك صورة هنا في ايده: ارجع حالا يامازن مفيش سفر انت لازم تفضل في مصر
مازن: هفضل في مصر اعمل ايه
عمر: تشتري شقه حالا في احسن مكان في القاهره وتدي المفتاح لهنا تقعد فيها مش مرات عمر المنياوي الا ماتلاقيش مكان تقعد فيه وتروح لصحبتها
مازن: عمر انت ناسي ان هنا مراتك على الورق وبس والمفروض كنتم تطلقوا النهارده انا لسه اصلا مش عارف انت سافرت ليه قبل ماتطلقها عمر هو فيه حاجه انا مش عارفه?.

عمر: مش وقته يا مازن اهم حاجه تعمل زي ماقولتلك وتفضل قريب منها ولو احتاجت اي حاجه تكون موجود انا هقفل دلوقتي وبكره هكلمك تكون عملت الا قولتلك عليه، سلام.
مازن يحدث نفسه بذهول: سلام هو ايه الا بيحصل ده وانا دلوقتي لو قولت لهنا اتفضلي مفتاح شقة تقعدي فيها هتعمل ايه مستحيل توافق طبعا يبقي لازم افكر في حل وحاجه تخليها توافق.
اليوم التالي بمنزل دينا.

هنا: وبرضه مشكلتي ماتحلتش انا لازم الاقي شغل ويكون مناسب لمواعيد الجامعه
دينا بتفكير: طب ماتكلمي أحمد اخوكي واحكيله الا حصل واكيد هيساعدك
هنا: لاء طبعا انا مش عايزه اشيله هم فوق همه عايزاه يركز في شغله وبس ربنا يوفقه
دينا: طب هتعملي ايه
هنا: مش عارفه بس حسه ان ربنا هيحلها قريب إن شاء الله.
(صوت الهاتف) ايه ده دا بشمهندس مازن
دينا: بشمهندس مازن مين?
هنا: استني هقولك، الو ازيك يابشمهندس.

مازن: ازيك ياهنا عامله ايه
هنا: الحمدلله تمام هو حضرتك ماسفرتش ولا ايه
مازن: اه ماسفرتش ظهرت مشكله في الشركه هنا كمان واضطريت افضل عشان احلها بقولك ياهنا انتي قولتيلي انك في رابعة هندسه صح
هنا: اه.

مازن: اصل كنا محتاجين في الشركه مهندسين يكونو لسه بيدرسو يتعلموا ويتدربوا على ادينا وطبعا هياخدوا مرتب كويس واول مايتخرجوا يتوظفوا في الشركه تلقائي ووقتها هيكون عندهم خبره كبيرة في شغلنا وبصراحه انا فكرت فيكي ايه رأيك
هنا بفرحه كبيرة: طبعا موافقه
مازن: تمام يبقي تيجي الشركه بكره ونتفق على كل حاجه
هنا: حاضر متشكره لحضرتك جدا مع السلامه
هنا بفرحه وطنطيت الحمدلله يارب مش قولتلك يادينا ربنا هيحلها.

دينا: ايه الا حصل
هنا: هحكيلك
في بيت والد هنا
والد هنا: لاء ياسمر اخوكي ماينفعش ل هنا
سمر: ليه ان شاءالله لاتكون شايفنا مش قد المقام!
والد هنا: انا ماقولتش كدا ياسمر بس اخوكي يعني مابيشتغلش ولا كمل تعليمه دا لحد دلوقتي عايش عاله عليكم انما هنا بنتي كلها سنه وتبقا مهندسه قد الدنيا
سمر بغل وبدون تفكير: لاء ياعبد الرحمن مش هتبقا
والد هنا باستغراب: مش هتبقا ايه ياسمر.

سمر بمكر: قصدي يعني مش هتبقا مرتاح وبنتك بعيده عنك كدا ماتعرفش بتعمل ايه ولا عايشه مع مين مش ممكن شاب صايع من بتاع اليومين دول يضحك عليها بكلمتين ويغلطوا مع بعض ووقت ساعتها بقا ولا هينفعك تعليمها ولا شهادتها
والد هنا: هنا بنتي عمرها ماتعمل كدا انا مربيها احسن تربيه.

سمر: مربيها اه بس مش مربي ولاد الناس فكر في كلامي وهتلاقي عندي حق وبعدين مين قالك ان حسن اخويا هيحرمها من الكليه دا هيشجعها تكمل بس وهي مراته وعلى ذمته.
والد هنا: طب سبيني يومين افكر كدا ياسمر وارد عليكي
سمر: فكر ياحبيبي برحتك وتأكد اني عايزه مصلحة بنتك.
يوم جديد في شركةos جروب
مازن: نورتينا يا هنا
هنا: بنور حضرتك يابشمهندس انا بجد متشكره جدا على الشغل ده.

مازن: علي ايه بس المهم اي مشكله تقابلك او اي حاجه مش فهماها انا موجود تمام
هنا: تمام
مازن: واه قبل مانسا احنا عاملين هنا في الشركه سكن للموظفات المغتربات قريب من الشركه هنا لو حبه تنقلي اقامتك معاهم هيكون اريحلك، ثانيه واحد
الو، لوسمحتي يا بشمهندسه تجيلي المكتب دلوقتي
انا هعرفك على بشمهندسه الاء مهندسه معانا في الشركه ومقيمة في سكن المغتربات.

. اهلا بشمهندسه الاء اعرفك ب بشمهندسه هنا مهندسه جديده معانا في الشركه هستأذنك بس تعرفيها على السكن عشان هتتنقل للأقامه معاكم ان شاءالله
اتفضلي معاها يا هنا
ذهبت هنا بستغراب من افعال مازن لأنه ماسمحلهاش حتى تفكر في موضوع السكن ده وماكنش قدامها حل غير انها فعلا تتنقل للسكن في شقة الموظفات المغتربات.

بعد حوالي اسبوع بدون احداث عملت هنا في الشركة وكانت سعيده جدا في العمل والسكن ولكن موضوع جوازها كان قلقها جدا خصوصا تجاهل مازن للموضوع وعدم حديثه معها عن ميعاد رجوع عمر واتمام الاتفاق ولكنها قررت ان تتشجع وتسأله اليوم.
في الشركة
الاء: هنا في تليفون علشانك
هنا: علشاني انا، الو، مين، تمام انا نزله حالا
هنا امام الشركة بستغراب: بابا!

والد هنا وهو بيحضنها: حبيبتي وحشتيني قولت اجي اشوفك لما انتي نستيني ومابتسأليش
هنا وهي تنظر لسمر وبجانبها حسن اخوها: ما انا ماكنتش حبه ازعج حضرتك في شهر العسل
سمر وهي تحتضنها بطريقه مبالغه: وادينا احنا الا جنالك اهوه ياعروسه.
صباح الخير: قالها مازن وهو يقترب منهم
مازن: ايه يا هنا في مشكله ولا حاجه?
هنا: لاء يابشمهندس. بابا بس جاي يطمن عليا
هنا بتعرف ابوها على مازن: حضرته البشمهندس مازن مدير الشركه.

مازن: اهلا وسهلا بحضرتك
والد هنا: اهلا بيك يابشمهندس
سمر بمياعه: وانا سمر
هنا بغيظ من طريقة سمر: وحضرتها سمر مرات بابا والاستاذ اخوها
سمر: ويبقا خطيب هنا.

الفصل التالي
جميع الفصول
روايات الكاتب
روايات مشابهة