قصص و روايات - قصص رومانسية :

رواية حب بلا قيود للكاتبة أسماء صلاح الفصل الثالث

رواية حب بلا قيود للكاتبة أسماء صلاح جميع الفصول

رواية حب بلا قيود للكاتبة أسماء صلاح الفصل الثالث

استيقظت ملك على صوت الباب...
ملك :اي دا مين هيجيلي الصبح كدا...قامت علي الفراش وارتديت الاسدال وذهبت لتفتح الباب...
فتحت ملك الباب
ملك :مين حضرتك
الشخص :انا... عمك. عاصم
ملك بخوف وصدمه :ايييييه
عاصم : طب هتسيبني واقف على الباب
ملك بقلق :اتفضل...

دخل عاصم وجلس وبعد كدا اخرج بطاقته من المحفظة واعطيها لملك :خدي يا بنتي عشان تتأكدي انا عاصم عبد الحميد العطار... ،وانتي ملك محمد عبد الحميد العطار...
كانت ملك تمسك البطاقة بصدمه وقالت :وحضرتك عرفت مكاني ازاي...
عاصم :انا يا بنتي كنت بدور على ابوكي من زمان ولما وصلته عرفت انه مات وسألت عليكي ف الجامعة وعرفت عنوانك...
ملك: طب حضرتك عاوز حاجه مني ...

عاصم وقد ادمعت عيونه :اوعي يا بنتي تكوني فاكره اني جاي عشان اغصبك او اقولك تعالي معايا... لا والله ابدا انا جيت عشان اشوف بنت اخويا محتاجه حاجه... وكمان يا بنتي صعبتي عليا لما عرفت ان جدك بدور عليكي وعاوز يرميكي فالبلد ويجوزك حد من ولاد عمك لأنك عايشه لوحدك... انا ما صدقت اني عرفت مكانك عشان اقولك...
ملك وقد تجمعت الدموع في عينها  :طب هو ليه عاوز يعمل معايا كدا...
عاصم :مخبرش يا بنتي والله...،بس انا قولت اخلص ضميري...

ملك :شكرا...
عاصم :على اي يا بنتي بس، لو احتاجتي حاجه كلمني... دا انا  زي ابوكي...اقوم استأذن يا بنتي..
ملك :شكرا انك جيت... وسألت عني
عاصم : ربنا يسترها عليكي يا بنتي ويرحمك منهم ومن شرهم...
غادر عاصم وعلى وجه ابتسامه انتصار فقد حقق ما  ارد وبكدا عمر ما ملك هتفكر توصلهم ابداااا... و حتى لو وصلوا  ليها هتهرب منهم...
افتكرت ملك انها لم تخرج  هاتفها من الشنطة امبارح   وذهبت الي غرفتها وفتحت الشنطة ولكنها لم تجده...

ملك :ياربي بقا هو وقع مني ولا اي...
سمعت ملك دق علي الباب...
ملك :هو في اي يا ريت مين جاي تأني
فتحت الباب...
منه :يا ملك انا اتخضيت عليكي برن عليكي من امبارح تليفونك مقفول...

(منه كانت صديقه ندى اخت ملك، وجارته ف الشقة القديمة... ،وتعمل ف عياده الدكتور مراد... منذ سنه... وهي فتاه طيبه القلب وجاده ف طبعها تمتلك عيون واسعه خضراء وبشره بيضاء... ومتوسطة الطويل... )
ملك :تعالي طب ادخلي الأول
منه:اي يا بنتي انا لاقيتك الشغل وكنت بكلمك عشان اقولك...
ملك :معرفش تقريبا تليفوني ضاع، اي الشغل...
منه :انتي عارفه اني شاغله ف عياده وامبارح الدكتور كلمني وقالي انه عاوز واحده تشتغل ف عياده وبمرتب حلو...

ملك :بجد يا منه مش عارفة اشكرك ازاي...
منه: بلاش عبط يا ملك انتي اختي الصغيرة، انتي عارفه ان ندى اختك كانت زي اختي واكتر...
ملك :شكرا يا حبيبتي...
منه :يلا بقا انا هسيبك دلوقتي وابقى اكلمك عشان اوديكي العيادة...
ملك : مش لما الاقي الفون...
منه : هتلاقي ان شاء الله...

ف الشركة...
كان أدهم يجلس ف مكتبه وأخرج الفون من جيبه وفتحه...
طرق باب الكتب فقام بوضع الفون ف درج المكتب... اتفضل...
دخل نادر...
أدهم :تعالي يا اخويا...
نادر :اي يا أدهم...
أدهم :ياابني انت غلطان برضو... مش معنى كدا اني بدافع عن حازم...

نادر بضيق :يعني بت زي دي حازم يفضلها عليا... ولا الله اعلم ف اي بينهم...
أدهم :برضو ملناش دعوه، انت عارف لو قطعت علاقتك بسمر دي هترتاح...
نادر :انا مش عارف اطلع ملك من دماغي...
أدهم :يا دي ملك...
نادر :لازم اعرف طريقها...
أدهم :وبعد ما تعرف...
نادر :لما اعرف بقا...
أدهم :والله انت شاغل بالك بيها اوووي...

نادر :أصلها مستقويه كدا على الفاضي... وانا عاوز اعلمها درس...
أدهم :ياابني احنا مش عاوزين مشاكل، احنا مش عارفين دي بنت مين ولا اي حكايتها...
نادر :ما هو حازم قالك ابوها واختها ماتوا وهو كان عاوز يشوف هي والدتها محتاجين ولا... وامها ماتت معنى كدا انها ملهاش حد..، يعني حتى لو اختفت ولا حصلها حاجه محدش هيسال...
أدهم :حاول تشيلها من دماغك وبعدين انت مصاحب بدل الواحدة الف اشمعنا دي...
نادر :النوع دا معدش عليا...

أدهم ف سره ولا عليا وحياتك...
أدهم بثقه  :واللي يجبهلك...
نادر :اديله عمري...
أدهم :هي كانت لابسه اي امبارح ...
نادر :اي
أدهم :بسأل اصلي شوفت واحده كانت نازله من العمارة ولابسه فستان اسود وطرحه سوده...
نادر :هي... شوفتها ولا...
أدهم :لا ملحقتش اشوفها...
نادر :اي هتعرف توصلها...

أدهم :عيب عليك يا ابني، من بكره تكون عندك...
نادر :جيبها انت بس، انا متأكد انك مش هتعرف ...
أدهم :بس لو جيبتها
نادر :يبقى اللي انت عاوزه هعمله...
أدهم بثقه :تمام
نادر :تمام
أدهم :روح شوف شغلك بقا واعمل حسابك هتسافر مع بابا كمان ساعتين كدا عشان هتجيبوا شحنه الأسمنت من مصنع العطار...
نادر :ايوه ما عمي قالي انا هروح اشوف عمرو عمل اي ف التصاميم واطلع على عمي...

ادهم: تمام...
طلب أدهم زينه...
دخلت زينه له وقالت :تؤمر بي أي يا باشا...
أدهم :خدي الفون دا ولما صاحبته تتصل حددي معها ميعاد عشان تأخذه وقوليلي...
زينه :امرك يا باشا

ف عياده الدكتور معتز
مراد :العيادة بقيت تمام اوووي ناقص بس انك تبدأ شغل...
معتز :طب اي شوفتلي حد...
مراد :ايوه بكرا منه هتجي وهتجيب معها واحده
معتز :منه يعععع
مراد :ههههههههه ياابني مالك والله البت زي القمر بس اسلوبها جامد شويه وعشان كدا شغلتها عندي...
معتز :يارب تجيبلي حد فرفوش كدا...
مراد :ههههههههه

عبد الحميد وهو يجلس ف مكتبه ويتحدث ف الهاتف...
تمام يا باشا انا هستناك تسلم وتسلم...
وبعدين قفل الخط وقام بالاتصال بسعيد...
عبد الحميد :عملت اي...
سعيد :عرفت عنوان ملك بنت ابنك يا حج...
عبد الحميد بسعادة :جولي العنوان ..
سعيد :...  
عبد الحميد :ليك المكافأة اللي تتطلبها...

سعيد :خيرك سابق يا كبير...
خرج عبد الحميد من مكتبه وجدوا اولاده يجلسون بخارج...
عبد الحميد :عندي خبر زين ليكم...
عبد الرحمن :خير ياابوي
عبد الحميد :انا لاجيت عنوان ملك بنت ابني...
لوت سعاد فمها ونظرت لزوجها...
زينب :يعني هتجيبها تعيش معانا يا أبا الحج...
عبد الحميد :اكيد اومال اسيبها تعيش ف مصر لوحدها وجدها اغني اغنياء سوهاج...
عاصم :لا طبعا مينفعش...

مني :وهتيجي تقعد بصفتها اي...
عبد الحميد: وانتي جاعده بصفتك اي...
عاصم :مني متقصدش يا ابوي، هي قصدها عشان هي بنت وغربيه عننا ازاي هتقعد ويوسف وعمر موجودين...
عبد الحميد :بسيطة تتجوز حد من ولاد اعمامها...
يوسف :وانا مقدرش اكسرلك كلمه يا جدي...
عمر  وهو ينظر ليوسف بتحدي :ولا انا...
عبد الحميد :انا هبقي اجولك مين اللي هيبقى مناسب بعدين...

نادر :يلا ياعمي...
سليمان :عربيات الحراسة خليهم ورانا...
نادر :انا بلغت ويلا عشان نلحق انطلق نادر بالسيارة وبجانبه سليمان وخلفهم ثلاث سيارات حراسه...
وكان نادر طول الطريق يفكر ف ملك وادهم هيعرف يوصلها ولا...

جربت ملك ان تحاول الاتصال بهاتفها...
زينه :ايوه يا افندم
ملك :لوسمحتي دا تليفوني وهو وقع مني، ممكن تقابلني عشان تدهولي...
زينه :تمام يا افندم انا كنت مستني اتصالك من بدري عشان اوصله لحضرتك...
ملك :طب هنتقابل فين...
زينه :ف... كمان ساعه
ملك: تمام هكون عندك ف الميعاد اكيد...
دخلت زينه لتخبر أدهم بما حدث...
أدهم :تمام اوووي... وقام أدهم بإخراج دفتر الشيكات من الدرج وكتب لها مبلغ... خدي
زينه :بس دا كتير يا باشا...
أدهم :بس مش كتير عليكي...هاتي الفون...
زينه :اتفضل يا باشا...
أدهم :روحي على شغلك...

وصلت ملك الي المكان اللي اخبرتها بي زينه...
و وقفت تنتظرها...
ملك :ياربي هي اتاخرت ليه دي...
اتيت سيارة وقام احد من الداخل بسحبها...
ملك بصراخ وهي تحاول أن تبعدها عنها  :انتم مين...؟
  رد احد عليها : بس يا بت انتي اخرسي... بلاش غالبه
وقام الاخر بوضع منديل على انفها... لكي تفقد الوعي...

ف مخازن مصنع العطار...
عاصم :اتفضل يا باشا
سليمان :الحاجه جاهزة...
عاصم :ايوه يا باشا... خلي استاذ نادر يتمم علي الشحنة وعبد الرحمن معها عشان ينقلوا البضاعة  وحضرتك تيجي معايا على الشركة الحج مستنياك...
سليمان :تمام يلا..  
وصل سليمان لشركه وكان عبد الحميد بانتظارهم...
عبد الحميد :اتفضل...
جلس سليمان... وعاصم..
عبد الحميد :تشرب اي
سليمان :عاوز اشوف الحاجه...
فتح عبد الحميد الخزنة وطلع منها اربع تماثيل أحجام مختلفة...
سليمان :حلوين...
عبد الحميد :80 مليون جنيه...
سليمان :وانا شاري...
عبد الحميد :خدهم يا عاصم وحطهم مع  عربيات الشحنة...
اعطي سليمان شيكات الأموال لعبد الحميد... وغادر الشركة وتمم على الحاجه مع عبد الرحمن وبعدين غادر هو ونادر وعربيات الشحنة تابعتهم.

كان أدهم يجلس جانبها على الفراش ويضع منديل بي رائحه عطر لكي تفوق...  
بدأت ملك تفيق... ولكن لم تكون الرؤية واضحه ف البداية...
ملك :انا فين...
أدهم :فوقي الأول بس...
انتفضت ملك عندما سمعت صوته وقالت : انت ميييييين؟
قام أدهم من على الفراش...
اول ما فتحت عينها قامت ملك من على الفراش واتجهت ناحيه الباب الغرفة وجدته مقفول   ...
ملك :انت مين يا عم انت كمان...
أدهم ببرود  :ف حد طلب مني اني اجيبك هنا...
ملك :طب ممكن امشي بقاااا...

أدهم :لما هو يجي...
ملك بضيق وخوف :انا عاوزه امشي ...
ادهم  بضيق :وانا قولت لما يجي... وقام بمسكها من ذراعها وشد اليه بقوه فاهمه ولا
دفعته ملك عنها بكل ما اتت من قوه وقالت :ابعددددد عني يا حيوان...
أدهم بغضب وقام بدفعها فوقعت على الأرض  :انتي بتقولي ليا انا كدا وحيات ربنا لوريكي...
لم تستطيع التحمل اكتر وبدأت ف البكاء...
وقالت :على اساس انك تعرف ربنا...
أدهم :هو انت ليه مصره تضايقني، لي حق نادر والله...

ملك وهي منهارة ف البكاء :حسبي الله ونعم الوكيل فيكم ا...
خرج أدهم من الغرفة وقفل الباب خلفه بالمفتاح...
ملك :يا رب ارحمني... وخليك معايا...
حاول أدهم الاتصال بي نادر وكان لا يجيب...
أدهم بغيظ :ما ترد يا عم انت كمان...
فتح أدهم الغرفة... ودخل وجدها على حالتها جالسه على الأرض وتبكي...
أدهم :هو انتي اي علاقتك بسمر...
ملك بصوت منبوح من كثره البكاء :صاحبتي...

أدهم :طب...
 قطع ملك حديثه وقالت :عارفه انك فاكرني زيها سوأ انت ولا نادر... بس احنا صحاب من زمان من ايام ثانوي وهي صاحبتي الوحيدة، بس هي اتغيرت لما أهلها انفصلوا وسبوها لوحدها...
أدهم :علاقتك  بيها غلطت...
ملك :هي كانت بتقف جنبي ف حاجات كتير...
أدهم :بس دي كانت هتوديكي ف داهيه...
ملك ومازالت دموعها تنزل على وجنتها  : عارفه... بس ربنا يسامحها... ويهديها...

أدهم :واي اللي حصل بينك وبين نادر عشان يحطك ف دماغه كدا...
ملك :معرفش... كل دا عشان رفضت الشغل...
أخرج أدهم الفون من جيبه وقال :خدي التليفون بتاعتك... انا اللي لاقيته لما كنتي نازله من عند سمر...
 مد أدهم يده ليها عشان اقومها ولكنها رفضت واستندت على طرف الفراش...
نفخ أدهم بضيق وقال : امشي بس متقعيش ف طريقي تأني لأني المرة الجاية مش هسيبك... ووابعدي عن أي حاجه هتحط نادر ف طريقك... امشي...
ما صدقت ملك انه قالها امشي وخرجت بسرعه...

ملك :اي دا انا فين... بس مش مهم المهم اني مشيت الحمد الله اشكرك يارب...
أوقفت تاكسي... ممكن توديني...
السواق :ماشي اركبي...
وصلت إلى منزلها نزلت من التاكسي وبعدين صعدت الي شقتها وتنفست الصعداء... الحمد الله... بس هو سابني ليه... انا مالي المهم اني خرجت ولا عمري هشوفهم تأني الحمد الله يارب ...

وصل نادر الي شقته ودلف الي غرفته وارتم على الفراش...افتكر ان أدهم رن عليه قام بالاتصال بي...
نادر :عشان كنت ف الطريق معرفتش ارد...
أدهم :مش مشكله...
نادر :عملت اي...
أدهم :جيبتها بس مشيت...
نادر :نعم!
أدهم :والله البت مش ليها ف حاجه فكك منها ...

نادر :صعبت عليك ولا اي... يا ابني دي حركات بنات... ما سمر كانت كدا...
أدهم :بس انت غيرت سمر وهي ليها مزاج لدا...
نادر  :مش قادر اشيلها من دماغي اقسم بالله...
أدهم : بوسي بتسلم عليك... وبتقولك انها زعلانه منك...
نادر :انت عندها...
أدهم :ايوووه...

نادر :طب سلملي عليها...
بوسي :برضو عشان حوار البنت دي...
أدهم :دماغه ناشفه اوووي...
بوسي :اهي راحت لحالها والله انا شافها عاديه اوووي... نادر وحازم كبروا الموضوع...
أدهم :طب خلينا احنا ف موضوعنا...
بوسي :ههههههههه خلينا يا روحي...

الفصل التالي
جميع الفصول
الآراء والتعليقات على الرواية
ليصلك جديد قصص و روايات - اعمل لايك لصفحتنا