قصص و روايات - قصص رائعة :

رواية الأنباري وزوجاته الأربعة للكاتبة زهراء أمجد الفصل الثالث والعشرون

رواية الأنباري وزوجاته الأربعة للكاتبة زهراء أمجد

رواية الأنباري وزوجاته الأربعة للكاتبة زهراء أمجد الفصل الثالث والعشرون

يكرونا شبيج فرهديتي الوادم
اني الهسه خاتل كلشي مافاهم
يكرونه شبيج فرهديتي الوادم
كمامات ماعدنا
والديتول خلصنا
ومن الكعده جيمنا
يكرونا شبيج فرهديتي الوادم
اكعد بالبيت لاتجيك كرونا..

جمع مو مفرد تاخذ هاي الكرونا
اكعد بالبيت لاتجيك كرونا
لاثوم ولابصل لاحرمل ينفعونا
اكعد بالبيت لاتجيك كرونا
أرواح الناس مو لعبه يخيعونا
اكعد بالبيت لاتجيك كرونا
واليطلع كون بزناجل يربطونا
اكعد بالبيت لاتجيك كرونا..

بقلمي شويه تغيير حوو قبل البارت هههه صووتووو
عناد: - مرت فتره وابني كبر يم عيوني نادر وحرك ومكيف عليه جده فجنت كاعد واشوفه يلعب يمي فجأه دك عليه رقم غريب باوعت منو هذا كمت من الديوان وطلعت بالطرمه فتحت خط...
الووو...

سلمان: السلام عليكم اخويا عناد انا سلمان صديقك الي بالموصل تتذكرني غيرتو رقم موبايلي اشوني الدني معاك
عناد: - ياهلا بيك خويه سلمان شلونك شلون صحتك أن شاء تكون بخير...
سلمان: على الله نحن الدني مقلوبي عدنا والوضع تعبااان وحيل خطر وفكرتو اغشق بيت يا الانبار وغيد نخوتك ومساعدتك تغشعلي بيت قريب عليك اتحول انا والعائله بينو
شيخ عناد: - تدلل خويه هلا بيك من اليوم ادورلك بيت يكون زين تنورنا فرحتني بهل خبر مشتاكلك جثير ياخوي...

سلمان: قبان قلبك انا كثييير مشتاقلك ان شاء الله نرجع نلتقي مثل ايام زمان طلعاتنا ونستنا هسى اترخص اغوح أخبر المغا وقلا نحلت شغلت البيت
عناد: - مرخوص خويه مع السلامه...
خابرني صديقي من الموصل كال الاوضاع سائت هناك كال اريدك شوفلي بيت يمكم كتله تامر وتدلل بس تعال موجود لبيت رحت الوالدي وكتله كال بيت الي قريب منه محد ساكن بي خلي يسكنون بي خوش بيت وقريب بفرعنا فرحت جثير انو راح اشوفه..

زمرد: الأوضاع حييل تعبت بالموصل وكل جالا عتنلاص قالو اكو جماعات فاتت وعتسيطر بااسم الدوله الاسلاميه ودينشرون العدل بس الي صار ماكان متوقع زاد القتل والانفجارات وتوسعت نفوذهم بالدوائر بحيث قامو هيم الي يحكمون المدينه مكان الدوله
بابا خاف علينا لان نحن صغار انا ١٧ سنه واختي زغيغي ٩ سنين.

جت امي عليه وقالت:
ام زمرد: حبيبتي احنا لازم نجهز غوحنا حتى نغوح على الانبار الوضع مامليح هوني واخاف عليكم لملمي اغراضكي وأغراض اختكي...
زمرد: اشعتحكين انتي اشعتخربطون اشون انغوح ماطيق اعوف الموصل اشون اهلنا و صديقاتي وذكرياتي الله يخليكم خلونا هوني ماغيد اغوح على اي مكان.

تعصبت مني امي وقالت...
ام زمرد: امي افهمي وفتحي دماغكي انا ماعداخذ رئيكي الأوضاع مامليحه ومامستعدين نخاطر بيكم وبحياتكم...
عافتني امي وضليتو ابكي بابا فات وقلي نفس الحكي...ماغيد اغوح لاي مكان ماطيق اتركم لصديقاتي.

سلمان: ميخالف بنتي انا ماطيق اخاطر بيكم حبيبتي خلينه انغوح وهنوك صديقي شيخ عشيرة بالانبار يستقبلنه وحضغلنا بيت وجهزو صيغي حبابه وسمعي الكلامي...هناك العيشه امان
عافني وطلع قعدتو ابكي وألم باالاغراض وامسك هدايا صديقاتي وقول اشون اعوفهم
ثاني يوم جاب بابا سيارة لمينا غراضنا..

الأوضاع ابد مامليحه بالموت الاحمر عبرنا الموصل وبعد طريق طويل وصلنا الانبار اغشعتو ناس استقبلتنا وقامو يتهلون بابا.
فتنا على البيت الجهزونو لنا وانا طيلعه غوحي من طول الطريق وضيجي ماعدتحكى من الوضع وافكر بيني وبين نفسي اشون دراستي اغيد اكمل
جا علينا بابا وكملنا ترتيب أغراضنا
قلتولو...بابا مدرستي اشون
سلمان: انطيني كم يوم حبيبتي جبتو اوراقكي الرسميه ننقلكي للمدرسة.

اطمنتو شويه...عزمونا بيت شيخ عناد ماغحتو ضليتو بالبيت تعبانه نفسيتي كنتو افكر اشون اكمل حياتي هوني ياربي.
عناد: - وصلو عائله صديقي من الموصل استقبلتهم نزلو عائلته للبيت هوا ومرته وبنات ثنين اجت عيني بالجبيره ادحك عليها عيونها عيون الغزال وحمره صايره من البجي خشمها احمر وشالها خالته عله رأسها هيج نص شعرها طالع كبل نزلت عيني خليتهم يرتاحون ينزلون غراضهم وعزمتهم ع غده لان ميلحكون يتسوكون وتعبانين واحنه حضرنا غداهم اجو بيتنا خلصنا الغده وكعدت اني وصديقتي... نسولف.

سلمان: والله ياعناد ضيج على هذا الوضع وعلى وضع بنتي ماتتحمل عافت دراستا ووصديقاتا بالزور قنعناها قضت الطريق كلو تبكي وعفتوها بالبيت ماتقبل تجي معانا
عناد: - تتحمل وضع عادي وباجر عكبه تتأقلم ولا يصير خطر عله حياتها... أوراق نقلها انطيني اياهم واني أسبوع اخليها اداوم
سلمان: تسلم شيخنا تعبتوك معانا وجمايلك كثغت علينا والنعم منك...ومن كرمك..

عناد: - الله يسلمك لتحجي هيج اخويه ازعل منك هذا واجبي وانته اخوي ربي يحفظك... وان شاء الله تتأقلم...انت وعائاتك هنا...
راحو واخذت اوراق سلمتها بيد واحد يشتغل عدنه والتربيه هوا ومرته بالمدرسه معاونه...كملهن الأوراق ونطيتهن لسلمان تشكر مني...
زمرد: رجع بابا من العزيمي وقلي ميخالف حبيبتي تحملي تتعودين على الوضع هوني ماطيق اخاطر بيكم ابد لو ضلينا كان الله اليعلم اشون صاغت الاحداث والوضع مامليح وطمني أوراق ننقلكي صاغت عند الشيخ هو تكفل بيها.

فغحتو شويه...ماشي بابا.
بعد يومين فات بابا ويضحك وقلي بعد يومين دوامي.
ماصدقتو حضغتو ملابس المدرسي فغحاني اداوم صف خامس علمي انا ماليش حجاب كامل اخلينو كلاوات رهمتونو مع ملابس المدرسي الصبح وصلني بابا للمدرسي اخذتو دروس تحضيرات رجعتو للبيت بحدي لان قريبه المدرسي على بيتنا علمني علينو بابا فرجعتو بحدي...

عناد: - مرت يومين جنت اريد اطلع الصبح شفت بنيه لابسه ملابس مدرسه طالعه من بيت صديقي يمكن بنته هاي شنو من حسن شايله عيونها لون العسل وبيضه وملامحها هادئه عبرت من يمي صفنت عليها ونعلت شيطان ميصير اباوع على غير عرضي حرام واني عدي عرض... مرت فتره وأكثر من شهر مادري ليش اطلع صبح حته بس اشوفها وهي مدنكه مترفع راسها ضليت امشي وراها مادري ليش هيج اول مرا اسوي بحياتي ما لاحك بنيه هيج مابقترعقل عندي صرت افكر بيها يوميه وقبل لا انام هم... صرت اراقبها بس من تطلع للمدرسه بس الزعجبني صدريتها ضيكه وشالها شامرته ماتوقع تلبس شااال صرت اتحجج بشغلات حته بس اروح لبيت صديقي ومرات تفتح هيه الباب..

صرت افكر بيها هواي وبيوم من الايام كالعاده صبح اطلع اشوفها باوعتلي مخنزره اجت الي
زمرد: بديتو اداوم يوميه اروح للمدرسه جذب انتباهي ولد يطلع عمرو بحدود الثلاثين شخصيه وهيبه وجمال بس ضوجني عينو قويه يتقصد يوميه يطلع بوجي اشعندو هل المتوبع ماعرف واشيغيد حتى ماعغف هو منو...

تجرئتو وغحتو علينو وقتولو بثقه اشعندك كل يوم دحق عليه وبهل الوقت تحديدا
عناد: - مادري شحجي صفنت بعيونها تالي كتلها اولا الشارع مو شارعج حته انتي تتحكمين بيه... اطلع بالوقت اليعجبني والمكان الاريده وثانيا لتعلين صوتج عليه خزرتها
راحت مشي على سريع ابتسمت ملاحضتني واني مدري شبيه مفكر افاتح ابوها انو اخطبها مادري شنو الخلاني اهواها بس اني جبير عليها ماعرف وين تصفه بس بعد هيه دخلت قلبي ولاول مره تدخل قلبي بنيه رحمتك يا رب بلكي صير من نصيبي ادللها وسعدها..

زمرد: مرت فترة بوجودنا بالانبار صديقاتي اتواصل معاهم فرحانه بالدوام ملتهيه ماحسيتو بغرفه
يوم من الأيام طلعتو الصبح وهم طلع بوجي ضوجني حكيتو معانو لان احسو متعمد يدحق عليه وهو زاغني بعيونو الحادة عفتونو وغحتو بس خفتو منو حييل نضراتو تخوف حييل
وصلتو المدرسي وانا افكر بكلامو هسه هذا منو...اشعملو وشعليه بينو...

عناد: خليت تمر فتره وبطلت اطلع الصبح بس ضليت الووب عله شوفتها وراها رحت اتصلت بصديقي لازم افاتحه بالموضوع اجيته وبعد السلام طلبت ايد بته الي هوه تفاجأ لان اني أكبر منها ضجت بداخلي بس كال تستاهل وطيك مي العين اشوف رأي البنيه وتدلل عفته وادعي كون توافق شافتني نورس
نورس: - بيمن تفكر شيخ صار ايام مو عله بعضك...

عناد: - حجيتلها على الي احبها لان جنت احجي لنورس هواي أمور انطعن وجها ادري بيها تتاذه ومو بيدي هل شي قلبي ما مال الها امانه موجوده يمي لو تطلب انو احررها من هل زواج ما عدي مانع بس مالها احد ويتيمه هي ما عدها احد كامت مني وكالت...
نورس: - شايف كل خير ان شاء الله اترخص شيخ...
عناد: - عافتني وراحت واني رحت لامي وسولفت الها...

ام عناد: - نورس يمه ضل هيج هي من تجي تفز وعيونها تضل تلمع وتفرح عله جيتك أو انته عابفها بس احسها تحبك يايمه وهيه يتيمه لاتضلمها وتكسرها بمرا ثانيه وانته هاملها...
عناد: - والله يمه قلبي مو بيدي حبيت هاي بنيه مادري ليش احس براحه من اشوفها ووليدج ما مرتاح طول عمره بس من شفتها دخلت قلبي وعقلي وماريد اخسرها...

ام عناد: - الله كريم اذا جانت قسمتك صير الك وكلشي يكتبه رب العالمين بيه صالح
هزيت راسي وكمت اتصل بيه صديقي كلي البنيه موافقه وتشرفنا اي وقت فرحت فرحه متنوصف اووف يربي واخيرا فرجتها عليه يربي الحمد الله والشكر...
زمرد: - رجعتو من المدرسي وامي فرحانه حضنتني وشبعتني بوس قلتلي بنوتتي كبغت وبدو الخطابه يجون عليها عقتو حواجبي وقلتولا منو دادا الي يخطب.

ضحكت وقالت شيخ عناد طلبكي من ابوكي وابوكي وافق قولو اخذ موافقت البنت.
قلتولا بصياح بدون شعوري اشنو اشنو عتحكون من كل عقلكم هاي الناقصه وتكملي لاعشتو اخذ رجال كبير.
جاوبتني ماما بنتي فهمي اذا رجال كبير يحبكي ويدللكي اشتغيدين بعد.
جاوبتوها ماغيد شي زتوني هاي الزته لواحد لاعرفو ولاستعرفو وفوق القهر والفجعه والدعه كبير بالعمر.

فهميني انا اشعرف منو يا ماما كبير وهسى يبطلني من دراستي
جاوبتني اشتعملين بالدراسه وجع القلب انتي راح ياخذكي شيخ وتصيرين مرتو للشيخ الزغيرة والمدلله
قلتولا ماريد وقمتو ابكي وصيح لاتغصبوني على شي ماغيدددددو فتح الباب بابا ودخل على صوتي العالي وحضني مسح دموعي وقال انا اثق بالشيخ رجال احترمو والنعم بينو اصيل صارلي زمان اعرفو ماكو مره طلبتو منو شي وردني احنا بهاذا وضعنا عايشين من الله ومنو احتضنا وحتوالنا كلتنا فتح بيتو لنا وراعانا بما يرضي الله هو الي رجعكي للمدرسه. من جاني وطلبكي مني فرحتو لانه راح اخليكي عد رجال يحفظكي ويصيونكي مثلي وأكثر.

سكتو وقلتولو موافقه بس بشرط ابتسم بابا قلي قولي حبيبتي قلتولو اخلص دراسه هذا مستقبلي اذا وافق ازوجو.جاوبني سهلة خبرو والشيخ وافق...وانا معرف اشعمل بهل ورطه منو هذا اشدبر معانو من اصير مرتو...الله كريم
عناد: - كملت اتصال من صديقي واني فرحان رحت لامي كتلها باجر ترحين تشوفين البنيه وتتفقين ويه امها واني هم اتفق ويه ابوها حته تم الخطووبه وافقت كالت تدلل.

باوعت نورس عيونها مدمعه انقهرت عليها حيل رحت وراها كتلها نورس اعذريني هسه تكولين ليش ما تمم زواجه وياي وصارلي ٣ سنوات اني من جبتج يمي جبتج امانه محسوبه من عرضي ما قصرتي وي ابني ربيتي هل يتيم وصرتي ام اله ما ناسي فضلج قاطعتني
نورس: - لا شيخنا فضل من الله أدم ابني اني ربيته من جان زغير واحسه قطعه من رووحي الأم مو التنجب التربي وهذا وليدي بعد...

عناد: - ماشي انتي بامانتي طلعت ما كدرت اكمل وياها حسيت بتانيب ضمير يا ربي شنو هاي الله كريم ثاني يوم قبل لا تروح امي وصيتها شتطلب عادي موافق راحت امي وره ساعه رجعت ابتسمت بوجهي ها يووم بشرى شصار...
ام عناد: - هاي هي تم كلشي بس البنيه شرطت تريد تكمل دراستها...
عناد: - ما عدي مانع تكمل ان شاء الله
ام عناد: - هاي هي على بركه الله.

زمرد: بابا عطى الموافقه للشيخ عناد احساسي كنتو متوترة وخيفي ماعرفو المعلومات العندي كانت هو أكبر مني بكثيغ تقريبا عمرو نهاية الثلاثين اوووف اشعمل... ماكو بيدي شي
ثاني يوم قعدتو الصبح ماما كن قلبتو البيت قلب تنظيف وترتيب قلتولا ماما اشكو قالت راح تجي امو للشيخ تخطبكي قومي تحضغي على السريع
قمتو سبحتو ولبستو تراكسود اسود بيتي مشطتو شعري وماخليتو شي بوجي غشعتني ماما قالت احسن ضلي على طبيعتكي..

اندق الباب انا كنتو بالمطبخ ماما حضرت ضيافه اسمع حكي النسوان وسوالفهم وقلبي صار صوت دقاتو عبالك طبول مال الحرب صاحتني ماما وكنتو متوترة فتو عليهم وقدمتو الضيافه سلمتو على ثنتين نسوان وحدي تضحك وقعدتني يمها وقلتلي مشاء الله قمر تستاهلين الشيخ فدوة حبيبتي خجلتو ودنكتو راسي.

قلتلي اشنو تريدين نحن حاضرين
جاوبتوها اريد اكمل دراسه ياريت مايمنعني.
قالت صار وكملت كلامها وبعد شتريدين
جاوبت هاي هي سلامتكي
راحو وماما فرحتها ماتنطيها لاحد وكيفيه بيهم تقلي بنتي خوش ناس يولي يولي دتصيرين مرت الشيخ حضري نفسكي باجر تعقدون جاوبتوها.. ليش مستعجلين اشبساع وين الحق..

جاوبتي على السريع العصر اخذكي ونروح للسوق هزيتو راسي وجاوبتو صار العصر طلعنا للسوق وشتريتو فستان قصير ابيض حلو عجبني بسيط طبعي احب الأشياء البسيطه اخذتو معانو حذاء ومعاها شغلات العقد ورجعنا هلكاني من التعب بليل جت ماما نظفت وجهي وجسمي بوستني وراحت دحقتو بالمرايه على وجهي طلع شي ثاني حلو...احس بخوف مو طبيعي وقلبي يدق ادعي يسهلها عليا ياربي ونمتو.

ثاني يوم...قعدتو من النوم سبحتو وتغيقتو الظهر ماما سشورت شعري وعملتلتي ميك اب طلعتني حلوة كثيييغ ماما كانت فرحانه أكثر مني ههههه صار العصر وجو النسوان والزلم بالاستقبال جت امو فرحانه وقلتلي فدوة طالعه كمر تخبلين صاحوني وره الباب اعقد عطيتو موافقتي وشتغلت الهليهل ورجعتو مكاني خايفه بطني وجعتني من التوتر قالو الشيخ ديجي يلبس الذهب للعروس لبسو حجاباتهم النسوان وفات الشيخ كنت منزلي راسي مستحيه كثير وخايفه سلم عليه رفعتو راسي وكانت الصدمه نفس الولد الي كان يطلع بوجهي الصبح ويلحقني.

طالع يخبل رغم كبير عمرو بس مامبين علينو الي يشوفو يطعينو بدايه الثلاثين مداري نفسو لاعشتو.
ضحك بوجي وشاورني قلي مبروك علينا قلتولو الله يباركلك لبسني الحلقه وأيدي ترجف قلي لترجفين يروح الشيخ انتي
كلامو حلو بس خايفه معرف ليش من نظرتو هذاك اليوم الي صعقتني عيونو عيون نسر حااادة لبسني الذهب وباسني من راسي وطلع...
الحمد لله اخذتو نفس حابسه انفاسي هو يمي... الحمد لله تمت على خير.

عناد: - ثاني يوم صبح رحت رتبت نفسي وحلقت وفرحان ستوني احس روحي متزوج لان ماعرف الحب النزرع بكلبي الها رغم صغيره واحتمال اعاني هواي من اسلوبها بس شسوي الحب ميعرف عمر ولا وقت اشتريت حلقه وذهب وراها الوقت مشه ركض اجه العصر اخذنا شيخ وعمامي واجه معتصم هلهل الي
معتصم: - شايف كل خير ان شاء الله..

عناد: - تسلم ابن العم رحنا لبيت صديقي وتمت الخطبه عقدنه اني وياها فتت شفتها تجنن ياربي فدوه البسها حلقه ترجف خايفه يارب تممها علينه رجعت للبيت وره شويه اجت امي نسوان عمامي يباركلي كتلها يمه اسبوع الجاي عرسي
ام عناد: - ليش مستعجل يمه
عناد: - احسن وما عدي شي حته انتضر
ام عناد: - الي تشوفه حبيبي براحتك..

عناد: - دزيت موبايل بيد امي تنطيها حته احجي وياها اتصلت بليل بيها هادئه وخجوله واني هم من احجي وياها انسه روحي كمت أجر الكلمه جر وياها وبالكوه افهم كلامها موصلي فعانيت شويه كل شويه اكوللها عيدي بوضوح اريد افتهم اوووف بله رجال شكبرني هزتني هل زغيرووني شوكت تجي يمي واشبع منها كملت منها ونمت اتامل حياتي صير للأحسن هاي رابع زواج الي بس احس روحي متزوج اول مره احس بهيج أجواء لان رايدها قلبي الله يتمملنا يارب...

زمرد: عقدتو انا والشيخ العناد وبدت التلفونات كان فرحان وبده يحكيلي قصة حياتو وعلى زوجتو الثلاثه وحكى على عنود الله يرحمها واشون تأثر بوقتها اشتغلت الغيرة عندي ومع نفسي ضحكتو قلتو هي ميته اشون اغار من ميته وحكالي على نورس وعلاقتو بيها هم ضجتو وقلتولو ليش مبقيها اذا هاكذ وضعكم رد..هاي امانه عندي ويتيمه اسكتو ماطيق احكي شي وماعرف انا ليش ضجتو من اسمعتو بيها..

قال الاسبوع الجاي عرسنا يومين وتعقد محكمه قالتولو ليش مستعجل هشكل
جاوبني وعيضحك اريدج يمي ماصبر. سكتو ماعترضتو نهيتو المكالمه واصفنتو وانا عدذكر من اشوفو الصبح ومن امشي عيونو تترقبني صح رفضتونو لان أكبر مني بس من شفتونو نفس الولد غيرتو رأيي ماعرف اشنو الشعور الي بداخلي ضليتو افكر إلى أن نمتو ومااشعر بنفسي.

مرت يومين بدلتو ملابسي لبستو قميص طويل وبنطلون ونسقتو وعليهم شال دحق عليه من فوق ليجوه شكلو ماعجبو لبسي وضااج ثولتوها هههههه ركبنا السيارة ورانا سيارة بيها ولاد عمو عقدنا محكمه بسرعه عندهم معارف متأخرنا قال معزومه على الغدويه بيتنا قلتولو اوكي ماعندي مانع...

رجعنا بيتهم اتصلتو على بابا قال اعرف الشيخ خبرني وأخذ موافقتي سديتو الاتصال وسلمتو على امو حبابه...وانا عيوني دور على نورس بعد شويه اجت نورس بيدها طفل عمرو تقريبا ٧ سنوات وشويه يخبل الله يحفظو تقرب يم الشيخ وهي معانو سلمت علينو وجها مبينه ضايجه باركتلي عفتوها اشعمللها عشتووو عناد قعد مقابيلي وابنو بحضني ابوسو خدودو تخبل حياتي وعناد صافن بوجهي.

تغدينا وقال تعالي اشوفكي الغرفه صعدتو الدرج وهو حاضني من خصري قربني منو كثير رجف جسمي اول مرة احس هذا الاحساس دخلنا بالغرفه شفتوها تجنن كبيرة حييل واخشابه راقيه شعرتو بينو حييل حضني من ورى وشمني سالني رئي بالغرفه جاوبتو حلوة قال مااحلى منكي ومن عيونكي ابتعدت شويه عنو سحبني بسرعه وباسني بشفتي وصار يتفنن بيها معرف الاحساس الي انا بينو غمضتو عيوني همس باذني احبج ابتسمتو بخجل من الشي الصار معانا وكلي خوف رأسن ابتعدتو عنو.

الفصل التالي
جميع الفصول
روايات الكاتب
روايات مشابهة
الآراء والتعليقات على الرواية
W