قصص و روايات - قصص رومانسية :

رواية جراح الحب للكاتبة إيمان ضانا الفصل التاسع

رواية جراح الحب للكاتبة إيمان ضانا

رواية جراح الحب

للكاتبة إيمان ضانا

الفصل التاسع

تانى يووم
دخلت نيرة لتخبر اختها
نيرة : قومى يا نورهان
نورهان : سيبينى انام شويه
نيرة : اصحى فى موضوع مهم جدا لازم نتكلم فيه
نورهان :فى ايه
نيرة : بصى يا نورهان عايزة اخد رايك فى موضوع صحبتى
نورهان : احكى
نيرة : صحبتى جالها عريس وهو بيموووووت فيها بيعشقها عشق محدش عشقه لحد قبل كدة بس هى متعرفوش خالص وشكلها كدة مش موافقة عليه
نورهان : طب انا اعمل ايه فين المشكله
نيرة : المشكله بقا انها عندها مشكله كبيرة شويه وهو موافق عليها بمشكلتها بس هى مش موافقة قوليلى لو كنتى مكانها كنتى عملتى ايه
نورهان : انا دايما بسمع عن الحب والعشق دول فى الافلام بس وكان نفسى من زمان اتحب زيها كدة قوللها انتى محظوظة ومتضيعيش الحب دة
نيرة : عين العقل يا نونو


نورهان : بس هى مشكلتها ايه
نيرة : احم احم
نورهان : الا بقا لو مشكلتها زية دى صعبة شوية ويبقى ليها حق لو مش وافقت
نيرة : ليه كدة كنتى كويسة دلوقتى
نورهان : انا بقول الصح
نيرة : بس حرام تضيعى الحب دة
نورهان : اضيععع وانا مالى
نيرة : نورهان الواد بيحبك جدا وهيموت بجد عليكى
نورهان : يعنى انتى كنتى بتحكى عليا
نيرة : اه ابوس ايدك توافقى
نورهان : بليز يا نيرة محدش بيحب واحدة عندها اعاقة
نيرة : مين قالك كدة ؟
نورهان : انا عارفة يا نيرة اكيد بيشفق عليا
نيرة : لا لا دة بيحبك جدااا
نورهاان : لو سمحت يا نيرة انا مش موافقة خالص ع الكلام دة
دخلت ساميه وقالت : ليه يا حببتى دة عمر بيحبك اووى
نورهان : انتو بتقولو ايه زهقتو منى ؟
ساميه : لا طبعا يا قلبى دة انا نفسى فرح بيكو
نورهان : هتفرحى بينا يا ماما ان شاء الله بشهادتنا وبأذن الله لما نيرة تتجوز وانا اعمل العمليه
ساميه : يعنى ايه مش هتتجوزى طول عمرك
نورهان : فكرة الجواز دى للى زيى اتقفلت من زمان
ساميه : ليه يا حببتى مش عايزة تخلفى وتوفى عيالك
نيرة : عشانى وافقى والنبى

نورهان بعياط : لالالا مش هوافق انتو بتتكلمو ف ايه عارفة يعنى ايه يا ماما اتجوز واحد مش هشوفو طول عمرى واخلف منة ومش اشوف عيالى طول عمرى هفضل مستنية الناس ف الشارع واقول لو سمحت اوصفلى شكل ابنى او بنتى عاملين ازاى اصلى عاميه ومش بشوف ونفسى اتخيلهم
جرت ساميه ع ابنتها وحضنتها واخذو الثالتة يبكون
نيرة : خلاص بقا يا نورهان ان شاء الله تعمليها قبل ماتتجوزى
نورهان ببكاء : معتقدش انى هعمل العمليه خلالاص الوقت راح والفلوس ع اد حالنا
ساميه : دايما قولى الحمدلله وادعى وربنا هيبعتلك صدقينى
نورهان : ياااااااارب يااارب حرام اللى بيحصلى دة
نيرة : ومش حرام عليكى تضيعى الواد من ايدك دة لو قولتو انك مش موافقة هيموت فيها
نورهان : قوليلو ماتت

وفى نفس اللحظة رن هاتف نيرة بلاغها عن المتصل هو عمر
خرجت نيرة من الغرفة
نيرة : الووو
عمر : نيرة انا اسف لو كنت صحيتك
نيرة : لا يا عمر انا كنت صاحية
عمر : الحمدلله طيب انا كنت عندكو امبارح وكن.....
ردت نيرة مقاطعه له : اه عرفت كل حاجة
عمر : طيب نورهان عرفت
نيرة بصوت حزين : لسه عارفة من شويه
عمر بلهفة : طيب قالت ايه ؟
نيرة : مش موافقة خالص يا عمر
عمر : لالا حاولى معاها والنبى
نيرة : حاولت انا ومااما كتير جدا فضلت تعيط
عمر : طيب انتو جاين الجامعة اننهاردة
نيرة : اه عندها محاضرة وانا هفضل مستنياها
عمر : الساعة كام المحاضرة
نيرة : ع 3 وعشرة كدة
عمر : وهى هتخلصها امتى
نيرة : احتمال ع 5 الا
عمر : تمام تسمحيلى اقعد معاكى فى الكافية لغاية متخلص واتكلم انا معاها
نيرة : مفيش مشاكل
عمرر : شكرا جدا جدا يا نيرة
نيرة : الشكر لله يا عمر المهم توافق
عمر : يااارب

بعد ان اغلق عمر هاتفة رن هاتفة ويعلن ان المتصل صديقة يوسف فاجاب عمر
عمر : الوو
يوسف : الغالى ناسينى من امبارح
عمر بصوت حزين : معلش يا يوسف انا اسف جداا
يوسف : مالك ؟؟
عمر ببكاء : مش موافقة يا يوسف
يوسف : اثبت يااض انت راجل متعيطش
عمر : اعمل ايه يا يوسف قولى
يوسف : طيب رايح المحاضرة ولا
عمر : لا انا هاروح الجامعة بس مش هحضر المحاضرة
يوسف : طييب ليه متخليك فى البيت
عمر : طول ماامى قاعدة فى وشى هتفضل تلقح ببالكلام واانا م هستحمل وبعدين انا رايح الجامعة هستنى نورهان تيجى واكلمها
يوسف : تمام هتروح امتى
عمر : الساعة كام ناوو
نظر يوسف فى هاتفة ثم قال
يوسف : 2 الا ربع
عمر : طيب هلبس وهروح
يوسف : اوك وانا هجيلك ونروح سوا
عمر : مستنيك

 

فى غرفة نيرة ونورهان
خرجت ساميه ونيرة من الغرفة
وظلت نورهان تبكى ف الغرفة
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزني ضحكه
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزني ضحكه
بحبني وبكره شعوري بحبي ليه
مش اي حاجه تمسني تأثر عليا
بحبني وبكره شعوري بحبي ليه
مش اي حاجه تمسني تأثر عليا
مصارحه نفسي عيوبي مش نكراها فيه
انا كتير .. انا الف حاجه علي بعضها
في حاجه واحده ..
انا واحده عايشه لوحدها .. مش حاسه وحده
في ضحكي حزن غريب اوي .. وفي حزنيييييي ضحكه
وانا تايهه ببقي مركزه في توهاني توهاني وبسرح فيه
احساسي لو اتأذي ممكن اموت بعديه
وانا تايهه ببقي مركزه في توهاني توهاني وبسرح فيه
احساسي لو اتأذي ممكن اموت بعديه
وعشان كده متحفظه ومش عايزه اغامر بيه
بحبني وبكره شعوري بحبي ليه
مش اي حاجه تمسني تأثر عليا
مصارحه نفسي عيوبي مش نكراها فيه


ابراهيم : نيرة انا شايفك من امبارح وساكت
نيرة : ع ايه يا انكل
ابراهيم : وشك ماله ؟؟
نيرة بأرتباك : أأأ .... أصل اتخانقت مع صحابى
ابراهيم : يااااه وهى ايد صحابك جامدة كدة
نيرة : اه جدا دة انا مش قادرة
ابراهيم : بس دى شكلها ايد راجل ومعلمة فى وشك
نيرة : وانت عايز تسمى صحابى ددول بنات ههههههه
ابراهيم : ههههههه عندك حق
نيرة : انت بقيت تهتم بينا اوى
ابراهيم : عشان بحبكو ولقيت اللى كنت بعمله دة غلط
نيرة : يارب تفضل كويس كدة ع طول
ابراهيم : ياااررب يا حببتى تسمحيلى اقولك حببتى
نيرة : وتسمحلى اقولك يا بابا
ابتسم ابراهيم وفتح زراعيه لها كى تحضنة
جرت نيرة ف حضن ابراهيم واخذو يبكو سوا
نيرة : نفسى ف حاجات كتير اوى تحصل وترجع زى ماكانت
ابراهيم : طول ماانا موجود اى حاجة عايزاها هنساعد بعض فيها
نيرة : بجد يا بابا
ابراهيم : اكيد يا حببتى واطلبى دلوقتى حالا
نيرة : عايزك ترجع خالد تانى
ابراهيم : بس انا معرفش هو فين
نيرة : اكيد عند صحابو والنبى يا بابا انا بجد هستريح لو رجع وماما كمان هتفرح ونورهان اوى
ابراهيم : هفكر واقولك
نيرة : لا تفكر ايه دة عقبال متفكر يكون ضااع صحابو هيبوظو ويضيعوة
ابراهيم : خلالاص ماشى تيجى معايا النهاردة وندور عليه
نيرة : بجد يا انكل
ابراهيم : بابا بقا
نيرة بابتسامة : بجد يا بابا
ابراهيم : اكيد يا حبيبتى بس متقوليش لحد خليها مفاجاة
نيرة : هيييييييييه هروح البس عشان محاضرة نورهان وبعدين نرجع ونروح ندور عليه
ابراهيم : متتاخريش
نيرة : طيارة

دخلت نيرة ووارتدت ملابسها وارتدت نورهان ملابسها ووضعت ميكب حتى تدارى الكدمات فى وجهها وخرجو سوا وطول الطريق نورهان لا تنطق بكلمة وصلو الى الجامعة كان هناك يوسف وعمر واقفين ع باب الجامعة شاورت له نيرة انها توصلها ع محاضرتها ثم تذهب اللى الكافتيريا وفهم يوسف انما عمر لم يفهم شئ.
عمر : فهمت حاجة
يوسف : اه بتقولك هتودى نورهان محاضرتها ومستنياك فى الكافتيريا
عمر : وانت فهمت ازاى
يوسف : 5 فى وشك
عمر : طيب يلا نروح نقعد ف الكافتيريا عقبال ماتيجى
يوسف: تمام
-----------------------
وصلت نيرة اللى قسم المكفوفين واوصلت اختها اللى السكشن واجلست ع المقعد ثم قالت لها
نيرة : انتى معاكى الموبايل خلى حد يرن عليه وانا اجى اخدك
نورهان : حاضر
نيرة : عايزة حاجة
نورهان : لا شكرا
نيرة : سلام
نورهان : سلام
-----------------
وصلت نيرة الى الكافتيريا ثم ذهبت للمنضدة ورحبت بهم وجلست
نيرة : كنت فكراك جاى لوحدك
عمر : لا دة يووسف زميلى مش حد غريب
يوسف : استنى انت بس يا عمر..... ايه يا قمر فين عقابى
عمر : عقاب ايه ؟
نظرت نيرة امامها والقت بهيثم ثم قالت بلهفة حتى ياخذ باله يوسف ويغار
نيرة : عمر انت عايز تقولى حاجة مهمة
عمر : لا انا هستنى لما تخلص المحاضرة وانتى عليكى تجبيها هنا باى طريقة وانا هكلمها
نيرة : يعنى دلوقتى مفيش حاجة نقولها صح
يوسف : ايه يااما هطيرى وانتى قاعدة
نيرة : هستأذن انا دلوقتى
وجرت نيرة الى هيثم
نظر يوسف لها حتى ان وصلت الى هيثم قام سريعا وامسك به عمر وقال
عمر : اقعد والنبى مش ناقصة غيرة
يوسف بعصبية خفيفة : بص عمايلها
عمر : معلش والنبى اصبر انهاردة بس وبعدين اعمل اللى تعمله
اخذ يوسف ينظر لنيرة بحزن
ثم شافتة نيرة وقالت فى نفسها : والله لخليه يغير اكتر
ثم قالت : هيثم تعال نقعد ف كافيه
هيثم : اوك يلا
تفاجئ يوسف من ذهابهم ثم قام وقال : عمر انا رايح اجيب حاجة وجاى
عمر : يابنى استنى حاجة ايه دى
ذهب يوسف قبل ان يتكلم عمر واخذ يراقبهم
دخل هيثم ونيرة الكافية ودخل ايضا يوسف وجلس ع منضدة قريبة منهم
واخذ ينظر لهما ونيرة تضحك وتنظر له بغرور
عدت حوالى ساعة فى الكافيه
امسك هيثم بيد نيرة وقبلها
اتلجلجت نيرة قليلا ثم سحبت يديها بخوف
تفاجى يوسف عندما قبل يديها وعيناه تنسش غضبا
ثم اخرج بهاتفة وبعث لها رساله تحمل ذلك

(( نيرة اللى بتعمليه دة مش هيعاقبنى ودة غلط عليكى انتى بنت ..... انا هطلع برة ومستنيكى ع باب الكافيه تعالى ومتطنشيش بدل ماتخدى علقة تانية وساعتها مش هينفع تروح ولو بكيلو مكياج ))
وصلت الماستدج سريعا قراتها نيرة ثم تفاجات من كلامها وخافت كثيرا ثم قالت : خليك هنا يا هيثم هطلع اعمل حاجة وجايه
هيثم : حاجة ايه ؟
نيرة : خليك هنا متخفش هاجى ع طول
هيثم : اوك
خرج نيرة وبالفعل وجدت يوسف ع باب الكافيه
نيرة : عايز ايه ؟
امسك يوسف بيد نيرة وذهب بها
نيرة : اااى ايدى سبها
يوسف : امشى وانتى ساكتة
نيرة : انت هتودينى فيين ؟؟
يوسف : اسكتى خالص
نيرة : لا والنبى يا يوسف نورهان قربت تخلص مين هياخدها
يوسف : هقول لعمر ياخدها
نيرة : بليز يا يوسف طب قولى هتودينى فين ؟
يوسف : اركبى
نيرة : مش هركب
امسك يوسف بنيرة واغصبها ع الركوب
وركب هو الاخر وساق السيارة
امسك بهاتفة وهاتف عمر
يوسف : من غير مناقشة اول ماارن عليك تاخد نورهان
وتكلمها وروحها البيت نيرة مش هتاخدها
واغلق يوسف
نيرة : احنا هنروح فيييييين ؟
يوسف : هحبسك واضربك واحطك فى اوضة الفيران
نيرة بخوف : يا ماما انا عملتلك ايه ؟
يوسف : من غير سبب اهو مزاجى كدة
نيرة : والنبى يا يوسف والله مش هعمل كدة تانى
يوسف : ششششششش مش عايز صوت
نيرة : طب هى اوضة الفيران دى فين ؟
يوسف : ف جهنم ان شاء الله
نيرة : لالالالالا خلاص يا يوسف والله هعمل اللى انت عايزو
يوسف : لا ماانتى هتعملى اللى انا عايزة بالزوق بالعافية هتعمليه بس لما الفيران ياكلوكى والتعابين
نيرة : ياماما تعابين لا يا يوسف
يوسف : شششششششش
نيرة : يوسف مش هينفع والله انا عندى مشوار ولازم اعملة
يوسف : مع هيثم !
نيرة : انت قليل الادب
يوسف : احترمى نفسك واياكى تقلى ادبك معايا
نيرة : طيب انا اسفة جدا
يوسف : اسفك مش هيفدنى بحاجة
نيرة : طيب اروح مشوارى وجيلك بكرة تحبسنى
يوسف : لا لا لا لا
نيرة ببكاء : اهى هى
يوسف : بتعيطى ليه ؟
نيرة : ملكش دعوة بيا
اوقف يوسف بسيارتة وقال : خلاص مش هوديكى اوضة الفيران
نيرة بفرحة : بجددد
يوسف : اه بس تقوليلى مشوار ايه
نيرة : ماشى
يوسف : واجى معاكى
نيرة : لا انكل ابراهيم جاى معايا
يوسف : وتحكيلى موضوع انكل دة
نيرة : ماشى
يوسف : اتفضلى

نيرة : المشوار اللى هروحة دة لاخويا خالد السنادى ف 3 ثانوى عام وبقالة سنة من يوم ما بابا مات وماما تجوزت بقا صايع وبيشرب مخدرات ومش بيذاكر وبيهرب من المدرسة وشكاوى كتير بتوصلنا فى جوابات من المدرسة وانكل ابراهيم اخر مازهق مسكو ضربو قدامنا كسفو وطردو برة البيت ومن ساعتها عند صحابة وبقا اكتر من الاول
يوسف : لا اله الا الله ..... طيب وانتى هتعمل ايه ؟
ننيرة : محمد رسول الله .... انا اقنعت انكل ابراهيم لغاية ماوافق وهنروح ندور عليه عند صحابة ونجيبة يرجع تانى
يوسف : امممممم تمام انا جاى معاكى
نيرة : مينفعش انكل ابراهيم جاى
يوسف : اتصلى بيه وقوليه انك هتتاخرى واحنا نروح نجيبة
فى نفس اللحظة رن هاتف نيرة وكان المتصل ابراهيم فاجات : الو انكل ابراهيم
ابراهيم : الو نيرة انا عرفت مكان خالد
نيرة : بجد يا انكل
ابراهيم : اه والله وانا بفتش فى اوضتة لقيت نوتة عليها ارقام صحابة اتصلت باول رقم رد عليه والد زميله يحيى انسان محترم جدا وقالى ان خالد عندهم ومتربى احسن تربية وادانى العنوان
نيرة بفرحة : قولى العنوان
ابراهيم : لا مش قولنا هنروح مع بعض
نيرة : اه اه طبعا بس قولى الاول
ابراهيم : شارع ال,........
نيرة : اوك شكرا جدا
ابراهيم : العفو

الفصل التالي
جميع الفصول
الآراء والتعليقات على الرواية